✿!{.. آراءكم في الدكتورات |{للطالبات}ﾟ¨ﾟ*

[طالبة عزوز]

انا اخذت محاسبه 117 : مع سحر وكان شرحها رائع
وتخصص محاضرات تحل فيها اسئله
وتعيد وتزيد يعني ماتقولك لا ولا شيء وتحضر بنفسها
مررره انسانه محترمه وحبيتها
لو تعطيي محاسبه 213 راح اخذ معها


اقتصاد جزئي107 : اخذت مع ناديه ماحبيت اسلوبها
صح تضحك وتسولف وكذا بس يمكن لاني ما افهم كثير معها
وغير الدورين حقينها صعبه لانو تقول مو كل الكلاس ياخذ نفس الدرجه
لازم ناس درجات حلوه وناس لا والتحضير يمر عليك
اذا انتي مررره اوك بالانقلش تنفع لك طبعا لانها باكستانيه ماتفهم عربي


اخذت عربي 101: مع حسنه مرره تركز ع التحضير واللي تتأخر غياب
بس شرحها حلو مع انو نهاية المنهج مشت بسرعه تقول سهل


انقلش 201 : اخذتها مع صايمه ياناسو عليها
بالبدايه مسويه انها شديده وهي من جنبها
بس كويسه والتحضير تمرر الورقه عليك


احصاء اعمال271 : هذي الماده جننتنا بمعنى الكلمه
انا جبت فيها درجه حلوه الحمدلله بس بتعب بصراحه
اول شيء انا اخذتها مع الهام شرحها حلو صح
بس ماتعيد واذا سألتيها اول شيء تسويها سالفه وبعدين تشرحها
التحضير تمرره لنا بس مو كثير انصح فيها ..

[mis-rose]

السلام عليكم. حبيت افيدكم عن المواد إلي أخذتها~1~ بالنسبة لمحاسبه حكوميه 213 انصحكم بسحر الجبروني باختصار تأخذين الممتاز عندها إذا ذاكرتي وهي تشرح كل شيء وشرحها ممتاز وتشرح بهدوا وتعيد إذا مافهمتي وتقول قبل الاختبار كل شيء ~2~ بالنسبة لاقتصاد جزئي بصراحة أنا ماكنت افهم منه بس الأسئلة كانت من الأوراق ويمدحون شرحه ~3~ بالنسبة لاقتصاد كلي أحسن دكتوره تعطي وبدون منازع حنان الجشعم طيبه وإخلاق والأسئله من الأوراق إلي تنزلها ~4~ بالنسبة لأنجليزي 2 مأرب مررره تجنن طيبه وأخذت عندها وجبت درجه ماعمري جبتها في الانجليزي وهي سعودية يارب يسعدها \ عندي طلب اش المواد السهله للمستوى 6 في قسم المحاسبة \ وشكرا أتمنى اني
افتدتكم

[My World]

حسناء وخالد كويسين
ابعععععععععععععععععدي عن اسماء باهرمز يقولون سيئة

[فتاة اقرأ]

بالنسبة للادارة اللي درسونا السمستر اللي راح فرانشيسكا - ديبا - رنا

فما اعرف عن الباقي شي عشان احكم عليهم صح ..

افضل اللي ذكرتهم ديبا .

[هــ م ــس]

ديبا احسن استاذه تعطيكي الـ a ولو تبغي البلس ركزي حبتين وتاخذيه
انا اخدت معاها a مادري كيف اعطتني هوا .؟
مرره جيده الحرمه ذي

.

ي ليت الشباب يفيدونا بخصوص الدكتور محمد العايدي
نزلي عنده اساسيات استثمار
مابغى اتورط لو مو كويس بغيره

[ع ـبث طـفلهـ]

الحاجه الامام رووووووووووووووووووعه بس بالمواد النظريه ابعدو عنها

[cello]

يا جماعة انا اخدت مع عائشة قبل كده مو سيئه حرام
والله الحرمة مافيها شي يمكن شديده شوي
بس ما تغلط على احد ولا تصرخ لا تخافو منها

[leeloo]

من تجررررررررربة نصيحه !!!!! لاتاخدووو مع صايمة تقرررا تقرررا تقررااا من السلايدات وبس وازا سألتوها من فين جا دا تقولك ماتعرفو تجمعو مدري ايه ماتشررررررح مع انها طيبة بس في الشرح مرررة لأ كلوو اعتماد على النفس كااان حمدالله بس
خدووو تمويل مع خديجة يقولو شرحهاا كويس ماشالله وفي وحده تانية مادري مين المهم مو صايمة

والتسويق مادة سهله بس مع نعيمة تقرف أسلووبها يالطيف يكرهك وعملتلنا كويز مفاجىء في نهاية الترم ماحددت اليوم وماحددت الشابتر كمان قالت يا 10 او 12 ووقتها كنا مضغوووطين واليوم الي عملت فيه الكويز كان عندي اختبار تمويل وبرزنتيشن انقليزي ولا زاكرت و 0 من 5 حمدالله ومرررررررره تركز على الحضووور بس سمعت انة محد حيدرس تسويق غيرها مدري

ونظم معلووومات مع شيمااء رشاااد عسووولة وطيبة وشرحها كويس مرره ماشالله

وانقليزي 2 مع استاذه مارب جستنية طيبة وعسل وتديكي درجاات

محاسبه 1 اخدت مع نهال الجندي ومرره عجبني شرحها منن جد تأسسك كويس
محاسبة 2 مع هياام كويس شرحها ماشي حالو بس احسها تركز على نظري اكترر انا عجبتني نهال اكتر

مبادىء ادارة مع فرانشييسكا يالهويييي !! بس كانت لسا اول مره بس حررام هية طيبة بس كنت اطفش في كلاس بس ممكن اتغيرت وقتها كانت جديده لسا

اقتصاد جزئي وكلي مع عفاف هيه شديدة بس شرحها ماشالله كووويس واتقاعدت خلااص

الله يوفقني ويوفقكم

[battota]

^^سيره نبويه والخلفاء الراشدين مع سمر السيد

امممممممممممم وفاء ي بنات يقولوا كووووووووووووويسه

[ahmad31]

رأيكمـ في الدكتور سُجاد حيدر (البريطاني) مبادئ ادارة .. كيف يشرح بالنقلش وإلا مكس ؟؟؟
متشائم منو كتير مدري لي !! :(
المشكله مافي غيره ,, وفي شعبه لسه مقفلة بس مني عارف متى تفتح ومين يدرسها

بالتوفيق للجميع يارب