•·.·°¯`·.·• أســنــانــيــات •·.·°¯`·.·•

[Kaira]

ياااانآآآآآآسو عليكي د.نانوكـ ماشاالله تبارك الله دااااااايما تسحرينا أكتر وتجذبينا أكتر وتحببينا أكتر
لعالم طب الأسنان من مواضيعك وردودك ووحتى مناقاشاتك معانا =)
حتى طريقة تصويرك وعرضك للصور خيااااال مرة حلوة ماشاالله وكمان إبداعك في منثوراتك
الأدبية >>> والله لو أقعد أليييين 100 سنة ما أقدر أوفي حقك والله ..
أنا والله أرشحك لجائزة نوبل على إلي تعمليه معانا بصراحة يا عسل ^__^
من جد ماشاالله عليكي الله يحميكي لأنك فخر كبيييييييير للكلية حقتنا
أنا بصراحة أحترمك مرررة كتير وأشوفك قدوتي في عالم طب الأسنان كلو

عارفة
بصراحة طفشت من الاجازة خلااااص أبا الجامعة تبدأ عشان أبغا أشتغل في المعمل حقنا
>> والله وحشني مررررررررة ووحشتني أيامو والكراسي حقتو والأصوات إلي كإننا في معمل حق نجارة بس من جد والله شي حلو
وكمان معمل الفانتوم دا مررررررة متشوقة أدخلو وأبدأ أول خطواتي على أول راس فيلو ههههه
الكلية كلها وحشتني بصراحة

الفيديو كان حلو بس خوفني شوية من مسألة الــ patients مو فاهمة يعني
هل الكلية راح توفرلنا مرضى ولا لسع ما طبقوا دا النظام ؟؟ لأني مو عارفة من فين أجيب مرضى
ودا الشي أكتر شي مخوفني مرررررررررررررة
وفي عندي سؤال
مثلا لو جاني مريض وعندو حالة بس حاجة لسع ما درسناها كيف أسوي ؟؟
لأني من جد مسألة المرضى مررررة مو فاهمة ولا شي فيها
وأبغا أعرف كل شي يريحني نفسيا

[Glamor Mada]

اممممممممم وانا كمان هحكيلكم كيف انقبلت بالكلية ..

