هم و أنزآح " البرزنتيشن " نقآش لكسب الخبرات

[بنت السعوديه وبس]

ما شاء الله عليكم مواضيع تجنن
بس احناء الاستاذه حدد من اليونتات قالت وانا ما ني عارفه كيف
ممكن تساعدوني
عندي كم موضوع بس مو داخل مزاجي لان كلامته صعبه

[strawberry18]

نحنا ورطة دكتورتنا ماقالت ولا كلمة شكلها نسيت

شكلي بسوي من الكتاب لاني اخاف اتعب نفسي وفي النهاية تقول من المنهج

بس مني عارفة ايش اسوي

مواضيع الي في الكتاب

advettising (الاعلانات التجارية)

وعن رياضة خطيرة زي mountain climbing و parachuting و skiing و bungee jumping وو .... المهم رياضة صعبة

وعن fraud سواء internet fraud أو contest scam أو medical fraud .... او بالتلفون الناس الي يخدعو باي طريقة
ومدري الباب الرابع يتضمن البريسينتيشن ولا لأ بس موضوعو عن الحشرات

دحين قولولي ايش اعمل مني عارفة الله يوفقكم ساعدوني

[Th4m3r]

نصيحة أختاري الأدفرتايزينق .. الدعايات

[روماوية]

حظكم انتهيتو من قلقو :)
احنا كان المفروض كملنا من السبت اللي راح بس غيرو الدكتورة حقتنا السعودية
وجابو لنا وحدة امريكية وطبعا فرق السماء عن الارض بين دي واللي قبلها من كل النواحي
انا التقديم تبعي جهاز وهو عن ايمنيم المغني الامريكي اللي خايفة منو انو الدكتورة الجديدة دي
احسها حتركز على النطق كثير لاننا لمن بنقراء قطع الكتاب نفسه كل شوي توقفنا وتعدل النطق
على حسب لهجتها هي الامريكية وعاد انتو تعرفو كلامهم سريع وبعرض الحروف ماينطقوها
واضحة في بعض الكلمات زي الحرف v ... عجد قلق دي الادمية الله يستر وبس

وغير كدا اللي قاهرني لازم من مواضيع الكتاب وياريت مواضيع الكتاب عدله
والله لو كان بكيفي كنت اتكلمت عن ايطاليا وكل شي فيها
ان شاء الله الجاي تكون على هوانا المواضيع

..

[ORO]

مشكووووووووووووووور ع الطرح وربي إحنا أنوااااع النكبآآآت..

بس بغيت أسأل كيف الطريقة في الشرح والتكلم ..؟؟
وكيف يسألونكم الطلاب يعني تقولون لهم أي سؤال ولا كيف ؟؟

[Th4m3r]

حياكم نورتو! :)

المشاركة الأصلية كتبت بواسطة ORO مشكووووووووووووووور ع الطرح وربي إحنا أنوااااع النكبآآآت.. بس بغيت أسأل كيف الطريقة في الشرح والتكلم ..؟؟ وكيف يسألونكم الطلاب يعني تقولون لهم أي سؤال ولا كيف ؟؟

تقومي تتكلمي لمدة 5 دقايق و بعدها تقولي any quastion
و يسألوكي الطالبات أو الدكتورة :)

فيه مقاطع في موقع kau-eli.com

حتنفعك

see Ya

[د-فوفه]

لاتخافووووووووو انا متفائله بدا الامتحان خيرررررررررررررر

[..ريما..]

مادري والله محتاره

بس استاذتنا نذله


تقول انا بعدين اعطيك المواضيع

يعني بجد تامر راح تساعدني

والله لادعيك في صلاتي

بس كيف اتواصل معاك ؟

لان هي بعد الحج توزع علينا المواضيع

الله يسعدك ياتامر ويرزقك ببنت الحلال اللي تسعدك دنيا واخره

[الاء اللهيبي]

ريما لو تبغين أنا أساعدكي
ممكن اقابلك في الجامعة اذا كنتي في السيلمانية
بعد الجازة وأساعدكي تحضري البرزنتيشن حقك كلة
لانو انا ما عندي اي صعوبات في العنقلازي

[..ريما..]

المشاركة الأصلية كتبت بواسطة looieeta ريما لو تبغين أنا أساعدكي ممكن اقابلك في الجامعة اذا كنتي في السيلمانية بعد الجازة وأساعدكي تحضري البرزنتيشن حقك كلة لانو انا ما عندي اي صعوبات في العنقلازي

ياعمري فديتك بس انا في فرع البنات

بس ماعندي مانع نتواصل عن طريق الايمل او الجوال


ارسلك ايملي على الخاص اذا كنتي موافقه


الله يسعدك ياعمري ويجزاك ربي كل خير