انطباعكم عن اختبار بحوث العمليات pad 351 الفصل الأول جدة لعام 1436 هـ

[صــالــح]

المشاركة الأصلية كتبت بواسطة m7al بالضبط اخوي صالح نفس الطريقة بس احنا بدل القيود حط جدولين مبدئي و أول الجدول الأول موجود فيه اخطاء بالخانات يعني استخرج الخطأ انا يوم شفت السؤال خليته اخر شي حليت المسائل كلها يوم باقي نص ساعة بديت اطقطق عليه يعني بنيت على الجدول المبدئي وعدت الجدول الاول بالحل والحمدلله حليته وشاك في وحده غلط اما الباقي متأكد منه لاني يوم شفت السؤال هنقت وضيعت وتوترة بس الحمدلله روقت وهديت نفسي وحليت طبعا اكثر الطلاب شفتهم متحطمين وحلو اي كلام اللي وراي قام يسب ومنفس شكله جاب العيد لكن الحمدللله مادة ان شاء الله نعديها اللي حل باقي الاسئلة ومتأكد من الحل يجيب 70 بالراحة بالتوفيق وان شاء الله يفرح بالنجاح وبشرني وش باقي لك يمكن اقدر اساعدك وافيدك فيه

إن شاء الله الكل ناجح ..

باقي لي على خير إن شاء الله ، التحليل التنظيمي ، والحكومة الإلكترونية .. !

الله يعيننا على المعركة مع المزجاجي غداً !

[abdullah almalhani]

وجهك ابيض اخي صالح ماسوينا شئ اقل شئ نقدمه لزملائنا الطلاب الله يوفقهم وينجحهم ويسهل اختباراتهم ... آمين ..

[ماهر 111]

سئلة مجموعة أساتذه متمكنين من بحوث العمليات عن السؤال الثالث

أفادو بأن هذا سؤال : للمتخصصين وليس لطلاب الأنتساب ولا لطلاب الأنتظام

[ابومبارك]

الله يبلغكم اولا بما يسركم..
انا عندي استفسار ..
انا نموذج ب ولكن جاني في اتخاذ القرارات ( تكلفة ) وليس عائد كما في نموذج ب المرفق فيه احد يايدنى او انى ضارب وادى ماعندى احد فيه في الاختبار.

[انتساب جده]

لاحول ولاقوة الا بالله

[ابن النفط]

الله يهديك يالادريسي شكلنا ما راح نتخرج ذا الترم
يارب انه ينجحنا لو 60 راضين بس والله انه خلا عندنا تبلد في ذي الماده لدرجة ان الواحد يدخل الاختبار وهو عارف انه راسب

[صــالــح]

المشاركة الأصلية كتبت بواسطة ماهر 111 سئلة مجموعة أساتذه متمكنين من بحوث العمليات عن السؤال الثالث أفادو بأن هذا سؤال : للمتخصصين وليس لطلاب الأنتساب ولا لطلاب الأنتظام

أنا أرسلت الأسئلة لأحد المدرسين ، وقلت حل السؤال الثالث ، ومن البارح وأنا أنتظره ، والظاهر أني أحرجته !

[m7al]

المشاركة الأصلية كتبت بواسطة صــالــح السلام عليكم ، أعتقد بأن الإدريسي نكبنا ! الظاهر أنه شافنا يوم ندرس نفسيته ، وقال خلني أخلف التوقعات !! يا شباب ، السؤال الغريب ذا سمبلكس والا وش بالضبط ! السؤال الثاني في نموذج أ ؟ وبالنسبة للصح والخطأ ، نسخة كربونية من الأسئلة النظرية ( 60 ) سؤال .. وجاب السؤال الشاطح : * بإستخدام طريقة السمبلكس في وضع الربحية فإن الوصول إلى الحل الأمثل يتم عندما تكون جميع عناصر الصف ( رل - مجـ ظ ل ) موجبة ؟ حطيتها صح ، السؤال اللي تناقشنا فيه ، كان سالبة < جوابها خطأ المسائل كانت ع النحو التالي : 1- أتخاذ القرارات ( التشاؤم والتفاؤل إلااااااخ) 2- السمبلكس ( أبو لحسه ) 3- تكلفة الإنحدار لحساب تكلفة الإسراع ( التحليل الشبكي ) الإختبار في مجملة ممتاز لو أننا سلمنا من السمبلكس !!

اخوي صالح انت قلت سؤال حق
بإستخدام طريقة السمبلكس في وضع الربحية فإن الوصول إلى الحل الأمثل يتم عندما تكون جميع عناصر الصف ( رل - مجـ ظ ل ) موجبة ؟ حطيتها صح ،
الجواب خطأ وليس صح
اذا حاط سالبة الاجابة صحيحة
فقط للتنويه لا يكون جبت الطعه ؟
الربحية سالبة
التكلفة موجبة
بالتوفيق

[صــالــح]

المشاركة الأصلية كتبت بواسطة m7al اخوي صالح انت قلت سؤال حق بإستخدام طريقة السمبلكس في وضع الربحية فإن الوصول إلى الحل الأمثل يتم عندما تكون جميع عناصر الصف ( رل - مجـ ظ ل ) موجبة ؟ حطيتها صح ، الجواب خطأ وليس صح اذا حاط سالبة الاجابة صحيحة فقط للتنويه لا يكون جبت الطعه ؟ الربحية سالبة التكلفة موجبة بالتوفيق

أي والله حطيتها صح !

السؤال ماهو من ضمن الأسئلة النظرية المتعارف عليها ، وجمعت كذا سؤال ، 6 أسئلة تقريباً ، وتناقشنا حولها " في تجمعنا للمادة" وجاءت في الأختبار كلها ولله الحمد

وبخصوص السؤال المذكور أعلاه ، عندي علم أنه إذا سالبة خطأ !

ويوم شفته في الأختبار موجبة ، حطيتها صح < تخميناً ولست متأكد ..

أشكرك ع التنويه ، وعلى الأجيال القادمة أخذ الحيطة والحذر ..

ويا أيتها الأجيال القادمة ، لا تستغربون أنه يجيب سمبلكس في المناطق وجدة ورى بعض ..

هذا آخر ما توصلنا إليه من دراسة ، عن نفسية الإدريسي وكيفية التعامل معها ..!

[سعودي توب]

بصراحه الأسئلة مكرره بس إحنا مانذاكر . نجي يوم الاختبار ونقول صعبه .
هو صحيح المدرس سمعته سيئة بس يوم شفت الأسئلة معاده عرفت انه في عقولنا

الله يوفقنا جميعاً وبس هذا افضل شي نقوله