لننتصر على الكيمياء

[نادين]

ارجوووكم اشرحولي شابتر 3

انا منزلين لي هالماده بالغلط ؟؟ اخ بس.. انقهرت منهم ..قلك ايش قال لازم تاخديها

[الفراشه الحلو]

ممكن اعرف من وين راح تذاكر و الكيمو واذا راح تذاكروه من الكتاب راح تذاكر اللي تكتبوه مع الدكتورة والله كل شي ارجو الرد بسرعه لاني راح ابدأ اذاكرو ه بكرة بأذن الله اخلصوه ادعو لييييي

[υикиσωи]

<< ما فهمت مزبووط ..

المهم..حأزكر من الكتاااااب بسس...

[زهرة الثلج]

السلام عليكم ورحمة الله وبركاته :
مشكورة للي فتحت لنا هذا الموضوع وبأذن الله ربي يعطيك الأجر والثواب لأنك بتساعدي المحتاجين ..
ذاكرت ولله الحمد اليوم chapter 8 ولكن هناك بعض الأشياء التي لم افهمها وهي ..
1) صفحة 327 مثال 8.3 وصفحة 330 ..
2) صفحة 332 مثال 8.4

[υикиσωи]

[FONT="Tahoma"]

المشاركة الأصلية كتبت بواسطة زهرة الثلج السلام عليكم ورحمة الله وبركاته : مشكورة للي فتحت لنا هذا الموضوع وبأذن الله ربي يعطيك الأجر والثواب لأنك بتساعدي المحتاجين .. ذاكرت ولله الحمد اليوم chapter 8 ولكن هناك بعض الأشياء التي لم افهمها وهي .. 1) صفحة 327 مثال 8.3 وصفحة 330 .. 2) صفحة 332 مثال 8.4

ما شالله عليكي كويس انك زاكرتي ما شالله

بالنسبة لــ Ex. 8.3



Which one of these is larger…?!

(a) N-3 or F-

بما انو الاتنين ليهم 10 الكترونات ... يعني عدد المدارات فيهم نفسها .. الفرق بينهم هوا شحنة النواة .. في ايون النيتروجين حتكون شحنتها أقل ( عشان عندها 7 بروتونات ) من شحنة الفلور ( اللي عندو 9 بروتونات ) فحيجزب الفلور الالكترونات الخارجية بقوة أكبر ..تنكمش على أثرها النواة أكتر من أيون النيتروجين
اذن أيون النيتروجين أكبر قليلا من أيون الفلور



(b) Mg+2 or Ca+2

هادي ما يبغالها ... بما انهم في مجموعة وحدة .. فحيكون للكالسيوم عدد المستويات فيلو اكتر من التاني .. ازن حيكون الكالسيوم أكبر من المغنسيوم



(c) Fe+3 or Fe+2

كلهم ليهم نفس الشحنة ونفس عدد المستويات ... الفرق الوحيد بينهم انو Fe+3 حيكون فيلو عدد الالكترونات أقل من Fe+2 .. فالنواة حتجذب آخر الكترون بقوة أكبر .. عشان اتشال منو الكترون .. وبكدا حيصغر حجمو أكتر .. اذن Fe+2 حيكون حجمو أكبر شوية

[υикиσωи]

Ex. 8.4




Which atom have smaller 1st ionization energy: O or S ?!


أول شي بما انهم في مجموعة واحدة ..فحتقل طاقة التأين من اعلى الي اسفل زي محنا عارفين ... اذن الكبريت طاقة التأين حقتو هيا الأقل

\
/



Which atom have smaller 2nd ionization energy: Li or Be ?!

