ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

اليوم تم تحديد زواج اخوووي الملازم أول / فيصل محمد الحربي

بشهر شعبان الجاي ان شاء الله (إن كنا من الحيين) ، بعد مايحصل على درجة الدكتوراهـ بالارصاد الجويه

يالبــى اخـــووووي المِعْـــرِس >> فديتـــــــــــــه ^_^

وطبعاً عرسه هنا في : (بـريدهـ) ، وباقي ماحددو الــقــاعه ...

وفيصل علشانه درس البكالوريوس والماستر والدكتوراهـ حالياً في (الغـربيه تحديداً (جـدهـ) >> يالبـى جـدهـ

وتوظف هناك بالبحريه الملكيه ..

عشق الغربيه ،، لدرجة انه شجع الاتحااااد وتعصب له ،، بعد ماكان هلالي >> هلاليه موووت ^_^

فقرر انه يجيب فرقه ينبعاويه تحيي حفــل زواجــه ،،

واخوي تركي طق صدرهـ وقال : وانا علي الفرقه النجديه ..

طبعاً عادة فرقه وحده نجيب بالعرس ،، بس فيصل يبي ينبعاوي ،، وتركي يقوله : الشيبان ماراح يستانسون الا بالنجدي ههههههههههههه

من جد حااااالتهم حااااااااااله !!!

لي عودهـ مع ترتيبات عرس اخوي لاحقاً ^_^

[سكون الورد k.a.u]

المشاركة الأصلية كتبت بواسطة تلميذ منتسب 8 ياهلا والله فيك ياسكون بموضوعك توني دخلت على مدونتك الرائعة وقرأت خبر زفاف اخيكم الكريم حفظه الله ورعاه ونسأل الله لهما التوفيق والذريه الصالحة التي تقر اعينهما ((( بارك الله لهما وبارك عليهما وجمع بينهما في خير )))

ياهلااااااااااااااا بك اكثــــر تلميــــــــــذ ..

الله يبـــــــاااااارك فيـــــك يااااااارب

لفته رااااائعه منك ياتلميـــذ ، وهالشي مو مستغرب عليك ابد ^_^ ، بغيت ارد عليك هناك ،، لكن ماحبيت اخرج عن الموضوع ونزعل منا الامبراطوره ^_^

تحياتي لشخصك الكريم

[سكون الورد k.a.u]

صباح الخير يامدونتي ،،،
و

صباح الورد ياقُرائهاااا ،،،


اشتقت لكم جميعاً ... وفقدتكم مررررهـ ..

بس لانشغالي بالكتب اضطريت اغيب شوي ...

ولانشغالي بصحتي اضطريت اغيب ...

طبعاً انا قبل غيابي .. كنت نازله من غرفتي بالدور الثاني ،، للدور الاول .. ولما وصلت الصاله السفليه (الدور الاول)

اغمي علي ..

وماحسيت بنفسي الا واهلي يصحوني ... والحمد لله صحيت ^_^

رحت للمستشفى وقالي الدكتور : ان اللي صابني هبوط شديد بالضغط بسبب قلة النوم والراحه وكثرة مقابلة الانترنت ..

وحذرني من كثرة الجلوس عليه ..

والحين الحمد والشكر للحي القيوم على نعماءهـ اتمتع بصحه وعافيه ^_^

[سكون الورد k.a.u]

شايله هم المذاكرهـ ..

والترم هذااا موادي جداً دسسسسسسسسمه ، وبديت اتعمق لدرجة عندي 5 مواد تخصصيه وماده عامه ..

بس لأول مرهـ احس انه مالي نَفس أذاكر ،،، مع اني شايله هم المذاكر ، واخاف على معدلي يطيح ..

بس مدري وش صايبني ؟؟؟

لاحول ولاقوة إلا بالله العلي العظيـــــــــــم

[سكون الورد k.a.u]

[سكون الورد k.a.u]

يسعد مسااااااكم ..

يامسااااء الأمل بالله ...

...... والطمأنينه في ظلـــــــــــه ...

........... والثقه بما عنــــــــــــــدهـ ...

يسعـــد مساااااااء نآآآآآآآس ٍ عَزهـم قلبــــــــــي

من بين كــــــــــــــل الخلايق (ياجعل ربي يوفقهـــــم)

ويجعل مزاجهم دوووومـ (رآآآآآيق)

يامســـــــاء الـــــــــــورد على مدونتــــــــــي وزوارهــــــــــا

[سكون الورد k.a.u]

اللهم يـــافــــارج الهــــــــم ،،، وياكــــــــاااااشف الغـــــــــم

ويامجيب دعوى المضطرين ...

فَرِج عن اخي (عـــــــــــــوض) همـــه من حيث لايحتسب .. واكشف غمه .. وأحرسه بعينك التي لاتنـــام


والله تقطع قلبي على اخوي طالب منكوب وهو يطلب دعاء اخوانه وخواته ...

اخوي طااااالب : تذكر : ((ضاااااااقت فلما استكملت حلقاتها فُرِجَت .. وكنت احسب انها لاتفرجُ))

لنا ولك رب رحيم كريم سميع مجيب الدعوااااااااااات ..

الله عزوجل استجااااااب دعاء ابليس حينما قال : (قَالَ رَبِّ فَأَنْظِرْنِي إِلَى يَوْمِ يُبْعَثُونَ قَالَ فَإِنَّكَ مِنَ الْمُنْظَرِينَ إِلَى يَوْمِ الْوَقْتِ الْمَعْلُومِ .... )


عليك ِ بالدعاااااء وألهج بذكر الله ، ولاتحزن ان معك رب سيهديك ..

