بنات دراسات طفوله

[ساكنه في بيتنا]

^_^


اهلا بيكي في أي وقت

[روح الربيع]

ألف شكر لك ساكنة في بيتنا ماقصرتي معلومات جيدة ومحمسة =)
اذا انقبلت في القسم ان شاءالله تنصحيني امشي على الخطة أفضل ولا لا ؟؟
وودي أعرف مين أحسن الأستاذات ؟
(كلهم ان شاءالله فيهم الخير بس أكيد يختلفوا في طريقة الشرح وأسلوب الأسئلة وغيره )
وجزاك الله خير ^.^

[ساكنه في بيتنا]

^_^

اهلا بيكي يا ستي .. العفو ..

اكيد الافضل تمشي على الخطه عشان وقت التخرج ان شاء الله لا تحوسي لو طق في بالهم يغيروا الخطه ..


ممم طيب انا اقلك من الآخر ..
شرح ان شااء الله كلهم يعرفوا يشرحوا ,, بس في دكتوره مرررررررررررررره حبوبه و طييييبه و تساعدك لو تبغي اي شي .. بس انها ما تشرح شي المنهج ,, من بدايه السنه توزع المنهج على البنات يختاروا المواضيع و يشرحوها في يومهم المحدد ..

الأسلوب دا ليه ايجابيته و سلبيته ..

الايجابيه انو يخليكي تتجرئي شويه و انتي تشرحي و تطلعي و تقرئي في مواضيع مختلفه ..
و السلبيه انو المحاضره تكون مرررررررررررره ملله لو البنات ما يعرفوا يشرحوا .. بس الصراحه ممكن تعمل مداخله لو حست انو الموضوع حايس ..


بس اللي مررره احب آخد معاهم ..
د. نهله قهوجي / د. نجود السديري / أ. ميساء اندرقيري / د.نداء جمبي / أ. هلا مرزا / أ. لينه المنصوري .. دولا الليفي بالي حاليا << مين بقيت ..

بس فيه كم وحده جديده ما اعرف عنهم شي ..

د. مها اركوبي .. لو درستك الله يكون في عونك .. عن نفسي ما فهمت منها شي و اسلوب اختباراتها غريب و تصحيحها ما ادري بأي طريقه يكون !! ... بس انسانه عندها زوق و محترمه ..


اسئله الاختبارات تقريبا كلهم ماشيين على نمط السهل الممتنع

بس د. نداء و د. هدى مافي زي اسئلتهم ابداً في اي مكان وزمان ..

[Rana Hesham]

في دكتوره مرررررررررررررره حبوبه و طييييبه و تساعدك لو تبغي اي شي .. بس انها ما تشرح شي المنهج ,, من بدايه السنه توزع المنهج على البنات يختاروا المواضيع و يشرحوها في يومهم المحدد ..

طيب ايش اسم هاذي الدكتوره ؟ وايش تدرس ؟؟ ^_^

[ساكنه في بيتنا]

المشاركة الأصلية كتبت بواسطة r.h.m في دكتوره مرررررررررررررره حبوبه و طييييبه و تساعدك لو تبغي اي شي .. بس انها ما تشرح شي المنهج ,, من بدايه السنه توزع المنهج على البنات يختاروا المواضيع و يشرحوها في يومهم المحدد .. طيب ايش اسم هاذي الدكتوره ؟ وايش تدرس ؟؟ ^_^

د. زين ناصف ..

ممم اخدت معاها

قياس و تقويم و طرق تدريس 2 و النظري حق التدريب ..

[روح الربيع]

جزاااك الله خير ماقصرتي ولو عندي أي استفسار ثاني برجع لك =)

[Rana Hesham]

الله يعطيك العافيه ياساكنه الدكتوره هدى إلي أسئلتها مافي زيها ايش لقبها ؟؟؟؟ ^_*

[ساكنه في بيتنا]

روح الربيع ,, استناكي في اي وقت ..

R.h.m ,, اسمها د. هدى جلال << مصريه ..

بس ترا لا تحسبيها سهله ..

نسيت اقلكم انو مافي زيها في اي مكان و زمان من كتر ماهي تعتمد على الفهم بشكل كبيييييييييييييييييير .. تحسي مدري كيف تجيهم ما شاء الله .. << صعبه شويتين لو منتي مذاكره زي الناس و ماكنتي منتبهه في المحاضرات ..

[Rana Hesham]

شكرا والله يعيننا عليهم

[ساكنه في بيتنا]

؛)

آمين يارب ..