::] ظهور عَلني [::

[Fatema Alshareef]

بمره امي كانت نايمه بحوش البيت أيام لما كانت الكهرب تطفي عندنا بالديره

سمعت صوت على صلاة الفجر ينادي عليها باسمها ويقولها قومي صلي الفجر ويكرر عليها

صحيت امي والتفتت يمين يسار ممممافيش احدددد..


ويييييه .. شكلو جان ملتزم وكويس



على فكره .. لا تصدقوا اي احد يجي ويقولكم شفتهم .. لأنو من رحمة ربنا انو جعل بأبصارنا
مدى معين للرؤيه لا تتجاوزه العين لذلك لا نراهم على حقيقتهم ..

[* تركي *]

/


- الصقر ، يرمون بالحجارة أوووه هذه صاير شيء عادي والله ، خاصة الفئة الي بالخلا والصحاري ، وش كثرهم على خط الساحل.

،

- هذه قصة ثانية قديمة زمان. يقال أحد المسافرين يوم انه انفرد عن جماعته لجل يقضي حاجته وانزوى عنهم في ليلة مظلمة. وقتها لفت انتباهه نار عظيمة وخيمة على مد البصر ، راح عندها حصل جارية جميلة جالسة فسألها وش لك هنا ؟ قالت له أنا اختطفني عفريت يقال له (ظليم) وحبسني هنا يغيب عني بالليل ويجيني بالنهار. فقال لها الله لا يهينك قومي معي هـ الحين وخل ظليم يسري ، قالت سأهلك و ستهلك أنت بعد فإنه يتبعنا وسيقتلك. فصار يقنعها حتى طلعت معه ع الناقة وسار بها حتى طلع الفجر ، ويوم انه يلتفت ويحصل شخص عظيم مهول رجلاه تخطان في الأرض وجاي من بعيد . قالت له الجارية هذا هو أتانا ، فـ قام الذيبان نزلها من الناقة وخط حولينهم خط وصار يقرأ من آيات القران وتعوذ بالله العظيم. قام ظليم صار يشعّر

يا ذا الذي للموت يدعوه القدر خل عن الحسناء رسلا ثم سر و إن تكن ذا خبرة فينا اصطبر

قام رد عليه ، يا ذا الذي للموت يدعوه الحمق خل عن الحسناء رسلا وانطلق ما أنت في الجن بأول من عشق

وقتها تبدى له العفريت على صورة أسد ، وصاروا يتجاذبون من ابعيد لبعيد ومحدن منهم فاز ، لين يأس العفريت وطفش وراح وهو يتكلم بكلام غير مفهوم . بالنهاية تزوج المسافر ذا الجارية وانتهى كل شيء.






::

[صوت الفجر]

المشاركة الأصلية كتبت بواسطة تـفـاااحـه شافو راس غريبه تطل عليهم الى خلتهم ينقزو من مكانهم ... .

//


آيوهـ بدى الجد
جد فيه ناس تشوف عيال خالي كلهم يشوفون خساره ليتني زيهم

بس سؤال يشوفونهم على هيئة بشر او حيوانات صح ؟؟

عندي قصه اقولهآ ولا لا



..

[الصقر 02]

المشاركة الأصلية كتبت بواسطة صوت الفجر // ماشاء الله الصقر تحت الطلب يرمون حجاره ماشاء الله يعرفون يمزحون طيب محد فيكم صًورهم ابغى اشوف ..

