تجمع لطالبات التدريب العملي بالدبلوم التربوي

[أخفي غلاك]

بنات الدبلوم التربوي اين موقع المدرسة المتوسطة 32 ؟؟؟

انا اعرف انو هي بشمال جدة

لكن مااعرف بأي حي او موقعها بالزبط

ياليت إلي تعرف تقولي

ولها مني دعوة طيبة بكل سجدة

والله يوفقكم

[فتاة العصر]

المدرسة في حي السلامة - شارع صاري
بالتحديد في شارع فرعي اسمه عبد السلام كامل
هتلاقي قريب منها مركز الإشراف التربوي

وياريت تدعيلنا اللهم مايفرقنا عن اللي نحبهم كلهم

بالتوفيق

[الحل الاكيد]

معليش بنات يعني مافي شيء غير انه نروح الثلاثاء نستلم الخطاب وهل بنات ايمان فقط ولا الجميع
وكمان هما ماقالوا انه حيسون لنا اجتماع متى حيكون

[فتاة العصر]

بالنسبة للخطابات هتكون لكل البنات

وبالنسبة للإجتماع ماني متاكدة مرة بس يمكن وقت تسلم الخطابات البنات بيكونوا متجمعين عند المشرفات واللي عندها سؤال تساله للمشرفة اعتقد بيكون كده لأنهم ماحددوا وقت معين لإجتماع زي كده ...

بالتوفيق

[فتاة العصر]

بنااااااااااااات اللي ماهي عارفة عنوان مدرستها اللي هتتدرب فيها فين تقول هنا
وباذن الله بجبلها العنوان بالتفصيل

موفقين

[أخفي غلاك]

المشاركة الأصلية كتبت بواسطة فتاة العصر المدرسة في حي السلامة - شارع صاري بالتحديد في شارع فرعي اسمه عبد السلام كامل هتلاقي قريب منها مركز الإشراف التربوي وياريت تدعيلنا اللهم مايفرقنا عن اللي نحبهم كلهم بالتوفيق

مشكورة ياعيوني
ويارب مايفرقك عن اللي تحبيهم ويوفقك

[أخفي غلاك]

المشاركة الأصلية كتبت بواسطة شواطئ البحر هذا رابط للجميع مواقع المدارس الأهلية وحكومية بالمملكة http://212.70.49.112/schools/

هذا رد للأخت شواطيء البحر على موضوعي يمكن يفيدكم


بنات بكرا بنضرب مشوار علشان ناخذ الخطابات طيب ايش نسوي فيها نسلمها يوم الأربعاء لمديرة المدرسة الي بنطبق فيها

ولا نسلمها أول يوم دوام


لأني افكر اني اخذ الخطاب يوم الأربعاء

ايش تنصحوني ؟؟

وصراحه الدبلوم غلطانيين معطينهم ارقام جوالاتنا وايميلاتنا المفروض صراحه يتواصلو معانا عن طريق الجوال او الايميلات مو نضرب مشوار وبالنهاية مافي شي اخاف اروح الثلاثاء ويقولو الخطابات تستلموها يوم الاربعاء


حتى اسماء الطالبات ومدارسهم المفروض مايشيلوها من لوحة الاعلانات

[فتاة العصر]

لبنات التدريب

بالنسبة للخطابات انا روحت الجامعة وتقريبا 95% بتكون بكرة الثلاثاء ،، خصوصا طالبات الدكتورة خديجة لأنها رجعت مسكت التدريب ثاني ...

بالنسبة لأسماء الطالبات ومدارسهم ارجو من الكل يراجع مشرفته لأنو حصلت تغيرات كتيييييير

وبالنسبة لتسليم الخطابات بتسلموها لمديرة المدرسة اول يوم دوام

وللأخت أخفي غلاك شكرا لدعواتك

بالتوفيق

[حلوة المعاني]

بنات الي راحو اليوم ( الثلاثاء )

يقولو لي ايش سوو لكم وهل اعطوكم الخطابات واجتمعتو مع مشرفاتكم ولا كيف ؟؟

ارجو الرد

[الهمه العالية]

بنات الي راحو اليوم ( الثلاثاء )

يقولو لي ايش سوو لكم وهل اعطوكم الخطابات واجتمعتو مع مشرفاتكم ولا كيف ؟؟

ارجو الرد