بخصوص ابتعاث الطالبات الى بريطانيا ( موضوع مهم جدا للجميع )

[tofe2000]

لا تخافي الطريقة ماشية ماشية لانهم اكدو لنا انه اي مادة تتاخد خارج جامعة الملك عبدالعزيز تتعادل بس ب ناجح او راسب يعني الي يجيب 90 زي الي جاب 60 بس اللهم انهم راحو يحمسوكم يقولو لكم ال5 الاوائل لهم هدية عشان تشدو حيلكم

العفو اختي

[cute.memo]

المشاركة الأصلية كتبت بواسطة نوره الغامدي أهآآآآ يعني أهم حاجة أعديها .. على كذآ ما كتبوا لكم أي درجة مرصودة ’ ي نجحت ي رسبت , حلو حلو بس يا ترى ح تمشي هـ الطريقة عندنا !؟؟ نبأه نشوووف :) :: طب ششكراً

بالعكس الفكرة ماهي حلوة

كنت ابغاها بدرجات

لاننا هنا في الجامعة ناخد الحرة والاختيارية بدرجات حلوووة ترفع المعدل

اما هذه بس حتنحسب في الساعات بدون درجات

خسارة :s

يعني حرام بعثة وكذا ونبغى نستفيد من كل النواحي بس ماحتفيدنا في المعدل

بس كذا انه درسنا مادتين وخلاص

[دوده يناسو]

مررره مشكور مره افدتنا

بس عندي سؤال
المحرم يعني لما يجي معايا اش حيعمل
حياخد كورس انجلش ولا حيجلس بس كدا لا شغل ولا مشغله ؟؟

ومشكور

[فتاة اقرأ]

يعطيك العافية ماقصرت
حبيت اسالك درجاتكم كيف كانت ؟؟ هل واجهتم صعوبة في الدراسة ؟

وبالنسبة للكلاسات كانه سمعت كنتوا لحالكم بس ههه

[tofe2000]

والله انا اوافق كيوت انه مو حلوة اني اخد مادة حرة برا وارجع يحطولي عليها ناجح ولا راسب بس في نفس الوقت يا كيوت ترى ما تضمني ممكن تجيبي فيها درجة كويسة وممكن لا فحرام كمان اجيب في مادة حرة 80 ولا 85 بعدين يعادلوها لي بالدرجة اقل شي لازم 90+
بس الرحلة يعني بالنسبة لنا كانت ممتعة

دودة: ماعندي فكرة اسالي مشرفتكم

فتاة اقراء : حقيقة ماوجهتنا صعوبة لانهم كانو متساهلين معانا ويعني الحلو في نظامهم انه ماكان في اختبارات بس ريبورت وبرزنتيشن وراح يكون في كلاس انجليزي راح يعلموكم كيف تكتبو الريبورت

اما الدرجات كانت طيبة يعني ماتوقع في احد جاب اقل من 75

ويب الكلاسات كنا كلنا ال 31 في كلاس واحد كاننا في السعودية

[نوره الغامدي]

المشاركة الأصلية كتبت بواسطة cute.memo بالعكس الفكرة ماهي حلوة كنت ابغاها بدرجات لاننا هنا في الجامعة ناخد الحرة والاختيارية بدرجات حلوووة ترفع المعدل اما هذه بس حتنحسب في الساعات بدون درجات خسارة :s يعني حرام بعثة وكذا ونبغى نستفيد من كل النواحي بس ماحتفيدنا في المعدل بس كذا انه درسنا مادتين وخلاص

شوفي احنا ماراح نتغربل إلا عشان ندرس و في كل الأحوال حـ نستفيد بإذن الله و بنستمتع في نفس الوقت , بس صراحة انتي ما تضمني تجيبي درجات عالية فيها !! دراستهم مو زي دراستنا =/ فمن الأفضل يكون النظام "نجاح أو رسوب "





سداً للذرائع

[battota]

مرحبااااااااااااااااا

توفي ايوووه فهمت ....

بس احنا دكتوره امال قالت انو راح تدخل بالمعدل لازم وراح تاثر عليه وعلى عدد الساعات

بس انتي بكيفك قالتلي تبغي يعادلوها لكي بمواد او لا عشان تلحقي ع التدريب

...............

يبغالي اسالها تاني اقلها الاولاد قالولهم يا نجاح او رسوب بس :)

وبصراحه احسلكم كدا

[battota]

توفي بس في شي م فهمتوووووو

يعني الحين لما يعادلولكم ماده متلا اداره الاعمال بماده حره

وحتكون على اساس انو نجحت فيها او لا

طيب اش يعني

يعني يحطولك بالماده الحره نجاح طيب باي درجه ؟؟؟؟؟؟؟؟؟؟؟؟؟


مافهمت تقول ماراح تدخل بالمعدل بس راح تتعادل ؟؟؟؟؟؟؟

[مجهول الهوية 007]

ما يصير لها درجة بس تزيد ساعاتك المكتسبة فهمتي ؟؟

يعني لمن تتخرجي وتشوفي كشف المواد تلاقي علامة صح على ان المادة عودلت لك وسلااامتك

[battota]

ايوه فاهمه

بس هوا قال راح تتعادل بحره وحده من المادتين

طيب الحره دي بس يكتبوولي جنبها انو نجحت فيها .؟؟؟؟غريبه من غير علامه ؟؟؟