لجميع طلاب وطالبات قسم القانون

[الاحساس]

انا ابغى اعرف شيء واحد ياخوي lawyer
الحين قانونية قالتلك شوفوا حل في بعض دكاترة القسم وايضا نفس الكلام قاله العندليب
تجي وتحط رقم الدكتور
ياعزيزي اتمنى ان تكون قد كلمتك وهي الوقوف بجانب الطالب/الطالبة المحتاج للمساعدة
و اذا كان الكلام من فضة فالسكوت من ذهب (افضل)

قال الشاعر :
لو ناديت لأسمعت حيا ولكن لا حياة لمن تنادي

[tosef]

اول يعطيك العافيه على المجهود الي بتبذلها عشان الطلاب
بس ابغا اسالك متلا لما يكون في دكتور زي
هشام عوض (من بداية المحاضرة الين النهاية وهو يتمسخر على كتاب الدكتور طلعت) كيف تبغا انسان زي هدا يكون متل اصلا حرام فيه كلمة دكتور و غير التعقيد طيب ايش رايك خلا طالب خريج يعيد الترم عشان مادة واحدة هدا تقدر تشوفو معاه حل
عمر الخولي غني عن التعريف ايش شوفتو معاه من حل
زكي شناق الي ختم باقي المنهج 70 صفحة في محاضرة وحدة
انا عندي حل (امسكو اغلب دكاترة القسم علموهم معنا الامانه العلمية وان الظلم ظلمات يوم القيامة والدنيا كما تدين تدان )
واكن في الاخير شي واحد اعرفو ما حيصير شي لسبب

مدام رب البيت بالدف لاهيا قشيم اهل البيت الرقص
طبعا مو كل الدكاترة في دكاترة يحنطو على الجرح يبرا

بس في الاخير ابغا اشوف ايش تقدر تسوي مع هشان عوض ولا الخولي

[إبتسامة جـرح]

السلام عليكم جميعا
ممكن تسمحون لي بدقايق
ابغى اقول كلمة حق من واقع مرير ومن القلب طالعه
(الشرهه ) مو على دكاترة القسم ولا على مدير الجامعه ولا على وزير التعليم
وبرضوه مو على الطلاب اكيد
(الشرهه ) علي انا الي دخلت هذي الجامعه الموقرة اللي من اول يوم فيها وانواع المشاكل والتعقيد
يعني لو الواحد عنده ذرة طموح راحت في خبر كان
يعني بجملة مفيدة ( مقبرة للطموح ) !!
ونقطة ثانية :
انا ماادري دكاترة القسم في غنى عن الدعاء يعني لو واحد فيهم سوى خير وش بينقص منه بالعكس تخيلوا الكم الهائل من دعاوى الطالبات والطلاب لكن .. لاحياة لمن تنادي.!!
-----
طبعا انا اللي شفته لحد الان يكفي و(عواجيز ) القسم مايقصرون كل يوم( يمدوننا بالجميل من الأخبار)
هذا كل اللي عندي ومره حلو الموضوع مع قدوم الاختبارات
والأخ lawyer ان كنت صادقا فجزاك الله منا خيرالجزاء وان كنت غير ذلك فـ ...
تحياتي ..
""" مسمى طالبة قانون """

[الاحساس]

هي جملة واحده اقولها للقسم ولدكاترة القسم جميعا وهي :

































الضرب في الميت حراااااام

[فارس الغربة]

أهليــــــــــــــــــن بالأستاذ الكبير أكاديمي

والله أول ماقرأت مشاركاتك شكيت في شخصك الكريم , وكل ماترد أتأكد أكثر ... عالعموم سرك مدفون في قبر وأمانة في عنق

والله أنا أعتذر لك نيابة عن زملائي وأصالة عن نفسي وأتأسف لك بشدة لردود بعض الطلاب التي تعبر عن مستواهم

وماهي حجة أنهم مظلومين من أعضاء هيئة التدريس .. بالعكس فيه شيء أسمه الصبر والحكمة

لكن الغزو الفكري والتربية " الصالحة " .. أودت بشبابنا للإنحطاط الفكري وللضعف الأخلاقي

(إنما بعثت لأتمم مكارم الأخلاق )

مدري إيش فيهم عالطول ,,,,,, أكشف لنا هويتك ؟!!!

ياعالم ,, الإنسان الطيب هذا جاي يساعد ويتقرب إنسانيا من الطالب بكل مايستطيع
واللي ماعجبه يروح يشوف له موضوع ثاني يرد عليه ...

هو يجتهد ... و انا مؤمن لو أنه كان بيده تغيير القسم للأفضل بسهولة لفعل


ماذا تريدون من معرفة اسمه ؟ أو أين هو ؟ بعيد عن القسم قريب ؟؟ إيش دخلكم

بدل ماتقعدوا يومياً تكتبوا مواضيع ضد القسم وأعضاء هيئة التدريس و سوء الإختبارات وضعف الدرجات وقلة إحترام الدكاترة ......... ومن حين لحين شكوى وبكا .... فاجاء إنسان محب للخير وده يساعدكم ... تقومـوا تعملو حركات الأطفال هذه مع إحترامي لكثير منكم ...

