استفساراتكم عن الترم الصيفي, هنا.

[أحـمـد ظـافـر]

المشاركة الأصلية كتبت بواسطة مهندس مستقبلي اليوم اتصلت للمرة المليون بعد المليون و طلع لهم كلمة جديدة ( التسجيل للطلبة الزائرين يبدأ يوم 10 / 8 ) !!! كيف يبدأ التسجيل مع بداية الدوام مع العلم إن الأوراق لوحدها يمكن تأخذ أسبوع كامل بين مرمطة جامعة و جامعة و خطابات و قلق .. اللي يدخل على موقع العمادة يقرأ المتطلبات فيها نماذج توقع و نماذج ترسل يعني حتى حجوزات الطيران ما نقدر نضبطها لأن ما تدري وش يصير ! و الله يا إخوان إني ما قابلت فوضى زي هالعمادة كل يوم كلمة .. أتمنى من أي شخص يعمل فينا خير و يكلم عميد القبول و التسجيل عن موعد فتح القبول و إذا مافيه أحد راح أضطر أجي جدة نهاية الأسبوع .. هل يدوامون يوم الخميس و متى دوامهم يا ليت للي عنده خلفية يخبرنا ؟ أمر آخر للي ما عنده خلفية .. الموظف يقول إن الصيفي عليه رسوم ! أول مرة أسمع بهالشيء أعرف الرسوم لطلبة الانتساب فقط .. حبيت أضيف هالأمر عشان أحد يتأكد لنا . يعطيكم العافية

المشاركة الأصلية كتبت بواسطة مهندس مستقبلي يا إخوان لا تأملون واجد .. اليوم كلمت وحدة من قريباتي تسأل بقسم الطالبات قالوا لها مافي زائر لا لطلاب و لا طالبات ! دقيت عليهم بعدها رد علي الموظف بعصبية يوم طلبت يحولني لوكيل أو عميد العمادة و قال مافيه زائر ارتاح خلاص ! هذا اللي خايف منه نتعب بالأوراق و بالأخير يسحبون ! صراحة ما أثق بالكلام خوفي يقولون كذا ما يبون عدد كبير .. أتمنى من طالب بهالجامعة يقرأ كلامي الآن يسوي خير يروح يدخل على العميد أو الوكيل و يسأل لنا لأنه بيسوي خير و يفك لنا أزمة ... الله يعطيكم العافية

الله يعينكم ... اعذروني والله أنا عندي اختبارات هذ الاسبوع.

بالنسبة للي يبغون مواد الكهربة تحصلوها في هذا الموضوع http://www.skaau.com/vb/showthread.p...68#post6954168

[فرص الكترونية]

السلام عليكم ....

الرجاء مساعدتي في الحصول على مواد الهندسة الصناعية في جامعة الملك عبدالعزيز المطروحة هذا الصيف واوقاتهها ..وشكرا

[أحـمـد ظـافـر]

المشاركة الأصلية كتبت بواسطة فرص الكترونية السلام عليكم .... الرجاء مساعدتي في الحصول على مواد الهندسة الصناعية في جامعة الملك عبدالعزيز المطروحة هذا الصيف واوقاتهها ..وشكرا

وعليكم السلام ورحمة الله وبركاته, الله يحيك أخوي.
في المرفقات تحصل ملف وورد فيه مواد الصناعية لهذا الصيف.
وهنا توصيف المقررات بالإنجليزي, وهنا بالعربي. وهنا خلاصة المقررات.
لكن إذا قريت الردود السابقة في الموضوع احتمال إنه ما فيه قبول للطلاب الزائرين. لكن حاول تتصل على الجامعة وتتأكد.

[فرص الكترونية]

اشكرك اخي العزيز احمد .. الله يجعلها في موازين حسناتك

[braa94]

بخصوص موعد التسجيل متى حيفتح مرة اخرى وجزاكم الله خيرا

[راقي الفكر]

بسم الله الرحمن الرحيم

عندي استفسار بخصوص الترم الصيفي انا منزل ثقافه 4
و ee302 منتصر
ee331منور الدين كيف الدكتور دا بصراحه
هل الدكاتره كويسين و المواد هل ثقيله وايش تنصحوني انزل

[Fahaaaad]

السلام عليكم ياشباب انا طالب من جامعه الملك سعود قسم الهندسه المدنيه وحاب انزل ترم زاير عندكم ماده highway CE482 مع العلم اني جبت موافقه من جامعتنا ولا اعرف كيف اسجل زاير ,هل اجي لجده وسجل ويقبلوني ع طول او فيه اجراءات لها ومتى ينتهي تسجيل الفصل الصيفي اتمنى انكم تفيدوني لان بصراحه انا طالب خريج ومابقى لي الا ذا الماده وابي الفكه منها اتمنى اي احد يجي ع الخاص ويديني رقمه اذا هو يعرف الاجراءات لاعدمتكم كلكم وشكرااا جزيلااا ..........