~~ شــــــتــــــات ~~ ♥ مُصرهـ علـى قــراري ♥..

[مصره على قراري]

المفروض اليوم اكمل قصة الطفله
بس النفس ضااااااايقه
حتى مالي خلق اتذكر اي تفاصيل
حتى لو حلوه
.............

[مصره على قراري]

رغم اني من عائله مقتدره والحمد لله
بس عمري ما استهنت بالفلوس
ولا طلبت مبالغ ضخمه لمجرد الرفاهيه
وهذا نظامنا كلنا(انا واخواني)
الصيف نبداء نتوزع
وكل واحد منا يدور شي يشغله
ويا حبذا ننشغل بوظيفه
بالنسبه لأخواني الشباب
انطحنوا من جد
جربوا كل شي بالحياه
لدرجة انهم كانوا يبيعون بليله على بحر رابغ
وكل الناس كانت تلوم ابوي
ويقولون معقوله عيال (فلان)يشتغلون هالشغله
واحنا البنات كان لنا بعض التجارب
استقبال بالبنوك-مراكز التدريب النسائي وشغلات من هالنوع
بس كل هذي التجارب علمتنا قيمه الماده
واعطتنا احساس بالتواضع اكثر
وانوا الشغل مهما كان مو عيب

موقف ما انساه~~
تخرج يزيد اخوي من الثنويه بنسبه تفشل
ومستحيل يدخل انتظم لو يطير
بكل برود جاء لبوي وقال
يوبه:قدر الله وما شاء فعل نعترض يعني على حكم الله
يلا بخششني واكشخ جامعه خاصه يبو يندر تكفى
ردت فعل ابوي كانت غريبه
نادانا كلنا
وسطرنا قدامه
وبداء يتكلم
وقال اسامينا كلنا وكل واحد من اخواني وايش منصبه الحين
وايش الحياه الي عاشها وانوا ولا واحد منهم اعتمد عليه
حتى سياراتهم هما الي اشتروها بفلوسهم
وفي الجامعه كانوا مستأجرين بيت جنب الجامعه ويروحون مشي
وهما بنظر الناس عيال(فلان) حتى كانوا اصحابهم يحسبون انوا ابوي متبري منهم
حتى وظايفهم ابوي مالوا دخل فيها ولا حاول يتوسط
واول جريده اشتغل فيها محمد كانت مجامله لأبوي
من صاحب الجريد
وترك الجريد من ثاني اسبوع بضغط من ابوي
رغم انوا غيره يحلم بنص الراتب الي كان رح ياخذه محمد
في الجريده ذي
وقال شوف اخوانك بالقوه لقوا وظايف رغم انوا برفعت تلفون اقدر اعينهم برواتب محد يحلم فيها
وطلع كرت البنك وقال ليزيد
افضل جامعه خاصه بجده كم رسومها؟؟؟
قال يزيد ما تقل عن 50 الف لترم
قال وكم سنه بتدرس؟؟
قال اقل شي 4 سنوات لو شديت حيلي ومن غير ما احمل مواد
في نفس اللحظه اتصل ابوي على البنك
وطلب استعلام عن الرصيد
وفتح السبيكر عشان نسمع الرقم
وكان في حسابه مبلغ يغطي دراسة يزيد 4 سنوت وزياده<<الحمد الله
قال ليزيد سمعت الرقم؟؟؟
قال ايوه
قال والله لو عندي 10 اضعافه
مارح ادفعلك ريال واحد لا بجامعه خاصه ولا انتساب مدفوع
وعندك 3 شهور الصيف
اشتغل وجيب المبلغ من جيبك ولا انطق بالبيت
عاد يزيد وقتها زعل وقام
واحنا تفاجئنا من اسلوب ابوي ما توقعنا يطنش دراسة يزيد عشان فلوس
ولما قام يزيد كلمناه وقلنا حرام لو ما عطيته فلوس مارح يدرس
قالنا ابوي :الدراسه مو مهمه قد الاحساس بالمسؤوليه
والرجوله
وسكتنا كلنا
وانجبر يزيد يدور على وظيفه
واشتغل في مجمع العرب كاشير براتب ثلاث الاف وخمس ميه
لمدة شهرين ونص
وجات الدراسه وقدم انتساب مدفوع
ودفع فلوس اول ترم
وللحين يشتغل بنفس المكان عشان يدفع رسوم الاترام كلها
وكل الناس تلوم ابوي
انت مقتدر و ولدك يشتغل كاشير
ورأي ابوي ما يتغير
واحنا كلنا صراحه مقتنعين بكلامه
ويزيد صار مسؤول اكثر
وحريص على دراسته اكثر من اي شي
ويفكر يقدم على الموارد بجامعه خاصه بعد
ما يتخرج من عزوز
تربية امي الله يرحمها واسلوب ابوي
علمنا المسؤوليه اكثر
وان كل واحد يخطط لحياته ويتحمل نتأج هالحياه
وبالفعل هذا الدرس راسخ بعقولنا كلنا
واسم ابوي وو ظيفته
ما غيرت فينا شي
كلنا نتجنب نقول اسمنا الكامل
نكتفي بالاسم واللقب
كل هذا لانا معتزين بأنفسنا
وسواء ابوي سفير او فراش بمدرسه
هذا كله ما يفرق معنا
الي خلاني اتذكر هالموقف
واقول هالكلام
لان ابوي خلاص قدم طلب استقاله
وكأني حابه اثبت لنفسي
انوا احنا بالوظيفه ومن غيرها
ما تغيرنا وحتى لو تغير مستوانا المعيشي
وصار اقل
هذا مارح بفرق معنا لانا اساسا
ما كنا معتمدين على ابوي
كمصدر دخل
كل واحد من له وظيفته
وحتى لو كان دخلها قليل احنا كنا عايشين عليها
ومنصب الوالد ما خدمنا بشي
وكل شي مميز وصلنا له
كان بمجهودنا بعد توفيق الله
4 بنات و4 شباب
وكل واحد منا له مجاله
وانجازاته
الي الكل يحسدنا عليها
كل الي احنا فيه بتوفيق الله
ثم اسلوب تربيتنا