وغير أصلا فيه بعضكم ما شاء الله عليه مايحتاج مساعدة ... بس دلـــ...

فين الطلاب محامو المستقبل الذين لا يوقفهم عن مسيرتهم ظلم المتسلطين ..؟؟!!

إذاً ليه كل واحد فيكم يدرس حقوق ؟؟!!!!

والأكاديمي طريقة وفرصة لإيصال صوتك
بكل مايستطيع .. وضع نفسك في موقفه أكيد بتلاقي مليون سبب لإخفاء هويتك والعمل في صمت أفضل لك وللذين تساعدهم

تخيل لو أنه عرّف عن نفسه وبدأ في إستقبال الشكاوى والإقتراحات من حضراتكم .. هل سيكون مردود المساعدة بنفس الشكل أو القوة إن عمل في السر ..؟؟؟!!! والشاطر يفهمها

عالعموم أنا أوعدكم لمن تدرسون عند أكاديمي راح تمدحونه يشكل غير طبيعي بكل إختصار هو إنسان:
(((((( محب للخير لم يعرفه طلاب القسم بعد )))))))

وسامحنا مررة أخرى يا أستاذي .. وأتمنى منك مواصلة مشوارك في الخير والقافلة تسير


عسى إن شاء الله أكون أحد طلابك يوماً ما .... إن كتب لنا العيش




محبكم / فارس الغربة

[قانونيه]

يلا مازلنا ننتظر بارق أمل لهمومنا ومشاكلنا الي على وشك راح توصل لقضية فلسطين



على وشك يعني لسا ماوصلت بس برضو على وشك

[يتيمه]

جزاكـ الله خير الجزاء

وثبت لكـ الخير والصالح

حابه اتكلم اولا عن رقم الدكتور هشام عوض بجد انا اخذ معه مرفعات وتصحيحوا الله العالم

بس انا فى اخر محاظره قبل الاختبار الدوري دقيت عليه وطلبت رقموا وساعتوا المكتبيه

اعطنى اياه بصدر رحب

وغير ذلك دائما اكلموا فى الساعات المكتبيه حقتوا وربي لامانه يرد علي بكل احترام

وغير كذا رقمو موجود عند كل مشرفه لو كانت مرفعات او تنفيذ

اما مشكلتى اتمن منك طالما بيدك لوشئ بسيط

انا تكلم الدكتور هشام شخصيا وقل له رفقا بنا

الاختبار الدوري الاول جاء قمه فى الصعوبه وطلب سؤال سألنه قبل الاختبار عنه قال ليس بمهم

لننصدم بالدوري بطرحه

اما النصفى فجاء سهل جدا لكن الدرجات كانت سئه

ارجوك امكن انا دخلت متاخر للمنتدى والحين احنا نهاية ترم بس نتطلع فيك الخير الكثير

ولسى امامنا النهائى وربي عايشه برعب مرافعات وخايفه من الرسوب

انا اخذت مع المظفر الذى كان شديد جدا ولم اتصور وجود دكتور اخر مثله

لكن هشام الان هو رعب


وطلب اخير انقل لرئيس القسم طلب وطلب كثير من الطالبات يدرسنا الترم الجاي اجراءت تنفيذ

اتمن منك كل خير

وان شاء الله فيك الخير وزياده

والله يوفق الجميع تقبل اطالتى ..

[ملك]

من المشاكل اللي تواجهنا ان الدكتور لما يمتحنا نصفي يدخل كل اللي أخذنا من الأول معنا ويرهقنا وكأنه ماعندنا الا هي

هذي المادة ..!

طيب يعني بالأخير كذا أو كذا راح نذاكر الكتاب كله ...يخلونا نجمع درجات ونركز عالشي اللي ماختبرنا فيه ..!

والله الاسلوب هذا صار يجيب لي الخوف من الأمتحانات ..

أقسم بالله دخلت الجامعة ماعمري حملت هم قبل أختبار أما الآن يجيبني رعب مو طبيعي وببذل مجهود لكن مافي راحة بال

والتركيز من الخوف مشتت بسبب الدكاترة واللي يسووه فينا ..

يستسهلون المادة اللي يدرسوها لأنهم شاربينها ومايقدرو اننا حديثي عهد بالمادة ويلزمونا بفوق طاقتنا ..

مثلا فيه مادة أختبرناها ودخل الدكتور كل اللي أخذنا وراحوا الطالبات ركزوا على الجزئية اللي ماأختبرنا فيها وكانت

طويلة

طبعا هم متوقعين أنه يجيب معظم الأمتحان منه ..لكن المفاجأة انه فقرة صح وخطأ وحدة جات منه بس والباقي من الجزئية

الأولى اللي ماركزوا عليها البنات أو البعض مافتحها ..فالنتيجة اني دخلت القاعة وشفت بنات قالبين الورقه على ظهرها

وقاعدين مسرحين ..ومسلمين أمرهم لله والأسئلة جدا سهلة ..لكن قليلة قليلة جدا ..وغير متوقعة ..هذا تعجيز

أنا نفسي أفهم شي بس ليه فيه نفسية دكتور أنه يعجز الطلاب ..!

