تجمع المتقدمين والمتقدمات لماجستير اقتصاد 2014

[ماني من أشباهي]

مفردات المواد هل هي اجبارية لطلاب جامعة الملك عبدالعزيزوهل يقصدون جميع المواد ام المواد العامة؟

[عطر المسافر]

على حسب ما هو موضح لغير طلاب جامعة الملك عبدالعزيز

[اقتصادي لغوي]

لا شكرا على واجب استاذ عطر المسافر :)

ومشكورة استاذة شواقه على التواصل مع رئيس القسم ...

بصراحة معلومات مهمة جدا

ان شاء الله بس يقفل التسجيل نتواصل معاه نسأله كمان عن أعداد الطلاب والطالبات اللي قدمو ع القسم هادي السنة

عشان تكون عندنا فكرة طيبة عن قوة التنافس ع المقاعد العشرين

بس مدري هل اللي عندهم تكميلي يدخلو ضمن المقاعد العشرين أو لا ؟

قصدي انهم ما حيباشرو ماستر علاطول ...

الظاهر انهم يحسبو من العشرين !

يعني ممكن اللي ينقبل في القسم حيطالع حواليه حيلاقي مثلا 8 طلاب والباقي حتكون مقاعد محجوزة للي عندهم تكميلي ...

بس ينتهو منو حتكون مقاعدهم ف الماستر بانتظارهم

أنا سألت هادا السؤال لأنو بره ( مثلا في كندا وأظن نفس الشيء ف أمريكا ) ما يعتبر الطالب من طلاب الماستر لين ينتهي من شرط اللغة والتكميلي والـ gre

عموما هوا سؤال فني يتعلق بطريقة الجامعة في تقديم المقاعد المتاحة للمتقدمين لقسم من الأقسام :)

[اقتصادي لغوي]

أستاذة شواقه حاب أتفاعل معاكي بخصوص مسألة صعوبة الدراسة ف القسم ومجالات التوظيف لخريجيه :)

من وجهة نظري لو انتي حابة المادة اللي بتدرسيها وحابة تعرفي عنها أكتر وحابة تستفيدي منها في المستقبل سواء في الدكتوراة والأبحاث ( مثلا عن طريق الابتعاث ) أو في المجال الوظيفي .. ما حتكون صعبة لذيك الدرجة

وحتكوني مجتهدة فيها أكتر ودرجاتك مرتفعة أكتر

أما بالنسبة للتوظيف أنا مؤمن بشيء واحد انو اللي يحب القسم اللي هوا مقدم عليه ويعشقو راح يبدع فيه

بالتالي معدلاتو راح تكون مرتفعة بالتالي راح تكون فرصتو أكبر في التوظيف من غيرو

أتذكر أول ما تخرجت قدمت على سابك وبنك البلاد وقدمت ع ديوان الخدمة وكان عندي أحقية اني أصير معيد ف القسم ...

سابك بطلت منها لأنها في ينبع في الهيئة وأنا ما أحب جو المصانع ههههه

بنك البلاد كنسلت المقابلة الشخصية لأني وقتها كنت ما أحب البنوك بس كانت تجربة اني قدمت وعلاطول طلبو مقابلتي

ديوان العمل جابلي من أول تقديم وظيفة في التأمينات في الجبيل وكنسلتها لنفس السبب اللي كنسلت عشانو سابك

المعيدية للأسف ضيعتها من يدي ولو استغليتها كان الآن أنا دكتور ف الجامعة :)

قصدي انو فيه فرص وظيفية لخريجين قسم الاقتصاد بس طبعا تعتمد على معدلاتك وعلى لغتك الانجليزية ووو الخ

بخصوص التوظيف كمحاضرة ف القسم النظام يقول ( حسب علمي ) انو اذا كان البكالريوس يختلف عن الماستر ما يقدر الواحد يقدم على وظيفة محاضر

بس طبعا اللي عندو فيتامين واو راح تمشي أموره :)

والبعثات زي ما الجميع عارف انهم شددو هادي السنة على شرط امتداد التخصص ...

