طلاب الخطة ( ب ) ،، دعوة للنجاح تفضل بالدخول

[Mr.ahmed]

أهلاً وسهلاً فيك أخي الحبيب msharthi

صدقت ، وإحنا فعلا نحتاج شخص أَكمل السنه التحضيريه
عشان نسأله ونستفسر منه عن أي شي مو واضح بالنسبه لنا كمستجدين ..

وعلى كل حال ترى موقع الجامعه الرئيسي فيه كثير من المعلومات
المهمة وكمان هنا الأخوان والاخوات يجيبون
أشياء مفيدة جداً بإستمرار ..

الله يوفق الجميع وإن شاء الله إذا بدأت الدراسه راح يتضح كل شي ،
أنا حقيقة أتصور إن الموضوع بسيط جداً ومو معقد أو غير مفهوم ..
تقبل تحياتي

[msharthi]

مشكووووووووور MR.ahmad

[داريني 711]

شكرا اخوي م أحمد على مجهودك الكبير

وبصراحة احس اني تايه ولكن انا اثق فيكم جميعا والحمدلله اني معكم بالخطة .. لكن ودي اعرف ليه هم ادارة الجامعة مسوين خطتين للدراسة وش الهدف منها؟؟

الله كريم

[ابو عبدالله2000]

اهلين بالحميع موضوع اكثر من رائع

ولكن الكتب على حد علمي اللي بالرياض للسنة التحظيريه فقط عن طريق مكتبة المهندس 4833338

او عن طريق مكتبه بجده اسمها الخوارزم يوصلوا الكتب للمدينة اللي انت فيها ولكن على حسابك الكتب وقيمة التوصيل رقمها 026817090

طبعا هالمكتبات ماعرفتها الا عن طريق المنتدى لسا مبتدى بالانتساب واحس اني متوهق ماتعودت الا واحد يشرحلي بالاول واذاكر ماتعودت لوحدي اذاكر وبالتوفيق للجميع

[انا بس]

بالتوفيق

[سـ’ــآره]

يعطيك الف عافية اخوي ع الموضوع ،

ثاني شي انا معاكم بخطة ب <ياحظك ههههههههههه

ثالث شي وقسسم اني ماادبرها اببببد ،حتى النظام بـ المدري وشسمها دخلته

يا الله يارب متى تبدا الدراسة وقسم ملينا من العطلة :d

عاد ذا وشسمه اللي مب فاهمته للحين الجدول ،وشلون نعرف المواد اللي علينا والمحاضرات وكذا ،
وكيف نحضرها ؟
وسالفة الواجبات وكذا مافهمتها بعد ، يارب احد يكسب فيني اجر ويجاوبني

[مدلعة نفسها]

هلابج يا سارة بلعكس احس ان الدراسة اذا بدت بتاخذ منا مجهود كبير لانها عن بعد

لازم حضور ومتابعة والمواد كثيرة وعلمية وصعبة

انا غير متفائلة

[Mr.ahmed]

mshathi
الشكر موصول لك ويعطيك العافيه

داريني711
مرحباً فيك أخوي ،، الهدف من الخطتين هو تقسيم المواد
على فصلين ، لأنها لو جمعت في فصل واحد راح تكون
فيها صعوبه كبيره والله أعلم ..
أسعدني مرورك ووجودك معنا في الخطة ( ب )

أبو عبــدالله
صدقني الدراسه جدا سهله ولاتشيل هم أبداً ، أبعد عن نفسك
أي شعور سلبي وأوعدك إنك ماراح تقبل بغير الإمتياز في
السنه التحضيريه .. " تفاءلوا بالخير تجدوه "
تحياتي لك ياغالي

أنا بـــس
أسعدني مرورك ،، تقبلي تحياتي

[Mr.ahmed]

ســـاره
يعطيك العافيه أختي ويامرحباً بيك في خطة ( ب )
يشرفنا ويسعدنا وجودك معانا والله
بالنسبه للجدول وحضور المحاضرات وحل الواجبات
كلها راح تتضح بتاريخ 14 / 10 إن شاء الله
وحاولي تدخلي على موقع الجامعه الرئيسي بإستمرار
وكمان تابعي هالمنتدى وراح تتعرفين على كل شي
بكل يسر وسهوله ،، لاتقلقي

مدلعـه نفســها
أهلاً وسهلا فيك
صحيح إن الدراسه تحتاج حضور ومتابعه ومجهود
لكن صدقيني مو كثير ، بل بالعكس المتابعه سهله
والمحاضرات مسجله والمواد قليله خصوصاً خطة ( ب )
ماعندنا غير مادة واحدة علميه إللي هي ( إحصاء ) !!
مدلعه نفسها ،،، تسمحيلي أهمس في أذنك بكلمتين :
" من لم تكن له بدايه مُحرقه لم تكن له نهاية مُشرقه "
أتمنى لك النجاح والتوفيق ،، تقبلي تحياتي

