تجربتي بعد التخرج ادارة مستشفيات وصحة

[Haniss22]

السلام عليكم ورحمة الله وبركاتة ,,,,,

حبيت اعرض لكم تجربتي الشخصية بعد تخرجي ادارة مستشفيات ( انتساب ) لعلي افيد بها زملائي الطلاب

اول شي وقبل دراستي لهذا التخصص كنت ومازلت موظف في مستشفى التخصصي كفني علاج طبيعي من عام 2003 حاصل على دبلوم ولصعوبة اكمال مرحلة البكلريوس بهذا المجال بحثت عن تخصص صحي اقدر ادرسة عن طريق الانتساب وكان هذا الخيار الوحيد لي بهذا الوقت التحقت بجامعة الملك عبدالعزيز في اخر 2009 ولله الحمد تخرجت في منتصف 2013 هذاطبعا بعد تخرجي كنت حاط في بالي وتفكيري هدف واحد وهو اكمال دراستي للماستر في ادارة الجوده والسلامه وتقديم على الابتعاث,,, الكلام هذا كلة غير مهم الاهم انا ايش عملت

بالنسبة للابتعاث
طلبوا مني اختبار ايلتس وشرطهم اني اجيب 80% على الاقل من الدرجة المطلوبة في الجامعات بالخارج على سبيل المثال الجامعة تبيك تجيب 6 في الاختبار كمتطلب يكفي انك تجيب خمسة مشان تقبل في لجنة الابتعاث وراح يسمحون لك بدراسة لغة ست شهور وهذا الي انا عملتة ولله الحمد اخذت هذي الدرجة
الخطوة الثانية بانك تجيب قبول مشروط من جامعة بالخارج مع ست شهور لغة انجليزية وطبعا كان لها متطلبات بانك تاخذ خطابات توصية من الجامعة وخليها مع الشاهدة بخطاب مختوم من الجامعة مقفل وترسلها
جمعت هذي الاوراق كلها وجبت القبول ولله الحمد وبشركم راح اطلع بعثة في سبتمبر ودعواتكم لي بالتوفيق.
وهذا توضيح للي يقول انك ماتقدر تكمل دراسة اذا كنت انتساب هذا الكلام غير صحيح تقدر ودربك خضر


بنسبة لهيئة التخصصات السعودية لتصنيف

طبعا بعد السؤال والاستقصاء الي عملته قدرت اعرف هذي المعلومات ومشيت فيها كالتالي :
عندك ثلاث اختيارات اختر منها الي يناسبك
الاختيار الاول اخذ خطاب من جامعة الملك عبدالعزيز لتدريب وقدمة للمستشفى الي ابي اتدرب فيه في هذي الحاله انت غير مطالب بدفع اي رسوم وبعد ماتخلص تدريب
راح تصنف اخصائي وبدون اي اختبار او مقابلة
لكن يعيب هذي الطريقة انها تدريب لمدة سنة وهذا مايناسبني شخصيا لاني موظف ولاني ابي اطلع اكمل دراستي ومستعجل

الاختيار الثاني اروح هيئة التخصصات الصحية السعودية واطلب تدريب لمدة 3 اشهر في مستشفى بهذي الحالة انت مطالب بدفع رسوم 3000 ريال وبعد ماتنهي فترة
التدريب تحتاج تعمل مقابلة فقط بدون اختبار وراح تصنف مساعد اخصائي تشتغل سنة بعدها تطلب تغيرك لاخصائي ادارة مستشفيات وطبعا هذا كمان مايناسبني لاني على راس العمل

الاختيار الثالث وهو الي انا اخذت فيه قدمت على تصنيف ودفعت رسوم 1700 ريال على اثرها اكون مطالب باجراء اختبار تحريري وبعده مقابلة شخصية ونسال الله التوفيق بعد
ماتعدي الاختبار راح تصنف مساعد اخصائي وبعد ماتشتغل بهذا التصنيف سنة تقدم على تغيره لاخصائي

طبعا اذا كنت موظف بمستشفى فالهيئة ماراح تستقبل اوراقك منك شخصيا يوجد نظام بهذا الشي راح تقدمها عن طريق المخلص الخاص للمستشفى والاوراق المطلوبه كالاتي:
صورتين شخصيتين مثل صورة الجواز
شهادة التخرج
تعريفة من الدوام
وشهادة الاسعافات الاولية
وموجود فورم تعبية

بنسبة لاختبار هيئة التخصصات الطبية يبيلك تركز بهذي المواضيع :
الهيكل التنظيمي في المستشفيات وكيف تختار موقع المستشفى والمعلومات العامة في هذا المجال
التامين الصحي
مصطلحات طبية
وجداول احصاء الصحة


هذا ولله الموفق اتمنى اكون قدمت حاجة تفيد زملائي وانا حاضر لكم لاي استفسار ودعواتكم لي بالتوفيق .... شكرا