لكن ممكن يكون فيه فرصة للي معاه ماستر ( وبكالريوسه مختلف عن الماستر ) انو يبتعث على دكتوراة في نفس تخصص الماستر اللي معاه

أنا الآن بقدم ع الماستر وناوي اخلصو ف سنتين عشان أقدم على بعثة دكتوراة في الاقتصاد بما انهم اضافوه لتخصصات الابتعاث :)

عموما ما أقدر أكون دقيق في الكلام عن الوظيفة للي معاه ماستر مختلف عن البكالريوس

لأنو مرات تحصل انو الواحد يتوظف بالبكالريوس مو بالماستر

ومرات واحد يكون معاه بكالريوس وماستر في نفس التخصص والشركات يقدمو عليه ف التوظيف اللي معاه بكالريوس مع خبرة ( لكن ما معاه ماستر )

يا ليتك تتواصلي مع رئيس القسم برضو وتذكريلو البكالريوس اللي معاكي وانو لو اخدتي ماستر ف الاقتصاد ايش ممكن تكون الوظائف المتاحة ليكي

بالتوفيق :)

[Accountant Sarah]

المشاركة الأصلية كتبت بواسطة shwagaah والله مافي شي مضمون انتي استعيني بالله وتوكلي عليه واعلمي قبل كل شي ان ماكتب لك سياتيكي وما لم يكتبه الله لكي سيصرفه عنك قدمي ع التخصص الي حابه تدرسيه واتركي اﻻرقام والحسابات لله فان كان لكي خير سيوصل لكي باذن الله .. موفقه عزيزتي

كلام جميل انا لمن ماقبلت في المحاسبة امنت انه خيره
اللهم اكتب مافيه خير امورنا لك ولي وللجميع

[Accountant Sarah]

المشاركة الأصلية كتبت بواسطة اقتصادي لغوي أستاذة شواقه حاب أتفاعل معاكي بخصوص مسألة صعوبة الدراسة ف القسم ومجالات التوظيف لخريجيه :) من وجهة نظري لو انتي حابة المادة اللي بتدرسيها وحابة تعرفي عنها أكتر وحابة تستفيدي منها في المستقبل سواء في الدكتوراة والأبحاث ( مثلا عن طريق الابتعاث ) أو في المجال الوظيفي .. ما حتكون صعبة لذيك الدرجة وحتكوني مجتهدة فيها أكتر ودرجاتك مرتفعة أكتر أما بالنسبة للتوظيف أنا مؤمن بشيء واحد انو اللي يحب القسم اللي هوا مقدم عليه ويعشقو راح يبدع فيه بالتالي معدلاتو راح تكون مرتفعة بالتالي راح تكون فرصتو أكبر في التوظيف من غيرو أتذكر أول ما تخرجت قدمت على سابك وبنك البلاد وقدمت ع ديوان الخدمة وكان عندي أحقية اني أصير معيد ف القسم ... سابك بطلت منها لأنها في ينبع في الهيئة وأنا ما أحب جو المصانع ههههه بنك البلاد كنسلت المقابلة الشخصية لأني وقتها كنت ما أحب البنوك بس كانت تجربة اني قدمت وعلاطول طلبو مقابلتي ديوان العمل جابلي من أول تقديم وظيفة في التأمينات في الجبيل وكنسلتها لنفس السبب اللي كنسلت عشانو سابك المعيدية للأسف ضيعتها من يدي ولو استغليتها كان الآن أنا دكتور ف الجامعة :) قصدي انو فيه فرص وظيفية لخريجين قسم الاقتصاد بس طبعا تعتمد على معدلاتك وعلى لغتك الانجليزية ووو الخ بخصوص التوظيف كمحاضرة ف القسم النظام يقول ( حسب علمي ) انو اذا كان البكالريوس يختلف عن الماستر ما يقدر الواحد يقدم على وظيفة محاضر بس طبعا اللي عندو فيتامين واو راح تمشي أموره :) والبعثات زي ما الجميع عارف انهم شددو هادي السنة على شرط امتداد التخصص ... لكن ممكن يكون فيه فرصة للي معاه ماستر ( وبكالريوسه مختلف عن الماستر ) انو يبتعث على دكتوراة في نفس تخصص الماستر اللي معاه أنا الآن بقدم ع الماستر وناوي اخلصو ف سنتين عشان أقدم على بعثة دكتوراة في الاقتصاد بما انهم اضافوه لتخصصات الابتعاث :) عموما ما أقدر أكون دقيق في الكلام عن الوظيفة للي معاه ماستر مختلف عن البكالريوس لأنو مرات تحصل انو الواحد يتوظف بالبكالريوس مو بالماستر ومرات واحد يكون معاه بكالريوس وماستر في نفس التخصص والشركات يقدمو عليه ف التوظيف اللي معاه بكالريوس مع خبرة ( لكن ما معاه ماستر ) يا ليتك تتواصلي مع رئيس القسم برضو وتذكريلو البكالريوس اللي معاكي وانو لو اخدتي ماستر ف الاقتصاد ايش ممكن تكون الوظائف المتاحة ليكي بالتوفيق :)

