علوم طبية تطبيقية - تغذية اكلينيكية

[همسات البحر]

اخر شي معليه
في مؤتمر حيقام عندكم في جامعة الملك عبدالعزيز يشمل التخصصات الطبية ومن ضمنها تغذية علاجية
هل سمعتوا عنه
لاني حابة احضر
بس ابغى الموضوع علشان اقرأة واعرف طريقة التسجيل

[((المتميزة))]

http://www.skaau.com/vb/showthread.php?t=347339
ممكن يفيدكم الموضوع..

[اللؤلؤه الورديه]

المشاركة الأصلية كتبت بواسطة همسات البحر طيب حجاوبكم ما اعرف اذا ندرس نفس المواد او لا بس اعتقد في فرق انه نحنا ندرسه انجليزي (يمكن حتى انتوا ما اعرف) نحنا سنة اولى تحضيري وبعدين 3 سنين وبعدين السنة الخامسة سنة امتياز بالمستشفى اجباري القسم حلو يمكن احيانا تحسي انك سايرة مهووسة بادق التفاصيل يعني انا من يوم وحدة ماتقول حاجة في الاكل اجلس افتي ومحد يقدر يعارضني لانه عندي حجة وقسمي قسم تغذية ههههه بصراحة نوعا ما قسم بنوتي ولطيف وظريف وسهل ممتع يعني تزاكري وانتي مستمتعه اما عن الوظائف فنحنا بصراحة هادي السنة حتخرج اول دفعة من قسمنا ورئيس قسمنا يقول انه المستشفيات مبسوطة من بنات الدفعة هادي وطالبينهم يشتغلوا قبل مايتخرجوا يعني حاجزينهم طبعا لمن رحنا الترم الاول المستشفى انصدمنا وقررت اغير قسمي بس بعدين جانا دكتور باكستناني قال انا انصحكم انكم تتوظفوا في جدة لانهم راغبين في بنات التغذية كثير ولانهم عندهم شوي اخصائيات ولانه بمكة اصلا القسم دا معدوم مافي ابدا وبيحاولوا يثبتوه كل من تبغى تدخل قسم تغذية اقولها القسم جديد وصح ماله في السعودية مستقبل حاليا بس اعتقد انه كل شي في الحياة بدأ من لا شي واذا مهو موجود فنحنا حنكون اول من يظهر هدا القسم ويجعل له قيمة في عبارة انا دائما اقولها لاهلي لمن يقولوا انه قسمي مو زي الطب اقولهم نحنا لو الناس تسمع كلامنا مايحتاجوا لطبيب ولا شي بس الطبيب مهنته انه يصلح اخطاء البشر والله يوفقني ويوفقكم

اااهاا مرررره شوكرا عالمعلومه

وإسمحيلي أقولك إن ردك لأهلك مررررره عجبني ومررره دخلتي القسم بمزاااجي بزياده وإنشاءالله أنقبل فيلو ومعاكي كمانا
مررره مشكوره قلبو

يسلمو
^^

[miss jodi]

عندي سؤؤؤال بسيط


نظام الدراسه سنوي زي الطــب ؟؟؟

[Sara1993]

انا تسكنت في كلية العلوم الطبيه التطبيقيه و لو كملت في عزوز حتخصص تغذية اكلينيكية بس انا رغبتي الاولى كانت طب بشري وسجلت في ابن سينا بس مني عارفه مره محتاره :( يعني ايش احسن تغذية اكلينيكية بجامعة الملك عبدالعزيز او طب بشري في ابن سينا...

[do0ody-do]

وااااااااااااااااااااااااه وااااااااااااااااااااه وااااااااااااااااااااااااااااااااه ..

كل مين يفتي من كيسه ..

ردود ترفعنا السماء و ردود تنزلنا لسابع ارض .. ندق طيران مع ابليس ..

>> استمتعت جدا بالردود ..

حبيبتي استخيري .. و م يجيلك الا الي الله كاتبه و في موضوع من المواضيع المثبتة اسمه فهرس للاخت وده .. حتلاقي فيه كوووووووووووووووووول الاقسام مكتوب عنها بالشرح المفصصصصصصصصصصصصصصل ..

اقري كدا و مخمخي اتاملي بالسطور .. و ربي يوفقك ..

