تجمع الراسبين lane 214

[المحروم..@]

شباب خلونا نرسل لسسبق .. ونتكلم عن مشاكل وعيوب الجامعة والفرق بينها وبين جامعة الملك فيصل واستغلالها لنا

تكفون يا جماعة ..

ونتكلم عن الدكاترة اللي ما همهم الطلااااب

تكفون تكفون


http://www.sabq.cc


اكتبوا ارقام جوالتكم ولا تخافون

[ماجد الشاوي]

السلام... انا عديت وجبت قول ... توفيق من الله ... الي الاخ ابو عبدالالة انت والله ما قصرت معنى في طرحك في هذا المنتدى ... يعني خيرك سابق ... !
أما بالنسبة للاختبار يا شباب صدقوني كلة من الكتاب ! يعني متوسط
بس فية نقطة مهمة مافي احد انتبة لها الا وهي وقت الاختبار, عادة مثل اختبار الاستماع لازم يكون كل شئ جاهز في القاعة من اجل التركيز بس الي شفتة غير والله كل الاسئلة كنت اقدر احلها بس الي منعني اسباب وهي:
التاخير - المسجل خرباااااان يالله مين يصلحة وصارت سالفة .
التوقيع - مين ما وقع انت وقعت ولا لا - يالله نبي نعيد التوقيع وصار سالفة.
ياكثر كلام المصري والله انة شتت افكاري وتركيزي
يوم ارتفع ضغطي وصل قالو يالله استمعوا وحلوا - اية هين والله اني ماسك اعصابي لا اقوم عليك وانت تقول يالله ابدوا.
الضاهر اني كثرت الحكي ... موفقين وفالكم a+

[المحروم..@]

اخ ماجد الشاوي .. اولاً حياك الله في موضوع تجمع الراسبين .. مع انه للراسبين بس انت دخلت

ثاني شيء تقول الاختبار متوسط .. ياخي اتقي الله بنفسك الدكتور يقول الاختبار بيكون اختياري وصار مقالي وتقول متوسط

الدكتور يقول الاختبار ما يطلع من السيديات وجات اكثر الاسئلة رايتنق وكتابة

ياخي معليش اذا انت عندك قدرات كبيرة ماشاء الله وعديت المادة غيرك .. ما وصل لمرحلتك

انا ذاكرت المادة وشديت حيلي فيها والحمد الله جبت 87 بالمية في الريدنق 2 وجبت في الرايتنق 80 يعني مستواي ولله الحمـد كويس

وتابعت كل اللي صار بالدورة التأهيلية وذاكرت المادة زين .. وتجيني انت تقول انها متوسطـه

على كل حال ياليت اللي مثلك .. يجون يسلمون علينا ويساعدونا ما يجون يلعبون فوق جراحنا ويستعرضون قدراتهم الرائعة في فهم المادة وقدراتهم الاروع في نظرتهم للاختبار

وشكراً

[فيصل بن ناصر]

ياشباب شدوا حيلكم الترم الجاي والله يوفقنا وياكم لما يحب ويرضى

[ابومعتز90]

السلام عليكم
الله يعطيكم العافيه و الف شكر على الوقفه هذي وانا معاكم وين ما تبغون انا ابو معتز من مكه دعوجي قديم انا برضه اخدت ابو جلمبو
وحسبي الله ونعم الوكيل

[ديراوي]

المشاركة الأصلية كتبت بواسطة العضوالحر اوف مرسب الشعب كلة ابي اعرف مين الي نجح دام اغلب الطلاب راسبين عليك من الله ما تستحق يا طارق سيدة والله انه ظالم عطيته الواجبات كاملة قال لي ناقصة كلمتة ع المشاركة والحضور قال لي انت غيابك كثير والله اني ما غبت ولا يوم والتاخير مرة وحدة و المشاركة دايما اشارك والاسالة غبية صراحة يشغلنا التراك وحنا ما ندري على اي سوال مثلا التراك الاول للسوال الخامس يعني ملخبطة وش نسوي مع المعقد ذا ؟؟؟؟؟؟

فعلا هذا اللي صار معنا في الاختبار يشغل السي دي وملخبط الاسئلة الله لايوفقة شكلة سيدة
الحمد لله عديناها ب60

[مجبور أبعد]

السلام عليكم ورحمة الله وبركاته

انا كان نموذجي a والسؤال الخامس كان يتكلم عن الطلبه والابحاث بس السي دي كان موضوعه التسويق والاعمال وكلمت دكتور الماده بنفس الاختبار اظن كان اسمه دولار علي ما اعتقد وقال لي مافيه الا هذا السي دي واتوقع ان السي دي كان جزئين وما شغلوا الا الجزء الاول بس .
بعد الاختبار رحت انا وكم واحد معي للاستاذ عبدالله الشهري رئيس القسم وقدمنا خطاب بالمشاكل الي صارت معانا وقالنا بناقش استاذ الماده بس لا تترجون شي اكيد مني .

ارجو تجمع جميع الطلبه وارسال شكوي لعميد الجامعه وارسال نسخه الي الصحف الورقية والالكترونية حتي يتم انصافنا . وشكرا لكم

[أبو عبدالاله]

اشكر حرصكم على التعاون ،،،، اما مسألة الجرائد فبنخليها اخر حل بعد ما نشوف رد رئيس القسم ،،،،

[المحروم..@]

لازم نتحمس يا شباب ..

وحتى اللي عدوا المادة ياليت يوقفون معنا

نبي نحط حد لهم .. نبي نطور هذا القسم

[فهدالقرني]

اههههههههههههههههههههههههههههه انتو بتعملو ايه الناس عمال بتحسب المعدلات وانتولسة بترغو في الموضوع
يالله ياعم خيرها بغيرها اماحاقة غريبببببببببببببببببببببببة ماتخفوش ياشباب في واحد بيشوف كل حاجة وراح ينصف ويعطي كل زي حقن حقة في صيفييييييي شباب ولالا