محــاضـرات طالبــات خــطه(أ) ,,تحضيــري إداري وإنسـاني.. جمـيع المواد+ جميع الملاحظات

[شمس القوايل]

كيفكم يابنات ان شالله تكونو بخير
حبيت اقولكم عن مادة التحليل الكمي هي صعبه بس حلوه خصوصا انو جاتنا دكتوره عسل وشرحها مره حلو اسمهاسوزان ابو العينين وحلت لنا المسائل وقالت انو في امثله في الكتاب اجاباتها خطا بس الكتاب كلو معانا ومافي شي محذوف والعربي كمان كلو معانا وراح تجي الاسئله اختيارات 50 فقره على كل فقره درجتين فلازم نركز يابنات

[المتفائله2]

ام حصوصي الله يوفقك وامثالك يا رب

[المروج الخضراء]

أم حصوصي ربي يسعدك ويوفقك إنت في أي شعبة

[د.شاردة من شهار]

هلا صبايا

اليوم كان مررررة حلو و سهل

بس انا سالت شعب ثانية عن الحاسب عن اضافة باب خارجي قالوا محد بلغهم ممكن تفيدونا يا بنات

لانو عندنا استاذة تجيب الهم

[شمس القوايل]

انا الي اعرفو عن الحاسب انو لازم نشتري ملزمه من المكتبه فيها مفردات الحاسب والتعليم عن بعد
وراح تكون مذاكرة التعليم عن بعد من الملزمه نفسها

[عاشقة الندى]

السلام عليكم ورحمة الله وبركاته.........
{ بنات لا تعتمدو على النقاط اللي راح اقولها وبس لانو انا بحاول اذكر اكثر شي ركزت عليه يعني لازم تذاكرو كل حاجة لانو مافي شي مضمون واللي حكتبوا مجرد نقل لما ذكرتو الاستاذة باختصار شديد }
محاضرة الثقافة الاسلامية يوم السبت والاثنين..((( باختصار )))
ص 11 الفرق بين الثقافة والحضارة...
ص 79 العلاقة بين توحيد الربوبية وتوحيد الالوهية.. (( هي علاقة منطقية عقلية ))
ممكن تجيب اية وتقول في اي نوع من انواع التوحيد ذكرت ... وكمان انا شفتها ركزت على توحيد الاسماء والصفات..
وركزت كمان على ص93 اخر الصفحة اللي هو الاربع مراتب الاخيرة ..
وقالت انو الركن الاول منها : علم الله سابق وليس سائق..

محاضرة الرياضيات ليوم الاثنين..
طبعا اليوم كملنا كثيرات الحدود واخدنا اللوغاريتم...
الجدول ص 43 خواص اللوغاريتمات احفظيه كويس وممكن تجيب منو صح وخطأ....
باقي المحاضرة كلها طبعا تطبيقات وامثلة وشرح ...


هادا كل شي قدرت اكتبو لكم باختصار ياريت لو في احد تاني يكمل او يعطينا معلومات ...
اعذروني عالاختصار بس الوقت مايسمح....
الله يوفق الجميع يااارب...

[المروج الخضراء]

الله يسعدكم مادة تحليل كمي كل الكتاب والا في شي محدوف

[شمس القوايل]

المشاركة الأصلية كتبت بواسطة المروج الخضراء الله يسعدكم مادة تحليل كمي كل الكتاب والا في شي محدوف

شوفي هذا الرابط فيه مفردات التحليل

http://admission.kau.edu.sa/admissio...es/econ114.pdf

وهذا الرابط تلاقيه فيه مفردات كل المواد
http://admission.kau.edu.sa/content....g=AR&cid=14605

اضغطي على الرمز دبل كليك وبتطلع لك مفردات الماده

[المروج الخضراء]

ربي يوفقك ويسعدك شمس القوايل

[ام حصوصي]

تسلمين عاشقه الله يوفقك..