تجمع بنات ادارة سكن ومؤسسات متجدد باذن الله

[نيكييتا]

شوفي في كليتنا ممكن يقولو لك اختاري اي شي و ندخلك عادي بس للإحتياط خليكي في السليم

بس اذا حابة ادارة سكن ترا اعرف كم وحدة هي بإختيارها كلمتهم و قالت لهم انها علمي و هي تبى دا التخصص

يعني انتي اختاري الي تبيه و لو حطوكي في شي تاني وقتها تروحي لهم و تفهميهم انك تبى تخصص ادبي عن رغبتك

^ ـ ^

[Byo0on]

المشاركة الأصلية كتبت بواسطة memo.s انا اعرف العلمي يدخلو اي شي بس انتي سألتي مين ؟؟ مين اللي قالت لك تدخلي كل شي لانك علمي ؟

سالت الشوون اللي في كلية الاقتصاد المنزلي

[Ispanya]

المشاركة الأصلية كتبت بواسطة نيكييتا حسب ظروفك على حد علمي يعني الي عندها من جد ظرف قاهر ممكن يراعوها شويا بس اهم شي لازم تكوني متسكنة في كلية و بعدها نجي لهرجة التخصص بس حسب كلامك انك متخصصة اداب فوالله مني عارفة كيف اجاوبك و احنا هنا اقتصاد منزلي ^^" ربنا ييسرك الأفضل و اي سؤال ان شاء الله كلنا نساعدك

طيب ي نيكييتا لو اطلب تحويل او بتسكن بكليه بعد رمضان واراجعهم يجي ؟؟

وربي يسعدك ي عسل

[نيكييتا]

كل ماكان بدري كل ما كان في صالحك بس مدري و الله عن دواماتهم

بس انتي اقرأي في دا الموضوع اكثر لأني ماعندي خبرة كبيرة في موضوع التحويل

و استمري اسألي امكن تلقي أحد جرب هذا الشي

و ان شاء الله تتوفقي

^ ـ ^

[غلا اهلي]

حبيت اسال عن مادة اقتصاديات الأسرة وترشيد الاستهلاك hhm 322 مع الدكتورة صباح معوض

[نيكييتا]

دكتورة صباح ماسبق و اخذت معاها شي بس عامة المادة سهلة بس المقرف فيها انو بالأخير في باب فيه شوية حسابات و قوانين و كدا

بس اجمالا المادة ماعليها كلام و مهي صعبة

ربنا يسهل لك و يسهل لنا ^ ـ ^

[الانامل الذهبيه]

حبيت اسال عن مادة اقتصاديات الأسرة وترشيد الاستهلاك hhm 322 مع الدكتورة صباح معوض

انا درست مع الدكتورة صباح البيت التدريبي ممممرا اسئلتها سهله بس مشكلتها ماتأشر ولاتعترف بذا الشيء


بس درجاتنا كانت مرتفعه عندها

[super lazy]

الي درسوا ممكن يقولو لي عن جدولهم كيف كان انا شفت الخطه الي حاطتها لنا الجامعه بس يعني بالعموم ادرس من 8 الى 1 مثلا او في ايام اقعد فيها لين 3؟

و اذا كان عندي بريكات و انا ما ابغاها اقدر اضيف مواد من المواد الحره او حقت الترم الثاني ازيدها على الترم الاول؟

[نيكييتا]

شوفي اذا عندك معمل غصب عنك حتقعدي لما ٣ او ممكن ٤

البريكات صراحة لا مفر منها يعني لازم يجيكي سمستر كدا فيه بريك ممل

بس حطي ببالك انتي عندك كل سمستر ١٨ ساعة ماتقدري تزودي عليها مهما كان الا لو كنتي تخرج

و لو تبي نصيحة مجرب بمليون ريال لا تلعبي في الخطة و خليكي ماشية معاها افضل شي

لأنك لو لعبتي في المواد و غيرتي في الخطة رح تحووووسي و بالذات في نهاية سنوات دراستك

بس غالبا لا تشيلي هم في المواعيد لأنو أمر مفروغ منه انو كل سمستر حيجيكي يوم تخرجي فيه متأخرة بسبب المعمل

غير كذا كل شي حيكون ماشي تمام ان شاء الله

و بالتوفيق ^ ـ ^

[sara b]

انا تحضيري علمي .. كم نسبة القبول بادارة سكن ومؤسسات ؟؟ ولازم يكون عندي موهبة الرسم او اي شي ثاني ؟؟
وهل لها مستقبل وظيفي او لا ؟.
وشكرا