⁂✿||تجمع طالبات الانتظام لاستفسارات الحذف والاضافة والجداول -للترم الاول 2014 ||✿⁂

[hana_e19]

سلام
عندي سؤال اقدر اضيف المودرن قبل الكريتسيزيم

لانه المودرن له متطلب الكريتسيزيم ومو راضي ينضاف لي بس انضاف للبنات هذا الترم ماعرف هالشي ممكن يعني

سؤال 2 كم عدد الساعات المواد الحره 6 ساعات ولا 9


شكرااااا

[white rose]

المشاركة الأصلية كتبت بواسطة hana_e19 سلام عندي سؤال اقدر اضيف المودرن قبل الكريتسيزيم لانه المودرن له متطلب الكريتسيزيم ومو راضي ينضاف لي بس انضاف للبنات هذا الترم ماعرف هالشي ممكن يعني سؤال 2 كم عدد الساعات المواد الحره 6 ساعات ولا 9 شكرااااا

وعليكم السلام ورحمة الله وبركاته

حياك الله عزيزتي

ويب تقدرين تضيفينه ولا ابد ما له اي متطلب ليا زميلة درست المودرن قبل الكريتسزم وعاد انضافت معها ودرستها وهيا منتظمة والحين متخرجة البنت عقبالك

احتمال يكون العدد في الشعبة اكتفى وصار فل او عندك تعارض بالوقت مع الشعبة بس ان شاء الله تقدرين تضيفينها من غرفة 119 لمن يبدا الدوام لكم

عدد الساعات الحرة يعتمد على دفعتك بس اذا انتي من دفعة 09 وما بعدها فالمقرر عليك 6 ساعات حرة

والعفو الله يسعدك :-)

[احبك ياربي]

بنات تعرفو اذا اقدر اخذ ماده الشباب وقيم المواطنة ماده حره
مع العلم اني خلصت ماده الاداره العامة اللي كانت تعادلها

[صِبا]

السلام عليكم
شعب المقدمات كلها مقفلة و اساسا قليلة :( راح يوسعوها صح لو طلبنا من السكرتاترية لأن مو معقولة حدرس ترم من دون مواد تخصص ؟

و يعطيكم العافية على تجاوبكم و مساعدتكم <3

[white rose]

المشاركة الأصلية كتبت بواسطة احبك ياربي بنات تعرفو اذا اقدر اخذ ماده الشباب وقيم المواطنة ماده حره مع العلم اني خلصت ماده الاداره العامة اللي كانت تعادلها

حياك اختي

والافضل انك ما تنزليها طالما اتعادلت عندك عشان لا تدخلين في متاهة المعادلة والحرة

نزلي مواد ينصح بها اكثر من المواد الاجبارية زي الشباب وقيم المواطنة وما تكون كمية الحفظ فيها كبيرة وعندك الاقناع يمدحوها كثير والسيرة النبوية وتاريخ الخلفاء الراشدين بالتاريخ كمان يمدحونها

الله يوفقك :-)

المشاركة الأصلية كتبت بواسطة صِبا السلام عليكم شعب المقدمات كلها مقفلة و اساسا قليلة :( راح يوسعوها صح لو طلبنا من السكرتاترية لأن مو معقولة حدرس ترم من دون مواد تخصص ؟ و يعطيكم العافية على تجاوبكم و مساعدتكم <3

وعليكم السلام ورحمة الله وبركاته

أهلا اختي صبا

ويب هالحركة دايم تصير لذلك تلاقين الاغلب يضيفون المواد من اول يوم بالحذف والاضافة وبعدها تتفلل الشعب

وراح تتوسع اكيد بس وقتها حتكون الاضافة من الجامعة واتقفلت من البيت

ولازم توقفين طابور قدام غرفة 119 بعد الرجعة بيوم او يومين في اول اسبوع روحي لهم يوم وضبطي جدولك وبعدها بالاسبوع الثاني بالعادة تبدأ الدراسة والله يسخرهم لكم

يعافيك ربي ويسعدك :-)

[دودو خالة لولو]

مرحبا

انا باقي لي 10 مواد
راح اخذ الترم الاول باذن الله 6

ابلايد مع مآثر
نقد مع نجوى
فكر مع بالميداني
تدريب مع ابرار مجددي
دراما ايمان حمزة
شعر مع ناريمان


المهم// الترم اللي بعدو يبقى لي

مودرن وافكر اخذو مع سوزان او ايمان
و سيمنار مع عزيزة ان شا الله و شكسبير مع رابعة
سنتاكس مع مآثر باذن الله
استفساراتي😊ًً
المواد لو اخذت 6 الترم الاول كثير و الا لا؟؟
و انا ابغى الترم الثاني يكون جدول بس اربعة كورسات // غير كذا كيف التدريب مع ابرار؟؟؟ تنصحوني اخذو معاها؟؟




ارجوووكم جاوبوني

جزاكم الله خير كل الشكر لكم🌹

[_Besh]

بنات ، أنا مستجدة ما أعرف متى نضيف وهل ينزل لنا جدول ونعدل عليه أو احنا نضيف كل موادنا بنفسنا؟ احنا المستجدات لسا ماتخصصنا حتى ايش نسوي ؟

[white rose]