وكل واحد منا اللحين يفكر يربي عياله
بنفس الاسلوب لانا الحمد الله شايفينه صح
ورغم ان الناس كانت تتكلم علينا
لما تشوفنا بالصيف نشتغل
او لما يدرون انا ندرس بمدارس حكوميه
بس كل هذا ما كان يهمنا

على فكره(كلية البترجي الي ادرس فيها اللحين منحة تفوق واخذ مكافئه ومع عقد منتهي بالتوظيف)<<يعني بمجهودي بعد توفيق الله

اول ما تصدر الموافقه على الاستقاله اتوقع ابوي بيسوي عزيمه ما صارت
كله من الفرح انه رح يرجع السعوديه ويسكن في بيته طول السنه
مو شهر او شهرين والباقي سفر

من جد تعب الله يعطيه العافيه

حتى احفاده ما يشوفهم زين يشوفهم صغار
ويرجعلهم وهم كبار ويزعل مره لما مايسلمون عليه
لانهم ما يعرفونه
بس اللحين خلاص
كل شي بيرجع مثل ما كان واحسن
واحتمال نستقر بكندا<<لان ابوي تعود على العيشه برا
وانا الي رافضه
واتوقع بيغير رايه
لانوا عارف ان كل حياتي هنا
وهو كلها كم شهر ويتعود على السعوديه
وحياتها

لو صدرت الموافقه على الاستقاله
بحط نسخه من القرار بصفحتي في الفيس بوك
عشان كل الي هاجموني لاني بنت (فلان)
يعرفون انه استقال
ولو بيصير بينا تعامل ينسون ابوي بالمره

[مصره على قراري]

