هاااام لطلاب وطالبات الانتساب ( بخصوص الرسوم 3000 )

[نزيهة المليكي]

من لايشكر الناس فلم يشكر الله..الشكر لك أخي على هذا الأنجاز اللي ناوي فيه تساعد الطلاب والطالبات,,أنا الحمد لله عندي أعفاء ولكن طلع بالقوة والحمد لله ..والله يعين البقية وأن شاء الله يجي أعفاء للجميع ويستبشروا بالخير..
الهي أحفظ والديه من كل شر ..وأحفظ أبنائه من كل سوء ..

[حنون200]

كلام جميل

من ناحيتي حاولت انسحب بعد ماعرفت بان الدراسة السنه الاولى بس بالرياض والباقي بجده صرت احسب مصاريف الاجار والاكل واللموزين لدرجه اني فكرت انام بمسجد الجامعة حاولت ازين الامور بخيالي انا من عشر سنوات وانا احاول ادرس والحمدالله قبلوني بس ماتوقعــت كل هذي المصاريف
متزوج مولود ساكن بغرفه اجار ولا جمعت شي
17-10-1431هـ حسابي 0
هم دراسة ولا هم مصاريف استغفرالله واتوب اليه
ساهر يطلبني خلال هذا الاسبوع 900 ريال ويمكن اكثر
لاكن الحمدالله لك يارب 1000 مره

[L.H]

شهادة الانتساب ماتقبل من جهة الوزارة الحكومية يعنى القطاع الحكومي
بس في القطاع الخاص

[989898]

مو بس 3000 الاف لا وسكن وكتب والله مايدورن كيف الفلوس هذي نجيبها كثير وربي كثير ياليت ينقصون منها شوي والله اني صرت اجمع الريالات والخمسات ولا افرط فيها عشان ماحتاج عس اول كنت اشتري الي ابغاه الحين الي ابغاة ماقدر اشترية كلة عشان احافظ على فلوسي ومادري يقبلوني في الاعفاء او لا بس اتوقع لا لان زوجي معلم وبيعطيني بس مو كل شي لانه مديون في بيتنا وماخلص وصرت ماقدر اصرف الفلوس زي اول من غير انه اذا قال انت مو مجبورة تدرسين وانا مو مجبور ادفع هذا حقة مو مكلف فيني وللحين هو الي يصرف علي وياخوفي يمل من المصاريف البيت يبغى والعيال يبغون وانا ابغى وبيتنا على قرض و اليوم تحطمت اني احتمال كبير مايجيني عقد هذي السنة بعد تعاقد 7 سنوات واكثر وقت كنت محتاجة الوظيفة فية هذي السنة بأذن الله تحطمت و اكتب ودموعي مغرقتني وماني مصدقة الي سمعتة وارجع اصبر نفسي واقول لعلة خيرا بس دموعي مو راضية تكف مني واحس بحزن يعصر قلبي وادعوا الله ان يعوضني ويصبرني ويجعلني اتقبل الوضع هذا احس اني ضعيفة وماني قادرة اتحمل كل مانفست عن نفسي شوي ارجع للي كنت فية بسرعة وارجع ابكي احس بحرقة في صدري وباقي عندي امل في ربي اني يعوضني عن التعب الي قاعدة اعيشة ابغى انسى ابغى اضحك من قلبي ابغى صبر وقوة احتمال بدون دموع مدري كيف ومتى بصدق واذا كتب الله وكملنا يقولوا الانتساب مو ماصار له مستقبل وبع الانتساب نبغى نكمل تربوي وبفلوس بعد لكن ماقول غير حسبي الله لااله الاهو علية توكلت وهو رب العرش العظيم ولااله الا انت سبحانك اني كنت من الظالمين وفوضت امري الى الله نا كتبت عن عقدي للمرة الثانية في المنتدى والسبب ابغى دعوة طيبة أن الله يبشرني بوظيفتي مثل مابشر يعقوب برؤية يوسف علية السلام ويخرج عقدي مثل مااخرج يونس من بطن الحوت ونجا ايوب من الضر الذي اصابة استغفر الله واتوب الية

[read candl]

جزاك الله الف مليووون خير ورحم الله والديك وحفظلك اولادك من مصائب الدنيا يارب العالمين
اخووي بالنسبه لي كافحت وطالبت بالاعفاء قد مااقدر ولاكن لا مجيب لندائي ووضعت موضوع بهذا الشان ووصلت الصفحات الى 50صفحه تقريبا ولم يجد جديد فالموضوع وانا قد ارسلته على ايميل الاستاذ صلاح الغيدان
اخي هذا موضوعي http://www.skaau.com/vb/showthread.php?t=219190

بارك الله في جهودك وجعلها في ميزان حسناتك

[989898]

الله يوفق كل من تحب ويرضيك ويرضيهم ويلبسكم العافية

[989898]

استغفر الله

[فاعل خير فقط]

السلام عليكم جميعا.
ارجوا من الاخوه عدم مراسلتي على الخاص ماعندي وقت والله ارد على كل استفسار وارجو المعذره.