ليه فيه دكاترة مايهمهم داخل الطالب قبل عقله!

ليه مايفكر أنه ممكن يسوي عقدة لطالب ..!

كمان فيه مشكلة كبيرة مرة ..

وهي الصيفي ..الصيفي ألغوه بسبب أن مبنى التلفزيون فيه تعديلات طيب نحنا اش ذنبنا ؟!

هي كلها 8 اسابيع يقدرو يعدلو بعد كذا ..رمضان

فيه بنات خريجات كثيرجدا وكل وحدة تبغا تتخرج ولها ظروف خاصة

اللي تكون متزوجة وزوجها قرفان يبغاها تخلص ..

واللي تبغا تتزوج وتسافر

واللي قرفت وتبغا تخلص ..


وغيره ..!

كمان بالنسبة للأمتحانات التكميلية

لي صديقة ماحضرت امتحان لأنها لخبطت في موعد الأمتحان تحسبه يوم تاني فاضطرت تجيب عذر طبي والدكتور

وافق انه يعملها الأمتحان وكل شي تمام جات اتدخلت وكيلة الكلية ورفضت اختبارها وأصلا اللي سمعناها أنه خلاص

اي اختبار تكميلي يكون بين الطالب والدكتور ومايتدخل فيه احد وهذا كلام سمعنا من فم دكتورة ..

المهم البنت مستواها طيب أعطوها أف طبعا نزل مستواها ولكم تتخيلو لمن انسان طول عمره متفوق ولايرسب ويآخذ أف ظلم

لكن اش نقول حسبنا الله ونعم الوكيل ..وربي عالظالم ..

قالو مستوى الجامعة بين جامعات العالم جدا جدا منخفض ..لكن اذا علم السبب بطل العجب ..!

[.. دينــــا ..]

بصراحة غريب جداً الموقف السيء من البعض
وانا درست عند كل الدكاترة المذكورين بهالموضوع و اشوفهم من افضل دكاترة القسم
الله المستعان ،،


يعني دكاترة ما يساعدوا الطلاب نلومهم على بعدهم عن الطلاب
و أساتذة يقربوا من الطلاب و يحاولوا يخدموا بالمستطاع يلاموا و يطلب منهم المستحيل !


وهل معرفة الاسم تمنح الثقه اكثر فيه ! وبقدرته على حل المشاكل !!
الانسان يشكر على المبادرة وياخذ بيده ليبادر مبادرات اعمق واكثر وينقل له التصور بانه من اجل طلاب يستحقوا الافضل فعلاً
ما يحصل معه كل هذا ولا يتدنى المستوى بالحوار بهذا الشكل !!!

,


تحية ملئها احترام !

[lawyer]

السلام عليكم ورحمة الله وبركاته
تحية للجميع الطلاب
وبعد شكرا على الشكاوى والملاحظات وسوف يتم مناقشة جميع الملاحظات
والشكاوي
بشكل مستمر
مع ادراة القسم
بس ملاحظة
من الافضل بعد الان عند وضع شكوى ان تكتب الشكوى في ملف مرفق( word ) الى رئيس القسم او امين القسم او عميد الكلية
بدون ذكر اسم صاحب الشكوى وانما كتابة مجرد طالب او طالبة فقط
بس الرجاء ان تحتوي الشكوى على اسم المادة والشعبة واسم استاذة المادة مع الموضوعية في عرض المشكلة
حتي يتم النظر في الشكوى بشكل رسمي وعاجل


ملاحظة البعض يتصور
ان كل استاذ مادة ممكن
يتفهم وجهة نظر الاخرين
وان يغير اسلوبه فورا
او ان يقوم القسم بأصدار عقوبة ضد اي استاذ في حالة وجود اي شكوى من احد الطلاب
يامحامين المستقبل
لابد من التأكد من صحة الشكوى والموضوعية مع الاخذ في الاعتبار
انظمة الجامعة والعرف وحل المشكلة بشكل نظامي مع الاخذ في الاعتبار مصلحة الطالب

مثال
احد الطلاب يقول( المشاكل اللي تواجهنا ان الدكتور لما يمتحنا نصفي يدخل كل اللي أخذنا من الأول معنا ويرهقنا وكأنه ماعندنا الا هي

هذي المادة ..!)

بس ياعزيزي الطالب

هل تعتقد ان من المكن التحدث في هذا الموضوع
هذامن خصوصية استاذ المادة ولاتستطيع الادارة مناقشة هذا الموضوع
ولكن يكمن نعتبرها اقتراح ولكن ليس شكوى

ولابد من الجميع
ان يعلم حقيقة وهي ان ليس كل طالب جامعي يستطيع دراسة القانون
وانما فقط الطالب المميز والمجتهد
حيث دراسة القنون صعبة
وهذا النظام في جميع جامعات العالم
بس للاسف ماعدا جامعات السعودية هذا النظام غير مطبق

علي العموم سوف اضع جميع الملاحظة تحت يد ادارة القسم
وانا متاكد من حرص الادارة على مصلحة الطلاب

مع الشكر والتقدير
اكاديمي