لا حياء في الأخلاق ..

[3yoonk Dnytee]

المشاركة الأصلية كتبت بواسطة jodx3 [ كلامكـ أكبر من انه شخص يجمع شجاعته ويرد عليكـ ] .. هذ1 سبب ارتفاع المشاهدآت وانعدأم الردود اختي .. لآ اضيف كلمة واعتقد ان المعني ب الامر الجهات المسؤوولة .. والضمآئر ودي ..

اهنيك

طرح رااااائع


تقبلي مروري

[Blair]

والله يا اختي كلنا زعلانين على هالحــآل بيدنا نوقف البعض
لكن مانقدر نوقف الناس بالمملكه كلها او حتى بجده
لانو الفساد من علامات يوم القيامه الله يستر
لكن مانقول الا حسبي الله
الله يهديهم يارب
لكن مايقهرك الا يوم تجي تنصحي بويه وتقولك مالك دخل.. انا حره.. هذي حياتي
الله يهدييهم
رددو : الحمدلله الذي عافانا مما ابتلاهم وفضلنا على كثير من العالمين

[m....m]

جزاك الله خير على الموضوع وبجد ياليت البنات والعيال يصحو من غفلتهم لمتى وتعصو ربنا مااقول غير الله يهيدهم ويستر عليهم
انا احمد ربي انو انتساب ومااحسب اخلص الدوره 3 اسابيع لانو شي يقرف ومخزي بس الله يهيدهم
اللهم عافني مما ابتليت به كثير من الناس
عجتني هالنقطه وياليت تتطبق
- توظيف طالبات يعملون لحساب هيئة الأمر بالمعروف والنهي عن المنكر
بس سؤال محيرني وين اهلهم عنهم عاجبهم وضع بناتهم واولادهم كذا ومافي خوف مافي غيره مافي حياء اذا مايسحتو من الخالق يستحو من الخلق والسمعه
على قولة اهلي الي مايخاف من الله يسوي اي شي
الله يستر علينا ويهديهم

[Patricia]

والله ياأختي الناس اللي بتعمل مثل هالتصرفات ، مو محتاجة أحد يعلمها
لأنهم على علم بأن اللي قاااعدين يسوونه لا يرضي لا الله ولا رسوله ..
يعني هم مايجهلون بحكم هالأشياء .. لكنهم غرقانين فيها ومبسوطين بحالهم ..

وبالنسبة للبصمة أو غييره ، اعتقد نظام القمع غير مجدي بالعكس ممكن يزيد الأمر سوء
داااخل الجامعة ويتضاعفلنا عدد البويات ..

عموما ، البنت أدرى بمصلحتها ومافي أحد يتعذر بجهله لهالأمور .. وكل إنسان لازم يتحمل نتيجة تصرفاته
بالنهاية كل شي وله ثمن ..

[oryx]

Astronomer - اموت واحيا فيها - الأوركيد - 3yoonk Dnytee

< آميين ي رب . . شرفني مروركــم العطـر ~

يعني صرنا لا نقدم و لا نأخر لا ننصح و لا نتكلم و العذر " بوية تخوف " يعني الحين نكون واقفين سسرا قدام الكافتيريا المكتبة أو أي شي .. تجي " بوية " من آخر الصصف تصيح ع العاملة فلانة كيف الحال .. ترد عليها الحمد لله أنت كيفك ؟! ترد عليها البوية بـ خير احسبي لي كذا كذا كذا و بطاقة شحن معاك .. و تاخذ اللي تبي و تمشي .. طيب البنات اللي لهم ساعة واقفين و لا وحدة فيهم تقدر تقول ليش أو وقفي في السرا معانا !! ليش ما يقدرون يتكلمون ؟؟! " لأنها بوية تخوف " و انتبهي لـ نفسك و ابعدي عنهم ع شان لا يضرونك .. احنا يا عزيزتي تركنا ثقتناو خوفنا من رب العباد و صار خوفنا من مخلوقات رب العباد

