خاص جدا لطلبة رابغ( للناس الراقيه في تفكيرها الرايقه في مزاجها)للكبار فقط

[Mohannad_89]

المشاركة الأصلية كتبت بواسطة jamal_1001 قوة للجميع .. وتحية لروحك المفعمة توهج وحيوية ... ما أجمل أن نتفائل ... يعطيك العافية أخوي مهند وتحيه لجميع الزملاء ابو وسام

حيالله الاخ الغالي
عاد انت حكايتك حكاية من يوم ماشفت الخرائط وتفاعلك مع اعضاء التدريس ويوم قابلت ابو الوليد اثنى عليك كثير فكم يشرفنا بالتعرف على شخص مثلك محب للخير قدوة في العطاءعموما لنا حبيبي لقاء قريب بس خلني انزل جده ونقابلك وعموما سيتم التواصل بيننا

[ريموووووني]

كلام جميل ويخلي الواحد يتحمس للسنوات الجاية
انا من بعد ما كنت متفائلة وكنت اقول ابغى اجيب معدل وابغى اتوظف وان شاء الله اكمل ماجستير
وبغى وابغى وابغى
جاتني تحطيمات وظروف الله عام بيها لدرجة اني كنت حأجل من كتر الضغوط اللي صارتلي
بس الحمد لله كملت وقلت بس درجة نجاح يارب وان شاء الله يارب ناجحين كلنا
وانا عن نفسي محى ازعل لان الله عالم قد ايش تعبت وذاكرت سواء نجحت ولا حملت مادة
انا سويت اللي علية والباقي الله كاتبه ومقدره
اشكرك على شخصيتك المتفائله لان هاده اللي محتاجينه

[حلم ماضي]

مساء الخير

رائع جدا ماخطته يمناك
ونحن من فئة التعليم عن بعد
استفدنا من اسئلة الثقافه
لان الاسئله موحده بينا وبينكم
وكما قلت ان السلبيه اذا انتشرت انتشرت
برأيي ان تنظروا للدراسه والاختبارات
انها متعه وتسليه وزيادة معرفه
التشاؤم والسلبيه انتزعه من طريقك
لانك لن تبلغ الرقي بذلك ابدا
الله يوفقكم يارب ونكمل تعليمنا
ونوصل لاعلى الدرجات العلميه
وجهاد ان نرى طموحين يجمعون بين دراسة وبين عمل
وبين عمل وبين تربية اولاد
هنالك امهات وموظفات واخوات متعاونات وكذا مثلهم في فئة الرجال
نور الله قلوبكم بنور الايمان وهداكم بحق كتابه لطريق الرشاد
وبلغكم ماتأملونه قريبا عاجلا بحق رب العباد

[خـ ج ـل]

ماكتبته من كلمات كفت ووفت لن أضيف سوى الدعاء
أسأل الله أن يحقق أمانينا ويوفقنا لما فيه الخير بالدنيا والآخره

[Mohannad_89]

المشاركة الأصلية كتبت بواسطة only cute أخي مهند الكل سيهتف بأسمك !!! كما كاااان هاااني عرب مثااال للقدوه و الشاب الطموح و المحب لزملااائه والمحب للخير ايضاااا.. ستكوووون انت أسطوووورة الـــدفعه العااااشره و كلية رااابغ ,,, يعلم الله اني اخر ثلاث اختبااارااات ما ذاكرت الا موووواضيعك ومتأكد بأذن الله ان درجاااتي عاااليه ,,,, انت في موووقف حرج الآآآآن لأننااا سوف لن نستغني عــــنك وسنطاااالب بك في كل ترم وكل مااااده ,,, اللهم فرج همه وارحم وااالديه و ارزقه رزقاااا لا يسبقه عليه احـــــــــــــــــــــــــــــد ,,,,, تحياااااتي / شخص انصدم بالأختبااارااات فجأه و حليت أنت كل مشااااكل اختباااارااااته ....