نعود لطفلتنا<<صراحه اشتقت لها^^
كما قلت اسبوعين التنويم كانت حااافله بالاحداث
ولكن اهم الاحداث التي غيرت حياة هذه الطفله
كانت حدثين مهمه جدا
الحدث الاول:
الملل كان يعلوا محيا هذه الطفله
فقترح دكتور وليد ان يخرجوا الطفله
لتتجول في ممرات المستفى قليلا
بالفعل استقلت طفلتنا الكرسي المتحرك
وبداءة بالتوجال مع والدتها
كان لوالدتها اسلوب مميز جدا
عندما ترى ان ابنتها التفتت الى شيء
حتى لو كان بسيطا كانت تتوقف وتشرح لها عنه
مثلا...
(طفاية الحريق)
المعلقه على جدران الممرات
كانت ملفته جدا لطفه
توقفت الام وقربت الكرسي من الطفايه التي على الجدار
وبداءة بالشرح المبسط
(هذي طفاية حريق يعني لما اي شي ينحرق ويصير في نار ناخذ هذي ونظغط هنا ويطلع منها حاجه تطفي النار وتخليه يروح)
اسلوب بسيط
ولكن هذا الاسلوب رسخ في عقل طفلتنا خلال ساعه
ما يقارب السبع معلومات على الاقل
ابداءاً من طفاية الحريق مرورا بالمصعد وسنمعة الطبيب ومعقم الايدي الذي يعلق امام ابواب الحمامات وغيرها..
كل هذه الاشياء لفتت الطفله
ولم تتردد الام بتثبيت الصوره البصريه
وتحويلها لمكتسب ومخزون معلوماتي بأسلوب بسيط
وهذا الاسلوب من الايضاح
من اهم الاساليب التي كونت شخصية طفلتنا لحقاً
الحدث الثاني:
اثناء التجوال مرت طفلتنا امام غرفة الاطباء
وكما هي العاده شكلها الملفت واللطيف يجبر الطاقم التمريضي على ايقافها والحديث معها
فقد كان لها اسلوب مختلف في الحديث
كان لسانها طويل شوي^^
اوقفها بفضول(دكتور عمر الباز من اهم استشارين الأعصاب والعظام في المملكه)
ودار بينهم الحوار التالي
عمر الباز:
ايش اسمك ياحلوه؟؟
طفلتنا:
يوه اسمك اسمك كل مره انا اسمي (مريم) فلان الفلاني والنعم<<اعتزاز بالنفس منذ الصغر
تعلمت هالرد من اخوانها^^
عمر الباز:
وليش والنعم الـ......موكويسين وبخيلين<<يقصد قبيلتها
الطفله:
ماما هذا الرجال غبي وازعاج<<ماكانت تدافع عن قبيلتها بالتحديد بس فعلا كان اسلوبه غبي^^
عمر الباز:
ضحك ولم يستطع التوقف
طفلتنا:
ماما ازعااااج يضحك يضحك بروح انام<<صوت ضحكته كان عالي جدا وصداه اعلى
طبعا الام من الحرج تحركة بطفلتها سريعا حتى لا تتمادى اكثر
ولكن دكتور عمر لم يتركها لحق بها الى غرفتها
وكفضول اي طبيب رفع ملفها المعلق في طرف السرير
وبداء بقرائته وهو يضحك على اخر تعليق لطفله

وصمت فجئه..................
سأل الام :
متأكده انوا هذا ملف بنتك؟؟؟
الام:
طبعا واسمها مكتوب عليه
بنفاذ صبر خرج من الغرفه وهو ينادي
وليد....دكتور وليد......نرس وين دكتور وليد؟؟؟
اضطربت الام كثيرا
وحاولت قراءة الملف
ولكنه محتوي على (مصطلحات طبيه) لم تفهمها
فعلقت عيناها على الباب
وخلال دقائق
وصل وليد وعمر
والواضح انهما منفعلين جدا
بادر دكتور عمر قائلا:
يا بابا انا بحرك اصبعي وطالعي فيه كويس زي كذا
وحرك اصبعه امام عينه
وتتبع الاصبع بنظر <<كمثال لطفله
وفعلا حرك اصبعه امام اعين الطفله وكانت الطفله تتبع الحركه
واعادها اكثر من مره
وكان يقول لدكتور وليد(impossible)<<مستحيل
وقام بسؤال الطفله
اسمك ايش يا بابا؟؟؟<<كان يريد التأكد من صحت مخارج الحروف لديها وسيطرتها على اللفظ وحركة الفك
وكالعاده ملت طفلتنا من هذا السؤال
وقالت:اسئل ماما
استغرب دكتور عمر
وطلب من دكتور وليد
جميع الصور الشعاعيه
ونتائج التحاليل التي اجريت لطفله
احضرتها الممرضه وبداء بالاطلاع عليها بستغراب
الام هنا زاد قلقها
وسألت الطبيب اخيرا...
دكتور وين المشكله في شي احنا ما نعرفه؟؟
كان رد الطبيب:
مافي مشكله ابدا بالعكس شي كويس
حالة ابنتك نادره جدا
و وجه ندرتها
ان اي طفل (خديج)<<مولود قبل اوانه
ويتعرض لنقص اوكسجين بعد الولاده ولمدة شهرين
كما في حالة بنتك
من الطبيعي ان تكون متخلفه عقليا
وجميع وظائفها الحيويه معطله
وان اراد الله لها الحياه
قد لا تتجاوز سن الخامسه
اما حالة ابنتك على العكس تمااااما
من خلال الفحوصات بنتك
سليمه طبيا وتعتبرحاله نادره على مستوى العالم
ومشكلتها الوحيده الشد في اعصاب الاطراف السفليه زي ماقالكم دكتور وليد
لكن عشان نتأكد لازم نسوي فحوصات شامله من جديد
وفعلا اجروا جميع الفحوصات والأشعه الازمه
والنتيجه واحده
ولكن التغير ان الطبيب المشرف على الحاله
بعد ان كان(وليد حماد)
اصبحوا 3(وليد حماد-عمرالباز-زكي نواوي)من افضل استشارين الاعصاب والعظام في المملكه
وتحولت طريقة المعالجه
من اسلوب بدائي ومتردد<<بسبب جهلهم بالحاله
الا اسلوب عملي وجديد ولأول مره يطبقونه
احضروا لطفله اخصائين في التخاطب
وكانت نتائج تقاريرهم تدل على سلامة
مخارج الحروف والقدرات اللغويه لدى الطفله
واستعانوا بطاقم متخصص في اختبارات الاستجابه
وقياس ردات الفعل
وكانت نتائجهم لم تزيد الاطباء الا تعجبا وتسبيحاً لخالقهم واعترافا بقدرته
اصبح الاطباء الثلاث شبه
مداومين في غرفة الطفله
وكان يدور بينهم وبين طفلتنا
احاديث والعاب وضحكات على اسلوب الطفله
الهجومي والذي يحمل نوع من السخريه عليهم في الغالب
كتعبير عن الملل من كثرت اسئلتهم
واستمر البحث حول هذا المرض النادر حتى توصل
دكتور(وليد حماد)
الى اليه جديده قد تساعد في ارتخاء اعصاب الاطراف السفليه <<وهو العارض الوحيد الذي تعاني منه الطفله
ويمنعها من المشي
الاليه كانت عباره عن
تطويل لأوتار الساقين(يدويا)
واعتمد الفريق الطبي الاليه
وقرروا تنفيذها
ولكن كان يجب عليهم التريث اولا
لمعرفة نتائج العمليه الاولى
التي لن تظهر الا بعد فتح الجبس
وهذا يتطلب انتظار3 اشهر
استغل دكتور وليد هذه المده وسافر الا المانيا
ليحصل على كورس مكثف في كيفية تطويل اوتار الاطراف يدويا
وبالفعل استطاع اتقان الاليه الجديده
وعاد بعد 3 اشهر متحمسا لأجراء العمليه
نتائج العمليه الاولى
واحداث العمليه الثانيه
لطفلتنا ذات الثلاث سنوات
يتبع.....