والله أنهم أضعف خلق ربي . . والدليل إنعدآم الشخصية اللي هم فيه والضعف اللي أختارت تعويضه بهالطريقة عشان تفرض قوتها المزيفه أو المعدومه أصلا . .
يعني لو وحدهـ وأستشهد بنفسي وقفت بوجها حتى لو وصلت للضرب . . شفتيها زي القطوة بالضبط لا تهشش ولآ تنشش لأنها بالأصل بنت حالها حالي , ,
بإنتظـآر عودتك ~

المساله مو كداا حتى لو رحتي كلمتي الشوون ماحد فاضي يسمعك الا نااااااااااادر انا اتكلم بصراحه معاكي غير هذاا كل اللي يصير قله الوزع الديني ومافي رقابه

عشآن كذآ فتحت هالموضوع . . عشان نتكاتف ونوقف هالأشكال عند حدهم وحتى الواقفين خلفهم ورآضين بهالوضع و كل الشكر لمرورك ~

الانسان ادا ماكان عندو وازع ديني وخوف من رب العالمين عمرو ماحايبعد عن الغلط مهما العالم اتكلم وطبق عقوبات وقرارات

كلآمك صحح بسس يعني لو فيه فئه مآعندهـآ هالوازع الديني اللي يردعهم نقعد سآكتين وهم قاعدين ينهشون بجسد هالوطن العفيف

المفروض يكون هناك عقوبة تضعها الجامعة لكل امثال هؤلاء البنات ~ حتى لا يتدهور الوضع اكثر ويكون شئ جداً عادي ~

بآرك الله فيك . . فعلاّ هذـآ اللي أتكلـم عنه ,

لأاتقوليلي اجانب ورفقة سوء و و و... اللي تسوي الغلط تسويه وهيا بكامل قواها العقليه ومقتنعه فيه وحاباه كمان ماحد جبرها واعتقد الغالبيه يسافرو ويطلعو برا الشذوذ هنا افضع من اي شي ثاني !!

كلآمك صحح بالنسبة للوازع الديني بس لما نتكلم عن مراهقة أوالنفس البشرية التي تهوى الشهوات هنا الكلام يتغير . . فلا نستطيع الغاء هالأطراف لأنهم أساس المشكلة . . وكما نعلم لا يفسد التفاح إلا العفن ~

موضوع جدا رائع واتمنى التعامل معه بجدية تامة , كيف راح نطبق الطريق المستقيم وهذي نظرتنا السطحية المحدوده يعني الفساد فقط في جده وفقط في جامعه المؤسس , الجامعه مقتصرة فقط على طالبات من جده فقط !!! , الفساد في كل مكان والاخلاق في كل مكان , متى نرتقي ونبعد الافكار الرخيصه المحدوده لفئة معينة فقط ؟ كاتبة الموضوع انتي جدا رائعه , فعلا اشعر بالخجل لاننا مكتوفي الايدي امام هذه الشريحه المتدنية الاخلاق , للاسف نحن عاجزين عن ردعها , نحتاج لأدارة متدربة تتعامل بجديه معهم اشكرك جدا , انافي الخدمة لأقدم المساعه ان وجدت .

< المقصد ليس في الفساد أنه مختص بجده دون غيرهـآ . . الفساد موجود حتى بزمن رسولنا الطاهر الكريم . . ولكن المغزى من الكلام هو علانية الفساد . . و المجاهره به . .
المجآهره بالذنوب سبب دمار الأمم وسبب سقوط الدول حولنا . . ولانريد أن نكون ممن يرون العذاب ولا يتعضون ولا نريد غض الطرف عمـآ حصل في جده قبل فترة !
< وجودك الكريم للنقاش في هذا الوضوع أروع من طرحي له . . كلنا والله صبغ الخجل وجوهنا حمرة العار مما يحصل في بلدنا الطآهر العفيف . . تشكري غاليتي على وقوفك الجاد معي ودمتي بود ~

ساروا البويات يمشوا بفخر وكنهم مسوين شي صح ويالطيف هاذي فيها لعن @_@"..