[» مَــلِـُكَة «]

المشاركة الأصلية كتبت بواسطة ممرضه صدفه انا اللي سمعته واعرفه انه ماله مستقبل

المشاركة الأصلية كتبت بواسطة ممرضه صدفه وبعدين شلون دكتوره ب4 سنوات ؟؟؟؟ حبيبتي ممرضة صدفة , احنا يب مانسير دكتورات , احنا لقبنا الوظيفي اخصآئيات وذا فخر لنآ, الدكاترة نفسهم مايدسوا العلم الي احنا ندرسه وفوق كذا احنا ناخذ الشي الكثير من دراستهم وموادهم ومفروضه علينا لمعرفه طبيعة الامراض , احنا عندنا علم ومعرفة بعلاقة الغذاء والتغذية ( زياده او نقصانً ) بالمرض وكيف ان بعض الامرآض التي يصعب ويستحيل علاجها بالادوية تعالج بنوع معين من التغذية او طعام معين او عشبة طبية معينة التغذيه بعيد عن الطب بالنسبه للاقسام الثانيه بالكليات الصحيه التغذية علم موازي في نظري للطب , لست اقصد بذلك سنين الدراسة والتعب , اقصد الاهمية والفائدة المَروجُة لعلاج الامراض والكثير اختي ممرضة من الامراض لا يتم علاجها ولا يستكمل الا بوجود اخصائية تغذية بجانب الطبيب , اي ان عمل كلآ منهما مكمل للأخر , ولا غنى لنا عن بعضنا وانا اللي اعرفه وشفته بالمستشفى التغذيه هم المسؤلين عن الاكل وتحتاجهم المستشفيات باعداد محدوده انتي عندكِ لَبس اختي بين اخصائية التغذية , وفنية التغذية التي تقوم باعداد الطعام وتقديمه للمرضى وتحتاجهم المستشفيات باعداد محدودة كما قلتي " هم فنيات التغذية - خريجات كلية الاقتصاد المنزلي " لكن اخصآئية التغذية هي المسؤولة عن وصف الانظمة الغذائية الطبية الدقيقة المناسبة للمريض وانا صديقتي تدرس تغذيه وندمانه تقول الدفع اللي قبل مالقوا وظايف يمكن صديقتكِ درست في قسم غذاء وتغذية التابع لكلية الاقتصاد المنزلي , بل ع العكس الكثير من صحباتي في الصيدلة والاسنان ندمانين اشد الندم ع تخصصاتهم وتمنوا لو انهم دخلوا تغذية علاجيةة ( اكلينيكية ) وبس هذا اللي اعرفه وحبيت افيدك

حبيت اصحح لكِ فكرة اخصآئية التغذية لانو دورنا جدا جدا جدا مهم في كل مستشفى وعيادة ومركز حمية , وبغض النظر عن الوظيفة يفيدك بحياتكِ اكثر واكثر و كلامي ذا عن تجربة شخصية

تحيآتيِ لكِ

[» مَــلِـُكَة «]

المشاركة الأصلية كتبت بواسطة sara1993 انا تسكنت في كلية العلوم الطبيه التطبيقيه و لو كملت في عزوز حتخصص تغذية اكلينيكية بس انا رغبتي الاولى كانت طب بشري وسجلت في ابن سينا بس مني عارفه مره محتاره :( يعني ايش احسن تغذية اكلينيكية بجامعة الملك عبدالعزيز او طب بشري في ابن سينا...

صرآحةً من واقع تجربة اختي وانا خريجة دا القسم انصحكِ تدخليه
تخصص ممتع مممتع جداا ويفيدكِ بحياتكِ قبل ما تفكري بالوظيفة
والوظائف الحمد لله مطلوبين فيها
انا اقولكِ رايي افضل تغذية اكلينيكية ,
وكمان استخيري مره واثنين وثلاثة وان شا الله ربي يسهلكِ يَ قلبي

[» مَــلِـُكَة «]

انتوا بديتوها هجوم علينا ونا هنا للدفآع عننآ بما اني خريجة من دا القسم الاكثر من ممتع
ارد عليك اختي وع بقية الاخوات من واقع تجرربة
انا كنت مترددة بين حاسب او غذاء وتغذية في كلية الاقتصاد المنزلي
او رياضيات >> ابد ماكنت صاحيىه يوم حطيته في بالي

واحمد ربي واشكره ليلا ونهارًا انه اختار لي هذا القسم , لانه والله قد جلب عليَ خيرًا كثيرًا << انا والتغذية الاكلينيكية
انا الحين بأخر سنة وهيا سنة الامتياز
التخصص روعه بجميع المقاييس ولله الحمد
اذا قلتي من ناحية الدراسة قممة المتعة والفائده , تستفيدي كل يوم معلومة جديده وترجعي بيتك فرحانة فيها
وتطبقي ع نفسك وع اخوانك حتى امك وابوكِ ,
وتسيري تتفلسفي ع صحباتك وخالتكِ >> بحكم انو محد قدك في الدايت ومعرفة طبيعة العمليات الي بجسمنا