قبل كل شي .. انا ما كان لي ميول لأي تخصص عن الثاني ابدا يعني ما كان في بالي هدف محدد .. بس كانت تجذبني كلمه " دوكتور " فا لما جا وقت ترتيب الرغبات ماعرف ايش احط وكنت جدا محتار .. فا دخلت عالمنتدى هنا وبديت اقرا عن كل تخصص وقضيت اياام وايام وانا اقرا .. ولما عملولنا اليوم الارشادي تخيلو اني اخدت بروشرات عن اغلب التخصصات ما عدا الاسنان ! ما رحت الركن حقهم !
رجعت البيت قعدت اقراهم كلهم وايش الخطه الدراسيه والمواد وتقريبا كونت في بالي الهدف والرغبات بالترتيب ( طب بشري - صيدله - علوم طبيه - هندسه - حاسبات - اسنان )
وانا قاعد ارتب الرغبات ابويا كان جمبي وقلي ها ايش تبي تتخصص ؟ قلتله والله مدري ومن ذا الكلام .. قام قلي ادخل اسنان تخصص حلو ومستقله حلو واريح من البشري .. من يوم قلي هالكلام دخل في بالي الاسنان وقعدت اقرا عنه هنا .. لكن مدري ليش ما فضلته على البشري .. فا رتبت الرغبات ( بشري - اسنان - صيدله - علوم طبيه ) بس الى الان ما حددت قرار نهائي وماني مقتنع .. صليت استخاره .. وفكرت في كلام ابويا مره ثانيه وقلت خلاص لما اصحى بكره احط الاسنان رغبه اولى لاني كنت وقتها عالسرير بنام صحيت اليوم اللي بعده وحطيتها رغبه اولى وخلاص معد فتحت الاودس بعد كذا ابدا .. اصلا انا ما كنت متوقع اني انقبل في الرغبتين الاولى ابدا ابدا ابدا .. لاني كنت رايح جاي عالمستشفى .. وقبل اختبار الكيميا الفاينل بيوم كنت في المستشفى دوبي مسوي عمليه .. بس اصريت اني اخرج عشان اختبر وما اعيد ترم كامل .. طبعا اختبرت وانا مني مذاكر ولا كلمه وكنت رح ارسب اصلا جبت درجه جدا سيئة بس الحمدلله نجحت فيها .. لكن كنت فاقد الامل اني انقبل في الاسنان او البشري .. ما علينا المهم ..
ليله نتايج التسكين كانت ليله مرررره مميزه وحلوه وكنت مره فرحان يومتها صارتلي حاجات حلوه .. رحت اتفرج الفاينل حق كأس العالم بين اسبانيا وهولندا تقريبا الساعه 9 بالليل برا البيت عشان احس بحماس اكثر.. وطبعا انا كان قلبي مع اسبانيا وابغاهم يفوزو.. لانها بلدي الثاني عشت فيها 4 سنين وشويا فا المهم لما فازو مررررررررررررره انبسطت وقعدت اكلم اصحابي في اسبانيا ومبسوطين اكثثر شي ههههههه .. واصلا قبلها جاتني اخبار حلوه فا كنت مبسوط من اول وبفوز اسبانيا اكتملت الفرحه .. رجعت البيت تقريبا على 12 قعدت اححتفل مع اصحابي الاسبانيين عالفيسبوك مع انه نتايج التسكين صارلها تقريبا اكثر من 3 ساعات طالعه .. بعدها فتحت المنتدى لقيت الجماعه كلهم غيرو تخصصاتهم اللي في البيانات من تحضيري لتخصصهم الجديد .. وشوفت التواقيع والمواضيع واللي مبسوط واللي زعلان.. علطووول جري عالاودس فتحتو لقيت مكتوب طب اسنان (خطه جديده) .. ولما رحت ايقونه نتيجه فرز السنة التحضيريه .. اتفاجئت اني انقبلت رغبه ثانيه ! مع اني حطيت الاسنان رغبه اولى .. بس بعدين اكتشفت انه لما انا حطيت الاسنان رغبه اولى كان يومتها ترتيب الرغبات قفل وماكنت ادري فا اللي اتخزن رغبه اولى هوا الطب البشري .. فا شوف سبحان الله كيف ربي خلاني ادخل الاسنان مع انه البشري كانت محطوطه رغبه اولى واللي فصل بينها وبين الاسنان اقل من نص نسبه .. الشعور اللي جاني انه انبسطت اتقبلت اللي كنت ابغاه لكن كنت زعلان اني ما انقبلت رغبه اولى ههههههه مع اني ما كنت ناويها .. بس عشان حسيت اني خسرت التحدي وما انقبلت رغبه اولى ! هههههههه
فا علطول رحت قلت لابويا انقبلت اسنان قام باركلي وحضني .. اول مره فحياتو يحضني وصار يناديني دكتور من ساعتها هوا واخواتي ..
والحين الحمدلله بديت احب تخصصي واحمد ربي اني اخترته بعد ماكان اخر شي افكر فيه

[محمد عماد]

ما شاء الله .. د. نانوك دائما موضيعك مفيدة ومحمسة وحتى المناقشات يكون فيها تعاون
ان اقترح على الإدارة انهم يغيرو اسم المنتدى ويسموه منتدى د. نانوك
بصراحة المنتدى بدونك ميت زي منتدى الطب ههههه

كنت اتمنى يكون هذا الموضوع عام مو بس للأسنانيين عشان الكل يشارك فيه

الله يوفقك ويسعدك يا دكتورة ويعطيك على قد نيتك ^ــ^

[shosho0o]