[سكون الورد k.a.u]

المشاركة الأصلية كتبت بواسطة صقر الشمال * * مساء الخير الصراحه لي فتره عن المدونه واليوم رجعت ان شاء الله الاخوان والخوات تمام التمام ابارك الي الاخت سكون زواج اخوها الف مبروك منه المال ومنها العيال وحنا تحت الخدمه اذ بدكم شي -- فرقه ماعندي الا ثلاثه فرق سسسسسسسسسامري او دبج يالبي الدبكه او دسكو البدوو(( دحيه واو )) لنا اشرف بحضور الزواج------------ متابع الترتيبات - عن بعد هههههههههه بالتوفيق

مساء النور ياهلاااااا ..

هلا باخوي صقر ، اسفرت وانورت واستهلت وامطرت ..

الله يبارك فيك ، تسلم

يالله تحيي ولد الشمااال ، والله يزيدنا شرف حضورك ياخوي انت وكل الاعضاء والعضوات ..

وراح يزهى العرس بوجودكم ^_^ ..

واذا على الفِرَق اللي تقول عنها هههههههههههه عز الله انها ازين فرق ..

خصوصاً السااااامري >> يالبى السااامري وبس ^_^

عاد اقولك اخوي تركي يبي يجيب فرقه نجديه ان شاء الله ..

وبالمشاركه التاليه راح اكمل الترتيبات ^_^

للمرهـ الثانيه : الله يحييكم ويحيي الشماااااال كله ، لكم الصدر ولنا العتبه

للأسف توني امر على مدونتك الحلوهـ .. والحين شفت تعليقك اللي والله غفلت عنه بليااا ماادري ^_^ السموحه منك

واشكرك على التهنئه بالعيد .. ومن العاااايدين ياخوي، والله يعيدهـ علينا وعليك اعوام عديدهـ وأزمنه مديدهـ

^_^

[سكون الورد k.a.u]

نكمل باقي ترتيبات عرس اخوي (فيصل)

قبل لاابتدي بما انكم عرفتوا انه عندي أخين (تركي وفيصل) اجل تعرفوا عليهم كلهم بالترتيب :


تركي
سعود
طلال
مشعل
مشاري
خالد
فيصل

(يـالبــى أخـــوانــــي)

ولي اختين بعد

(يـالبــى خـــــــــواتي)


طبعاً كلهم أشقاءي وابوي ماتزوج غير امي .. وكلهم عايشين عندنا بالقصيم غير فيصل بجدهـ

والحلو بالموضوع ان اخواني كلهم لقبهم (أبـو محمـــــــد) >> يالبـــى ابوووووووي

والجدير بالذكر انهم كلهم (ضباط) اللي بالداخليه واللي بالحرس الوطني واللي بالدفاع والطيران

ولإن ابوي اصلاً عسكري وهو الآن (عميـــد) رباااهم على العسكريه وحب الوطن ... وخلاهم على قلب واحد ... ولقب واحد ومهنه وحدهـ (العسكريه) ، وهالشي تأصل فهم وحبوهـ ومشوا عليه حباً لا إكراهاً

اللهم لك الحمد اللي جعلتني إبنه لأمي وابي وأخت لأخواني وخواتي ..

>> ماتبطلين شطحااااتك !! العنوان بوادي وهاللي مفصحه عنه بوادي ثاني

يلاااااا ماعليه سامحوني راح اكمل الترتيبات ^_^ ادنــاهـ

[سكون الورد k.a.u]

نكمــــــــــــــــل ^_^

طبعاً لي يومين تقريباً او ثلاث غايبه عن المنتدى لانشغالي مع امي بالترتيب للعيد واشياء أخرى

والحمد لله تحدد العرس : يوم الخميس ، الموافق : 1/8/1433هـ ان شاء الله ببـريدهـ

وباقي ماحددو القــاعه ،،، مع اني اليوم رحت انا وفيصل وفرفرنا على القاعات ورشحنا ثلاث قاعات ومحتارين مابينهم ..

وننتظر انهم يرسون على بر بعد التشاور ...

>> اخوانها يثقون بذوقها ويحبون ياخذون رآيها بالرغم من انها اصغر وحده بالبيت كله

واختي البارح اتصلت على الطقاقه واحجزتها باليوم المحدد ...

طبعاً طلبناها بدون (أورق) لإن أمي ملتزمه وماتسمع ميوزك ماشاء الله عليها ،، فقلنا للطقاقه تجي وتجيب كل أدواتهاااااااا ماعدااا الأورق والعود ... (كَرامه لأمي >> يالبى بس)

واليوم وحنا مجتمعين عند جدتي (الله يطول بعمرها) اتفقت انا وبنات خواتي واخواني وبنات عمامي اننا نسوي قروب فله

يعني مجموعه مختصه بتقديم انواع الرقصات بالعرس :

دبكه ، خليجي ، شرقي ، عراقي ، وبدل مايصير الرقص مفرد راح يكون جماعي ازين (بس بترتيب مسبق وتدريب متقن) ، ويتم تشجيع الحاضرات علشان يبدعوووون معناااا ، ويستانسون ^_^

وطبعاً هالشي بتفق فيه مع بنات خوالي بعد ، وانا الزعيمه >> عز الله خرب العرس

واللي ضحكني ان اختي احجزت وحده وظيفتها بس (تغطرف ) في روايه اخرى ( تزغرت)

ياحرااااام والله اني راحمتهااااا يعني كذا حلقهاااا بيروح فيهاااا ، بس الظاهر انها متعودهـ


.... نكمل لاحقاً ^_^