الأسئلة والاستفسارات عن كلية طب الأسنان ..

[THE HILL]

دكتر لولو يا قلبي ترا التحضيري اسهههههل من الثانوي والله <~ صدقيني

بس يبغالها مذاكرة اول باول لانك تعرفي انو تحديد التخصصات ع حسب نسبتك الموزونه وانتي كل ما اجتهدتي كل ما صارت نسبتك اعلى ,,


وكلام الناس لا تعطيه وجه



ونصييجه مني اقري المواضيع اللي عاملتها المشرفه غلا روحي " في قسم المنتظمين " حتفييدك كثيير..



وبنات دفعتنا ما راح يقصرو معآكم ف النصايح ^^




الله يوفقك ياارب ونشوفك ف كليه الاسنان نهايه السنه الجايه ^^- اذا استخرتي و ما تغير رايك طبعا - :)~





....

[Dr~NanoOok]

كلام الناس حيبقى دايمًا كلام.. وحيبقى زي ماهو
مُحبط و سلبي ومخيف !

فـ يا إننا ناخده ونستفيد منه ..
أو هو يستفيد مننا ! بأن ياكل من صحتنا و راحة بالنا.. وبالأخير نخسر كل شي

خديها تحدي.. وهو أكبر حافز ممكن يساعدك على تخطي أي شي صعب بحياتك
وغضّي الطرف عن كلام الناس ولا كأنك سمعتي شي منهم

الشي سهولة أو صعوبته.. جماله أو بشاعته
انتِ بنفسك اللي حتحدديها .. لما تجربيها وتعيشيها بنفسك

توكلي على الله وحيساعدك.. وأعملي افضل ما عندك
وتأكدي ان ربنا ابدا ما يضيع تعب أحد
اذا ما كان هنا.. فأكيد بالجنة ! وفي أجمل وأعظم من كده .. فلله الحمد دوما


~


أنا من الدفعات اللي ما درست سنة تحضيرية .. فالأخوة قبلي ماشالله ما قصّروا وقالولك عن تجربتهم فيها

لكن ممكن أخبرك عن سنة أولى طب اللي عشناها
أول سنة لينا في الجامعة.. عالم جديد وكل شي جديد
ومسمى اننا دخلنا كلية طب يخلينا نرتعب من الداخل !

لكن مرّت على أحسن حال.. وعشناها بكل مافيها.. وكانت أروع أروع سنين حياتي فعلا
برغم "صعوبتها" نوعا ما ببدايتها.. لكنها جميلة وما تتنسى أبدا


بالتوفيق لك عزيزتي.. وباذن الله نشوفك معنا بطب الأسنان الجاية الجاية
^_^

[Evil Teeth]

سلام عليكم ورحمة الله وبركاته

أنا ولله الحمد تفكيت من السنه التحبيطيه

همممــــ سنه تحضيره صعبه من حيث أن الجدول مليااااان والإنجليزي يجيب صرع من كثر الوقت ولااااكن المواد سهل ولااااكن لاتتكاسلي وإلا حتروحي في خبر كانَ وأخواتها.

بعض النصائح :
1- لازم تلاقي ملخصات كويسه من البدايه
2- ما تقدري تتوقعي صعوبة أو سهولة الإختبار
3-قد تكوني جايبا في بعض المواد درجه نوعا ما غير جيده وفي نهايه تلاقي إنك دخلتي تخصص إلي تبغيه ( لا تفقدي الأمل أبداااااا ) <<<< من تجربه

وهذا إلي أذكرو حتى الأن وإذا ذكرت أي شي بأحاول أرجع أكتبو مره ثانيه


إذا في أي استفسارات عندك دكاتره ودكتورات ما شاء الله يكفوا ويوفوا. أنا إن شاء الله موجود إذا في أي استفسار.

والحمد لله رب العالمين .

