تجمع لبنآإت خطه أ ::

[ريموووووني]

السلام عليكم
كيفكم بنات انا زيكم خطة أ والمواد مهارات اتصال -تنمية مهارات التفكير -الاحصاء -وانجليزي 102
انا اول محاضرة بالسنترا كانت احصاء وبرضو صارت لخبطة عشان اول مرة وما حضرتها بس لقيتها مسجلة بعدين والاستاذة قالت كل ما ندخل على درس تقولنا ايش المحذوف فيه وقالت الكلام اللي في البداية كله فهم وأهم شي التعريفات اللي في مربعات والامثلة حفظ
وفي لباب الاول (1-4 بعض البرامج الحزم الاحصائية )صفحة24 محذووووووووووفة

المحاضرة التانية كانت مهارات الاتصال واول ما بدأت الاستاذة قالتلنا كل المحذوف من المادة
اشرو معايا
الفصل التاني كله محذووووف
في الفصل السادس من صفحة 146 الى154 كمان محذوووووفة
الفصل التاسع مقسم جزئين اول وتاني
الجزء التاني (اعداد وكتابة الرسائل والتقارير) محذووووووووووووف


المفروض انه يوم الاحد يكون عندي انجليزي وتنمية مهارات التفكير
ودخلت لقيتهم غيرولي الجدول صار عندي احصاء وتنمية مهارات التفكير وعادولي الاحصاء مرة تاني بس مدرسة تانية وتنمية مهارات التفكير كان الساعة 2:30 وراحت علية نومة وما حضرته بس لقيته مسجل عندي اقدر احضره في اي وقت
صراحة انا عجبني السنترا اصحى من النوم على طول على الاب وادخل المحاضرة ما يحتاج اصحى قبلها بساعة البس واتشيك ومشوار الطريق ساعة لحد ما اوصل الجامعة
واللي ماقدرو يدخلو يحاولو لانه الشرح بضوه احسن من انك تفتحي الكتاب على عماك ما تعرفي من فين تبدأي على الاقل خلي المعلومات تدخل عقلك لان الاختبارات النهائية بعد الماتنتهي الدورات بأسبوعين يعني حتى ما يمديك تنسي المعلومات
ارجو اني اكون افدتكم

[قلب المـ ح ـيط]

يابنات أنا الأنجليزي إلي عندي 101 ليش أنتو 102 أنا هذا أول ترم لي وأنتو ؟

[قلب المـ ح ـيط]

أحد يعرف أيش المحذوف من الأنجليزي أبغى أرو المدرسة بسرعة تكفون

[Loody ~~]

هلاااااااا وين البنت مفهيه هههه مارضي يفتح معاها محاضره مهارات الاتصال

الله يوفق الجميع

[رغد2]

بنات السنترا مره مممتازه ومفيده بس انا اليوم المفروض عندي انجلش مالاقيته في الجدول

[myoy]

السلام عليكم
كيفكم صباايا
انا زيكم خطة ا..ودااجه في السنترا الى الان ماحضرت فيه ولا محاظره
خااايفه مرره اجيب العيد هالترم خصوصا ماني متحمسه للمذاكره ابدا
الله يسعدكم يابنات اللي تحضر تقول لنا ايش المحذوف ابدوا من يوم السبت ايش كان عندكم وايش المحذوف الله يوفقنا
نجيب معدل يفكنا من هالسنترا

[حآآيرة]

يا نآآآآآس ايش الحل مع دي السنترا ؟؟؟؟
فتحت معايا وجاني الجدول وكل شي ولمن اكتب حضور يجي ملف تحميل السنترا وبعدها تصير الصفحة بيضا
ايش معناه الكلام دا ؟؟؟
جاوبوني الله يسعدكم ابغى احضر عندي احصاء

[أم سما]

يا بنات مين الى الان ما جاتها بطاقة الجامعة ...؟؟
وبالنسبة للسنترا شوفو حاول كذا مرة عسى يفتح معاكم ..
ربي يوفقكم ويسهل عليكم

[قلب المـ ح ـيط]

أنا ما جتني البطاقة الجامعية وش قصتها متأخرة

[@غنى@]

السلام عليكم
انا كنت تعليم عن بعد وراح علي الترم وغيرت انتساب واليوم نزل الجدول عاد ماني فاهمه شي ابد كل الي اعرفه

اني خطه ا وهذ اول ترم لي
دخلت على السنترا وسويت تسجيل دخول وبعدين مكتوب لست مسجلا لحضور اي جلسات عمل مافي محاضرات لا الي راحت ولا القادمه ولا الحاليه مدري هوا انا صح ولا ملخبطه
وياليت اذا في قروب عالمسن تضيفوني امكن افهم منكم :)