[مصره على قراري]

فكره لطيفه جات في بالي اللحين^^
ليش ما اسوي قاموس للهجه النجديه
كلمات ومعانيها.. وياحبذا صور^^
واطبعه واهديه لأحمد الشقيري
وقروب خواطر
مساكين يعانون عشان يفهمون
لهجتي
بس عديتهم شوي^^
وصاروا يرمون كلمات بدويه
بس طبعا تحتاج لصيانه<<الكلمه منهم تطلع سايحه
ويبغالها شد صواميل ^^
هههههههههههههههههههههههه
رح انفذ هذا القاموس ان شاء الله واتوقع يعجبهم^^
ورح ارفع منه نسخه لمكتبة الساحه للفائده العامه^_^

[مصره على قراري]

لعيونها ... بس لعيونها

قلبي سراب بدونها ..

قلبي سراب ... وعيني سراب

ما اقول أعشقها بعقل...

مجنونها...

البارحة مريت في أحلى الفصول

صيف وشتاء..

وناظرتها..

وقلبي يقول هذي العيون إلى متى

حبيبتي ياكثرها عيونك على هاالليل

وين ما التفت اشوفها ..

حبيبتي يازينها عيونك على هاالليل

سحرني برق سيوفها..

ما أقول أعشقها بعقل..

مجنونها..

قمري .. يا شمس الذهب

سفري وراء عيونك تعب

قلبي تعب... وصبري تعب

ومن الهدب لين الهدب...

بحر ومراكب من لهب

أمواج تبحر برضاه ..

وأمواج تلعب بي غضب

~~~
بدر بن عبد المحسن..
اكتشفت ان ابوي يحب هالقصيده^^

[مصره على قراري]

صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنون...
من تفاصيل الحكاية..الاساور والمرايه..
عندي هموم القصيده غامضه صعبه عنيده..
وانت عاشق للوضوح ..
ودك بسري ابوح..و انا اخر همي بوحي
اعبر الشارع ... معي في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأجمل حرف عندي..أما رابع وحده دايم للي فات..
من هموم وذكريات ..زحمة لكن كل من في القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كسروا العشاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احلم بس احلم ..
~~
لمهندس الكلمه بدر~~

[مصره على قراري]

من رجعك ؟


كنت السفر , من رجعك !


ضاع الطريق او ضيعك؟؟
لا تقول احبك , لا تقول
عالــــــي السكـــوت , مــا اسمعـــك ..
تذكر في يوم المفارق
لما وقفت اودعك
ناديت يا عمري ابيـــــك
و بكيتها عيوني عليك
و تركتني الله معك
لا تقول احبك لا تقول
عالــــــي السكـــوت , مــا اسمعـــك ..
يا صوتك الناحل
في ضجت ظنوني انت الزهر ذابل
في قلبي و عيوني ..
صدقني ما يفيد العتاب
و صدقني ما يكفي الندم .
تبغاني احبك للعذاب
والا احبك للالم ..
انا حتى مدري وش تقول........
عالــــــي السكـــوت , مــا اسمعـــك ..