[لولو الشهري]

انا ماني عارفه وش اقول لساني عاجز عن شكركل اللي ردواعليه وتفاعلومعي لكن زي ماقلت اول مالكم عندي الاالدعاءالدعاءالدعاء في ظهرالغيب اخواني واخواتي Evil Teeth Dr~NanoOok THE HILL RAN~Dr.rori اشكرلكم تفاعلكم وردودكم اللي اعتبرها وسام على صدري وأن شاء الله راح استفيد منها كلها واطبقها .أختي دكتوره هديل اتشرف ولله بصحبتك ومانستغني ابدا اذاعندي اي استفسارراح ارسلك على الخاص وانامتاكده انك ماراح تقصري الله ييسرلك كل امورك ودمتم جميعا.

[amiwa]

يا حلوة.. من جد زي ما قالو الاخوان والاخوات, كلام الناس دخليه من اذن وخرجيييييييه من الاذن التانية .. والله!! مافي شي الا صعب صعب مقرف متعب bla bla bla

القدرات والتحصيلي مثلا,, قالو صععععب ومدري ايش ما حنخش الجامعة!
واجتزناها الحمدلله بكل يسر وسهولة^^

السنة التحضيري ماهي صعبة, بالعكس انا بالنسبالي كانت الحمدلله اسهل بكتير من الثانوي من ناحية تكدس المواد والمنهج والدوام الطوييل حق المدرسة

الدوام في الجامعة طبعا على حسب الجداول فانتي ادعي ياااااارب ما يدوكي بريكات خنفشارية ابو ساعتين او ثلاث. انا قعدت ادعـــــــــــــــــي ربنا والحمدلله جدولي كان كل يوم تقريبا من الساعة 8-11 او 9:30-12
غير الانجلش 3 ساعات لمدة 6 اسابيع (كانو صحباتي بياكلوني من الحسد هههههههه)
يعني ادعييييي ادعيييييي (وادعي كمان انو يكونو اساتذتك تمام واذا حابة اقللك مين احسن ناس ممكن تحولي عندهم ارسللك عالخاص لو تبغي)

من ناحية المذاكرة, الرياضيات والكيماء دولا لاااااااازم يتذاكروا اول بأول لازم لازم لا تكسلي^^
الباقي ممكن تاخذي راحتك فيهم (يعني مو مو مررة P:)

وتتسهل ان شاءالله خديها مني ترى والله السنة التحضيرية حلللللللوة واذا انتي من النوع اللي يحب يتعرف على وجوه جديدة فمررررة راح تنبسطي

واخيرا.. الدفع كل مالها بتتشطّر ماشاءالله ويزيدو تنافس على المقاعد المحدودة في الكليات الصحية, فإنتي كل ما تحسي نفسك تعبتي قولي معليش أضغط على نفسي شوية لانو السنة دي هية اللي راح تحدد مستقبلي باذن الله بالتوفيق يارب وسوري طولت عليكي
ان شاءالله يااااااااااارب نشوفك في كليتنا السنة الجاية (اذا فيها خير ليكي) ^^

[Dina-s-b]