هلا اخوي شرفتني بحضورك وترى نحتاج نتعاون المستوى الجاي ونستفيد منك

[Mohannad_89]

المشاركة الأصلية كتبت بواسطة omar.89 كلامكـ جداً رائع و وآقعي و مفيد .. و أتفق معك في كل شيء .. !! الا طريقة الاسئلة ~! في السنه الماضية .. كنت أطلع من الاختبار و أحس اني مب جايب زين .. و أسأل الطلاب كيف الاختبار يقولون سهل !!!!! و أستغرب و ألوم نفسي ليه ما ذاكرت زين مع إني مخلص في المذاكره والحمدلله جبت معدل عالي وكل اللي يقولون ان الاسئلة سهله جابو معدلات أقل مني .. مو شماته فيهم اقول كذا !!! لكن اللي وصلت له ! ان المذاكر بيكتشف فخ الاسئلة !!! و بيقول صعبة و الغير مذاكر بيطيح في فخ الاسئلة !!! و بيقول سهله .. فخ الاسئلة = تكون اغلب الاسئلة قريبه من الصح ولازم تختار الاصح أو زيادة كلمه مثل في اختبار النظم كان صح و خطأ تعريف النظام مجموعة من العناصر تتفاعل مع بعضها البعض لتحقيق هدف معين ..( أنا الى هنا اقول الجواب صح ) .. في بيئه واحد اللي اعرفه ان اغلب التعريف صحيح لكن (بيئه واحده) ما اذكر ان مر علي وتجلس تحلل و تفكر ويحق لك ! تحلل وتفكر لأنك طالب غير عادي !!!! وتبي الامتياز وفيه زي هالاسئلة كثيييييييييييييييييييير في السنه الماضية !! كانو يجيبون في الاختبار الواحد 5-6 اسئلة زي كذا اما هالسنه تقريباً اكثر من 15 سؤوال في كل اختبار الا القانون والادارة والمحاسبة يا عزيزي !!! من كلامك حسيتك شخص فاهم وانا اقول لك لا يعقل 20 اسئلة عليها 60 درجه و اغلب الاسئلة نظريه والماده علميه انا مستعد اختبر مع الانتظام واجيب درجة اعلى من اللي بجيبها باللي اختبرته حضرت الدورة و جبت مدرس و حليت اسئلة وكل شي !!! لكن تفاجأت بكمية الجزء النظري اللي عليه حوالي اكثر من 50 درجه !! خلونا واقعين و عَ فكره كلامي هذا و احتجاجي ما يدل على اني انسان سلبي !! بس يحق لي كطالب أعبر و أتمنى انك تتقبل كلامي . . لأن الراقين مثلكـ ~! يتقبلون كل وجهات النظر ..

اهلين بالخوي 89
يا ليت نتعاون الترم الجاي ونستفيد اكثر

[برونز]

بسم الله

أولاً من لا يشكر الناس لا يشكر الله ومن هذا المنطلق أقول لك أخي مهند شكراً
ثم شكراً ثم ألف شكــر على تعاونك معنا ومساعدتك لنا فلقد بذلت جهد تشكر عليييه
ولن ننساه لك أبداً .. فضلاً عن دعواتنا لك دائماً ..
ملخصاتك و تجميعك للأسئله وكل خدمه قدمتها لنا أسأل الله أن يجعلها بموازين حسناااتك.

أنا عن نفسي بعد ماأنتهي من حل الأسئله أشكر الله وأحمده على التيسير ثم أدعي لك بإسمك
وأدعي لكل من أفادنا ولو بشي قليل ..

كنت خير عون لنا بعد الله .. فيارب بلغه أمنياته وأعطه حتى يرضى ..

>> ع فكـرة يوم الأربعاء أو الخميس مو متأكدة بالضبط كنت ماشية ووحدة من البنات
تعطي صديقتها أوراق والثانيه تدعيلها تقول من وين جبتيها قال مدري يقولوا من ملخصات
مهند.. << يعني البنات كلهم استفادوا منك الله لا يحرمك الأجر..

وبسسس..

ثانياً : وفيت وكفيت .. وكلامك ما عليه زيادة ..
واحنا يد وحده ..

