فتح التقديم على الدبلوم التربوي في جامعة جدة + تجمع للمتقدمين

[LOAIII]

المشاركة الأصلية كتبت بواسطة #روووح# انت اول خذ القبول من الجامعه وبعدين يسير خير.. وعندك حل انك تطلب سنه استثنائي(اجازة بدون راتب)اذا جاتك الموافقه.. واهم شي انه تستخير الله... وبالتوفيق

المشاركة الأصلية كتبت بواسطة غيم تايه قرار متأخر كثير ، كان معنا زملاء تخرجوا وعلى طول درسوا الدبلوم ،، وتوظفوا معلمين لأنهم انتظام .. إذا انت منتظم ممكن تفكر بجدية تفصل وتدرس .. اما إذا منتسب فكر ملياً لأن الدبلوم ما يخدمك كثير في الوظائف الإدارية .. بالتوفيق"""

حليت المشكلة ولله الحمد وقدمت وانتظر الترشيح والموافقة النهائية .

كنت أحسب البرنت اللي طالبينه من الأحوال المدنية أرفقه في الطلب لكن طلع إنه بعد التسجيل ووقت مطابقة المستندات أقدّمه لهم من باب التأكيد ، وعلى كل حال الأحوال ما تسجل المهنة "موظف" إلا إذا كنت موظف حكومي وهالشي حصلته في موقع "ابشر" (مسجلين مهنتي طالب ) ، ومع الأسف القطاع الخاص ما يعطون إجازة بدون راتب خاصة إن الدراسة مدتها سنة ومستحيل يتوافق عليه ، المهم إذا تمت الموافقة النهائية باستخير والله يقدم اللي فيه الخير .

شكراً لكم ..

[#روووح#]

المشاركة الأصلية كتبت بواسطة أم دحوم السلام عليكم سؤالي هل الوظايف الادارية بالتعليم تتطلب تربوي لا الوظائف الادارية لا تتطلب تربوي وهل الحاصل ع تربوي يحق له التقديم عليها وشكراً

وعليكم السلام
حسب اللي شفته فالمنتديات انه تقدري تقدمي على الوظائف الإدارية

وبالتوفيق

[lovely cat]

فين موقع جامعه جده قسم الطالبات ؟!

[غيم تايه]

^^


في الرحاب ..

[Kobato]

السلام عليكم ورحمة الله
طيب الآن الحمد الله مافي رسوم دراسة مجاني الدبلوم
طيب قرأت انو الدراسة مسائي !
من الساعة كم الى كم طيب ؟!
وكم يوم بالأسبوع ؟
هل يوجد دوام صباحي ولا بس مسائي ؟
+ هل المواد الى بندرسها نفس مواد الدبلوم بجامعة الملك عبد العزيز ؟! ولا تختلف المواد ؟
كان عندي سؤال كمان ونسيت .. اذا تذكرت اكتبه ..
شكراً مقدماً ..
تذكرت هل لازم يكون معنا لغة انجليزية ؟
لأنو بالتسجيل كان فيه خانة للأختبار اللغة الانجليزية
+
هل يوجد مقابلة شخصية ؟ إذا وجد كيف ستكون المقابلة ؟
+
هل طلبات التعليم عن بعد يحق لهم دراسة الدبلوم التربوي ولا ؟

هل التطبيق لازم بالمدارس ولا ممكن مكان ثاني مثلا روضة وكذا ؟ + كم مدرة التدريب ؟
معليش كثرت الاسئلة ..

[#روووح#]

المشاركة الأصلية كتبت بواسطة kobato السلام عليكم ورحمة الله طيب الآن الحمد الله مافي رسوم دراسة مجاني الدبلوم طيب قرأت انو الدراسة مسائي ! من الساعة كم الى كم طيب ؟! الصباحي من 8الى 1 وكم يوم بالأسبوع ؟ من 3الى 4 ايام هل يوجد دوام صباحي ولا بس مسائي ؟ صباحي حسب كلامهم + هل المواد الى بندرسها نفس مواد الدبلوم بجامعة الملك عبد العزيز ؟! ولا تختلف المواد ؟ لا اعلم كان عندي سؤال كمان ونسيت .. اذا تذكرت اكتبه .. شكراً مقدماً .. تذكرت هل لازم يكون معنا لغة انجليزية ؟ لا الخانه للماستر لأنو بالتسجيل كان فيه خانة للأختبار اللغة الانجليزية + هل يوجد مقابلة شخصية ؟ إذا وجد كيف ستكون المقابلة ؟ لا يوجد مقابله شخصيه حسب علمي + هل طلبات التعليم عن بعد يحق لهم دراسة الدبلوم التربوي ولا ؟ ايوه اتوقع عادي هل التطبيق لازم بالمدارس ولا ممكن مكان ثاني مثلا روضة وكذا ؟ + كم مدرة التدريب ؟ اللي عرفته التطبيق في مدارس معليش كثرت الاسئلة ..

مش مشكله المهم تستفيدي...

ادخلي على حساب جامعة جدة تويتر وبتلاقي اجابات شافيه عشان تتطمني

[Kobato]

ملاحظة: لا توجد رسوم دراسية على التسجيل في الدبلوم التربوي ومدة البرنامج سنة دراسية كاملة.
/ هالشيء صحيح ولا ؟ الله يخليكم ردوا على :(
/
أتعهد بسداد التكاليف الدراسية في حال قبولي المبدئي ببرنامج خاص وذلك وفق أنظمة وتعليمات وزارة التعليم العالي و يحق للجامعة إلغاء قبولي المبدئي في حال عدم سدادي التكاليف الدراسية خلال الفترة التي تحددها الجامعة.
خلال تسجيلي طلع لي هذا :( كيف كذا ؟ مو مكتوب باوال صفحة مافي رسوم دراسية ؟
امانة ردو

[#روووح#]

المشاركة الأصلية كتبت بواسطة kobato ملاحظة: لا توجد رسوم دراسية على التسجيل في الدبلوم التربوي ومدة البرنامج سنة دراسية كاملة. / هالشيء صحيح ولا ؟ الله يخليكم ردوا على :( / أتعهد بسداد التكاليف الدراسية في حال قبولي المبدئي ببرنامج خاص وذلك وفق أنظمة وتعليمات وزارة التعليم العالي و يحق للجامعة إلغاء قبولي المبدئي في حال عدم سدادي التكاليف الدراسية خلال الفترة التي تحددها الجامعة. خلال تسجيلي طلع لي هذا :( كيف كذا ؟ مو مكتوب باوال صفحة مافي رسوم دراسية ؟ امانة ردو

بدون رسوم ..الله يوفقك

[ساكو]

للاسف ماختبرت قدرات :(
لهم شروط بالقدرات ولا ..؟
لاني ماعرف عن القدرات اي شئ :(
متى راح يفتح التقديم مره ثانيه ؟

[ورد الورود]

المشاركة الأصلية كتبت بواسطة ساكو للاسف ماختبرت قدرات :( لهم شروط بالقدرات ولا ..؟ لاني ماعرف عن القدرات اي شئ :( متى راح يفتح التقديم مره ثانيه ؟

قدرات لازم فوق 65 جامعه الملك عبد العزيز
وجامعة جدة فوق 60

و كل ماكانت درجتك في القدرات اعلا كان افضل لوقت حساب الدرجة الموزونه
التقدم مره ثانيه اتوقع نفس هالموعد من السنه الجايه باذن الله