الى جميع طلاب وطالبات التحضيريه الدخول والتفاعل >>>أريد حل

[لحن الحياهـ]

المشاركة الأصلية كتبت بواسطة متطلع الناس ليش زعلانة ؟؟؟ يعني بالله عليكم تبغوا اختبار المستوى الأول أسهل من المستوى الخامس ؟؟؟ طيب لو واحد جا في اختبار تحديد المستوى وغلط نفسه ؟؟؟ فكرت أسويها صراحة ، حيحطوه في المستوى الأول وهو المفروض يختبر مع الخامس ، يعني يجيب فل مارك وهو نايم ... وبالله عليكم كيف تبغوهم يحطوكم في الكليات وفي ناس أحسن منكم في المجموع ؟؟؟ يعني واحد ما يعرف كلمة إنجليزي يجيب فل مارك وواحد كان اختباره جدًا صعب وخبص ، والأول يخش كلية محترمة والتاني مع نفسه ؟؟؟ فين العدل ؟؟؟ وكيف تبغوا التقسيم يكون عادل إذا ما اختبرونا نفس الاختبار أصلًا ؟؟؟ على أي أساس يختبروكم حسب مستواكم ؟؟؟ لازم يختبروا الدفعة كلها اختبار واحد ويعرفوا مستواكم عشان الأفضل يتسكن في الكليات الكويسة !!! بالنسبة لتحديد المستوى ، كان في صالحكم ، صح إن المنهج مختلف ، لكن الاختبار ما حيكون عن المنهج ، الاختبار حيكون إنجليزي عامة زي تحديد المستوى ، يعني مو زي أيام الثنوي لازم تحفظوا الكتب ، لأ ، دحين لازم تعرفوا اللغة لأنه الاختبار في اللغة عامة !!! وهذا اللي عندي ، يا ريت تبطلوا تسخط لأن هذا هو العدل ( في وضعنا الحالي كسنة تحضيرية ) واللي يقول : إيش ذنب اللي كان الإنجليزي حق مدرستهم تعبان ؟؟ أقوله : ليش ما غيرت مدرسة ولا ليش ما رحت معهد ولا اتصرفت وسويت شيء ؟؟؟ جي دحين تتكلم ليش ؟؟ لا تلوم إلا نفسك وبعد كدا اتعلم من بدري لأن العلم قوة ... Knowledge is power ... تحياتي ، وأنا ما أقصد شخص معين بكلامي ، بس كنت بوضح اللي انتوا شاكين فيه ... وأنا ما كتبت كدا إلا لأن الرد اللي فوقي يحزن صراحة !!!

اها
مساااكين والله
حزنتك انا
ولا غيري حزنك
والله ضحكتيني وانا مالي خلق اضحك
يعني بالله عليكي
ادا التعليم عندنا باايخ و فااشل
ومافي تعليم صح
يعني لاتضحكي على نفسك وتضحكي علينا
التعليم معروف عندنا
مستوانا في التعليم فاااااااااااااااااااشل
شوفي الدول التانيه
لو انو نحنا زيهم كان دحين كل شي حلووو بالنسبه لنا

يعني لو اننا بدينا من الصفر صح
لكن نحنا بدينا من الصفر خطا
و على حكايه ادبر نفسي
ادا انتي قادره تدبري نفسك بمعهد ولا شي
غيرك مايقدر
ويادوووووب قاادر على وضوعو
يعني راعو ضروف الناااس
ومستوااايااتهم

عن جد شي فظيع

[متطلع]

المشاركة الأصلية كتبت بواسطة لحن الحياهـ اها مساااكين والله حزنتك انا ولا غيري حزنك والله ضحكتيني وانا مالي خلق اضحك يعني بالله عليكي ادا التعليم عندنا باايخ و فااشل ومافي تعليم صح يعني لاتضحكي على نفسك وتضحكي علينا التعليم معروف عندنا مستوانا في التعليم فاااااااااااااااااااشل شوفي الدول التانيه لو انو نحنا زيهم كان دحين كل شي حلووو بالنسبه لنا يعني لو اننا بدينا من الصفر صح لكن نحنا بدينا من الصفر خطا و على حكايه ادبر نفسي ادا انتي قادره تدبري نفسك بمعهد ولا شي غيرك مايقدر ويادوووووب قاادر على وضوعو يعني راعو ضروف الناااس ومستوااايااتهم عن جد شي فظيع

حياكي يا أختي ، أولًا عشان الموضوع يكون واضح من البداية ، أنا ولد ....

ثانيًا ، يا أختي ما ينفع التسخط الحين ، لأن الكليات القوية كلها إنجليزي ، يعني لا مفر لازم كلنا نتعلم إنجليزي عاجلًا أم آجلًا ، إما تشوفي معهد ، أو تشوفي مدرس(ة) ، أو تشوفي كتب لتعليم اللغة أقلها ، أظنك تقدري على الكتب على الأقل يعني ، ويمديك تدوري على النت على الكتب هذه أو مواقع أو ... الخ ،

إنتي حاليًا قدامك تحدي ، مستواك في اللغة يعوق أهدافك ، إيش حتسوي ؟؟؟ الموضوع بيدك وفي ألف حل وحل بس لازم تخطيط ... وما ينفع التسخط الحين ،

كلنا كنا نعرف مستوى جامعتنا الموقرة ، بس في ناس أعرفهم أستعدوا للمعوقات هذه وتجاوزوها الحمد لله ، يعني إنتي مو أول وحدة تنقهر ولا حتكوني آخر وحدة ، لازم تشتغلي لأن هذا مستقبلك خلاص ما ينفع تقعدي في وصلتك وتقولي: مستوى التعليم عندنا فاشل ، إنتي طالبة جامعية يعني لازم تتعلمي بنفسك !!!

وهذا اللي عندي ، أتمنى أكون أفدتكم بحلول ، أهم شيء لا تتحطموا لأني أعرف ناس أتعلموا إنجليزي في الصيفية ومعايا الحين في المستوى الخامس !!! ما شاء الله ،

بالتوفيق واحنا في الخدمة دائمًا ...