انا يوم انقبلت طب أسنان كان من أكثر الايام سعاده في حياتي و مستحيل حأنسى اللحظه اللي عرفت فيها إني انقبلت مع العلم أنو ما كان في بالي الأسنان بتاتا و انا صغيره كان دكتور الأسنان من اكثر الأشياء اللي تخوفني في حياتي و يمكن للان أخاف من دكاترة الأسنان المهم خليني أقولك د.نانوك كيف بدأت افكر في طب الأسنان ،،،،، أختي اللي أكبر بسنه انقبلت طب أسنان و كانت اول وحده في عيلتنا تنقبل طيب بس للأسف حولت و كنت جدا زعلانه منها و من دا الموقف بدأت افكر في طب الأسنان و مررره اتحمستله و الحمد الله انقبلت و دحين جدا مبسوطه في الأسنان و متحمسه لسنه ثالثه يارب ييسرها لنا ....

[Kaira]

د.نانوكـ
ترا ما قلت غير الصراحة وانتي والله تستاهلي كل خير يا قدوتنا ^^
فديت قلبك والله ..
بصراحة أنا إلي يعجز لساني عن شكري لك لكل حاجة تعمليها معانا وتساعدينا فيها من معلومات
وتجارب سارت في حياتك ومواضيعك الحلوة إلي تحمسنا وتهيئنا نفسيا للسنوات الجاية =)
أحب أقراها أكتر من مرة قبل لا أدخل السنة الجديدة
يعني زي بعد ما خلصت التحضيري وتخصصت طب أسنان وبدأت أدخل دا القسم لأنو بصراحة ما كنت أدخلو أيام التحضيري
لأنو زي ما قلت انو كنت بلا هدف وإلي ربي يكتبو خلاص هوة دا ..
فعشان كدا ما كنت أدخل أقسام الكليات حق المنتدى ..
المهم
لما شوفت موضوع عن سنة تانية طب أسنان والمواد والمعلومات وكلامك مررررررررررة تحمست بصراحة
وأحمد ربي ألف مرة إني اخترت كلية طب الأسنان لأنو عن جد كلية ولا أحلى منها ^^
ودحين سرت كل ما أتشوق للجامعة وأتحمس لـ تالت أسنان أروح لـ موضوعك حق سنة تالت طب أسنان بدايتنا كأطباء وأجلس أقرى وأشوف المواد والكتب والكرف الحلو إلي مستنيننا ^^" هههههههه

___________________

والله يشرفني ويسعدني انو قصتي عجبتك >> الي هية المفروض تكون رواية أطول من كدا بس ترى أنا اختصرتها نظرا لـ ضيق الوقت وعشان لا تطفشي كمان ^^"
وبصراحة أنا أرتحت أكتر شي لما كانت تدخلنا د.سلمي باحنان >> الله يسعدها ويخليها ياااارب
كانت كل فترة وفترة تجي عندنا وتحمسنا عالتخصص وتقولنا حاجات قمة في الروعة بصراحة
لدرجة أحسها إنها مامتك وانتي بنتها هههههههههه لأنها قالت انو بنتي في الأسنان هنا =)
من جد انسانة راقية وقمة في الزوووووق ومن جد أحترمها الدكتورة دي ..
>> ولها موقف معاية عمري في حياتي كلو ما أنساهـ أبدا =) الله يخليها ويسعدها ويحفظها يارب ..

_______________________

بالنسبة لــ كايرا ههههههههههههههههه لا مو نفس إلي في ديث نوت
إلي في ديث نوت اسمو ( كيرا ) وأنا ( كايرا ) بصراحة دا النك نيم حقي من زمااااااااان قبل لا يطلع دا الأنيمي
يعني ما أخدتو من دا الأنيمي ولا غيرو ^___^
على فكرة تحبي تتفرجي أنيمي ؟؟ >> سؤال غريب ومو في مكانو :d

ــــــــــــــــــــــــــــــــــــــــــــــــــ ـــــــــــــــــــــ

أنقبلت في أفضل كلية في جامعة الملك عبدالعزيز كلها

كانت دكتورة سلمى باحنان الله يزكرها بالخير دايما تقولنا وتشجعنا بدي الكلمة
وانو احنا قدها
بس مو يعني نتكبر ونشوف نفسنا
بنات الأسنان أفضل البنات دايما من كل النواحي وزي ما قلتي قلبا وقالبا
وفعلا أنا دا الي شوفتو ماشاالله تبارك الله انو احنا نخبة من كل شي مو بس كدراسة
حتى كأخلاق ومعاملة وتعاون بين الدفعات مع بعض ماشاالله ..
الحمدلله على دي النعمة بصراحة ^^