لااااااااااا تسمعي كلام الناس :( انا غلطتي سمعت كلام الناس واتاخرت سنة :( اتهورت بداية السنة ومن الخوف حولت ادبي وبعدين لمن شفت الناس كيف ماشيين اكلت هوا وسحبت وعدت التحضيري علمي :( والحمد لله دخلت اسنان..:) مررررررة لا تسمعي لكلام الناس والله التحضيري حلوووووووة واحلى من المدرسة فمزاكرتها..!! هوا اللي مصعبها القلق النفسي انو انا مو عارفة ايش انا اتخصصت وتحتاري كيف المواد واول ترم حوسة الجامعه والضياع اللي انتي فيه غير كدا صدقيني حتستمتعي وما راح تحسي غير السنة خلصت :) من جد لا تسمعي لكلام الناس ترى ما يضيع غيرو..!! انتي جربي واحكمي بنفسك لانو الصعب عليكي سهل على غيرك وانا ما بقولك الكلام دا انو حق بس كلام ابو خرش هههههههههههه يعني مو قصدي اطمنك وبس والله انو من جد كلامي وكلام البنات حتفتكريه لمن تدخلي..انتي ومستواكي وشطارتك التحضيري مختلفة تماما عن الثانوي ناس كانت اصعب عليهم وناس اسهل..بس انتي ان شاء الله تكون اسهل واللي كانت عليهم صعبة مو عشان هيا صعبة على فكرة.!! هيا كانت عليهم صعبة يمكن لان ما عرفو كيف النظام او ما اهتمو وحسبوها زي الثانوي..يعني اسباب فيهم هما مو فالتحضيرية..:) انتي شدي حيلك وان شاء الله تدخلي اللي تتمنيه وزي ما قلنالك كلام الناس لا تسمعيـــــــــه..التحضيري الشي الوحيد اللي اقلك صعب فيها هوا القلق النفسي اما حتى الكتب حتشوفيها كبييييييييرة بس ما تدرسي اكتر من ربع الكتاب..!! لمن تشوفيها لا تنفجعي ههههههههههههه ترى لو شفتي المنهج اللي حتدرسيه حتقولي وجع ومعطيننا دا الكتاب كلو على ايه :p
والمنهج واضح مو زي ايام الثانوي الكتاب كلو تزاكري ما تلاقي غير كلمتين مفيدة والباقي كلام فاضي :( لا المناهج على طول يعطيكي القانون طبقي عليه ولا احفظي التعريف وخلاص..يعني تزاكري قليل وباقي الوقت تحلي تمارين لان لو ماحليتي هنا المشكلة هههههههههههههههه ..لازم تحلي وخلاص تعدي السنة يعني لا تخافي كتير بس انو زاكري كويس ومو تزاكري يوم الاختبار..المادة لازم على الاقل تزاكريها مرة قبل الاختبار ومرة فوقت الاختبار وتحلي تمارين..:) وبالتوفيق :*

[~RAN~]

^
الجدول ينزل جاهز والي يدرسونا برضو

يعني ماتقدر تختار اي دكتور او دكتوره
اساسا طلاب طب الاسنان كلكم كلاس واحد ~

[محمد عماد]

عندي اسئلة بسيطة عن كلية طب الأسنان

انا اعرف انو في مواد تدرسوها في سنة ثانية على ترمين (زي البايوكمستري)
هل الترم الأول من 100 والترم الثاني من 100
ام مجموع الترمين =100

السؤال الثاني : في الطب البشري .. الطالب الي يقل معدله عن 2 تنقطع عنه المكافئة ويحول الى الطب الموازي
هذا هذا الشيء موجود في كلية الأسنان ولا لا ؟؟


وجزاكم الله خير
وكل عام وانتم بخير :)

[مَـزٍآج ..}..]

المشاركة الأصلية كتبت بواسطة ريال سعودي عندي اسئلة بسيطة عن كلية طب الأسنان انا اعرف انو في مواد تدرسوها في سنة ثانية على ترمين (زي البايوكمستري) هل الترم الأول من 100 والترم الثاني من 100 ام مجموع الترمين =100 السؤال الثاني : في الطب البشري .. الطالب الي يقل معدله عن 2 تنقطع عنه المكافئة ويحول الى الطب الموازي هذا هذا الشيء موجود في كلية الأسنان ولا لا ؟؟ وجزاكم الله خير وكل عام وانتم بخير :)

موإأد الطب البشري تكون

خمسين درجه ترم اول وخمسين درجه ترم ثآني يعني السنه كلها مجموعها ميـه . .

لكن موإأد الاسنان عندها حسسبه ثانيه . .

بالنسبه للسؤال الثاني مافي طب موإأزي في الاسنان . .بس اتووقع الي يقل معدله

تنقطع عليه المكافئه لحد ما يرفعوو .. !!

[محمد عماد]

المشاركة الأصلية كتبت بواسطة مَـزٍآج ..}.. موإأد الطب البشري تكون خمسين درجه ترم اول وخمسين درجه ترم ثآني يعني السنه كلها مجموعها ميـه . . لكن موإأد الاسنان عندها حسسبه ثانيه . . بالنسبه للسؤال الثاني مافي طب موإأزي في الاسنان . .بس اتووقع الي يقل معدله تنقطع عليه المكافئه لحد ما يرفعوو .. !!

يعطيك العافية د. مزاج
وجزاك الله خير

بس ملاحظة بسيطة :
في الطب البشري مافي مادة ندرسها على ترمين .. المادة الواحدة ندرسها في ترم واحد