مطالبة طلاب التعليم عن بعد بتغيير توزيع الدرجات 70 / 30 !!!!

[laff]

انا سنه تحضيريه يمديني اشارك معكم ولا بس المتخصصين
ومعاك حق النظام الاول احسن
ومسالة الرسائل الالكترونيه الي لازم ارسلها للدكتور
كله على بعضه مايدخل العقل
عطوني خبر اقدر اشارك
يعطيكم العافيه

[Last Hope]

المشاركة الأصلية كتبت بواسطة laff انا سنه تحضيريه يمديني اشارك معكم ولا بس المتخصصين ومعاك حق النظام الاول احسن ومسالة الرسائل الالكترونيه الي لازم ارسلها للدكتور كله على بعضه مايدخل العقل عطوني خبر اقدر اشارك يعطيكم العافيه

نعم يمديك تشارك

[laff]

تم التصويت وان شاء الله يوصل صوتنا لهم بأذن الله

[&R&]

تم توزيع الرابط والتصويت
بس ياريت لو تبلغنا كم وصل العدد حتى نتشجع اكثر

[aas.as]

أكيد معكم
يارب تيسر لنا

[متفائله بقوه]

اخوي سلطان انا معاكم

لكن فكرة ان يخلوا المحاضرة مرة في الشهر لا

انا اخترت تعليم عن بعد عشان فيه محاضرات .. ما ابغى تكون مره بالشهر

واذا صوت هذا معناها اني موافقه ..ياليت تحذف الفقرة

وكمان بالنسبة للاختبارات كيف جامعه الملك فيصل مافيها اختبارات

اجل من وين ياخذوا اعمال السنه ؟؟

وانا ضد تقليلها .. هي بالاساس خمس اختبارات واحنا طلبنا من الاساتذه انها تكون اكثر

وهم راح ياخذوا منها افضل خمس اختبارات .. يعني بصالحي كثرة الاختبارات مو ضدي


انا ضد المنتديات والرسائل وتقسيم الدرجات

وفي النهاية انا مو متفرغه ( موظفه) ومع هذا ابي محاضرات واختبارات

ياليت تعدل الخطاب عشان اقدر اصوت

[&R&]

تكاليف النظام اتوقع كلنا موافقين عليها ماحنغير في شكل النظام
فقط الاعتراض على توزيع درجات أعمال السنة انها ترجع 50% , 50 %
وهذا الشئ اللي يميزنا كنظام اننا بين الانتساب والانتظام
بس نريد تعديل التوزيع فقط لا غير

[Last Hope]

نعم انا ضد فكرة المحاضرات تكون مرة بالشهر وغيري كثيرين يوافقونني الراي
احنا نبغى محاضرات ونتواصل مع الاساتذة اسبوعيا ان لم يكن يوميا
وخاصتا الي من تخصص اللغات الاوربية عندنا مواد صعبه واخص بالذكر الفرنسي ، هذي كيف افهمها وهي لغة جدا جديدة علينا !؟ نحتاج المواد تكون مشروحه، وعني شخصيا احيانا انتظر يوم المحاضرة يجي عشان اسئل استاذه الماده عن الدرس لانهم احيانا مايردوا ع رسائلنا
اتمنى يا اخ سلطان تحذف فكرة انهم يخلوا المحاضرة مرة بالشهر مثل جامعة فيصل وايضا تقليل الاختبارات او الواجبات ، احنا نطلب زيادة عشان ترفع من درجاتنا ، ونبغى نكون زي المنتظمين عشان لما نطالبهم بشهادة مثل المنتظمين نكون نستحقها عن جدارة .
مانبغى نكون مثل الانتساب لاننا من الاساس ماخترنا غير نكون عن بعد عشان الميزات الي فيه
فلا تعطيهم فكرة ، يكفي الافكار الي ماشاء الله تطلعلهم بين ليلة وضحاها ونتفاجا منها !!!!

[MANAL HASSAN]

تم التصويت
يارب توصل اصوتنا

[Rwaq]

يعطيك ألف عااافيه أخوي سلطان
تم التصويت
وتم دعوة أكثر من 80 طالبة تعليم عن بعد
بالتوفيق للجميع