كما وعدتكم ... أسئلة اختبارنا اليوم لمادة ادارة اعمال دولية انقليش bus460

[ضحايا الصمت]

المشاركة الأصلية كتبت بواسطة عسوله موووت جزاك الله كل خير الله يجعلها في ميزان حسناتك ولا يحرمك الاجر ويسهل عليك كل صعب

امين يارب واياكي والجميع

[ضحايا الصمت]

المشاركة الأصلية كتبت بواسطة سكاي جوي اخوي ضحايا الصمت هذا دكتور صالح مو صح ياخوي ؟؟

لا ياغالي هذي مادة ادراة اعمال دولية باللغة الانقليزية bus-460 عند الدكتور ناصر كدسه

[ضحايا الصمت]

المشاركة الأصلية كتبت بواسطة ضحايا الصمت أهااااااااااااااااااا طيب ياستي انا الان والله عندي مذاكرة وانتو لسا باقي على اختباركم وقت طويل ... اسبوع تقريبا لكن ..... باذن الله اليوم في الليل بافضى واشرحها بالتفصيــــــــــــــل الممل الين تفهميها ترى سهللللللللللة وربي سهلللللللللللة بس هونوها لاتصعبوها على انفسكم وان شاء الله ربنا بيسهلها عليكم وبالتوفيق يارب

معليش ياختي اليوم مالحقت ......

بكرة باذن الله

[الما الورد]

الله ييسرلك اختبار المالية يارب وحبيت اسألك الاحصائيات الي فيch2 ما جاب اسئله عنها

[ضحايا الصمت]

المشاركة الأصلية كتبت بواسطة الما الورد الله ييسرلك اختبار المالية يارب وحبيت اسألك الاحصائيات الي فيch2 ما جاب اسئله عنها

ولا جاب سيرتها ابدا ابدا

بس ممكن يجيبها لكم .... ليش لا

[ضحايا الصمت]

طيب .... الان بنشرح الجدول حق نسب التكامل الاقتصادي العالمي ... للثلاث كتل الموجودة : امريكا الشمالية & اوروبا الشرقية & آسيا .

الشرح طويييييييييل وبتفصيل ممللللل للي مو فاهم الموضوع ... الي فاهم مايحتاج يقراه ويضيع وقت ..

قبل لانبدأ بالشرح لازم نبسط فكرة الكتل الاقتصادية : وهي عبارة عن مجموعه دول متجاورة تربطهم اكثر من رابطه ومتعاونه ومتكاتله اقتصاديا ضد الغير .. يعني بينهم وبين بعض علاقات خاص واجراءات غير عن الدول الي ماهو عضو في هذا التكتل ..

على الصعيد الجامعي " لتبسيط الفكرة لا اكثر " نقدر نقول انه عندنا كتل على مستوى الكليات :

-كلية الادارة والاقتصاد: وهي عبارة عن تكتل بين طلاب الموارد البشرية والتسويق وادارة الاعمال الدولية وادارة العمليات والجودة وادارة الخدمات الصحية وتنظيم وتطوير اداري .... احنا ياطلاب الادارة نشكل كتله وكل قسم يشكل دولة يتحدو مع بعض في اقليم واحد وهو اقليم الادارة والاقتصاد . حلو ؟؟ حلو

-كلية الاداب :وهي عبارة عن تكتل بين طلاب الدراسات الاسلامية واللغة العربية و التاريخ واللغة الانقليزية ... وهما كطلاب كلية الاداب يشكلو كتله وكل قسم او تخصص يشكل دولة يتحدو مع بعض في اقليم واحد وهو اقليم كلية الاداب .

-كلية الهندسة : وهي عبارة عن تكتل بين طلاب الهندسة الكهربائية والهندسة الميكانيكية والهندسة المعمارية وهندسة البترول ..... وهما كطلاب كلية الهندسة يشكلو كتله وكل قسم او تخصص يشكل دولة يتحدو مع بعض في اقليم واحد وهو اقليم كلية الهندسة ..... كذا وضحت الصورة اعتقد



طيب نفس الشي على المستوى الاقتصادي:

هناك تكتل بين الولايات الامريكية ويشكلون كتله ,, وبين دول اوروبا ويشكلون كتله وبين دول اسيا ويشكلون كتله ..

طيب ايش فايدة التكتلات هذي ؟؟

طبعا تعطي فرصة لزيادة الثروة وتعطي استقرار ونمو اقتصادي وكذلك تعاااااااااااااااون سياسي بين الدول الاعضاء وانشاء اسواق مشتركه وتعزيز التجارة الحرة طبعا هذا يتطلب تنازلات وتوحيد سياسات وتعاون خااااااااااص بين الدول الاعضاء على حسب نوع التكامل الي حيصير بينهم " من الاربعه الانواع المعروفة "


الان نجي للجدول وهوا عبارة عن احصائية تبين مدى نجاح هذا التكتل ومدى اعتماد الكتل على ذاتها وعلى الكتل الاخرى

طبعا كل كتلة لها صادرات وورادات ... والكتل الناجحه هيا الي تكون صادراتها وواردتها لداخل الاقليم او لاعضاء كتلتها وكل مازاد نسبة الصادرات والواردات لجيراني اعضاء كتلتي عياااال عمي كل ما كان افضل

الجدول الي موجود مبين نسب الصادرات والواردات لداااااااااخل الاقليم فقط ,,, يعني مثلا اذا كانت نسبة الصادرات داخل الاقليم الاوربي هو 70% ايش معناه ؟؟
معناه ان 70% من الصادرات هي لدول الاقليم الذي تنمتي اليه والــ 30% الباقية هيا للخارج طبعا الجدول ماراح يقولك 30% للخارج لانو بديهي .... اذا للداخل 70 معناته للخارج 30 .... بالبساطه هذي

يتبع .....

