بناات الباصات خلونا نناقش هذا ....

[sweet girl4]

والله حااااااااله كان اخر همي الباص وذحين اول همووووووووووووووووووومي ههههههههههههههههههههههههههههههههههههههههههه غريبه الدنيا ماشيه بالعكس

[lolyta lawlaw]

من جد بنات ابغا سواق خاص او باص من مكه مني عارفه كيف اروح الجامعه والله المواصلات كانت اخر همي:(

[ميسم]

الله يعين على الباصات بجد تعب :(

[سكووت]

انا مع باص الخالد ..مرة روعه ويجيني عالوقت واوصل قبل المحاضرة ب 10 او 5 دقايق ..

البنات اللي يقولو يسحب عليهم ومايجي !!انتو المفروض تكتبو بالجدول الوقت او تدقي عليه قبلها بيوم عشان يفتكر ويجيكي ..واذا كان السواق يشيل 15 بنت المفروض تكلمو الشركة هم حاطين الرقم عشان نشتكي والسوداني قال احنا ايش عرفنا اذا انتو مابتشتكو ؟؟!! بصراحة الباص مرة جيد ومريح ..

انا صاحبتي كانت في المطرف وجات عالخالد دحين ..احيانا سواقين الخالد يعصبون عشان البنات فيهم لكاعه المفروض خلاص 25 بالشهر تديهم الرسوم بس البنات يطنشو ومايدفعون الرسوم بدري فالسواق يحطك براسو ويصير يتأخر على البنت او يعصب عليها ..

انا سار ليا بالخالد من يوم دخلت الجامعه لمن دحين ووياخد مني انا واختي 700
بس ابويا الله يحفظو يدفعها مو انا ,,مكافاتي تضيع عالمطاعم والتمشيات

[طموح يعانق المزن]

أنا كنت اروح مع الخالد ..بس خلاص بطلت في يوم اتاخر عليا ساعتين ..
بالإضافة ممكن ينقلوني وحدي ..
وغير كذا يعطون البنات وجة الله يصلحهم ..
..
دحين جالسة ادور شركة تانية

[pulse heart]

انا العام كنت مع المطرف مررا كرهتهم

دحين مع شركه خاصه بالآحياء~>(الاجواد_السـامر..الخ الخ من اللي جنبها من الاحياء)<~

حتى يوقف قدام الباب عند الغربيه الصغيره مو اللي عند العماده

[كماكم]

مجتهد 2

السلام عليكم ورحمة الله ممكن تامن باص للبنات اللي من جده ويدرسون برابغ

[عذبة الأطباع]

هاااااي صباياا ,,

صحيح احنا في إجازة وكذا .. بــــــــــس :

أبغى أسأل متى أدق أسجل في الباص بحيث ما يقولو مكتفيين بعدد البنات ؟؟؟! ...

لاني شايله هم الباااص ! ؛ لأني العام كنت في السلآمه والسنه هذي ح أصير في الجامعه ..

ومشواري في "حي النهضه"

أفيدوني الله يسعدكم ..

تحيآآتي ~

[lee min ho]

المشاركة الأصلية كتبت بواسطة عذبة الأطباع هاااااي صباياا ,, صحيح احنا في إجازة وكذا .. بــــــــــس : أبغى أسأل متى أدق أسجل في الباص بحيث ما يقولو مكتفيين بعدد البنات ؟؟؟! ... لاني شايله هم الباااص ! ؛ لأني العام كنت في السلآمه والسنه هذي ح أصير في الجامعه .. ومشواري في "حي النهضه" أفيدوني الله يسعدكم .. تحيآآتي ~

عادي تقدري تدقي من الحين
عالاقل تحجزي مقعد

[نجمة ليل]

أنا مع باص المطرف وبصراحة مرتاحة معاهم حسيت أنو في عندهم نوع من الالتزام