كاراتيه بعد؟؟؟؟؟؟

[Da_JokEr]

المشاركة الأصلية كتبت بواسطة me 4 islam مالنا ومال العنف ...اهو نحنا كذا حلوين وآوكي ليش الغلبه ووجع الراس ولو انا داخله مزاجي انو اتعلم الكراتيه >>اسمها ابدا مو حلو حتعلمو حتى لو الناس مو عاجبها انو بنت تلعب ألعاب "عنيفه" اعتقد الحكاية اقتناع من نفس البت وما حيأثر عليها الكلام انو نحنا معاها ولا نص ونص وانا نفسي اتعلم التنس

انتي مزاجك عال العال,,,حلوة التنس مررة حلوووووة,,,عقبال يوم ما نشوفك زي سيرينا ويليامز

وحلوو انه يكون اقتناع,,,انا اشوف انه الظروف مهي مؤاتية لممارستها

عالاقل في حقوق اولى تكون مطالبين بيها بدل الكاراتيه,,,العنيف

ونشوووفك تاني

[Da_JokEr]

المشاركة الأصلية كتبت بواسطة دلوعه دوبني أتكلم مع خالي وأقوله لازم اتعلمها لو إني مت هذاك اليوم كان ماعندكم (... أنا ....) قام وحكالي نفس الحكاية اللي أنت قلتها،،،، يعني لازم نكسر الخوف أول ،،، وأول خوف تكسريه هو خوفك من البسة بعدين اتكلمي عن الكاراتيه دوبني اتأكد أنك صاحب حكمة ياخالي

بسس يا شيخة,,, بسسة؟؟؟

وسلمي على خالك,,فهو صاحب نظرة ثاقبة ومحنكة,,,

ونشوووفك تاني

[Da_JokEr]

المشاركة الأصلية كتبت بواسطة الحوووووووووووت بسم الله الرحمن الرحيم السلام عليكم ورحمة الله وبركاته مساء الخير .... ومشكووووووووووور على هذا الموضوع الرياضي ولك مني التقدير والاحترام .... ودمتم ،،،،،،،

وعليكم السلام ورحمة الله وبركاته

مساء الورد

والعفووووووووووووووووووووووو على هذا الرد الخطير ولك مني اجمل قلب

ونشوووفك تاني

[Da_JokEr]

المشاركة الأصلية كتبت بواسطة shaden والله أنا أشوف انه شي غريب بالنسبة لطبيعة الأنثى ونعومتها بس ونفس الوقت ما اعارض حقها في الممارسة من باب الهواية أو من باب الدفاع عن النفس لكن انا عن نفسي لا بصراحة بعدين والله عن تجربة قبل ماتخرج الوحدة تقرأ على نفسها وتحصن نفسها وربي يخفها من كل سوء مواضيعك دايما مميزة يادوكتور

صح جدا غريب,,تلاقي بنت تلعبها اصلا لو صار شي بعدين لا سمح الله بينها وبين زوجها

حنلاقي الزوج مضروب في عينه,,,ويتبكبك خخخخخخخخخ

وزوجته جالسة مع عمها وعمها يهدي فيها ويقولها مافي اي لزوم للعنف

وبعدين حكاية التحصين هدا شي اساسي ومفروغ منه وتشكري عليه لتنبيهنا عسى الله ن يذكرك بالشهادة

واحترم رايك ,,حتى لو كان هواية امممم لابأس لا بأس

ونشوووفك تاني

[Da_JokEr]

المشاركة الأصلية كتبت بواسطة tomy أنا معاك الكرتيه لها إجابيتها مع الإناث لكن نحن في مجتمع الرجل يحمي زوجته أما لو في روسياء أنا أول واحد بخلي زوجتي تلعب كونغوفو مو كراتيه لأن المجتمع هناك مسلح و الإعتدائات منتشره - - - - لو أموت ما أتزوج وحده تلعب كرتيه كيف مثلاً لو إني تعبان و قلت لــــهـــا قومي سوي لي غداء أضن ترميني برى البيت تخسااااااا

تكون عند بيت امك تبكي وتشتكي لابوك تعال ساعدني خخخخ

ضحكتني بردك لكنه واقعي جدا جدا جدا,,,,

وحلو كلامك بالتمام,,مجتمعنا محافظ وتقليدي والحمدلله والشك لله

ماعندنا مشكال بالسلاح او بالاختطاف او بالعنف

واذا وجدت تكاد تكون معدودة باقل من اصابع اليد الواحدة

بس شوف لا تتكلم عن انك ما تبغى وتتشرط الامور هدي قسمة ونصيب وارضى بالمكتوب وقول

الحمدلله ,,,<<<<نااوي يورطو مع وحدة تفقع عنونه

ونشوووووفك تاني

[Da_JokEr]