هم عارفين بقرارة نفسهم أنهم غلط وعارفين أنهم قذارة وأنتوا بكرآمه تتحرك على الأرض ومن جد شي يبكي من السمآجه على قولتك . . اللعن أمر لايحس به إلا المؤمن الذي يستشعر وجود الرحمن ويستشعر مدى أهمية رحمته ومدى خسرانه إن خسر رحمة رب العالمين , ,

* الشي المحير جدااا ليش مافي عقوبة رادعة لمثل هذي الفئة؟!!! ليش الجامعة ساكتة عليهم ونشوف المرقعة والمسخرة عيني عينك ومحد يتكلم؟؟؟!!! اشياء غبية يسحبوا عليها البطاقة ويسسوا نظام وهاذي اللي أشد محد يسوي شي!!!.. بصراحة الموضوع فيلو إن...!!

كلآمك صح 100% . . وعلى كلام وحده من البنآت وأحسبها والله أعلم من الصآدقين أن بعض من هذولا الشواذ واللي لهم علاقة محرمة بهاذي الفئة الوسخة من البنات هم من منسوبين الجآمعه ( مشرفات - أعضاء هيئة التدريس ) . . وهنا يتمثل أكبر إستفهام ؟؟ هل هؤلاء من استئمنوا على أمانتنا وحفظها ؟؟

كمان انتي نقاشتي نقطة مهمة حقة خروج البنات من الجامعة للكافيهات والمولات وكذا فعلا شي محزن.. وافتكر شفت موضوع عن التاكسي انو البنت زعلانة انو مسكها الامن وماعندها تصريح وأغلب الردود معصبة وتقول تعقيد وتشدد!! سبحان الله من الصياعة والبلاوي اللي تسير يسووا كذا .. يعني الغريب انو يشوفوه تعقيد وتشدد!!...

يعني لو كانت فتاة بريئة ومؤدبة كان عرفت أن هذا لمصلحة البنات . . وواثق الخطوة يمشي ( ملكاً ) لكـــن وشش تقولين ؟ ؟
مايبون شيء يحد خراب البنات و ما يبون قانون يحفظهم ويخليهم يركزون على أشياء أرقى من هالتفاهات اللي قاعدين يضيعون سمعتهم وشرفهم وإحترامهم عليها !
تعقيد > كلمة يعشقها دعاة سفور المرأه . . ويستخدمها العلمانيون . . يخطون بها حياتهم وهي مفتاح لكل باب أحمر وضعه كتاب الله وسنة رسوله . . نسأل الله الثبات بالدين و رحمته سبحانه وتعالى ,

والله يا اختي كلنا زعلانين على هالحــآل بيدنا نوقف البعض لكن مانقدر نوقف الناس بالمملكه كلها او حتى بجده لانو الفساد من علامات يوم القيامه الله يستر لكن مانقول الا حسبي الله الله يهديهم يارب لكن مايقهرك الا يوم تجي تنصحي بويه وتقولك مالك دخل.. انا حره.. هذي حياتي الله يهدييهم رددو : الحمدلله الذي عافانا مما ابتلاهم وفضلنا على كثير من العالمين

عزيزتي لو كلنا قلنا هالكلام ما راح يتغير شي . . ؟ لازم نوقف مع بعض . . وراح نقدر بإذن الله تعالى . . كل اللي علينا نأمر بالمعروف و ننهى عن المنكر ونتكاتف حتى ننشر الوعي الأخلاقي بين الناس بأخلاق المسلمين وبكل أمور حياتنا . . والبويات لهم بإذن الله خطط توقفهم عند حدهم إحنا بسس لازم نتعاون ونوقفهم عند حدهم , ,

بس سؤال محيرني وين اهلهم عنهم عاجبهم وضع بناتهم واولادهم كذا ومافي خوف مافي غيره مافي حياء اذا مايسحتو من الخالق يستحو من الخلق والسمعه على قولة اهلي الي مايخاف من الله يسوي اي شي الله يستر علينا ويهديهم

الأهل . . ما أبي أفتح جروح حاولت أتجاهلها ولكن سأخبرك أمرا ما . . !
من المعلوم أن التقصير والتجاهل و قلة التربية والحوار يؤدي إلى فساد الأبنااء و ضياعهم . . ولكـــــــــــــــن على النقيض الآخر هناك الكبت الذي يعتبر من أكبر أسباب ضياااااع الأبناء . . و كم منكم سمع عن أبناء بلغوا من الفساد مبلغه وعندما ننظر إلى الأهل نجدهم من أكثر البيوت محافظة وعلما و أدبا ولكن يوجد الدائرة الفارغة التي تسمى الكبت والتي من الممكن أن تؤدي إلى نتائج عكسيه للأبناء , ,
الخوف من الله إنعدم يا غاليتي مع هذه الفئة ~