[Dr~NanoOok]

المشاركة الأصلية كتبت بواسطة kaira د.نانوكـ ترا ما قلت غير الصراحة وانتي والله تستاهلي كل خير يا قدوتنا ^^ فديت قلبك والله .. بصراحة أنا إلي يعجز لساني عن شكري لك لكل حاجة تعمليها معانا وتساعدينا فيها من معلومات وتجارب سارت في حياتك ومواضيعك الحلوة إلي تحمسنا وتهيئنا نفسيا للسنوات الجاية =) أحب أقراها أكتر من مرة قبل لا أدخل السنة الجديدة يعني زي بعد ما خلصت التحضيري وتخصصت طب أسنان وبدأت أدخل دا القسم لأنو بصراحة ما كنت أدخلو أيام التحضيري لأنو زي ما قلت انو كنت بلا هدف وإلي ربي يكتبو خلاص هوة دا .. فعشان كدا ما كنت أدخل أقسام الكليات حق المنتدى .. المهم لما شوفت موضوع عن سنة تانية طب أسنان والمواد والمعلومات وكلامك مررررررررررة تحمست بصراحة وأحمد ربي ألف مرة إني اخترت كلية طب الأسنان لأنو عن جد كلية ولا أحلى منها ^^ ودحين سرت كل ما أتشوق للجامعة وأتحمس لـ تالت أسنان أروح لـ موضوعك حق سنة تالت طب أسنان بدايتنا كأطباء وأجلس أقرى وأشوف المواد والكتب والكرف الحلو إلي مستنيننا ^^" هههههههه ___________________

يسعدلي قلبي وروحك !
كلامك أفتخر بيه والله .. ويارب يقدرني أكون عند حسن الظن والثقة .. ويجعل نيتي خالصة

"ما أعظم السعادة.. عندما لا تكون لك..
بل سببًا بك ! "

فعلا فعلااااااا ما تتخيلي قد ايش أسعد بداخلي لما أعرف اني أفدت أحد وقدرت أترك تأثير حلو عنده !
ايش يبغى الشخص أكثر من الذكر الحسن والدعوه له بالخير !

أكثر ما أريده بهذه الحياة.. اني اذكر بالخير بعد مماتي.. اترك شي ولو بسيط بقلب اللي أقابلهم.. أترك شيء يدعولي بيه لما أحتاج الدعوات تحت الثرى


كايرا .. ربي يوفقك دنيا وآخرة .. ويرزقك الجنة! أجمل ما أملكه لأعطيه لكِ

وسنة ثالثة.. جميــــله جميله.. انا أحبها
وما عدت أتذكر منها إلا أجمل اللحظات اللي عشتها فيه واللي اتلمته فيها
وفعلا نسيت تعبها !

وادخلوها بهمة.. واستمتــــــــــــــــــــــــــــــــــــــــــــ ـــــــــعوا بيها ^_^

والله يشرفني ويسعدني انو قصتي عجبتك >> الي هية المفروض تكون رواية أطول من كدا بس ترى أنا اختصرتها نظرا لـ ضيق الوقت وعشان لا تطفشي كمان ^^" وبصراحة أنا أرتحت أكتر شي لما كانت تدخلنا د.سلمي باحنان >> الله يسعدها ويخليها ياااارب كانت كل فترة وفترة تجي عندنا وتحمسنا عالتخصص وتقولنا حاجات قمة في الروعة بصراحة لدرجة أحسها إنها مامتك وانتي بنتها هههههههههه لأنها قالت انو بنتي في الأسنان هنا =) من جد انسانة راقية وقمة في الزوووووق ومن جد أحترمها الدكتورة دي .. >> ولها موقف معاية عمري في حياتي كلو ما أنساهـ أبدا =) الله يخليها ويسعدها ويحفظها يارب .. _______________________

