تجمع الراغبات بالتقديم على ماجستير أحياء .13/3. نفيد ونستفيد

[ابتسامة دمعة]

السلام عليكم ورحمة الله
الكتاب الثاني اسمه التنظيم والتوجيه وعد صفحاته 345 صفحه وسعرة 80 ريال من جرير .. وسراحه الكتاب غثيث لكن توكلوا على الله ويارب نتوفق ..

[vipسحر]

وعليكم السلام ورجمة الله وبركاته

بالنسبه للكتب اللي تتذاكر انا سمعت انو كمانا كتاب الميكرو بيولجي اللي درسناه كمانا يجي منو لانو في اسئله بتجي عن الميكرو هذا والله اعلم

الكتاب اسمو علم الاحياء الدقيقه للدكتوره رقيه محمد قشقري

حبيت افيدكم والله يسهل ع الجميع ونتوفق ويقبلونا..........اللهم امين

[sam sh]

السلام عليكم ورحمة الله وبركاته

بنوتات جزاكم الله خير وربنا يوفق الجميع من جد كنت حايسة الخيارات صارت أقل

^_^

[(( ليمونة ))]

اسمعوا صحبتي راحت للجامعه وسالت وحده وقالت لها كتاب علووم الحياة مهم .
بعدين قابلت وحدة انقبلت بالماجستير قالت الكتاب مهم وحتجي اسئلة بالميكروبيولجي فذاكروا كتاب اسمه علم الاحياء الدقيقة لرقية محمد قربان قشقري .

[vipسحر]

بنات ربنا يسعدكم اللي جاوبت ع الاسئله تقولنا الاجوبه بس الصح والخطاء والاختياري
الابواب كثيره والاسئله شوي تدوخ

ما بقى كثير ع الاختبار

اللي حتساعد وتحط الاجوبه حتكسب اجر...........

[شمس العالم]

^^
انا دخلت السنة الماضية الاختبار

و الاسئلة ماخرجت عن كتابين علم الحياة 1و 2 ..

واسئلة المايكرو يمكن ما تتعدى 6 او 7 اسئلة من الموجود في كتاب علم الحياة 1

::



و الله أعلم

[(( ليمونة ))]

شمس سؤال ممكن تعلمينا كيف كانت طريقة الاسئلة ؟
كيف صعوبتها يعني بالمشرمحي اشرحي الوضع بليز .

[شمس العالم]

كانت 80 فقرة اختيار من متعدد

جدا جدا سهله حتى لو قراتي بس ... لكن بتركيز ..

مافي اشياء من بين السطور كله واضح .. واللي يقول دورات ورسومات وو ترى مافي اشياء من دا

الكتاب الاول كان اغلب الاسئلة او امكن كلها من الاسئلة نهاية كل باب ..

الثاني ما اتذكر غير انها ركزت على العين .. يعني جابت منه اسئلة كثيرة ..

::

والله اعلم

[lavita]

جزاك الله خير شمس العالم الله يوفقك يارب وتنقبلي في الماجستير وجميع المتقدمين يارب

بس اللي خايفة منه اللاتيني ولاشيء حفظت منه اخاف تجي مصطلحات وكمان كتابي عدد صفحاته 258 مو

345 اخاف يكون ناقص لانه قديم الله يستر ...واصلا يكفي علم الحياة الجزء الاول والتاني يادوبك اما الماكرو

ساعتها نختارها بالحظ مافيا اذاكر كتاب ثالث وجزاكم الله خير بنات اللي قلتوا لنا عن كتاب علم الاحياء الدقيقة

ويارب يوفقكم كلكم

[@sameer@]

المذاكرة من كتاب اسمه : مقدمة علم الحياه ، بجزئيه 1 و 2 - نظري ، للدكتور / نبيه باعشن ، مع التركيز على الأسئلة الموجودة في نهاية كل فصل.

لازم الطبعة جديدة