هنا تجمع طالبات الانتظام لمناقشة الجداول والاستاذات ^_^

[TTHKAR]

السلام عليكم
يعطيك العافيه ي قلبي
بسئل عن علم نفس الاجتماعي مع الاء الشريف كيف ؟
والشباب وقيم المواطنه مع رفعه القرني ؟
ومادة علم النفس التربوي سهله ولا كيف =(

ويعطيك العافيه ع الموضوع مره ثانيه 3>

[جنى الشريف]

المشاركة الأصلية كتبت بواسطة tthkar السلام عليكم يعطيك العافيه ي قلبي بسئل عن علم نفس الاجتماعي مع الاء الشريف كيف ؟ والشباب وقيم المواطنه مع رفعه القرني ؟ ومادة علم النفس التربوي سهله ولا كيف =( ويعطيك العافيه ع الموضوع مره ثانيه 3>

الأغلبيه العظمى يمدحونها ... وانتظري البنات اللي جربوها بعد الاختبارات ويجاوبونك ..

الشباب والقيم ماندري اسألي علم الاجتماع ادرى بأستاذاتهم .. لكن يمدحون فتحيه وريم عبدالباقي وانا جربت ريم وجدا رائعه مع انها تكرف بالتكليف بس تعطي درجات واسئلتها حلوه ..

التربوي ماااده ممتعه مع شوي دسمه لكن الاغلب ممتعه جدا جدا جدا ...

^_^ العفو

[كوتش]

حابه اسال عن استاذه ميرفت الشرقاوي كيف اسئلتها ؟
وعن استاذه فاطمه الزهراء السيد؟ حطو معاها مناهج بدل سناء وكيف ا سئلتها

[جنى الشريف]

المشاركة الأصلية كتبت بواسطة كوتش حابه اسال عن استاذه ميرفت الشرقاوي كيف اسئلتها ؟ وعن استاذه فاطمه الزهراء السيد؟ حطو معاها مناهج بدل سناء وكيف ا سئلتها

مااا اعرف كلهن .... جدد شكلهن او انهن جايين من الانتساب انتظريني الليل اعملك برمه بالمنتدى اشوف وش طبعن وكيف اسلوبهن .

[Loveless]

السلام عليكم عندي كم استفسار :

اولاً ابغى اسأل عن فكرة لائحة الانتظار بكل مادة ، دحين قفل التسجيل المبدئي اتوقع اذا ما كنت غلطانه و فيه مواد بقائمة الانتظار ! ايش وضعها؟

و كمان بسأل عن دكتورة سناء سالم في مادة مناهج بحث !! كيف !! و ايش تكليفها بالزبط و كيف تعاملها في الدرجات !

و عن استاذة اميرة الزين ! ايش تكليفها و كيف اسلوبها و تعاملها !

و عن استاذة ماجده ياريت توضحيلنا التكليف مزيوط هي 3 تكاليف بس ايش بالزبط !

و شكرراً مقدماً :)

[جنى الشريف]

المشاركة الأصلية كتبت بواسطة loveless السلام عليكم عندي كم استفسار : اولاً ابغى اسأل عن فكرة لائحة الانتظار بكل مادة ، دحين قفل التسجيل المبدئي اتوقع اذا ما كنت غلطانه و فيه مواد بقائمة الانتظار ! ايش وضعها؟ و كمان بسأل عن دكتورة سناء سالم في مادة مناهج بحث !! كيف !! و ايش تكليفها بالزبط و كيف تعاملها في الدرجات ! و عن استاذة اميرة الزين ! ايش تكليفها و كيف اسلوبها و تعاملها ! و عن استاذة ماجده ياريت توضحيلنا التكليف مزيوط هي 3 تكاليف بس ايش بالزبط ! و شكرراً مقدماً :)

وعليكم السلام .. منور الحته ..

في موضوع مثبت بمنتدى المنتظمين عن فكره لائحه الانتظار شوفيه هناك .. بس ترا شكله مامنه فايده مثل اعتمادهم الأكاديمي الملطوش ..

المهم نرجع لمحور حديثا ..