ولا يهمك.. وابدا لا تخافي من واحدة تحب تسرد التفاصيل وتناقش كثير
من انها تتطفش من قراءة الكثيـــــــــر ;)
خدي راحتك

د.سلمى
وهو في زي مامتنا الرائعة هذه !
ربي يسعدها وحنبقى ندعيلها من الان ليوم الدين

أول واحدة كلمتنا عن الأسنان.. تعطينا نصايح وترفع المعنويات
خير عون لنا وخير أم.. وخير قائدة للصرح الأسناني

كم تمنينا اننا نتخرج وهي ما تزال وكيلة كليتنا
لكن د.سمر فيها الخير .. ورائعه في التعامل وقمة في الأخلاق
نحتاج نتعود عليها كـ ام جديدة لنا =)

وفعلا كلنا بناتها.. بنتها معانا بالدفعه بس ما قد حسينا بأنها تميز بنتها بالتعامل لما تكون معنا
^_^
تستااااااااااهل كل خير والله

بالنسبة لــ كايرا ههههههههههههههههه لا مو نفس إلي في ديث نوت إلي في ديث نوت اسمو ( كيرا ) وأنا ( كايرا ) بصراحة دا النك نيم حقي من زمااااااااان قبل لا يطلع دا الأنيمي يعني ما أخدتو من دا الأنيمي ولا غيرو ^___^ على فكرة تحبي تتفرجي أنيمي ؟؟ >> سؤال غريب ومو في مكانو :d ــــــــــــــــــــــــــــــــــــــــــــــــــ ـــــــــــــــــــــ

اها .. شكرا على التوضيح وما قد انتبهت الفرق مابين نطق الاسمين "^^

حلو اختراع الاسم لك .. مميز وحلو مثلك =)

الانمي كنت أحب اتفرجه.. واحدة من صحباتي مهووسة انمي ودااايما تحمسني اتفرج معاها ونقعد نتكلم ونتناقش عنه

بس بعدين ما صار لي وقت أحمّل الحلقات وأتابع مئات الحلقات "^^
غير ان النت عندي صاير يقطع بشكل مقرف وخاصة بعد الأمطار والسيل بجدة.. فكرهني في تحميل أي شي عليه

أنقبلت في أفضل كلية في جامعة الملك عبدالعزيز كلها كانت دكتورة سلمى باحنان الله يزكرها بالخير دايما تقولنا وتشجعنا بدي الكلمة وانو احنا قدها بس مو يعني نتكبر ونشوف نفسنا بنات الأسنان أفضل البنات دايما من كل النواحي وزي ما قلتي قلبا وقالبا وفعلا أنا دا الي شوفتو ماشاالله تبارك الله انو احنا نخبة من كل شي مو بس كدراسة حتى كأخلاق ومعاملة وتعاون بين الدفعات مع بعض ماشاالله .. الحمدلله على دي النعمة بصراحة

صحيح .. والحمدلله فعلا

وإن شاء الله نقدر نثبت هذا الكلام للجميع ونبينلهم مين احنا من جد ^_^

[محمد عماد]

شكرا دكتورة نانوك .. لانك اعطيتيني الفرصة اني اذكر قصتي معه التسكين
وراح اذكر قصتي باختصار

مع بدية السنة التحضيرية وانا حاط في بالي الطب .. لعدة اسباب
اولا : طموحي و اهتمامي بالأمور الطبية واي شيء يتعلق بالطب احب اقرا عنه وعندي احساس اني راح تكون لي بصمة كبيرة في هذا المجال
ثانيا: لان اختي سبقتني في هذا المجال وكانت تكلمني عنه .. فكان اكثر تخصص عندي علم بيه

لكن مع نهاية الترم الأول كنت افكر في الهندسة وطب الأسنان
وحتى كنت ادخل منتدى الهندسة واقرأ عن الهندسة الكيميائية .. كان عاجبني هذا التخصص ووظائفه متاحة في ارامكو وسابك
لكني بناءً على رغبتي وميولي ادركت انو مجال الهندسة ما راح يناسبني