هنا ما قال طاقة التأين الاولى ... قال طاقة التأين التانية..
طيب لو شفنا اللثيوم والبريليوم حنلاقي انو التوزيع الالكتروني حقهم :
Li : 1s2 2s1 , Br : 1s2 2s2
في طاقة التأين الاولى للثيوم والبريليوم حيفقدو الكترون صح ..! ..وحيسيرو بدا الشكل
Li+ : 1s2 , Br+ : 1s2 2s1
طيب لما نجلي لطاقة التأين التانية ..حيفقدو كمانا الكترون تاني ..
وحنلاحظ انو البريليوم هنا ع عكس طاقة التأين الاولى ..حيفقد الكترون أسهل من اللثيوم ..عشان نزع الكترون وحيد من المدار التاني اسهل من نزع الكترون من مستوى مكتمل
بالتالي اللبريليوم حيحتاج طافة تأين ثانية أصغر من اللثيوم

[kind]

عندي سؤال في شابتر9
which of these atom is the most electronegative?
A-Li
B-Cs
C- P
D-As
E-Ge

وسؤال تاني(((((لو ما اعطتني جدول السالبيه كيف يتحل؟)))=(
The covelent bond with the greatest polarity would form in which of these atom pairs?
A)Br-Br
B)S-O
C)C-O
D) B-O

[υикиσωи]

المشاركة الأصلية كتبت بواسطة kind عندي سؤال في شابتر9 which of these atom is the most electronegative? A-Li B-Cs C- P D-As E-Ge

اول شي لازم نكون عارفين انو في الدورة الوحدةمن اليسار لليمين حتزداد السالبية ...
وفي المجموعة الوحد من الى لاسفل ...حتزداد السالبية

في حالة ازا ما ادونا جدول السالبية ...

نبدأ في الاستبعاد ..

اول شي اللثيوم ..بما انو مراا فوق وعاليسار فحتكون سالبيتو اقل شي فيهم ..فحنستبعدو
والسيزم برضو حنستبعدو لانو سالبيتو حتكون قليلة ...هادي ما عندنا مشكلة فيها لانو منطقيا نستبعدها


دحينا نجي للفوسفور والجرمانيوم والــAS <<ما عرف اسموو...

لو شفنا الجدول الدوري حنلاقي انوو الجرمانيوم والــAs في دورة وحدة
وزي محنا عافين انوحتزداد السالبية من اليسار لليمين .. اذن السابية الكهربائية للـAs أعلى
طيب ازن كدا ستبعدنا الجرمانيوم كمانا..

بقيلنا اخرشي الفوسفور والــAs
وبما انهم في محموعة وحدة ..وحسب محنا عارفين انوفي المجموعة الوحد من الى لاسفل ...حتزداد السالبية ..اذن الفوسفور ليلو اعلى سالبية

[بيو كيميائية ^_^]

زهرة الثلج العفو بس أنا مسويت شيء
وشكراً ع الدعوة الحلوة وربي يوفقك

[υикиσωи]

المشاركة الأصلية كتبت بواسطة kind وسؤال تاني(((((لو ما اعطتني جدول السالبيه كيف يتحل؟)))=( The covelent bond with the greatest polarity would form in which of these atom pairs? A)Br-Br B)S-O C)C-O D) B-O

<< دا السؤال ما اتوقع يجي بدون ما يدونا السالبية ...لانو كل السؤال ماشي تمام .. الااا الكبريت داخل غلط


اول شي لازم نعرف دا الشي ..77

القاعدة تقولك ... نطرح السالبية الكهربائية للذرة الاقل من الذرة الاعلى ... (يعني نوجد الفرق في السالبية بين الذرتين ) ازا كان الفرق : 1) الفرق ≥ 2 ... فالرابطة ايونية 2) الفرق بين 2 و صفر ... يعني 2 < الفرق < 0 ... فالرابطة تساهمية قطبية 3) الفرق = صفر ...فالرابطة تساهمية غير قطبية << عشان كدا دائما H2 , F2 وغيرها دائما غير قطبية ...لانهم ذرتين متشابهتين فاكيد ليهم نفس السالبية ...

لو بدأنا في الاستبعاد ..
حنستبعد Br - Br لانو الفرق في السالبية حيكون صفر ..فأكيد ما حيكون قطبي

اماا غباء انو حاطين الـc والــs ...لانو ما نقدر نقارن بينهم ...

تاني شي حنشوف B و C بما انو في دورة وحدة وزي ما قلنا اول ... فحيكون السالبية للــC أكبر
يعني سالبية الــB أقل ...
لما نوجد الفرق بين السالبية في المركبين .. حيكون الفرق أكبر بين BوO بالتالي حيكون أكتر قطبية

اذن الاجابة D