[ماريام]

السلاااااااااااااااااااااااام عليكم

شلونكم يا قروب التفوق والنجاح

هذي مجموعة نصائح من طالبة انتظام انتقلت من السنة التحضيرية حاطة لكل مادة نصيحة نقلتها لكم للفائدة
الله يوفقها يااارب بأعلى الدرجات

المشاركة الأصلية كتبت بواسطة مني يغار الورد من عيوني خطة ب مهارات اتصال مهارات تفكير احصاء تحليل احصائي(سمعت انها انحذفت كمان) انقلــش ــــــــــــــــــــــــــــــــــــــــــــــــــ ـــ مهارات الاتصال هذي المادة تجنننن واستاذتنا كانت دايم تفطسنا ضحك في دي المحاضرة هيه تحتاج تفاعل في المحاضرة وقالت من اول يوم طبعا المحاضرات حتكون تتخللها قصص فالبتالي اكتبو القصة ع كل نقطة وفعلا سويتها والله لمن يجي الاختبار يصير مرة سهل عليكم تتذكرو القصص فتتذكرو الاجابه والله منجد ذي المادة روعه طبعا الاتصال الكلامي والغير كلامي والانصات ولاتصال الشخصي الاتصال في مجموعات ومع الجمهوروكتابة الرسائل والسيرة الذاتية حاجات من الحياة استاذتنا كانت تقول لازم تجيكم في الاختبار 4 تعريفات اعتقد وكانت تقول افهمو التعريف لاتحفظوه لانه الشي لمن ينفهم خلاص والله يجي يوم الاختبار وماتتعبون بالمذاكرة طيب هذا كمان انا كنت في نهاية الايام ايش اسوي اقرا الدرس قبل مااروح واجهز امثلة في بالي عشان لمن اروح المحاضرة اكون تمام معاها وبعدين لمن ارجع البيت ارجع اقراه او اقراه وانا رايحه الجامعه الصباح نظرا للطفش فاتونس فيه طبعا المادة ذي والله اللي مايجيب فيها اعلى من 95 او90 أقول انه مافتح المادة طيب طريقة الاسئلة برضك 30 دوري اول 30 دوري ثاني 40 نهائي صح وخطأ واختياري مهارات تفكير أحسن شي في دي المادة تدرون ايش انه اللي نختبره خلاص شقوه ههههههههه مانرجع نختبر فيه مرة تانيه بس ماادري اذا النظام يتغير طيب المادة ذي برضك تتكلم عن كيف تفكرون تفكير تمام وكيف تبحثون في النت وترى لها علاقة بالحاسب مرره حلوه وكمان كيف توثقون كتاباتكم وحاجات حلوة وسهله بس احسها تحتاج لتلخيص اول بأول أو بعد كل باب تلخصون المعلومات اللي حسيتو انه الاستاذ/ة ركزو عليها انا في البداية عملت خريطة ذهنية للفصل الاول وربي حسيت الدرس انحفر في مخ حفر(تعبير قوي خخخ)وطبعا الدوري الاول جبت الفول مارك والتاني نقصت درجتين بس عشاني مااغيب اعطتني 2 درجة صح انا انصحكم بطلو غياب نصيحة انا اقلكم عمري وحياتي ماغبت الحمدلله حتى وحده من صاحباتي كانت تقوللي انتي ماتتعبي لانه كانو اغلب البنات بعد الدوري الاول والتاني يغيبو ياخدو نقاهه نظرا لاننا كنا نختبر خميس بس ماشاء الله عليه مكافحه خخخ طيب برضك حتكون فيه قصص وافتكر برضك صاحباتي لمن ياخذو كتابي ياشرو منه لاني كنت بخطط مع الاستاذة واول ماتقول شي مهم اكتب مهم بس كانو يقولو كل مامرينا ع شي لقينا زي كذا يعني اي نقطة كنت بمثل عليها بعض الاحيان ممكن كمان تقولنا سوال وانا طواالي اكتبه عشان مايضيع مني وممكن تقول بعض الاحيان بيلخبطو بيحطوا كذا بدال كذا وزي كذا خخخ عجبتني الكلمة طيب شو كمان طريقة الاسئلة زي الاتصال الاحصاء برضك حلوة وهيه جدا شبيهه بالتحليل الاحصائي يعني ماكان له داعي وكمان فيه شوويت شبه من الرياضيات تتكلم عن الاحتمالات ع البيانات المبوبة والغير مبوبة وحاجات سهلة لمن تنشرح وتفهموها والله ودكم كل الاسئلة تجي منها طبعا الاسئلة ممكن تكون فيها لفات شويه زي اخر اختبار جانا سؤال من رسمه طبعا لازم تركزو مع الاستاذ/ة بالشرح وتشرحو لنفسكم خلو