مابقي في الساحة غير طب الأسنان .. لما سألت اختي عنه كانت تمدح فيه
ولما قرأت عنه وجدت انو الطب البشري تخصصاته متعددة اما الأسنان مهما تخصصت تبقى في مجال الفم والأسنان
وايضا صعب تبدع او تبتكر شيء جديد في الأسنان
بس الي كان يعجبني في الأسنان انو تخصص مافيه طوارئ ونسبة الخطأ فيه محدودة
لكن بعد الإستخارة ارتحت للطب

بعد ما انتهى الترم الثاني .. كان معدلي ولله الحمد مرتفع فما كنت خايف اني ما انقبل في رغبتي الأول
حتى اختي في هذي الفترة كانت تعطيني مصطلحات طبية وكانت تحكيني عن الطب

وفي اليوم الموعود وفي الساعة المرتقبة نزلت نتيجة التسكين .. والحمد لله انقبلت في رغبتي الأولى
وطبعا اختي اول وحدة عرفت عن نتيجة التسكين .. لانها تقدر تدخل الأودس حقي
وبعدين بشرت الوالد والوالدة
وطبعا طرت من الفرحة .. وعلطول كلمت اصحاب اسألهم عن تسكين
والحمد لله اغلبهم دخلو كلية الطب

[Kaira]

hadeel a

بالنسبة لــ سؤالك فماشاالله تبارك الله د.مادا ود.نانوك مررررررررة ما قصروا في التفاصيل
خااااصة د.مادا ماشاالله عليه على الشرح الجميل دا

بالنبسة للتجارب حقتي فلية حكايات كتييييرة في معمل الدينتال أناتومي
أول مرة دخلنا المعمل كان من جد حمااااس ومرة كنا متحمسين للي راح نآخدو ونشوفو
طبعا العملي ما أخدناه من أول أسبوع عشان طبعا الأدوات ما كانت عندنا فتقريبا جلسنا 3 أو 4 أسابيع
وكنا بس نآخد محاضرات نظري في الكلاس عادي ونرجع بيوتنا ..

طبعا أول شي أخدنا الــ central incisor كنا لما نشوف الدكتور يعمل نحسبو سهل مرة ما يحتاج
لكن لما يجي دورنا في التطبيق من جد نحوس شوية ونسأل كتيييييير وتنفقع عيوننا من المقاسات لأنها مرررررررررة صغيرة بــ ملم
بس من جد لما نتعود ونشتغل كتييييير راح نشوف الـ سم مرة كبيييير ..
أنا برضو حالي زي حال د.مادا ما كنت أزبط الـ incisor مرة حتى ما جبت علامة كويسة
بس الحمدلله على كل حال ..

طبعا يخلونا تقريبا تلاتة أسابيع من بعد محاضرة البراكتيكال وكمان عندنا البيت نتدرب والبريك
وازا مثلا محاضرات فاضيين ..
وبعدها اختبار بـ 5 درجات لـ incisor تقريبا ساعة ونص الاختبار ..

تاني شي أخدنا الــ canine كان حلو برضو والحمدلله كنت أزبطو بس معرف ليش ما يعجب أحد
>_< بس كنت أقنع نفسي انو حلو عشان ما أتحطم واني أقدر أسوي الأفضل انشاالله ^^

والــ canine أختبرنا فيلو الفاينال ومدة الاختبار كانت ساعتين وأختبرناه على طول مباشرة
بعد اختبار الفاينال النظري >> كان من جد يوم متعب ومرهق مرررررة >_<"

هادي بعض الأسنان إلي عملتها في السمستر الأول مو كلها









_________________________________


بالنسبة للترم التاني طبعا زي ما قالت د.نانوكـ waxing up
وزي ما شرح د.مادا ماشاالله بالتفصيل >> بس على فكرة البودرة دي اسمها بلاستر =)
ودا الشغل حلو مررررة وأحسو والله كان مسلي
حتى سويتو بسرعة ماشاالله وخلصتو قبل الكلاس وأنفجعو مني ووريتو د.هناء وقالت ايوة صح مزبوط ..
وكان في وقت وجلست أساعد البنات وأسوي معاهم >> سرت دكتورتهم على غفلة أهاهاهاهاهاهاها

