✿:|تجمع طالبات الانتساب لاستفسارات الجدول والحذف والاضافة - للترم الاول 2014❥~

[#روووح#]

الدراما و السوشيو تعارض


ونفس وضعي بالنسبة للنحو

بس نصيحتي 3فصول احسن من 4ومنهج جديد عليك..

بالتوفيق

[ام سجو]

السلام عليكم ماستغني عن مشوراتكم مشرفات منتدانا الغالي

باقي لي سبع مواد لكن محتاره شفت اسماء الاستاذات ماتشجع ... واغلب موادي ادبيه وهي: مقدمه بالادب مودرن ريسيرش مسرحيه فكشن سوشيو براكتكم..شوروا علي اخذها كلها او اقسم لترم اللي بعده واش اضيف برايكم

[Danno]

طيب كيف الفكيشن مع سوزان فكهاني لو لغيت السوسيو واخذ بداله فيكشن

يصير علم الدلاله
شعر
مسرحية
فكشن
حلقة بحث

[white rose]

المشاركة الأصلية كتبت بواسطة danno انا باقي لي 11 مادة افكر اخذ هالتيرم 5 مواد اخذ سيمانتك مع افنان سوسيو مع عزيزه شعر مع ايمان بوترعه دراما مع ايمان بوترعه سيمنار مع عزيزه وش رايكم بالجدول؟ يصير يبقى لي التيرم اللي بعده علم الاصوات والصرف والنحو وادب القصه وشكسبير وتدريب يمكن اقسمهم على ترمين بدال ترم النحو حملته التيرم اللي راح ومتعقده ممن الكتاب ماودي اخذه مع منى البلوي

حياك الله اختي

خمسة كثيرة عليك دامك مخططة تخصلينها على 3 اترام خلي موادك 4-4-3

والمفروض انك تخلصين من النحو والصرف من بدري احسن لك لانهم اساس المواد اللي بعدهم عشان تقدرين تستوعبين زين خاصة للسيمانتك

والله يعوضك بالامتياز والفل مارك بالنحو بس دامك لسه متذكرة المادة افضل اخلصي منها ولك الخيار

واقترح لك : نحو + صرف + دراما + شعر

والترم اللي بعده : علم اصوات + سيمانتك + سوسيو + شكسبير

والترم الاخير : تدريب + ادب قصة + سيمنار

احس كذا حيكون متوزان جدولك وخفيف عليك

الله يوفقك :-)

المشاركة الأصلية كتبت بواسطة ام سجو السلام عليكم ماستغني عن مشوراتكم مشرفات منتدانا الغالي باقي لي سبع مواد لكن محتاره شفت اسماء الاستاذات ماتشجع ... واغلب موادي ادبيه وهي: مقدمه بالادب مودرن ريسيرش مسرحيه فكشن سوشيو براكتكم..شوروا علي اخذها كلها او اقسم لترم اللي بعده واش اضيف برايكم

وعليكم السلام ورحمة الله وبركاته

حياك الله اختي ام سجو ولا نستغني عن طلتك ووجودك بيننا

انصحك على ترمين عشان تقدرين تركزين زين

الريسرش نزل مع مس نجوى وفررررصة لا تضيعيها معها

والمقدمة مدحو د. سوزان الترم الماضي وعجبتهم المادة معها

السوسيو طيب مع د. عزيزة لانها تعطي بونس بس شرحها لك عليه + الدراما مع مس ايمان يبغالها شدة حيل ومتابعة وتكوني معها خطوة بخطوة بشرحها لانو مو اي شي يعجبها لازم تكون كتابتك كمان بيرفكت وما فيها اخطاء املائية تركز عليها اكثر من فحوى الكلام والاجابة .. واذا راح تستصعبين الدراما معها يصير اجليها لترم التخرج

والترم اللي بعده : مودرن وفكشن وبرراكتكم للتخرج واستخيري

والله ينور بصيرتك :-)