نصوّر الـ

وهو في ذيك اللحظة أحد يتذكر الجوال
لابو التصوير ولابو الجوال كلّــه

للأسف ما قد شفت عشان أصور

أختي " بنت جامعتي " متأكده من كلامك
عمّي يقول شاف [ خيل ] يعني رمى أرنب على أشنابنا

يالربع اليوم الجمعه ويستحب الاكثار من الصلاة على النبي فصلّوا عليه
[ اللهم صلِّ وسلم على نبينا محمد ]

[* تركي *]

المشاركة الأصلية كتبت بواسطة بنت جامعتي بمره امي كانت نايمه بحوش البيت أيام لما كانت الكهرب تطفي عندنا بالديره سمعت صوت على صلاة الفجر ينادي عليها باسمها ويقولها قومي صلي الفجر ويكرر عليها صحيت امي والتفتت يمين يسار ممممافيش احدددد.. ويييييه .. شكلو جان ملتزم وكويس على فكره .. لا تصدقوا اي احد يجي ويقولكم شفتهم .. لأنو من رحمة ربنا انو جعل بأبصارنا مدى معين للرؤيه لا تتجاوزه العين لذلك لا نراهم على حقيقتهم ..

- نَفس القصة صايرة مع أختي. وحتى قريب وفيه حد من يقومها تصلي والله. أنا حصلت لي مرة وحدة بس وكنت متأكد بدون أي تخيلات أو توهم إنه أمي الي صحتني لكن بعد ما سألتها قالت ماجيت عندك أبد !. على فكرة نحنا نشوف صورهم تشكيلاتهم و موب حقيقتهم ، والفئة هذه الي تصحي الناس يسمونها (المُذهِّب) بمعنى خادم العباد ومقصدهم إنهم يبون يخيلون لـ الشخص إنهم صالحين وإنه من كرامتهم التذكير بالصلاة وكذه إلا بالأساس هم شياطين.




::

[تـفـاااحـه]

ايوا راس .. بس ايش الراس دي معرفش ...


^^^
الصراحه ما تنجرات اسال واتعمق بالموضوع كفايه الى سمعتو بالشارع ...

[TURKI ALharbi]

الله يرجك ياتركي جالس اقراء الموضوع
واتفرج ع الاتجاه المعاكس وملزق بالاب
فجاءه والمقطع شغال طلعه شاشه خضراء بالاب
كنت حشرد شويا قمت عدت المقطع وانا اقول يارب تطلع الشاشه الخضراء

[دارس1431]

المشاركة الأصلية كتبت بواسطة * تركي * / - أودي ، لأن المكان ذا بالذات مكشوف ونبي نتبرد . ، - حياك وبياك ياغالينا ، سبحان الله يا دارس بعض الناس ما يصادفون مثل هـ الأمور أبد و ربما انت منهم ، احمد ربك شيء حلو لكن بنفس الوقت رح تفقد متعة الخوف . ، - تفاحة ، قصي علينا خل نتحاكى ::

هلا أخوي تركي ^^

إذا كان فيه ناس مايصادفون إن شاء الله أكون منهم ^^
على طاري نعمان و الدينمو والمويه ^^
عندنا منطقة معروفة بالجن سمعنا عنها أشياء غريبة ونفس المنطقه فيها مقابر لناس من الجماعة رحمة الله عليهم والوادي فيه بيار مجموع (بئر) ^^
المنطقه مخيفه ، أشجار وغرف حجر وطين قديمه جداً ^^
مره أضطرينا نعبي ( اللوايت ) في الليل كنا صغار وقتها ، كان فلم رعب على الهواء مباشرة ^^
ماهو من الجن والله ماشفنا شي ، بس من أنفسنا ومن تخيلاتنا ، أنا وخالي هو نزل في البير وأنا الضحية قاعد فوق ^^
هالمنطقه كانوا في الديرة كل عيد يسوون مسابقة ليلية عبارة عن قطعة قماش لكل متسابق ^^
ويقطع مسافة 5 كيلوا تقريباً طبعاً مشي وفي النهاية يرمي قطعة القماش فوق القبر ^^
الفائز يعطونه جائزة عبارة عن كلمة ( بطل ) ^^
..
ياكثر القصص اللي سمعتها في الديرة لكن الحمد لله مامر علي شي ^^

تحيتي

[* تركي *]

/



- صوت ، نحنا مانقدر نشوفهم على حقيقتهم ولكن نشوف الشيء الي هم يتحولوا عليه. قولي.





::

[تـفـاااحـه]

صوت الفجر قولي يولا ..

الليله دي خاربه خاربه ..