وكدا شكل الآرتيكيولتر مع الخلطة إلي عملناها عالــ مودل حق فك الأسنان




>> أهاهاهاهاهاهاها دا ضفدعي موشي مرررررة أحبو أشتريتو أول ما دخلت طب أسنان
أحب أصورو في كل حاجة

طبعا أول شي عملناهـ الــ upper 1st premolar كان في البداية صعب مررررة
وتعبت كتييييير عشان أتقنو ..
واختبارو سرلي فيلو أكشن وشييييي وحكاااااااية مررررررررررة طويلة أخاف أقولها تطفشو ^^"
لكن حكايتي حكاية وأكشن خاصة في اختبارو ..
طبعا مدة الاختبار كانت برضو ساعة ونص ..

ودا شكل الــ premolar



أهاهااهاهاهااها مشي حالو انشاالله بس يكون واضح لكم ..^^..

طبعا تاني شي عملناه الــ lower second molar وكان شوية معقد وأطول من الــ premolar بس عرفنا تقريبا الطريقة والشغلة بس مو مرة كنت أزبطو
وداااايما كان في أغلاط بس ما كان بيدنا نسوي غير انو نتدرب أكبر قدر ممكن وكل ما لقينا فرصة
نروح المعمل ونتدرب لأنو طبعا هوة إلي راح نختبر عليه في الفاينال وكان عليه 10 درجات
لأنو كمان معها راح نختبر اختبار tooth identification
ومدة دا الاختبار كانت ربع ساعة أو 10 دقايق وعيه 15 درجة
وزي ما شرحلكم د.مادا انو يجيبولنا سنتين وحدة دائمة ووحدة لبنية حقت البزورة
ونكتب هل هية فوق ولا تحت + دائمة أو لبنية + اسمها طبعا
والاختبار دا حلو وراح يخصصولكم أسبوعين يوروكم الأسنان تشوفوها وتتعرفو عليها حتى تقدرو تصوروها عشان تقعدو تطالع فيها ..
فما تشيلو هم من دا

دا شغلي في الــ Molar بس




ودي بعض الصور حقت الأسنان إلي راح تتعرفو عليها








آخر شي حبيت بس أحطلكم صورة الأدوات الأسنانية الجميلة إلي لها الفضل في النحت
والحفر وانها تعطينا ثمرة الشغل إلي نشتغلو بيها ..




وبـــــس كدا

على فكرة
بالنسة لصور حقت الأسنان ولا وحدة فيها حقت اختبار لأني مع الربكة أنسى أصور بعد الاختبار
دي بس بعد ما أخلص من التدريب في البيت أو النص الباقي حق الجامعة ^^

[Dr~NanoOok]

المشاركة الأصلية كتبت بواسطة ريال سعودي شكرا دكتورة نانوك .. لانك اعطيتيني الفرصة اني اذكر قصتي معه التسكين وراح اذكر قصتي باختصار مع بدية السنة التحضيرية وانا حاط في بالي الطب .. لعدة اسباب اولا : طموحي و اهتمامي بالأمور الطبية واي شيء يتعلق بالطب احب اقرا عنه وعندي احساس اني راح تكون لي بصمة كبيرة في هذا المجال ثانيا: لان اختي سبقتني في هذا المجال وكانت تكلمني عنه .. فكان اكثر تخصص عندي علم بيه لكن مع نهاية الترم الأول كنت افكر في الهندسة وطب الأسنان وحتى كنت ادخل منتدى الهندسة واقرأ عن الهندسة الكيميائية .. كان عاجبني هذا التخصص ووظائفه متاحة في ارامكو وسابك لكني بناءً على رغبتي وميولي ادركت انو مجال الهندسة ما راح يناسبني مابقي في الساحة غير طب الأسنان .. لما سألت اختي عنه كانت تمدح فيه ولما قرأت عنه وجدت انو الطب البشري تخصصاته متعددة اما الأسنان مهما تخصصت تبقى في مجال الفم والأسنان وايضا صعب تبدع او تبتكر شيء جديد في الأسنان بس الي كان يعجبني في الأسنان انو تخصص مافيه طوارئ ونسبة الخطأ فيه محدودة لكن بعد الإستخارة ارتحت للطب بعد ما انتهى الترم الثاني .. كان معدلي ولله الحمد مرتفع فما كنت خايف اني ما انقبل في رغبتي الأول حتى اختي في هذي الفترة كانت تعطيني مصطلحات طبية وكانت تحكيني عن الطب وفي اليوم الموعود وفي الساعة المرتقبة نزلت نتيجة التسكين .. والحمد لله انقبلت في رغبتي الأولى وطبعا اختي اول وحدة عرفت عن نتيجة التسكين .. لانها تقدر تدخل الأودس حقي وبعدين بشرت الوالد والوالدة وطبعا طرت من الفرحة .. وعلطول كلمت اصحاب اسألهم عن تسكين والحمد لله اغلبهم دخلو كلية الطب

