تعليق اختبارات يوم الخميس لضمان جاهزية القاعات الدراسية

[aboodey]

يادكتور افهم من كلامك انه تعليق وليس تاجيل يعني ممكن بكره يقولوا الاختبار لازال في موعده وعلى الطالب الحضور ومن لم يحضر يعتبر راسب
اتمنى التوضيح شاكر لك مقدما

[SALEH42]

جزاك الله ألف خير يادكتور وجعل اللي تسويه مع أبنائك الطلاب في موازين حسناتك يارب

ياليت إذا جد أي جديد بخصوص إعادة الأختبارات تخبرنا لأننا والله محتاسين ماندري وش نسوي حتى التركيز بالمذاكره أصبح معدوم بالمره بسبب الوضع , أنت عارف كم طالب وطالبه خلى عياله وأهله وأشغاله بديرته وجاء يختبر ,, والأن كلنا نبي نعرف بس متى رأح يكون الأختبار البديل , فياليت تكمل معروفك معانا وتعطينا خبر ,,

يعطيك ألف مليون عافيه على وقوفك معانا ..

[ابوحاتم]

ماقصرت والله يثيبك يادكتور

[سعودي اول]

يادكتور الله يوفقك ويصلح عيالك ويرحم والديك

والله انك متعاون معنا كثيراً بل انت الوحيد من اعضاء هيئة التدريس تتواجد في موقعنا ( على حد علمي ) وتساعدنا


بس لاتنسانا اذا جد جديد

[fna]

ياشباب انا مثلكم متعلق والامور كلها متعلقه

بس بالعقل يعني الدكتور لو عنده معلومه او خبر مفيد لنا ماراح يكتمه عن الطلاب


جزاه الله خير ووفقه الله عطانا اللي يعرفه واللي مايعرفه في علم الغيب ,

عموما ننتظر الرد من المختصين عن هذا الموضوع في الجامعه


شكرا مره اخرى لدكتورنا الفاضل

[BIG.BOSS]

تعليق ...!!!!

والله المشكله مارسينا على بر .... لا احنا اللي عرفنا نذاكر ولا احنا اللي عرفنا شي بخصوص الاختبار

الله يلطف بالحال ....

[abo_yara]

يا شباب كل واحد يمسك الكتاب ويذاكر والخبر مصيره جاي وتدخل الاختبار وأنت واثق من الحل وبعده تسافر أقصى شئ الأحد الجاي ويومين غياب ما تفرق بس قولوا خير

[ابو سلمان10]

عااجل الان على قناة الاخبار تعليق الاختبارات يوم الخميس وستكون اختبارات بديلة حسب افادة مدير العلاقات العامة بالجامعة

[almalky]

خبر عاجل:

سيعلن في موقع كلية الاقتصاد والإدارة
عن الاختبار البديل لمواد يوم الاربعاء والخميس
في جدول منفصل يوضح به موعد ومكان الاختبار البديل ،

ومن المقرر أن يكون يومي الاحد والاثنين القادمين .

والله الموفق.

[فيصل.]

طيب والدبره ؟!

يعني نمشي، ولانجلس !!

طيب مافي طريقة للتواصل مع الطلبة رسائل مثلاً ..

يعني ياخذون 3000 ريال كل ترم بمعني 6000 بالسنة الدراسية من كل طالب، ولا يقدرون ياخذون منها قيمة رسالة بـ25 هلله لتنبيه الطلبه بالمستجدات؟!!!
..