كلام جميل ماشاءالله واضح شخص طموح الله يكتب لك التوفيق وللجميع

[اقتصادي لغوي]

الحقول الاختيارية اللي يمكن الاختيار من بينها في الماستر هي :

1- النقود والمؤسسات المالية

( يشمل مادتي : نظريات وسياسات نقدية & مؤسسات الوساطة المالية )

2- الاقتصاد الاسلامي

( يشمل مادتي : المعاملات الاقتصادية الاسلامية & المؤسسات المالية الاسلامية )

3- اقتصاديات الأعمال

( يشمل مادتي : اقتصاد صناعي & اقتصاد إداري )

4- الحضري والاقليمي

( يشمل مادتي : اقتصاد حضري & اقتصاد اقليمي )

5- دراسة الجدوى وتقييم المشروعات

( يشمل مادتي : دراسة الجدوى الاقتصادية & تقييم المشروعات )

أما الحقول الاختيارية الغير مفعلة هي :

الاقتصاد الدولي - تاريخ الفكر الاقتصادي - التمنية والتخطيط - الموارد والطاقة - الصحة والبيئة - النقل والمواصلات

وطبعا كل حقل من هذي الحقول يشمل مادتين برضو :)

* بالنسبة للحقول المتاحة ( المفعلة ) ...

تختار منها حقلين اذا كنت ترغبـ/ـين بماستر برسالة

وتختار منها 4 حقول إذا كنت ترغبـ/ـين بماستر بمشروع بحثي

http://economics-dept.kau.edu.sa/con...g=AR&cid=36503

[اقتصادي لغوي]

مشكورة أستاذة سارة على التفاعل :)

بالتوفيق ليكي انتي كمان

[اقتصادي لغوي]

خطة الماجستير في جامعة الملك سعود كالتالي :

الترم الأول : جزئي - بحث - رياضي

الثاني : كلي - فكر - قياسي - اسلامي

الثالث : قياسي تطبيقي - اختياري - اختياري

الرابع : مشروع بحث - دراسات خاصة - اختياري - اختياري

وقائمة الاختياري هيا :

نظرية نقدية

مالية عامة

تجارة دولية

تمويل دولي واستثمار

اقتصاديات موارد وبيئة

تنمية ونمو اقتصادي

اقتصاد عمراني واقليمي

تخطيط اقتصادي

واقتصاديات عمل

اقتصاديات طاقة

مواضيع معاصرة في الاقتصاد

أشوف انها خطة جميلة وفيها مجال أوسع نوعا ما في الاختياري .. بس فيه عندهم اختبار مفاضلة ( قبل الانضمام للقسم ) و اختبار شامل بعد التخرج ...

بينما احنا في جامعة الملك عبد العزيز ما عندنا لا مفاضلة ولا شامل .. يعني سهالات :)

[اقتصادي لغوي]

أنا بصراحة متفاجيء للآن من رد الدكتور رئيس القسم بخصوص التخصصات الأقرب/الأبعد من تخصص الاقتصاد :)

ترى أتوقع الموضوع هذا بالكامل من صلاحيات القسم هوا اللي يحدد الأقرب والأبعد ...

لذلك أتوقع لو تمت مراجعة ومناقشة القسم في هادا الموضوع ممكن راح تتغير بعض الأمور

لأنو مع كامل احترامي وتقديري للدكتور والقسم ولكافة التخصصات الأكاديمية ...

كيف الفيزياء والهندسة أقرب للاقتصاد من إدارة الأعمال والمحاسبة والإدارة العامة !

وبعدين كتير من الأقسام اللي في القائمة نقلبهم عندنا ولا يقبلونا عندهم

يعني بشكل عام نقدر نقول مافي قاعدة علمية مشتركة بيننا وبينهم :)