استمتعت بمشاركتك معانا =)
ماشالله جميل الاهتمام بالأمور الطبية من الصغر.. وباذن الله معلوماتك هذه حتفيدك كثير خلال الدراسة
وباذن الله حيكون لك دور وبصمة في مجال الطب مستقبلا

لحظة معرفتك للنتيجة مافيها اكشنات كثير :p
<< عاد احنا البنات نقلبها دراما وحركات هههههههههههه
الحمدلله انك بشّرت وفرحت أهلك بالخبر .. وعقبال فرحة التخرج إن شاء الله


معليش في نقظة حابة أوضحها

الأسنان مهما تخصصت تبقى في مجال الفم والأسنان وايضا صعب تبدع او تبتكر شيء جديد في الأسنان

كثيرين بيعتقدوا هذا الشي.. وللأمانة انا كنت منهم فعلا
من الأسباب اللي خلتني أتردد في دخول طب الأسنان هو صعوبة تحقيق شي مميز فيه

لكني اكتشف كثيــــــــر من الروائع و الاكتشافات.. الانجازات في مجال الطب وفي مجال الحياة والابداع
أصحابها كانوا أطباء أسنان !

لما بحثت عن الأبحاث والمواضيع في الأسنان.. لقيت الكثير من الأشياء المتعلقة بحياتنا ككل
وليس مقتصرة على الفم والأسنان وبس

اتكلمنا عن هذا الموضوع قبل كده بالمنتدى..
وباذن الله قلت حعمل موضوع يضم أشخاص لهم بصمة وانجازات.. وهم بالأساس أطباء أسنان

وشخصيا.. اتعرفت على كذا شخصية رائعة بكل معنى الكلمة ..
و هم أطباء أسنان ولله الحمد ^_^

[Dr~NanoOok]

أميرة & ران

ولا يهمكم انا بصدد كتابة الرواية.. قصدي الحكاية :p
وححاول أخليها مناسبة.. هي حتكون طويلة لأني ما حبيت أحكي من بداية التحويل بسنة ثانية
لأن بدايتي كانت من سنة أولى.. ولها أكبر الأثر فيّ وحابة أذكرها واتكلم عنها

واعذروني اليوم ما سمكت فيها حاجة ولا كملتها "^^


__________________________________________

كايرا & مادا

ماشالله على الشرح والتفاصيل الدقيقة والصور ^_^
أحلى شي لما تذكروا كل شي.. ولسه يكون الشعور طازة وتتكلموا عنه

معليش أنا ليا سنتين ومشاعري وحماسي عن ثانية تغيرت
بس الذكريات اللي بقيت :p

عشان كده.. حاولوا تكتبوا تجاربكم بعد كل سنة أو شي تمروا فيه على طول .. عشان لا تفقدوا الحماس والشعور وقتها


ومره استمتعت بالصور الحلوة و التفاصيل في كلامك يا كايرا
يعطيكِ الف عـــــــــــــافية والله