والله ياأختي الناس اللي بتعمل مثل هالتصرفات ، مو محتاجة أحد يعلمها لأنهم على علم بأن اللي قاااعدين يسوونه لا يرضي لا الله ولا رسوله .. يعني هم مايجهلون بحكم هالأشياء .. لكنهم غرقانين فيها ومبسوطين بحالهم .. وبالنسبة للبصمة أو غييره ، اعتقد نظام القمع غير مجدي بالعكس ممكن يزيد الأمر سوء داااخل الجامعة ويتضاعفلنا عدد البويات .. عموما ، البنت أدرى بمصلحتها ومافي أحد يتعذر بجهله لهالأمور .. وكل إنسان لازم يتحمل نتيجة تصرفاته بالنهاية كل شي وله ثمن ..

أعتذر عن هذا الرد . . ولكــــــــــــــــــــــــن كلامك هو الذي ضيع بناتنا وأبنائنا . . ؟
التخلي عن أداء الاَمر بالمعروف والنهي عن المنكر ، يؤدي إلى ازدياد عدد المنحرفين والاَشرار ، وانحسار عدد الصالحين والاخيار ، ويؤدي إلى خلق الظروف الملائمة لتمادي المنحرفين والاشرار في انحرافهم وشرّهم إثر غياب الرادع لهم ، والمتابع عليهم زلاتهم وفسادهم ، حيث يأمنون من . . .
قال رسول الله صلى الله عليه وآله وسلم : « لتأمرنّ بالمعروف وتنهونَّ عن المنكر ، أو ليسلطنَّ الله عليكم شراركم فليسومُنّكم سوء العذاب ، ثم ليدعو خياركم فلايستجاب لهم ، لتأمرن بالمعروف ولتنهونَّ عن المنكر ، أو ليبعثنَّ الله عليكم من لا يرحم صغيركم ، ولا يوقّر كبيركم » وإذا تسلط الاشرار عمّ الظلم والجور والاعتداء على الاَنفس والاعراض والاَموال ، والاعتداء على جميع الحرمات والمقدسات ، وعمّ فساد الاَخلاق وتحلّلها ، وضعف العلاقات الاجتماعية ، وتفكك كيان الاُسرة التي هي نقطة البدء في اصلاح الجيل الناشئ ، والحفاظ على سلامته الروحية ، وحينئذٍ سيُفتقد الاَمان والاستقرار والطمأنينة . . .


مع خالص ودي للجميع

[دفاا الروح]

المفروض يكون هناك عقوبة تضعها الجامعة لكل امثال هؤلاء البنات

[قمرااي]