~~~~~~~~~~~~~~
بدر بن عبد المحسن ~من رجعك~


فعلا عالــــــي السكـــوت , مــا اسمعـــك ..

[مصره على قراري]

ليه أحس إني وأنا اشوفك حزين
قلبي الليله بهمي ممتلي ..
كانها الفرقى طلبتك حاجتين
لا تعلمني ولا تكذب عليّ ..

خلني ما بين شكي واليقين
مايهم رضاي عنك وزعلي ..
باكر اللي خافيٍ لازم يبين
والوعد بلقى مكانك به خلي ..

وانتظرلي ليلةٍ او ليلتين
لين ما يقفي السحاب وينجلي ..
ولا طويت الياس بذرف دمعتين
للهوى الغالي وبا وادع هلي ..

صاحبي بموت من كثر الحنين
خلني بختار لحظة مقتلي ..
ليه أحس إني وأنا اشوفك حزين
قلبي الليله بهمي ممتلي ..

من اقدم قصايد~بدر بن عبدالمحسن
بس احبها^^

[مصره على قراري]

~مزاجي اليوم(كلمه)سواء من بدر بن عبدالمحسن او غيره بس اكتشفت اني احب قصايد بدر اكثر ~

[مصره على قراري]

كنت مريضه وبأصعب مرض
ممكن احد يتخيله
نص عمري وانا بالجبس وعمليات
وغرف مستشفى
والحمد الله رب العالمين تعافيت
تماااااااااااااااما
بس كل بين فتره والثانيه
او بالاخص لما احس(لو انغريت بنفسي وصحتي)شوي
لازم اكسر نفسي
واكسرها بطرق كثير
منها اني ارجع اجرب الكرسي المتحرك يوم كااامل<وممكن اداوم فيه
واحيانا قطع الجبس الي محتفظه فيها لذكرى
اركبها على رجلي واثبتها
واجرب يومي ورجلي مجبسه
بس الحين
عندي نوع حديد من كسر الغرور
~يوم كفيفه~
وحده من اقارب الوالد كفيفه
وتقريبا في عمري
اروح لها واجرب يومي وانا كفيفه
اربط شي على عيوني
وابداء امارس حياتها
استخدم كمبيوترها الصوتي
اتحرك في غرفتها زي ماهي تتحرك
احاول امارس حياتها
معها
وطبعا من غير ما تدري
عشان يمكن تفهمني غلط
بس من اول ما اخرج من عندها
احس براحه غريبه
يمكن ~احساس بالرضى~
لاني الحمد الله بصحه وعافيه
واستشعر معنى الصحه فعلا
لان الصحه بالنسبه لي كانت (خيال-معجزه)
لكن مافي شي يصعب على رب العباده
ا~للهم لك الحمد حتى ترضى ولك الحمد اذا رضيت ولك الحمد بعد الرضى~
هذي التجارب تعلمني كثير
رغم ان كل الي حولي يستغربون مني
واحيانا يتريقون علي
مره داومت في(عرب نيوز)
بالكرسي المتحرك
الكل استغرب ولما شرحتلهم السبب
جاني رد من(سلطان التميمي)<<صحفي معانا
كان زي الصاعقه
وظليت افكر فيه كثيرررررررررررر
رده كان(انتي مو وجه نعمه الله يعطيك الصحه وتتظاهرين بالمرض من جد حالتك صعبه انصحك بطبيب نفسي)<<قالها بأسلوب مزح
وطبعا معروف عني الردود السريعه
قلتله(النعمه الحقيقيه اني اعرف معنا الي فقدته واشكر ربي عليه بستمرار وبما ان النفس البشري ياخذها الغرور احيانا فتحتاج لتهذيب)
بصراحه قلت هالكلام من دون تفكير
ولما جلست لوحدي صرت افكر بكلامه
بس اكتشفت انوا ردي عليه كان انسب شي
ممكن اقوله
ومازلت على نفس الاسلوب
وكررت التجربه بعد كلامه كذا مره
شكرا سلطان رسخت الفكره في عقلي اكثر
جد شكرا~~