مشكلتي

[هايدي 2020]

اعقلي وو سمي بالرحمن تراها سمعه وشرف وقبايل وحمايل...’،

اغتنمي العشر الأواخر ../ توبي وادعي ان الله يعوضك.
ترى والله غلط ../ فكري بأهلك ..*
اتمنى لك حياة يملؤها راحة بال وسعادة فالدراين

.. فكري بعقل .: ابعدي قلبك عن الموضوع.. راح تتراجعين ع خطوة اعطاء الرقم له ..:

[جـيجي]

المشاركة الأصلية كتبت بواسطة lovely one وعليكم السلام ورحمة الله وبركاته لو اديتي رقم امك ... ممكن يفضحك او ممكن فعلا يدق يخطبك من اهلك لو اتزوجتيه ..... ممكن يعيشك في جحيم و يشك فيكي في كل كبيره وصغيره او ممكن يحبك زي اي زوجين او اكثر هذا سبب حيرتي وترددي ما اعرف اش اقولك بس شوفي تعامل الولد معا امو واخواتو هل حيقبل انو اختو تكلم واحد ؟؟ طيب هل حيقبل انو يزوج اختو واحد تعرفت عليه ؟؟ حاولي تكتشفي طريقة تفكيرو ؟؟ دي المره شغلي عقلك قبل قلبك نعم عنده ثلاثة اخوات تزوجو عن طريق الحب ممكن نعرف كم عمرك ؟؟ وكم عمرو ؟؟ ومتى اتعرفتي عليه ؟؟ عمري 18 سنه وعمره 23 ، قبل 3 سنوات * الـحب الـذي يـبدأ فـي الـهاتف يـنتهي فـي الـهاتـف . !! والـحب الـذي يـبدأ فـي الـنـت يـنتهي فـي الـنــت . !! والـحب الـذي يـأتي مـن الـنوافذ ...يـرحل مـن الـنوافذ . !! والحب الذي يأتى مـن البيـــوت .لا ينتهى إلى أن نموت !! فـاحـرصوا عـلى رٌقـي الـبدايـات كـي لاتـؤلـمكم الـنهايات

شكرا

[جـيجي]

المشاركة الأصلية كتبت بواسطة o-dody-o والله انصحك تبعدي عنو لانو مافي واحد في ذا الزمن صادق خاصةً الرجال كم مره سمعنا قصص وكم مره قرينا الهدف منها تفتيح الانسان على شي يجهلو ممكن نقطه انتي ما اديتيها اهميه اللي هما امك وابوكي والله مافي ام واب في ذي الدنيا يرضو بالشي ذا ايش بنتي اللي مربيها احسن تربيه اخرتها تتعرف على شباب ؟؟؟ ومن وين من النت؟؟ طيب انتي تعرفيه؟؟ تعرفي اهلو؟؟ قابلتيه؟؟ لا طبعا بس معرفة نت ياامي فتحي عينك كبري عقلك انتي في الجامعه منتي في المتوسط نقعد نعلمك ترى اللي تسويه غلط واعيد واكرر غلط انا اعرف وحده زيك اتعرفت على واحد عالنت ووصل الموضوع للجوال وبعدين قلها بتزوجك وادتو اسم ابوها وابوها واحد مشهور ومعروف بسمعتو وبأخلاقو وكل الناس تعرفو المهم مره راح المستشفى وبالصدفه شاف ابوها الانسان المشهور اللي كل الناس تعرفو جا وقلو انتبه لبناتك ترى بنتك تكلمني ووراه كل مكالماتهم ورسايلهم طبعا الاب جن جنونو كيف بنتي اللي مربيها ومعلمها الحلال من الحرام تكلم شباب حرمها من اللاب ومن الجوال ومن زياراتها لصحباتها وقلها اذا صحباتك بيجون يجون في البيت بس انك تروحيلهم لا وانتي طبعا ماترضي انو ذا الشي يسيرلك صح؟؟ وانا ذي الانسانه اعرفها معرفه قويه مو من يوم ولا يومين

شكرا لنصيحتك حبيبتي

[جـيجي]

المشاركة الأصلية كتبت بواسطة شرووق جيجي حبيبتي .. حتى لو تحبيه .. اطلبي ان الله يعوضك باللي احسن منو انا ماراح اقولك انو فيه وفيه وفيه لانك تحبيه ماراح تشوفي هالاشياء اللي انا اقصدهـآ .. والحب مو كل شي .. فكري كويس ربنا يسعدك .. دحين انتي بتفكري بعواطفك وبقلبك .. لكن فكري بعقلك الله يرزقك باللي احسن منو ..