[Mohannad_89]

المشاركة الأصلية كتبت بواسطة amroud أول شي .. يعطيك العافيه اخوي مهند كفيت ووفيت وسويت الكثير لمساعدتنا ومساعدة اخواننا الطلاب بيض الله وجهك وتستاهل كل خير ثانيا كلامك عين العقل .. وانا أؤيد كل كلمة قلتها .. معك قلبا وقالباً ... تحياتي

اتمنى نكون على تواصل

[Mohannad_89]

المشاركة الأصلية كتبت بواسطة الرجل الصامت السلام عليكم أنا أضم صوتي للأخ مهند قائد دفعة 10 رابغ our leader لازم يكون لنا منتدى خاص نتواصل فيه ونتواصل مع الدكاترة وأشكرك يا أخوي مهند على تعاونك وحبك للخير جعله الله في ميزان حسناتك والله برغم إني طيار في الخطوط السعودية والترم هذا كان في ضغط في الرحلات ولا قدرت أذاكر زين زي السنة الماضية حتى إجازة الامتحانات بالقوة إدارتي وافقت عليها وكنت راح أسحب هالترم من شدة الضغوطات بس الحمد لله على كل شي ,,,وكلت الله وشديت الهمة وركزت على مواضيع أخونا مهند والملخصات وأسئلة الامتحانات. وبصراحة ترا إحنا العرب وخاصة السعوديين فينا قدرااات هاااااائلة ,,, أجل ما شالله الواحد منا يقدر يقرا 300 صفحة في ليلة واحده؟؟؟؟!!!! ما شاء الله تبارك الله والله يا شباب لو تقسموا وقتكم في ال شهر ونص قبل الامتحانات ساعة إلى ساعتين يوميا لقراءة المواد كلها فقط قراءة تاخذ فكرة وتفهم , وتخلي التركيز على الحفظ ليلة الاختبار أو الاسبوع إللي قبله , هالشي مررررا كافي عشان تجيب a بس مشكلتنا هالترم الجداول نزلت متأخر والمفردات كل شوي متغيرة والمحذوف كمان والاختبارات قدموها أسبوع كان ترم مرااااااااااا مضغوط وملخبط بس نقول الحمد لله وإن شالله الدكاترة ما يقصروا في مراعاتنا في التصحيح وفق الله الجميع وآسف على الاطالة

محتاجينك معنا خلنا نستفيد منك

[Mohannad_89]

المشاركة الأصلية كتبت بواسطة mr_iag السلام عليكم ورحمة الله وبركاته اخي مهند وفقك الله لكل خير لقد تاكد لدي بما لا يدع مجال للشك انك انسان راقي ومميز واشكر لك طرحك مثل هذا الموضوع اولا كلامك جدا رائع ومنطقي وفعال واعجبت بتفاعل الاخوان هنا لكن لابد من هذا التفاعل ان يكون تنفيذ وفعل مو بس كلام اعجبتني كلمة جدا اخي مهند اللي تقول فيها "وكثييير من الاشياء المطروحة ليست في دائرة تأثيرنا اطلاقا " مجرد عك وعجن في الكلام وتضييع وقت بدون اي فائدة الان نبغى نبدأ بخطوات واقعية نبغى تنفيذ مو بس كلام اول خطوة بنقدم عليها هو ايجاد كيان مستقل لطلاب كلية رابغ لانه بصراحة الوضع الحالي مشتت للغاية معلومة تلقاها في قسم المنتسبين واخرى في قسم ادارة اعمال وبعد حصولك على المعلومة لازم تتاكد ان هذه المعلومة هي التي تحتاجها ما تكون من ضمن المحذوف او لمادة في كلية اخرى المهم الان هو ايجاد كيان مستقل بنا كطلاب كلية رابغ وهذه هي الخطوة العملية الاولى التي نسعى لتنفيذها اتمنى من الكل مراسلة الادارة وحثها على ايجاد قسم خاص بنا ويكون بداخله اقسام فرعيه حسب الحاجة واذا لم تستجب ادارة المنتدى لمطالبنا سوف نضطر الى انشاء منتدى خاص بطلاب رابغ و انا على استعداد لتحمل كامل النفقات المادية و الانشائية الان هذه الخطوة الاولى وباذن الله بعد تنفيذها وبعد ان نراها واقع ملموس سيكون هناك خطوات وخطوات لنصل الى ما نصبو اليه جميعا وتكون رؤية اخونا مهند واقع ماثل امامنا اخوكم ابو علي

اتفق معك ابو علي والمشرفين ما راح يقصروا ان شاء الله المستوى الجاي بكون افضل بكثير اذا تعاونا