المشاركة الأصلية كتبت بواسطة دودو خالة لولو مرحبا انا باقي لي 10 مواد راح اخذ الترم الاول باذن الله 6 ابلايد مع مآثر نقد مع نجوى فكر مع بالميداني تدريب مع ابرار مجددي دراما ايمان حمزة شعر مع ناريمان المهم// الترم اللي بعدو يبقى لي مودرن وافكر اخذو مع سوزان او ايمان و سيمنار مع عزيزة ان شا الله و شكسبير مع رابعة سنتاكس مع مآثر باذن الله استفساراتي😊ًً المواد لو اخذت 6 الترم الاول كثير و الا لا؟؟ و انا ابغى الترم الثاني يكون جدول بس اربعة كورسات // غير كذا كيف التدريب مع ابرار؟؟؟ تنصحوني اخذو معاها؟؟ ارجوووكم جاوبوني جزاكم الله خير كل الشكر لكم🌹

أهلاً اختي

بالنسبة لجدولك التدريب ما ينزل غير بأخر ترم لك بالجامعة العادة ما ينزلوه بجدولك الا بعد ما يتأكدو انك خريجة وبالنادر ينضاف قبل ويفضل انك تخليه بالاخير

الابلايد + النقد الكورسات تمام بس المواد حفظ × حفظ ودش مو طبيعي وضغط لان حجمها كبير وكل الجهد عليك وصدقيني شد شعر فيحتاج تضيفي معها مادة زي الفكر الفلسفي واحس كافي

وإذا تبغي زيادة ضيفي الشعر لكن فيها شغل عليك لان الكورس سلف استدي ويحتاج بحث بالنت زين وتحضير

واطلعي على رد البنات عن طريقة د.ناريمان : #2 وتكلمو عن مس نجوى والنقد : 12 وايضا عن د. مآثر في الابلايد : 3

واذا تزيدين ترم صيفي وتخلي موادك

ابلايد + نقد+ فكر فلسفي

دراما + سينتاكس +سيمنار + شعر

مودرن + تدريب + مادة حرة ترفع معدلك

والمودرن مع مس سوزان افضل لك وبقية الاختيارات تمام الله يسعدك

بالنسبة لابرار للامانة يمدحوها البنات بموضوع التجارب لكن ما احد افاد عن طريقتها بالتدريب : 17

تقريباً مدحو التدريب مع د. صفاء ومس ليلى هاشم

واستخيري زين والله يوفقك :-)

المشاركة الأصلية كتبت بواسطة _Besh بنات ، أنا مستجدة ما أعرف متى نضيف وهل ينزل لنا جدول ونعدل عليه أو احنا نضيف كل موادنا بنفسنا؟ احنا المستجدات لسا ماتخصصنا حتى ايش نسوي ؟

حياك الله اختي

المفروض الحذف والاضافة يكون بعد اختبار القبول للقسم

واذا عندك اختبار قبول ولسه ما اختبرتي وتبغي تضيفين مواد لجدولك يصير ضيفي مواد عامة لجدولك احتياط

لكن اذا ما عندك اختبار قبول وتخصصتي يصير تنزلي مواد التخصص قراءة 1 وكتابة 1 واستماع وتحدث 1 + ثقافة + التحرير الكتابي

والعادة من اول ما تخصصين انتي تنزلين جدولك بنفسك وخلاص تعتمدي على حالك من اول ما تنزل ايقونة الحذف والاضافة تبداين باضافة المواد لجدولك وحذف اللي ما تناسبك منها

واطلعي على هالموضوع راح يساعدك : ||الطلاب والطالبات المستجدين في قسم اللغات الأوروبية حياكم الله وبياكم ||~

الله يوفقك :-)

[asma’a]

السلام عليكم ورحمة الله وبركاته

انا في المستوى السادس واتبعت الخطه في المواد ونزلت المسرحية وادب القصه ومناهج بحث والصوتيات والنحو والصرف
ضغط ولا كويس؟ لاني مضطره اخذ 6 مواد عشان امشي ع الخطه ومااتاخر فالتخرج ان شاء الله

[white rose]

المشاركة الأصلية كتبت بواسطة asma’a السلام عليكم ورحمة الله وبركاته انا في المستوى السادس واتبعت الخطه في المواد ونزلت المسرحية وادب القصه ومناهج بحث والصوتيات والنحو والصرف ضغط ولا كويس؟ لاني مضطره اخذ 6 مواد عشان امشي ع الخطه ومااتاخر فالتخرج ان شاء الله

وعليكم السلام ورحمة الله وبركاته

حياك الله اختي

المواد كثيرررة عليك وجددددا ضغط الدراما والفكشن لأن في كل مادة تدرسين ثلاث أعمال ادبية وفيها شغل عليك وبحث بالنت وتكاليف غير عن مناهج البحث وعمل البحث

انصحك ما تضغطين حالك وبالتالي لا قدر الله معدلك وفيوز راسك تضرب

نزلي دراما + مناهج بحث + الصوتيات + الصرف + النحو

كذا يعتبر ضغط بس نوعاً ما أخف من ناحية المواد الادبية

وما انصحك ابدا بالجمع بين الدراما والفكشن بترم واحد ونصحتك بالدراما لانها متطلب لشكسبير ويُفضل انك تدرسينها قبل الفكشن

الله يوفقك وييسر لك تخرجك بامتياز :-)