لــــــخـــــــصــــــهــــــــا بـــــــنـــــــفــــــــســــــــك

[ضيدان]

امتداد لموضوع اخونا صقر الشمال ( http://www.skaau.com/vb/showthread.php?t=337022 )

قررت احط بين ايديكم هذا الموضوع وهذي الفكرة والنصيحة وهي الطريقة المضمونة بإذن الله لتحقيق أعلى الدرجات في أي مادة مهما كانت معقدة او دكتورها معقد.. واتمنى تكون شعار نتبعه واسلوب نعتمده للخروج بأفضل النتائج وأعلاها ان شاء الله

وحبيت اسميها

لــخـــصـــهــــــا بـــنــــفــــسك

ما يخفى عليكم ان بعض المواد تغيرت الكتب تبعها .. او تغيرت مفرداتها ... او دكاترتها
ومن سبقنا من الطلاب الله يجزاهم الف خير لخصوا بعض المواد بناء على المفردات والكتب اللي كانت مقررة في تلك الفترة ... او بناء على توجيهات الدكتور وتحديده اثناء الدورات التأهيلية... والان اصبحت اما بدون قيمة او ناقصة بعض الدروس والمعلومات..

وبما ان اكثر الناس يعتمد على بعض هذه الملخصات ... ويدخل الاختبار ... وبعد الترصيد اما يلوم الدكتور وبعض الاحيان يسب ويشتم فيه .. او قليل منهم يندم على انه ما اعتمد على نفسه وذاكر حسب المفردات وحسب الكلام اللي ينقله اعضاء المنتدى بمواضيعهم اللي تتكلم عن الدورات التأهيلية

هذا غير الدكاترة اللي يطلعون على الملخصات ويحذرون منها ويتعمدون يجيبون اسئلة من خارج الملخصات لنفس المقرر من الكتب المقررة .. ويسألونك عن اشياء مذكورة بالكتاب .. لكن ما ذكرت بالملخص.. وبكذا تكون خسرت . سواء سبيت الدكتور وشتمته او لا ... انت اللي جنيت على نفسك مو الدكتور لانهم داااايم يقولون لا تعتمدون على الملخصات

وهنا حبيت اعطيكم وصفة .. وســر ... تفوق أكثر الطلاب في بعض المواد اللي تكون فيها نسب النجاح قليلة جدا أو النجاح بأدنى الدرجات.. ويحققون بعض الاحيان الدرجة الكاااملة في مواد يجتازها بقية الطلاب بصعوبة او بدرجة 60

وهي فكرة معروفة لكثير من الطلاب لكن للاسف . حنا اتكاليين ... نبغى شئ سهل ... ولا يتعبنا بالمذاكرة .. وانا من هالنوعية في بداياتي بالجامعة .. الين ما جاء الترم الصيفي الماضي.. والترم هذا ... والحمدلله رفعت المعدل ونجحت في جميع المواد وبدرجات مرضية ومقنعة ورفعت المعدل الحمدلله

الطريقة يا جماعة ... من بداية الترم ... باوقات الفراغ ... اقرأ المقرر (الكتااااااب) حسب المفردات .. قراءة سريعة وأي شئ تحس انه مهم حط تحته خط ... وكمل قراءة الكتاب .. الين تخلص الكتاب كامل.. وابدأ المادة الثانية بنفس الطريقة
وصدقني ما تدري الا انت قارئ المواد كلها بوقت قياسي ما تتخيله

وبعد كذا ..... امسك دفتر ... وهات الكتاب.. واقرأ واكتب النقاط الاساسية (رؤوس أقلام) ... ولما تمر على التحديد السابق ركز عليه واكتبه بنفسك بالدفتر
لما تخلص الكتاب تلقى انك عملت ملخص بنفسك
واستفدت ... مذاكرة بمعنى الكلمة.. ورسخت المعلومات براسك من خلال الكتابة

وعملت لك ملخص .. بنفسك . حسب الدكتور الحالي .... وحسب المفردات الحالية ... وحسب المنهج الحالي .. !
ولما تروح لجدة
اقرأ الملخصات ... وهات لك شوية نماذج اسئلة سابقة لنفس الدكتور .. ونفس المادة .. واختبر نفسك
وصدقني راح تكون مرتاح نفسيا ولا عليك ضغوط وبعض الطلاب راح تكون سفرته لجدة تمشية وسياحة لما يعمل ويطبق هذي الفكرة وراح يكون واثق ان شاء الله ومرتاح لانه عارف مصدر الملخص (نفسه) وعارف انه جديد (حسب المنهج المطلوب والمفردات المطلوبة وحسب ما يطلب الدكتور).
واتمنى نبدأ نطبق ...مو نتحمس لما نقرأ الموضوع .. واذا قفلنا النت نسينا ... وصدقوني الايام تمشي بسرعة .. ولا تدري الا ويقولون لكم احجزوا لجدة ..حددوا الاختبارات

ويالله يا جماعة ..... شدوا الهمة .... و لــخـــــصــهــــا بـــنــــفـــــســـــــك


والوعد ان شاء الله يوم ترصيد الدرجات
وراح تشوفون الفرق وراح ان شاء الله يرتفع المعدل

وأي شخص عنده أي ملاحظة على اللي قلته .... اتمنى من كل قلبي انه ينورني وينور الاخوان بالمنتدى .. لان يمكن تكون طريقتي فيها غلط وينبهني عليه من خلال ملاحظته ويساعدني على تصحيحها ويكسب اجر فيني


والله يوفقنا جميع يارب

ولا تنسوني من الدعوات ..... اخوكم الترم هذا خريج ان شاء الله