بعكس اغلب التخصصات في الكليات الاخرى جافة ولا فائدة منها الا من الناحية الوظيفية

اذا جيتي للوظيفة , فذا التخصص مطلوب بشكل ررررررهييب في المستشفيات وخلال السنين القادمة
اعتقد انه سيكون شرط من شروط معايير نجاح المستشفى وجود اخصائية تغذية اكلينيكية ( علاجية ) , وفعلا بدأوا بتطبيق بذلك

صحباتي في الدفعات الي قبلنا ماشاء الله 8 منهم ابتعاث , واغلب البقية يشتغلوا , يا في مراكز الحميه
زي Diet Center او عيادات خاصة او مطلوبين في المستشفيات
زي وحده قابلتها شخصيا كانت تشتغل في عيادة خاصة في شارع التحلية للسمنة , بعدها بفتره شفناها في الحرس >> وظيفية حكومية مآشا الله

ذآ دليل كافي ع انو التخصص مطلوب بشكل كبييير في سوق العمل
وفي كثير مستشفيات اعجبت بتقديم بعض طالبات دفعتنا وقالت بإذن لكم مستقبل كبير اذا واصلت بذي الهمة والنشاط

وبالنسبة لدا الرابط الي حطته وحده من الاخوات http://www.skaau.com/vb/showthread.php?t=347339 فذآ الموضوع يخص قسم الغذاء والتغذية التابع لكلية الاقتصاد المنزلي

أخيرا انصحكِ اختي بقراءة الموضوع المطروح في هذا الرابط , نقطة الفرص الوظيفيةِ
الفروقات بين قسم التغذية الإكلينيكية وَ قسم الغذاء والتغذية " مهم للمستجدات " ..
http://www.skaau.com/vb/showthread.p...72050&posted=1

[» مَــلِـُكَة «]

فروته , زينهـ ونحول , احاسيسي مرهفه

أنصحكمِ وبقوهِ تدخلوا دآ القسم واللهِ روعه فوق الروعه , اصلا تدخلي الكلية كأنكِ تدخلي بيتك كأنك بين اهلك واخواتكِ ومن جلسة لجلسه مو من محاضرة لمحاضره ,, يعني اش اكترر من جو عائليي واسري في مكان دراستك ؟؟

والله لمن احكي صحباتي يقوللي حظكم بدكتوراتكمِ ,, ولا تخافوا ولا تقلقوا الوظائف بالهببل وتستنانا بس نتخرج وقبل كل شي الارزاق بيد الله سبحانه وتعالى

احاسيسي مرهفه

بالنسبة للفرق بين علوم طبية قسم تغذية علاجية من جامعة ام القرى
وبين تغذية علاجية من جامعة الملك عبدالعزيز
التغذية الاكلينيكية متطورة بشكل كبير في جامعتنا الملك عبد العزيز الموقرة و خلال دي السنة حتأخذ الاعتماد الاكاديمي الكندي ,

بينما التغذية الي بمكة الي يدرسوهم ( من صحباتي الي حولوا عندنا من مكة ) دكاترتهم يعني خريجين قسم زراعة

ولا عندهم أي خلفية طبية عن الامراض بس يحسبوا سعرات حرارية ويوزعها ع الوجبات ( دولا بنات تغذية مكة وانا قابلتهم بنفسي ويقولوا حظكم بدكاترتكم الفاهمين )

girlksa

الله يوفقكِ يَ يطة وتتخرجي من الثانوي ونشوفكِ بكليتنا وقسمنآ عسوله

Roo7i

للأسف يَ عسوله القسم بس للعلميِ

bayanoo

خطة سنة تانية حتلاقيها في دا الرابط

التِغٌذِية آلعُلآجَيًــة - آلآگليًنيگيهُ- ,, الله

يًحِييًگمٍ ,, ~Rozalinda

http://www.skaau.com/vb/showthread.php?t=238516

ولو تبغي مواد سنة ثالث ورابع قوليلي وانزلها ان شا الله

اللؤلؤه الورديه

في دا الرابط حتلاقي الجوآب بإذن الله
http://www.skaau.com/vb/showthread.php?p=5872050&posted=1

والي حآبه تستفسر اكتر أنآ بالخدمة ..,

تحيآتي لكمِ ,,