هزلت خلاص .. وياقلبي لا تحزن

[رويده عباس]

الله ييسر لكم اموركم

[زيـــنـــة]

بنات ، مرة ما ينفع تشتكوا في الجريدة قبل ما يسير أي إجراء في الجامعة ، نكون سوينا اللي علينا عالأقل ،،،

خلينا نتروى و بعدين إذا ما لقينا استجابة ممكن نتوجه للإعلام ،،،


ما فهمت ايش بخصوص الأسماء عزيزتي اللي قالت عن الأسماء ، لابد نكتب أسماءنا عشان يكون في مصداقية و نضمن يوم ما نتجمع البنات ما يتخلفوا و يقولو احنا ما قلنا ولا نبغى شي !!!

[صمتى حكى بك]

بنات انا كلمت صحفية وقالت لي راح تنشر معاناتنا وطلبت مني طلبات وهذي هي
1/شكوى خطية موقع عليها من قبل 10 طالبات على الاقل باسمائهن الصريحة"ان امكن"
2/اذكري صور اخرى توضح ماتعانونه من تعامل سيء من قبل الموظفات والمشرفات
2/هل كافة طالبات الجامعة يعانون من هذه المشكلة ام في قسم اللغات فقط
4/ماهي الآلية المتبعة لديكم في الجامعة بخصوص التعديل والحذف
5/لماذا التقديم المباشر فماالمانع من ان تستخدمن الموقع الالكتروني لانهاء اجراءاتكم؟هل هو عدم ثقة وتخوف من ان تطغى المحسوبية وتحرمكمم من تحقيق طلباتكم
6/هل تقدمتن بشكوى لادارة الجامعه بهذ1ا الخصوص؟وادا كانت الاجابة بنعم فماذا كان الرد
7/ذكرتي وجود محسوبية اسهمت في الحد من تحقيق طموحاتكم واحلامكن حددي قدر المستطاع صورا من تلك المحسوبية ولو كان لديك توثيق فهذا افضل بكثير ويساعد على فضح المتسببين فيها
8/اذكري اسماء الموظفات او المشرفات وطبيعة اعمالهن بالضبط اللاتي تعانين من تصرفاتهن"علما انها ليست للنشر انما سيلمح اليها "

شكله مافي غير هالحل
المهم مشكلتنا تنحل الي موافقة معي تراسلني على الخاص

[زيـــنـــة]

عزيزتي ، أنا حأحاول أرسلك رقمي و دقي عليا ، بس خلي الرسايل تتفعل ،،،

[*MISS CUTE*]

شكله مافي حل غير الواحد يشتكي بصراحة موضوع ما ينسكت عليه ...
دحين الله يستر من الترم الجاي وجداول الترم الجاي ...
خلاص الترم الصيفي مو مشكلة خيرة يابنات ...
نعوضها الترم الجاي ان شاء الله ...

[زيـــنـــة]

بنات Please قولوا لي ايش رأيكم ، أروح اليوم و أسجل ولا لأ ؟
بصراحة أنا مترددة من ردة فعلها أخاف تكون مو زي ما أنا أتمنى ، و بعدين أنا ترى حذفت الترم من عندي يوم الجمعة عشان عرفت انو د.سوزان هيا اللي حتعطي المادة اللي كنت ابغاها ،،،

أنا مخلصة 89 ساعة و لله الحمد ، بس ماأعرف تنصحوني أروح لها ولا أسكت و اقعد في مكاني ؟

[*MISS CUTE*]

المشاركة الأصلية كتبت بواسطة زيـــنـــة بنات Please قولوا لي ايش رأيكم ، أروح اليوم و أسجل ولا لأ ؟ بصراحة أنا مترددة من ردة فعلها أخاف تكون مو زي ما أنا أتمنى ، و بعدين أنا ترى حذفت الترم من عندي يوم الجمعة عشان عرفت انو د.سوزان هيا اللي حتعطي المادة اللي كنت ابغاها ،،، أنا مخلصة 89 ساعة و لله الحمد ، بس ماأعرف تنصحوني أروح لها ولا أسكت و اقعد في مكاني ؟

انا راي لا ...
ما حتستفيدي شيء ..
لسه الدكتور رندا مصرة على رأيها ...
واذا حاسة انه في امل استخيري وشوفي ...
ربنا يسر لك ...

[زيـــنـــة]

أشكرك جزيل الشكر عزيزتي ، أنا رحت الجامعة اليوم و سألتني كم مادة بقي لك و قلت لها ، قالت اذا في أماكن فاضية تعالي يوم السبت و سجلي ، ما قالت لا ، بس تقول تعطي الأولوية لطالبات التخرج القريب ،،،

تصدقوا ، اليوم أدتني دووووش ، عشان راسلت اللي كانت تدرسني كتابة وو تقول اني جرحت فيها و اني اتطاولت عليها و انو مو من حقي أسوي كدا ، لو في بنات شافوا الفيلم اللي سار أكييييييييد عرفوني ،،،

من جد حلال تاخدو حقكم بالطريقة اللي تناسبكم ، روحو و قدمو شكواكم للصحافة ، و خلينا نشوف ايش ممكن ينعدل في الموضوع ، إذا على كلمتين سار فيا كدا و مجلس تأديبي ، أجل بعدين ايش يسير ان شالله ؟ ، و بعدين أحب أقول لكم شي ، انتو كلكم طلعتو صح و أنا اللي غلط ، أنا أخطأت لما قلت لكم ما اتكلمنا مع المسؤولين في الجامعة ، بس يظهر انو انا اعطيتهم فرصة و قام الموضوع انقلب ضدي ...

أنا شخصيا كرهت الجامعة ، ما أبغى منها أبيض ولا أسود ، لا ولا يفوتكم يا بنات ، تقول لي أنا الاستاذة ورتني الايميلات اللي رسلتيها ، و بما اني ارسلت لـ د.امل استفسر عن سبب رسوب كتير بنات ، راحت هيا كمان و ورت الرسالة لـ د.رندا ، و تقول لي كيف أقول انو التصحيح مبني على آراء شخصية !
شفتو ؟! ، هوا دا التجريح اللي أنا قلتو ، هوا دا اللي تقول احنا ما حبينا نسوي لك مجلس تأديبي و نتفاهم معاكي !
مجلس تأديبي عشان قلت انو بيستندوا على آراء شخصية في التصحيح !

انتبهوا يا بنات ، لا تترسلو لمدرّساتكم عشان لا تنفصلوا من الجامعة ترم بسبب الكلام دا !!!!!!!!!!!!!

[mesk-3]

حسبي الله ونعم والوكيل

هم فوقنا

بس الله فوقهم

[صمتى حكى بك]

اووووووووووووف اوووووووووووووف
وعلى ايه هذا كله
حسبي الله ونعم الوكيل الله