شكررررررا لردك

[جـيجي]

المشاركة الأصلية كتبت بواسطة عندما يتكلم الصمت بسم الله الرحمن الرحيم أول حاجة أنا من زمان مسجلة في هذا المنتدى من سنين طويلة والله / صح ما بأشارك ولا بأدخل مواضيع بس بأتابع قسم الوظايف والمآستر أشوف نهاية الجامعة إيش بالضبط , و برضو أثناء مشاركتي عمري في حياتي مادخلت في مواضيع إستفتاءات الحب والزواج إللي بتنطرح في الساحة العامة لأن هذي المسآلة مهي قاعدة تُعمم والإنسان بيمشي عليها بل تختلف بإختلاف الظروف والأشخاص والعوامل المحيطة .. معليش بحاول قد ماأقدر أتكلم كلام واضح وبسيط لأن أنا عارفة كلامي شوي ممكن يكون معقد .. أولا ً تفكير الشخص هذا كيف ؟؟ لو بحجم الخردل تتوقعي ممكن يشك فيك على طول أنسحبي و السبب يطول شرحه وإللي قاعدته في الحياة إللي كلمتني كلمت غيري هذا معناه واحد سـطحي و مهو عارفك كويس أجل حبك كيف ؟ إذن = هذا شخص كاذب و ممكن تكون نزوة أو حب مهو عاطفي بقدر مهو مسمى رائج متداول الآن .. طيب ح تقوليلي أنا إللي حطيت نفسي في موضع شك من علاقتي فيه ؟؟ طيب ياما نساء تزوجو بطريقة تقليدية وأزواجهم شكاكين بيقفلو عليهم الأبواب والتلفونات والشبابيك حتى .. ! يعني المسألة ماتعتمد إعتماد كبير على علاقتكم .. وشوفي ياعزيزتي مسألة خنتي أهلك وخنتي دينك ومن هذا الكلام إللي بيقولوه إنتي أكثر وحده تقدر تحدد هذا الشئ لأنه إحنا الأعضاء مانعرف حدود العلاقة بينكم إيش ؟؟ ممكن تكون علاقة فيها إحترام وتقدير وكل واحد فيكم فاهم الطرف الثاني ومرتاح مو لازم تكون علاقة ( حمراء) يعني عشان يقولو خنتي أهلك ودينك وربك وإن كان كذلك يعني على بعض الأراء لأن الآراء تختلف ومستحيل تتوحد أهو إنتي ناوية تصححي هذا الشئ وتبدئي بداية طيبة .. وفي أسوأ الإحتمالات إيش ممكن يصير لاسمح الله ؟ الطلاق صح ؟؟ طيب ممكن تآخذي واحد وبرضو تطلقي أو يتزوج عليك أو يطلع واحد لمن يسآلو عنه أهلك ملازم الصفوف الأولى في المساجد و هو أكبر صاحب للسوابق بس الناس بـ تداري وتـ غطي وتقول يمكن يتصلح لمن يتزوج .. ! وياما شفنا قصص عيانا ً بيانا ً من هذي الشاكلة .. أنا ماأأيد هذي العلاقات أبدا ً مو عشان شئ عشان مو أغلبية الناس لها تفكير و وعي فاهمتني ؟ و كل الإحتمالات السيئة لو أتزوجتي غيره واردهـ :) وكل الإحتمالات الحلوة من إقترانك به برضو واردة والعكس في الحالتين صحيح .. ! لذا راجعي نفسك وحدود العلاقة بينكم راجعي حتى تفاصيلها البسيطة راجعي تقديره لك ولا حظي بأقول التقدير وليس الحب لأن الحب معروف ممكن يزيد وينقص مع العوامل المُساندة / إللي بأوصل له إنه ممكن بيتغير .. لكن التقدير شئ ثابت .. إما هذا الشخص يقدرك ويحترمك وإما لأ .. و أولا ً و آخـرا ً توجهي إلى الله في هذه الأيام الفضلـى و استعيني به .. و أخيرا ً ياعزيزتي رئيس جمهورية دولـة عظيمة في قارة أفريقا نُزع من كرسيه من خلال النت .. ! فـ إيش المانع من إرتباطك بـ شخص عن طريق النت .. ! الزمن اختلف و , اختلف كثيرا ً كلامي هذا ليس قاعـدة لأن القاعدة لابد أن تكون أطرافها ثابته .. والحب بما فيه كل يوم في شآن .. ! الله يختار لك الطـيب .. صمت ..