السلام عليكم ورحمة الله وبركاته
مشكورة اختي على طرح موضوعك في الحقيقه الموضوع مهم مهم للغايه وهو منتشر في الثانويات بالنسبه للاولاد طبعا في الجامعه قليل او شبه معدووم ممكن يكون السبب وراء ذالك المرحله الجامعية يكون تفكير الواحد اكبر من تفكيره بالمرحله الثانويه .
طبعا موضوعك عن البنات والله والله والله انصدمت كثير بذات اللي تفقد عذاريتهاا والغيره والخرابيط حقتهم انا اعرف انوو منتشر بين البنات بس مو لدرجة فض غشاء البكارة حسبي الله ونعم الوكيل ادعوو لهم بالهدايه والصلاح .
في الحقيقه كلناا بشر نخطي ونصيب بس ماتوصل للشذوذ من نفس الجنس والله شي غريب الحيوانات وهي حيوانات والله ماتسوي الشي هذاا ولاعمري شفت حيوانات ذكر مع ذكر او انثى مع انثى انا اتكلم عن الجنسين الذكور والاناث لانهاا بصراحه منتشره وفي جده بشكل كبير .
طبعا اساميهم الغريبه العجيبه عند الذكور بنت شيخ وعند الاناث بويه الله لايوفقهم والله حسيبهم .
انا احكي قصه رايتهاا على الكورنيش بجده بالتحديد في السقاله كنت على السقاله فجئة جى اثنين ذكوور واحد متدلع والقهرر كباار في اعمارهم يعني مو مراهقين بس والله اعجبوني الشباب وربي ماسكتناا لهم هزئناهم ونقول لهم اذا بليتوو استترو بصوت عالي وربي على طوول على السيارة ولا عاد شفناهم .
انا من رائي الشخصي هذا الشي يعود على التربيه وعلى قوة الخوف والايمان بالله سبحانه وتعالى اعتقد الجامعه من الصعب تتدخل صح ممكن فيه حلول اذا انتبهوو لهذاا المشكله طبعا اذا ادرجوو هذي المشكله ضمن اهتمامهم طبعا ماراح ينتبهون عن هالمشكله الااذا شافوو ناس تتكلم لان هذاا يأثر على سمعة الجامعة
بعدين الهيئه اللي بالاسواق ومسوين زحمه وينهم عند الجامعه هذي مشكله مو سهله .
انا حاب اسال سؤال للبنات واتمنى الاجابه الدكتورات عندكم يتكلمون بهالموضوع وينصحون وياخذون راي ولا لا ؟؟
والله لهم دوور كبيررر
الله يهدي الجميع وانا اولهم مافي بشر مايخطي بس خطاا عن خطاا يفرق
والله لايورينى غضبه هذي من الاشياء التي تغضب الله حسبناا الله ونعم الوكيل
اسف على الاطاله واتمنى الرد ع سؤالي
تحياتي المـــــــsــــــــــــــــالكي

[secret the letters]

أشكرك أختي الشعور الصادق اللي حسيت فية وانا أقرى موضوعك


فية كلام تفاجأة فية وانصدمت منه بعد الله المستعان

لكن كل إللي اقدر اقوله

مخافة الله بالسر أولا

والغلط موجود بكل مكان

لكن الغلط الأكبر لما تلاقي عدم الأهتمام من المسؤولين والمراقبين والنظر الى المشكلة ووضع
حد للتسيب هذا

[coco chanell]

لحد يقول كل شويا جدةوجدة

ماتشوفوا كيف حال البنات الي برا جدة ويجوا هنا يختبروا زي المفاجيع يجوا يوسوووا كل شي
ولما تجي الاجازة شوفواكيف اهل الرياض ولا من الشرقية ولا من خميس مشيط لما يجوا هنا ايش يسوووا مايسيبوا خلق الله في حالهم .... في كل مكان في شي بطال وشي كويس والفسلد مو بس على البنات الفساد في الادارةات والدكاترة الي مايخافوا ربهم ولا الأكل الي مخمج و و و و و و و و و و و واسطات و و و و و و و و و و وووووووو الخخخخخخ

[solaaa]

وافتكر شفت موضوع عن التاكسي انو البنت زعلانة انو مسكها الامن وماعندها تصريح وأغلب الردود معصبة وتقول تعقيد وتشدد!! سبحان الله من الصياعة والبلاوي اللي تسير يسووا كذا ..
يعني الغريب انو يشوفوه تعقيد وتشدد!!...[/quote]


ليه التفكير السيء عن كل البنات احنا ماحطينا دا الموضوع الا لاننا متضررين وماعندنا احد

يوصلنا وبنسأل كيف نطلع تصريح وايش الاجرائات الي حتسير

ليه التفكير الاعمى والظن السيء لو وحده فيكم كانت مكاني ومحتاجه احد يوصلها ماكان فكرتوا

كدا حرام عليكم ياناس

وحطوا في بالكم الي تبا تدشر وتصيع ماتعوقها سيارة ليموزين ولا اهل ولا نظام الجامعة بكبرو

الي تبا الدشره تدشر لو مشي برجولها واعيد وازيد الي ماخاف ربو ماحيخاف من الناس

احذروا من الظن السيء (إن بعض الظن اثم)

الكلام موجه لكِ ولصاحبة الموضوع ربنا يسامحكم