المشاركة الأصلية كتبت بواسطة northstar انني اعارضك الراي الرياضه عمرها ماتفقد المراة انوثتها بالعكس تفضي عليها النشاط والحيويه والمرونه التي نفتقدها وللاسف الشديد في كثير من نسائنا عندما يصلن سن 30 سنه وكانها بعمر 60 سنه ليس لديها اي لياقه او مرونه ومن اي مجهود تتعب وانا من اشد المولعين بالرياضه وامارسها باستمرار

اييه صح

رياضة عن رياضة تفرق

المشي والهرولة تفرق عن الملااكمة وبناء الاجسام صح ولا لا؟؟؟؟

بس صحيح كلامك الرياضة تنحت الجسم وتعطي انوثة زيادة على الانوثة اللي عندها

بس ما تكون رياضة عنيفة,,وفيها ضرب وضارب ومضروب

ونشوووفك تاني

[Da_JokEr]

المشاركة الأصلية كتبت بواسطة طالبة محاسبة انا عن نفسي ارفض هذه الرياضه للبنت لانه بتروح الرقه والنعومه بذي الحركات ههههه

يا سلاااااام عليكي,,,بالمختصر المفيد

تكون شرسة وعنيفة وجعرومية,,,,ماتررركب عالبنت مررررررررررة

وحلوة صورة البساس وفي رواية القطط,,, ونشووووووفك تاني

[Da_JokEr]

المشاركة الأصلية كتبت بواسطة قلب البحار كاراتيه ! ترا رياضة عن رياضة تفرق في اشياء للرجال وصعبة تنبلع ان انثى تلعب كاراتيه أو جودو ولا كمان كمال اجسام وعضلات ورفع أثقال مهما كان هي أنثى الراقي ردك اختصر لي كلام كثير وكلام رائع جوكر انتا رائع تسلم على النقل ههههههههههههههههههههههههههههه شي يضحك الله يعين بس كل مالنا لورا

انت رهيييب,,,وتجيب الكلام اللي ابغى اقوله

فيه فرق بين الرشاقة وبين بناء العضلات

اتخيل بالله عليكي تشوف بنت معضلة؟؟؟ وربي احتقرها اش هدا؟؟ فين انوثتها وفين نعومتها؟؟

سعدي بضحكتك,,,وسوي دعا اننا نقدم لقدام اكتر ونفصل الريوس ههههههههه

ونشووووفك تاني

[Da_JokEr]

المشاركة الأصلية كتبت بواسطة memoooo.2008 انا كمان معاك من دي الناحيه حلو اني اتعلم الكاراتيه بس من وجهة نظري ما أأيد تقام بطولات لا محليه ولا دوليه وأصلا من يوم ما شفتهم متلثمات عرفت انهم ننجا <<<< تسلم يا جوكر على الموضوع الحلو

شوفي لو جابو بطولة بالعكس حنفرح اكتر واكتر بدل الفضائح اللي بتسير,,,

نروح كأس العالم ونتخصص في اكل الاربعة ومضاعفاتها

ما تتغير الهمة والحلم ويسير نخطط لكاس العالم؟؟؟؟ ليش نحط الحواجز؟؟؟؟؟ مني عارف ليش

المهم المهم

انك تبغي تتعلمي الكاراتيه؟؟ صح طيب ليش؟؟؟؟ فيه احد مزعلك؟؟؟ وناوية عليه؟ ولا دفاع عالنفس؟

وياريت لو تجيبي قهوة اندونييسية خخخخخ

ونشووووفك تاني

[Da_JokEr]

المشاركة الأصلية كتبت بواسطة دلوعه يسلــــــــــــم بؤك سو ،،، وأنا معاكي مع كل كلمة تقوليها وأنا كمان بعد ما سرت أمارس الرياضة حسيت إني صغرت عشرين سنة صح إن اللي يمارسوا الرياضات العنيفة أشكالهم تخوف ،،، وما ودنا نسير زيهم بس نحنا نفسنا ندافع عن نفسنا ،،، لأنو مو كل الوقت يكون معانا رجال وفي ناس ما تقدر تبلغ عليهم 999

دحين كم سار عمرك؟؟؟ سنة وحدة قبل الميلاد؟؟ خخخخخخ

استمري عالرياضة وحافظي على نفس الريتم بس لا تتهوري وتاخدي بروتين

ولا تخافي بلغي رجال الامن فهم في خدمة المجتمع دائما

ونشووووفك تاني