الدورة التأهيلية لطـآلبـات الإنتسـآب..لمـوآد المستوى {السـآبع و الثـآمن}لعام 1432{2}

[سهر]

حبيبتي سامحيني عالتأخيرمن عيوني مايغلا عليك الابلايد بس المشكله انو مأشر من الترم اللي فات تاشير منال التاودي
فالتاشير صار فوق بعض
لكن بما انو كتابي ناقص يعني 6شابترز بس والمطلوب مننا 10 شابترز يعني يبغالي اشتري الكتاب مره ثانيه ااشر فيه من جديد ان شاءالله اشتريه اليوم واحاول ااشره كمان بكره قابليني في المحاضره حقت الابلايد غرفه 406 واعطيكي هوا اشري واخذه منك في نفس اليوم اوكي؟

[الدلوعة]

طيب تقدرو تقولي على اللي تحدده الاستاذه بخصوص مادة الابلايد هنا في المنتدى عشان الكل يستفيد لان فيه ناس مو من سكان جده وانا منهم على الاقل تقولي ايش هي الصفحات المهمه
والله يجزاكم الف خير

[يافرحة ماتمت]

السلام عليكم ..... صباحكم شهد ياصبايا ..... الاخت ابتسام وI still وسهر والامواج مرة شوكرا لتجاوبكم وتعاونكم الله يجزاكم الفردوس الاعلى ويوفقكم دنيا واخرة وينولكم الدرجات الرفيعة دنيا واخرة ويفتحها بوجهكم يارب ياكريم وينجحكم باعلى الدرجات وييسر لكم التخرج باعلى المعدلات يارب امين انا كمان ما اقدر اراسلكم على الخاص لانو برضوا مشاركاتي اقل من مية طبعا لكن الله يسهلها ان شاء الله انا جاية اليوم الاحد بس بحضر للمودرن بالنسبة للاخت الامواج انا اقابلك في كلاس المودرن ونتفق اما صبايا الابلايد ايش رايكم نتقابل بعد كلاسكم اللي من 5-7 على اساس اما نبدأ تأشير او نحدد وقت بعده سواء بنفس اليوم او يوم الاتنين بس الوعد فين ايش رايكم عند التلاجة حقت العصير اللي بالرابع بعد المحاضرة مباشرة لو 5 دقايق بس على الاقل نتفق انتظر ردكم

[1+1=3 حره وبكيفي]

بنات الله يسعدكم انا من برا جده وحضرت اول اسبوعين من الدورات وابغى تحديد مس خوله في socio من شابتر 7 بلييييييز ياليييت
تساعدوني الله يوفقكم ويسهل عليكم ......

[الدلوعة]

بلييييييييييز لاتنسونا احنا للي من برا مدينة جدة من جد محتاجين مساعدتكم

لان صعب نحضر الدورات التاهيلية وتقولون لنا ايش هو التحديد اللي قالت عليه مس خولة

وياليت كمان اللي عندها اي خبر بخصوص مادة الكريتيسيزم ومادة السيمانتكس وكمان الفونولوجي بليز تقولي عليه

والله يجزاكم عني الف خير

[سهر]

المشاركة الأصلية كتبت بواسطة laura h أحلى شي في الابلايد انه نذاكر اللي ناشره بس والله حمااااااااااااااس!! الله يسعد مس خولة ويوفقنا جميييييعا..

بغض النظر عن اللي تأشره اصلا الماده صعبه
ودخوله اسالتها صعبه وماتحلها الا اللي فااااااااااااااااااااهمه المنهج على العكس طبعا منال التاودي ناس نجحوا وهم مو فاهمين الماده اصلا اش تبغى
لاتتحمسي كثيييييييييييييير

[lana]

^
^

صادقة والله د خولة اسئلتها اغلبها مقالية
وبعض الاسئلة ماتعرفي كيف تبدائي تحليها مع انك فاهمة
وترا الكتاب راح تقرائيه كله بالنهاية لان التأشير مختصر ولاحتفهميه كويس الا لما تقرائي التفاصيل
بس انا متفائلة معاها وان شاء الله كلنا نعدي

[يافرحة ماتمت]

السلام عليكم. كيف حالكم حبايبي ان شاء الله تكونوا كلكم مبسوطين الاخت I still بالنسبة للابلايد لا تشيلي هم انا الحمد لله لقيت بنت مرة عسولة بأشر منها وانت الله يجزاك الجنة ماقصرت حبيبتي كفيتي ووفيتي يكفي انك تجاوبتي معاية الله يعطيك العافية ويوفقك ويبشرك بالنجاح في كل المواد باعلى الدرجات بالنسبة لبنات المودرن راح احاول انزلكم المحاضرلت بإذن الله بس بعد ماتخلص الدورة اما الابلايد ما ادري كيف نساعدكم يابنات اللي خارج جدة لكن حدور طريقة على قد ما اقدر والله يسهلها بس اللي من خارج جدة ممكن تتواصل معاية وتقولي فين ساكنة عشان يمكن اقدر اخدمها ممكن ترسلي على الخاص بس انا ما اقدر اراسلكم على الخاص لان مشاركاتي اقل من 100

[LAURA H]

سهر ليش كدا قاعدة تتشائمي؟ هذا بدل ماتتفائلي من العلة اللي كنا فيها؟
والله كل اللي تشرحه د/خولة اكتبه على طووول عشان افهم...
وان شالله خير!!

[Emma]

لله يامحسنين ...
اعطفو على المساكين الي ماحضرو وقاعدين على نار
بنات الكريتزم هل الكتاب هو ابو صورة القمر والغابة ليلا << ابوك يالوصف
والمدارس كيف نذاكرها كلها دش اسود وملخبط والفصول الي بعدها هل ملزمين نفهم كل الابيات والفقرات ونحفظ الاسماء والتواريخ ولا فيها تحديد معين ؟!!

بنات البراكتكم هل السلايدات تغني عن الكتاب ؟

وجزاكم الله خير مقدما..