المشاركة الأصلية كتبت بواسطة danno طيب كيف الفكيشن مع سوزان فكهاني لو لغيت السوسيو واخذ بداله فيكشن يصير علم الدلاله شعر مسرحية فكشن حلقة بحث

اختي الفكشن نازل مع ابتسام اخت سوزان فكهاني فانتبهي وتقريبا ما احد مدح او ذم د. ابتسام فافضل انك ما تغامرين وبراحتك

وكتبت لك الاجابة فوق الله يسعدك :-)

[هيدرجينيا]

طب عودة اخرى ومعليش لانو طلع في تعارض في بعض المواد اللي اخترتها اول

دحين قررت

دراما
بويتري
سمانتكس
ريسيرش

وابغا كمان مادة

؟؟؟

[white rose]

المشاركة الأصلية كتبت بواسطة هيدرجينيا طب عودة اخرى ومعليش لانو طلع في تعارض في بعض المواد اللي اخترتها اول دحين قررت دراما بويتري سمانتكس ريسيرش وابغا كمان مادة ؟؟؟

هلا اختي هيدرجينيا ولا ابد تنورينا

جدولك تمام الله يسعدك بس من رايي لا تفوتي النقد مع مس نجوى لانه بوقت الدراما فارشح لك النقد افضل مس نجوى ما تتفوت كلاساتها ترفع المعدل ولك الخيار

وفي حالة ضفتي النقد تقريبا حيصير يناسب جدولك من المواد الفكشن بس للامانة الفكشن دسمة ثلاث روايات وشروحاتها ود. ابتسام ما احد ذمها او مدحها لكن هيا اللي مناسبة بالوقت لجدولك من مواد التخصص ومن رايي تنزلي بدالها الثقافة اضمن لمعدلك واستخيري

الله ينور بصيرتك :-)

[ام سجو]

وايت روز ..لك خالص دعواتي علي توجيهاتك ...ادري كتبت متاخره لكن شكرتك مقدما بغيابك

[بطه}~]

الحين نزلت الجداول ولا لسى
انا يظهر عندي ايقاف قلت يمكن لسى ماتفعلت الجداول :(

[#روووح#]

اتغيرت بعض الشعب
اللي عنده فكرة عن هالاساتذة يخبرنا ويطمنا بالذات كمال الدين ﻻني ما لقيت شي عنه...

[white rose]

المشاركة الأصلية كتبت بواسطة ام سجو وايت روز ..لك خالص دعواتي علي توجيهاتك ...ادري كتبت متاخره لكن شكرتك مقدما بغيابك

أهلا اختي ام سجو

والعفو الله يسعدك وما يحتاج شكر انتي تنوريني باي وقت والله اخت عزيزة الله يرضى عنك ويرضيك

المشاركة الأصلية كتبت بواسطة بطه}~ الحين نزلت الجداول ولا لسى انا يظهر عندي ايقاف قلت يمكن لسى ماتفعلت الجداول :(

اهلين اختي بطة

ولا ما نزلت للكل باقي ما تفعلت لكم الجداول ان شاء الله خلال هالاسبوع تنزل وتطمنكم على خير

الله يوفقكم :-)

المشاركة الأصلية كتبت بواسطة #روووح# اتغيرت بعض الشعب اللي عنده فكرة عن هالاساتذة يخبرنا ويطمنا بالذات كمال الدين ﻻني ما لقيت شي عنه...

هلا روح

وما شاء الله بسرعة تتغير الاسماء

حسونة اول مرة يدرس حتى الانتظام فما فيه اي مرجع عنه

لكن البقية باسلامة والشوكاني هنا تلاقي الكلام عنهم وتجارب الطلاب معهم : ||تجاربنا مع دكاترة قسم اللغات الأوروبية -طـــــــلاب||~متجدد

الله ييسر لكم كل خير ويوفقكم :-)