من جددد اشكررررررررررررررك ردك يريح القلب

[جـيجي]

المشاركة الأصلية كتبت بواسطة rubi شوفي ياقمر اخاف اقلك سيبيه وهو واحد سعودي كداب الخ الخ ويطلع بالحقيقة هو صادق وعقليته متفتحة وفتح الموضوع دا معاكي لانو خلاص عرفك مزبووووط وبنفس الوقت اخاف اقلك دا الحب الصادق وامدحلك فيه ويطلع بكل بساطة كداب وحتى لو صادق يكون من السعوديين اللي حيشك بعد الزواج او عالاقل يسمعك كم كلمة دااااايما فا نصيحتي لكي اذا في اي استفهامات براسك بشانو اعرفييييييييييها ومدة تعارفكم مهمة للحكم بمصداقيته

شكرا لردك يااختي

[جـيجي]

المشاركة الأصلية كتبت بواسطة m!ss sam شوفى انا وحده اعرفها متعرفه على شاب هالشاب هذا شافها فى بيت اخته وتعرفت عليه وصارت مكالمات وهالحين هو مملك عليها ويحبها مابينهم الا شهر بس تدرين وين المشكله هالمسلسلات والافلااام مأثره ع الكل مصوره كل شي حلو هالحين هى كل مازعلت رمت الدبله فى وجه وهو يرجع يترجاها من بدايه كذا بصراحه ينعاف تاليها انا بصراحححه بدون زعل الشباب اؤمن بالمثل اللى يقولل السعودى لايتزوج حبيبته ولايحب زوجته بس طبعا مو على الكل على الاغلب وسلامتك اخاف اقولك لاتوافقين تندمين واخاف اقولك وافقى وبمستقبلك تنظلمين بس استخييري والخيره فيما اختاره الله ياقلبي

شكرا لردك

[جـيجي]

المشاركة الأصلية كتبت بواسطة •♥fŗŌồtą ،، شوفي ياعسوله تبغي تعرفي اذا هوا صادق يوم قالك هاتي رقم امك اعطيه رقم وحده تعرفيها مثلا صاحبتك او اي وحده تعرف قصتك ^^ وقولي ذا رقم امي فحتى لو كان كذاب ما يقدر يمسك عليك شي وبعدها شوتيه اما اذا صادق وخلا امو تدق من جد قولي اعطيتك رقم اختي لانو امي ما معاها جوال وبس خلصنا من ذي القصه انا محا اسوي عليك نصيحه واقولك لا تزوجي لانو انتي عاقله وتعرفي اش الصح واش الغلط والله يوفقك ،،

شكرررا

[جـيجي]

المشاركة الأصلية كتبت بواسطة سكووت شوفي ، أول شي شيلي فكرة انك سويت ذنب عظيم و غلط كبير عشان تقدري تركزي بقرارك ، ثانيا الرسول عليه أفضل الصلاة و السلام قال بما معنى الحديث لم ار خير للمتحابين من الزواج .. فاللي يقولك ان الزواج بعد حب غلط لأنو بدايتو غلط مجرد أشخاص متأثرين بالعادات و التقاليد من وجهة نظري .. و حقولك قصة اخت صاحبتي و لو حبيتي أخليكي تتأكدي منها بنفسك ماعندي مانع ، تعرفت على واحد من النت 5 سنوات و دحين متزوجين و ماشالله حامل يعني كلو على بعضو كملو 7 أو 8 سنوات . . أخيرا استخيري و سوي اللي انتي ترتاحين لو مو اللي الناس يقولون عليه .. دي وجهة نظري الشخصية لصاحبة الموضوع فقط لاحد يجي يضاربني و شكرا

شكرررررررا يا اختي

[جـيجي]

المشاركة الأصلية كتبت بواسطة بيو كيميائية ^_^ شوفي أنا في نظري يعني حب 3 سنوات المفروض يتمـمـ بالزواج ولو كان كذاب كان ماقال يبي يتزوجكـ لأن اللعابين يتهربون ويغيرون الموضوع وأنتِ تقولي كلمتي أمه يعني الأم عندهـا خبر وأكيد ماترضى يلعب عليكِ وأنتِ تعرفيه أكثر منا وتعرفي أكيد إذا كذب 3 سنوات أظنها كفيلة تعرفكـ عليه أما الشكـ الشكـ مرض ناس يتزوجوا بنات مايعرفوهمـ ومع ذلكـ يشكون فيهمـ والله يوفقكـ ويكتب لكـ الخير وإن شاء الله يكون صادق معاكـِ ويسعدكـ وإستخيري

شكرا لردك