لابد من تقديم شكوى جماعيه.. في حال ثبت مكان الاختبار!!

[سؤال واستفسار]

الله لا يجزاهم خير يجمعون ملايين الريالات من الطلاب بحجة توفير مكان للامتحان ويرمونهم في اخر الدنيا ..

مكان الامتحان سئ جدا في ابعد نقطه عن مدينة الرياض مكان خطر جدا طريق مظلم وسرعات عاليه واستراحات ومقاهي يخرج منها سكارئ الله يكفينا شر الحوادث ..

حسبي الله علئ الحراميه يدورون ارخص مكان ومايهمهم بعد المسافه او الخطوره ..

اتصلت امس الظهر علئ مدير الجامعه ورد السكرتير وقال انه مو موجود وحاولت اكثر من مره اتصل عالعالميه ومح يرد ..

ولاحظ وقت وصول الرساله بعد انتهاء دوام الجامعه في اخر يوم قبل الامتحانات عشان يتجنبون ردة فعل الطلاب ويخلونهم امام الامر الواقع ..

[wolf-999]

سلاماااات رايحين نختبر ولا طالعين كشتة!!! الموضوع ما ينسكت عليه ابدا

مسوين هالحركة لجس النبض ، اذا شافوا الطلاب ساكتين بيخلونها كل ترم في الثمامة

،،

[4del]

انا صرت شايل هم المشوار ولا الاختبارات ما عاد سألت يبي لي اطلع من البيت قبل الاختبار بثلاث ساعات حسبنا الله عليهم , راسلت مدير الجامعة لعل وعسى يتغير او يتعدل شيء .

[الماسترو11]

الله يعينكم الحمدلله اني سجلت بالدمام

[رياض الرياض]

انا امس رحت للموقع قاعه رشوش طبعاً مشوار موطبيعي دخلت القاعه وقابلت شخص سالته ليه مكان الاختبار هنا قال هذا الي صار قلت بقدم شكوى للجامعه عليكم قال حنى ما لنا دخل الجامعه الي اختارتت الموقع طبعاً قلت كلامك غير صحيح لانكم تاخذون فائده على الطالب 600 ريال و 400 للجامعه طبعا كلامه مو منطقي ابد قال لي ان معرض الكتاب سابقاً الي بالمروج ماخذه امير مستاجره سنه كامله ولا امداهم ياخذونه
لازم نقدم شكوى للجامعه لان العالميه كثرت فلوسها وقامت تلعب علينا انا اخر ترم لي هذا لكن لا نسكت اذا مو قدها هم فيه غيرهم

[رياض الرياض]

ياليت الكل يرسل لمدير الجامعه هذا حق من حقوقنا ولازم ناخذه لازم نكون يد وحده والله سفر لما رشوش

عناوين مدير الجامعه : : الأستاذ الدكتور/ أسامة بن صادق عبد الرحمن طيب

العنوان البريدي : almodyr@kau.edu.sa

رقم تلفون المكتب/ 6952011 ، 6952008 ، 6952009

رقم الفاكس / 6951996

[MrMeshal]

يالربع الوضع ما ينسكت عليه البنات خلوهم يختبرون في مداريم كرون على ما اعتقد وحنا حذفونا في قلعة وادرين
لازم نسوي شكوى جماعيه ولا الترم الجايه راح نختبر بالطوقي العالميه مغير يلهط درهمنا وحنا مدرعمين

[رياض الرياض]

لا تستغرب بكره حاذفينا في ببان

[mgnon]

المشاركة الأصلية كتبت بواسطة رياض الرياض انا امس رحت للموقع قاعه رشوش طبعاً مشوار موطبيعي دخلت القاعه وقابلت شخص سالته ليه مكان الاختبار هنا قال هذا الي صار قلت بقدم شكوى للجامعه عليكم قال حنى ما لنا دخل الجامعه الي اختارتت الموقع طبعاً قلت كلامك غير صحيح لانكم تاخذون فائده على الطالب 600 ريال و 400 للجامعه طبعا كلامه مو منطقي ابد قال لي ان معرض الكتاب سابقاً الي بالمروج ماخذه امير مستاجره سنه كامله ولا امداهم ياخذونه لازم نقدم شكوى للجامعه لان العالميه كثرت فلوسها وقامت تلعب علينا انا اخر ترم لي هذا لكن لا نسكت اذا مو قدها هم فيه غيرهم

هههههههههه غير التصريفة اللي قالوها لي

قالو أنه في شكوى من الخطوط وكتابة العدل والسوق المجاور لمعارض الرياض
بشان السيارات
علما ان فيه المواقف الشمالية اذا جت الاختبارات يسكرونها؟

[mgnon]

عارفين البنرات اللي على ستاند ثابت
قيمتها 200-300 ريال شاملة الطباعة
واحد من الشباب كاركيتر يقول شكلي بسوي عشر كراكيتيرات
واروح بعد بكرا احطهم واجيب معي مصور ......


لو صدق وجزم وسواها --- اسلوب اعتراض راقي بشرط عدم الاسائة