لكم دفتر حلو فيه هيه حتقلكم حلو الواجب صح ماعليه درجات بس حلو عشان تظمنو ماتوقعو بالغلط اللي غلطتوه واي ملاحظات اسئلة يقولوها طوااالي اكتبوها خلوكم نبيهين وكل المواد اذا جيتو بتذاكروها خمنو اسئلة عليها طريق الاسئلة نفس الشي الانقلش grammar القرمر مافيه اسهل منها ياحبي لها مجرد قاعده وطبقو عليها واغلب القواعد في الكا 1 اخذناها من قبل بس ببعض التطورات واي قاعدة تاخذوها افهموها من البداية واكتبوا نفس الشي ملاحظات حطو شرحكم بالعربي الاستاذه كانت تخلينا نحل الواجب انصحكم حلو ع الاقل شوي لكن اذا كانت ت/ي راقب عليكم فحلوووه كله خخخخ عشان ماتتفشلون ولاتغشون من احد listening & speaking برضك اليسسننق والسبيكينق مافيش اسهل منها حيكمون طبعا زي المحادثة وانتو تكملوها لازم تكونون مركزين في البداية بتحسون ماتلحقون شي (زيي خخخخخ)بس اللي متعودين في الثنوي والله بيصير سهل عليهم كانو في بنات في كلاسي كذا ماشاء الله واكتشفت انهم اللي ماشاء الله متفاعلين كانو بنفس المدرسه الله المستعان بس جلسنا كم يوم وصرنا متجاوبين اهم شي في المادة دي الفوكابلري طيب كل chapter أو فصل راح ينتهي بمجموع الكلمات اللي موجودة طيب لازم ترجمون كل كلمه وتحفظونها حتى لو تكتبونها في ورقة عشان تضمنو وكمان لاتنسو تمتبو ترجمتها بالنقلش انا انصحكم ترجموها اول باول حتى لو الاستاذ ماترجمها معكم لو ترجمونها قبل احسن عشان لمن تنشرح تحسوها سهله مو تتنحون وكمان في البارت تو من كل فصل شي اسمه using language functions يعلمكم وظيفة الجملة طيب اللي وصلنا له انه الفوكابلري ووظيفة الجملة اهم شي reading &writing حلوين مرره برضك اهم شي الفوكابري في الريدينق وكمان معناها بالعربي وبالانقلش عشان تضمنو لو جات في جملة تانيه تكونو خلاص عارفين الريدينق كانت مهم انه نعرف نرتب الجمله بس والفاصله وين تنحط النقطة يعني القواعد في الكتابه الكتاب الرابع كان يتكلم عن البزنس ماالبزنس بس الترم الثاني اتغير صار فوكابلري ان يوز الاسئلة كانت برضك اختيار من متعدد ومااظن كان فيه صح وخطا غير في القطعه طبعا حتكون في اليسينينق محادثة تسمعوها وتجاوبي عن طريقها ع 5 اسئلة سماعية وتسمعون مره تانيه مدري اذا حيتغير النظام وبعدين فوكابلري وفي الرايتنق قطعه وعليها اسئلة وفوكابلري وبعد كذا الرايتينق اللي هيه قواعد الكتابة وانوع الجمل وكمان ممكن يجي باي قسم بعض القواعد البسيطه زي ماجان يعني on وين تجي وزي كذا ولازم تسمعو الاستاذ/ة ايش يقولون لكم اللي تذاكروه والقسم الرابع والله مدري بالضبط ايش حيكون لكم وكنا الترم الاول 30 دوري اول 30 دوري ثاني 40 نهائي وهذي الخطة سهههههههههههههههههههلة واللي ماجابو فيها ال5 انقهرو والله انا كمان كان ناقصني درجتين واجيب ال5 بس الحمدلله نصايح ع الطـــاير -لاتخلو احد يأثر على عزيمتكم اي احد يقلكم شي صعب قولوله عندنا عقل والاسئلة مابتجي من برا -حبو الماده واللي بيدرسكم المادة نصيحة ولو مافهمتو شي ارجعو للي بيدرسكم وخلوه يعيد بالعكس والله بعض الاحيان بيفرحو يحسو انه في احد معاهم -الغياب صح انه 25%من المحاضرات وبعدين حرمان بس نصيحه لاتغيبو الا اذا مرة ماتقدرو تداومو -ممكن تاخذو اسئلة للسنوات الفايته بس لاتخلوها تأثر عليكم أجمعوها قبل الاختبار بفترة مو تجو يوم الاختبار وتقولو نبغى طبعا هذي بس عشان تعرفو نظام الاسئلة واي احد عنده اضافة يتفضل مشكور ودعواتكم لكل السنة التحضيرية يتخصصو ع خير