[ضحايا الصمت]

طيب الان نحط الجدول ونشوف :

الجدول الي موجود في المذكرة او الي حيجي في الاختبار حيجيب النسب الي باللون الاسود فقط والي هيا نسب الصادرات والواردات لداخل الاقليم ... نقوم احنا نحط خط جنبه ونكتب زي مو بالاحمر انا مسوي نسب الصدارات والواردات لخااااااارج الاقليم ... زي مانتو شايفين مجموعهم يكمل 100% يعني على سبيل المثال نسبة صادرات امريكا لداخل الاقليم هيا 27.1 وبالتالي نسب صادرات لخارج الاقليم = 100-27.1 = 72.9 وهكذا .... صارت النسب الموجودة اساسا في الجدول والي باللون الاسود هيا الي لداخل الاقليم والنسب الي بالاحمر هيا لخارج الاقليم .. سواء صادرات او واردات


الكتلة -------- % اجمالي الصاردات لداخل الاقليم ------- % اجمالي الورادات لداخل الاقليم
import intra-regional ------------- export intra-regional ------------ bloc
امريكا ------------------------- 27.1 | 72.9 ------------------- 39.6 | 60.4
اوربا ------------------------- 67.6 | 32.4 ----------------- 69.1 | 30.9
اسيا --------------------------- 56.7 | 43.3 ----------------- 46.6 | 53.4

الدكتور ناصر لو يشوف الجدول هذا بيعطيني اف على طوووول

طيب الاختبار ايش يقول ؟؟

يقول ماهي اعلى دولة في الصادرات داخل الاقليم او export intra-regional؟؟ الجواب اكيد هو اوروبا بنسبة 67.6 مرة سهل
السؤال الثاني يقول ماهي اقل دولة في الواردات لداخل الاقليم او import intra-regional ؟؟ الجواب ببساطه هو امريكا بنسبة 39.6 وبرضوا سهل جدا

طيب في التكه البسيطه ؟؟ في السؤال التالي ولو انه مايبغاله ذكاء

يقول ماهي اعلى دولة في الصادرات خااااااااااااااااااااارج الاقليم او export non-regional ؟؟
الجواب اكيد هو امريكا بنسبة 72.9 الي ماهي موجوده في الجدول واحنا حطيناها

طيب السؤال الي بعده يقول ثاني اعلى دولة في الواردات من خااااااااااااااااااااااااااارج الاقليم او import non-regional ؟؟

الجواب هو اسيا بنسية 53.4 وبس

طبعا هوا ماراح يسأل عن كم النسبة هذي بس لتتوضيح

هو حيقول ايهم اعلى في كيذا وايهم اقل في كيذا وماهي ثاني دولة في كيذا







وصلى الله على سيدنا محمد وعلى اله وصحبه وسلم

لاتنسونا من صالح دعائكم



والي عندو اي استفسار انا حاضر ...بشرط دعوة مقدمة بس في ظهر الدعوة

اسف على الاطاله ولكن لتوضيح الصورة للي مو واضحه عنده ... واتمنى بكيذا تكون وضحت

بالتوفيق للجميع يارب

[ضحايا الصمت]

وضحت الصورة الان يا mooomdreeem ؟؟

[ضحايا الصمت]

يااجمااااااااااااعه تنبييييييييييه انا عندي خطأ في الجدول نفسه حطيت الصادرات محل الواردات
مو قلتلكم الدكتور ناصر لو شافه بيرسبني


المهم الفكرة نفسها بس بكيذا اجوبة الاسئلة حتختلف طبعا

حنعيد كتابة الاسئلة مع اجوبتها من جديد .... بس انتو لاتطالعو في الجدول الي فوووق طالعو في الجدول الي عندكم في المذكرة


ماهي اعلى دولة في الصادرات داخل الاقليم او export intra-regional؟
الجواب اوروبا بنسبه 69,1


ماهي اقل دولة في الواردات لداخل الاقليم او import intra-regional ؟؟
الجواب امريكا بنسبه 27,1



وكمان ماهي اعلى دولة في الصادرات خااااااااااااااااااااارج الاقليم او export non-regional ؟
الجواب امريكا بنسبه 60,4


ثاني اعلى دولة في الواردات من خااااااااااااااااااااااااااارج الاقليم او import non-regional ؟؟
الجواب اسيا بنسبه 43,3


زي ماسبق وقلت انه ماراح يطلب النسب ولكن للتوضيح


اسف جدا اذا لخبطتكم ولكن سامحوني ....

[nana-1409]

اخويا ضحايا الصمت انت ايش كان نموذجك وهل في النموذجين الاسئله متشابهه ...
وشكرا من جد تعبناك كتير معانا يعطيك العافيه يارب وربي يوفقك..