يااخوان اوصيكم بالالحاح على الله سبحانه بالدعاء في كل اموركم فهو يفرج الهموم وينفس الكروب ويكشف السوء.

اختي بنت الحربي والله ثم والله ودي اساعدك انتي وكثير من الاخوه والاخوات ظروفهم لايعلمها الا الله ولكن مافي اليد حيله وترى النجاح لاياتي الى بعد الارهاق والتعب والمجاهده والمصابره. ولكن اوصيكي بالدعاء وخاصة اوقات الاجابه فان ربك يستحي اذا دعاه ابن ادم ان يرده صفرا. ( امن يجيب المضطر اذا دعاه ) انه الله عز وجل


يراسلوني بعض الاخوان على الخاص ويسموني ( ياطويل العمر ) ويطلبون مني اشياء لااستطيع عليها وهم يظنون اني مسؤول كبير في الدوله او ماشابه ذلك...

وياليتهم يطلبون الله ويدعونه كما يطلبون البشر الضعفاء ( فان امره بين الكاف والنون سبحانه وتعالى ) اما انا العبد الفقير لربه ماعندي الا كما ذكرت لكم سابقا انني سأبذل مابوسعي وهو اعداد تقرير مطول عن المشكله مع ذكر بعض القصص الوارده في الردود في معاناة توفير الرسوم ( لذلك ركزت على القصص ) ونشره في صحيفه الكترونيه مشهوره ...مرفق فيه معروض الاخ دمار اللذي انتظره يرسله لي على الخاص في ملف pdf.

ولكم مني ايها المنتسبون والمنتسبات بعض النصائح:
1- اكتبوا خطابات ومعاريض وارسلوها لايميلات كل المسؤولين سواء في الجامعه او الصحف ( عكاظ وغيرها ) وعل ايميلات الكتاب في كل الصحف بس حطوا ايميلكم في الخطابات ليتم الرد عليكم.
2-يجتمعون مجموعه من الطلاب ويذهبون لمكتب حقوق الانسان لتقديم شكوى ( يعني تحركوا شوي الله يعينكم)
3-مجموعه اخرى يذهبون للاماره بكل ادب وحضاره ليشرحوا لهم الموضوع ويحاولون معهم.

حركوا الموضوع على كل الاصعده عند ذاك ستسمعون الاخبار الطيبه باذن الله..

[ملتهي بغيري]

جزآك الله خير والحمدلله آن الدنيا فيها نآس مثلك

والله كثير يطلبوون آعفاء ترم بسبب هالشي قسمـ بالله يقهر

ع الاقل مو مشكله الرسوم بس يخفضوو فيها للنص ..

والشروط آغلبها نصب فيها وحده آعرفها رآحت وهي مطلقه ..

وماآعفووها من الرسوم قالولها لازمـ معدل عـآآآلي

والله ظلمـ وحرآمـ غيرنآ جآلس مو قآدر يكمل درآسته

وربي آني آشووف نآس آنقهر ع حآلهم اللي يسحب واللي مايقدر ..

الله المستعان بس وآن شاء الله ربي يفرجها للجميع يآآرب

[عبدالعزيز29]

اخــوي الله يجــزاك خيــر
ويرحم والديك عن النار
على الطــــرح الرائـــــع
لكن كثرت المواضيع عن الرسوم
من سنتين وهذا الموضوع يتكرر
واكيد الجامعه تدري بهذا الشي
ولا فعلت شي بخصوص تخفيض الرسوم
انا عن نفسي هالشهر لا استطيع ان اسدد الرسوم
لأنه عندي التزامات ضرورية خاصة لا استطيع اؤجلها لشهر الجاي......
احنا نريد شخص يكون مستعد ويتكفل بهذه الشغله شغلة تخفيض الرسوم
وان يكون صادق وجاد ويستطيع ان يوصل الى ذو الاختصاص واي شي يطلبه مننا كطلاب وطالبات احنا مستعدين
مثل الرقم الجامعي او غيره يحتاجه ويساعده لشكوى.
تعبنا من هالموضوع صارت كل مواضيع المنتدى عن تخفيض الرســوم