دكتوووره سناء سالم يا حبيييييلها شوفي هي طيبه جدا مرونه في التعامل مثل امك وتعاملنا مثل بناتها .. ماتحب السماجه الواجده .. ماتحب الكلام بالمحاضره تعصب ... شررررحها قمممممممه قمممممممه قممممممممه تطلعين من المحاضره وانت فاهمه كويس وتخلصين الماده وانت فاهمه وش هو مناهج بحث مامر علي مثلها اسم الله عليها ... الدوري الأول مقالي وموضوعي اللي تذاكر تحل ما اقولك صعبه بس يعني تحب تسأل في الاشياء المهمه اللي تلخبط .. الدوري الثاني موضوعي ويكون سهل بس يبغاله مذااااكره من قلب مو تقولون موضوعي مشي حال المذاكره لان المناهج يلخبط ولا جاك موضوعي يحير اكثر واكثر .... النهائي موضوعي يكون متوسط مائل الى الصعوبه بس لو ذاكرتوا زين تحلون وتجيب كم سؤال فيها لفه ... وتعطي كل وااااحد حقققققه لاتزيد ولا تنقص .. بونس ما بونس مافيش ..

التكليف حسب كل ترم تغير لانه البنات يتبادلون التكاليف وهي تنزعج من هالحركه .. اهم شي بتكليفها تراجعينها كل ماخلصتي جزء من التكليف وتورينها وتعدلك اغلاطك وتورينها وكذا وكذا لييين تقولك اطبعيه وتعطيك الدرجه الكامله اما اللي مايسألون تنقصهم لو شغلهم ناقص ولو كامل تعطيهم حقهم بس مراجعتها افضل ..

دكتوره اميره الزين جديده .. سودانيه يقولون ... تعاملها سلس اسئلتها موضوعيه بس للحين ما اعرف كيف سهله صعبه ننتظر المجربااات ..

دكتوره ماجده ياحببتي الفخ اللي لازم نقع فيه بالمعرفي موقعه معاه عقد احتكار .. المهم هي مو شينه والله بس يبغاله تذاكرين زين والمعرفي مو صعب اشوفه متوسط حلييييو يعني فصوله مو كثيره يقدر الواحد يذاكرها اول بأول ويجيب درجه حلوه فيه ... واسئلتها مقالي وموضوعي نص ونص تحب العددي والشرح بس تعطي درجات اهم شي توصلين الفكره الصحيحه وتمشي بالتصحيح ..

التكليف بتاعي على ايامي .. كان تقرير عن تشتت انتباه طالبات السنه التحضيريه ولازم يكون فيه بنود التقرير واعطتنا اياه ... تقرير عن قائمه بالأطعمه المفيده لطلاب المتوسطه .. تقرير عن صعوبات التعلم وكلها لازم تكون من 10 صفحات ... ولازم تكون مرتبه بمراجع ومعلومات مفيده .. فيه بنات كان تكليفهم غير يعني نفس الشعب كل مجموعه غير ... ولا تشيلون هم التكليف سهالات ..

يارب اني افدتك قد ما اقدر اي سعال لا يردك الا الكيبورد ..

[Queenito]

علم نفس مع اثار ميليباري كييف ؟؟؟ ^_^

[جنى الشريف]

المشاركة الأصلية كتبت بواسطة queenito علم نفس مع اثار ميليباري كييف ؟؟؟ ^_^

جربتها في معمل قياس نفسي .. شرحها حلو وتشرح من قلب كانت ... اسئلتها كانت حلوه بالمعمل .. بس مدري عن المواد او التكليف .. بس شكلها حبيبه .. انتظري المجربات ^_^

[شبيهة البحر]

السلام عليكم ورحمة الله وبركاته
صبحكم الله ومساكم بالخير..
بنات أبغى مشورتكم في المواد اللي باخذها الترم ذا هل هي مناسبة مع بعض
من حيث السهولة والدسامة.. ماابغاها تكون معلومات تشبه بعض

معرفي _ تجريبي _ قياس نفسي _ فروق فردية _ نصوص نفسية _ ومادة حرة

هل اعتمد أو أغير وأبدل .. الله يجزاكم الجنة..

[%طال السفر%]

السلام عليكم ورحمة الله وبركاته

كتبت هذا الموضوع او بسال هالسؤال لان معدلي طاح هالترم بسبب الاساتذه اللي مش ولا بد والمواد الصعبه وانا مرررررة بحاجة اجاباتكم
فابغا منكم انكم تعطوني افضل الاستاذات بهالمواد وابغى طريقة اسئلتهم ونصايحكم ايش اضيف من مواد لو تشوفون ان جدولي فيه غلط

احصاء نفسي 222
علم نفس تربوي
شباب وقيم مواطنه
توجيه وارشاد نفسي
علم نفس معرفي
فروق فرديه
بليييييييييييز ابغا تعاونكم لان الله اعلم بنفسيتي وحالتي هالترم من الدرجات والمعدل النازل

بجد بجد بجد شششششششكرا للي بيساعدني والله يعطيكم العافيه ولا يصعب عليكم امر