ما هو رأيكم - قدم لزوجته شهادة الدكتوراه ،،، فطلبت منه الطلاق.

[@إستغفاري سر سعادتي@]

مشكوره أختي القلب المضيء على كلامك الطيب ومشاعرك الجميله صراحه مادري وشلون اعبر عن اللي بداخلي
لكن اللي اشوفه انه انا وانتي من كلية العلوم يعني اكيد راح يكون تفكيرنا واحد او على الأقل قريب من بعض
ولاتخافي الحياة تجارب ومو معناته اذا فشلنا في تجربه هي نهاية الحياة بالعكس انا اشوف انه بداية حياة ومرحله جديده بإذن رب العالمين تكون احسن من اللي قبلها لانه احنا صرنا اكثر خبره وقوه
وبالتوفيق اختي القلب المضئ ادعي لي انجح بإختبار بديل التوفل اللي جاي مع العلم اني ماعمري دخلته ومحتاره ايش اسوي اتمنى تفيديني يااخت القلب المضيئ بما انك من نفس كليتي وتدرسي ماجستير تقدري تقوليلي كيف تم قبولك ومشكوره جزيل الشكر

[TheLady]

انا ماني معاها مرة خصوصاً ان بينهم اطفال
وهو تزوجها قبل حصولها على الشهادة
لكن مستحيل ما يكون الموضوع فيه خبايا !!

والله اعلم

[الإمبراطورة]

إذآ كآنْت هذي وجهة نظرهآ
^
^
«أنا دكتورة وأنت جندي، وبيننا فوارق كثيرة، فطلقني».


فأقول إنو

مآ عندهآ سآلفة..

مو وآفقت عليه منْ البدآية..؟؟
والله تخلّف

[الصادق]

اظن والله اعلم ان فيه مشاكل بينهم زي ماقالو الاخوان واللي زادها يعني ان هي صارت دكتورة وصارت تنظر وتفكر للحياة بشكل ثاني ومختلف واذا صارت بينهم مشكلة على شيئ او موقف هي تتعامل بفكر الدكاترة وهو جندي وله تفكيره المحدود لان هذي بتكون وجهة نظرها انه انا صرت دكتورة وافهم اشياء في الدنيا اكثر منو وهو جندي لم يكمل تعليمه فهي الله يهديها شافت نفسها بالشهادة زي مايقولو الدكتوراه وجاهة اجتماعية فيمكن تستحي من بعض الناس انو كيف هي دكتورة ومتزوجة جندي تشوفها صعبة ارجو ان الخبر اللي قريناه في الجريدة مايكون صحيح وان سبب الطلاق بينهم هو مشاكل زوجية لا تتعلق بمستوى التعليم في كلا الطرفين

وخلاصة القول بأن (الحياة تجارب) والتجارب شهادة الانسان في حياته

[عماد الحسن]

أشكر أخي الصادق والأخت http://www.skaau.com/vb/member.php?u=4894 لردكم على الموضوع

التوفيق من الله وليس بالشهادات أو بالمال ... والله يصلح الحال.

[co3]

اذا كان الموضوع زي ماقاله صاحب المشكله اعتبرها بلغت اقصى درجات النذاله ونكران الجميل ........ماشافته جندي الا لمن خلصت الدكتوراه .......
انا بصراحه مع صاحب المشكله ......لانه في هذا الزمن صعب تلاقي امرأة عندها مسؤوليات بيت وزوج واطفال وتوصل لمرحلة الدكتوراه ...الااذا ساعدها وبعد ماضمنت الشهادة والوظيفة تخلت عنه تحت عذر سخيف جدا

الله يصلح احوال المسلمين

[بنت جدة المنكوبة]

حراااااااام والله مايستاهل
والله لو أحد يجيني زي كدا بدي الطيبة بحطه فوق راسي....نادرا ماتلاقي رجال بدي الطيبة
ربي حيجبلها رجال يبهدلها. .....ربي مايرضى بهاذا الشي

[سيكولوجي]

من وجهة نظري هذه الظاهرة منتشرة للاسف

[هدوء اليل]

انا قريت القصه دي مسكين ضحى بحياته علشانها وفي النهائيه تركته بدال ماسانده وتوقف جبه وتوصله لاعلى المراتب لو انا شفتها قدامي لاعدمتها

[lotysweet]

انا اشوف انه صعب على المرأة ان تحمل لقب مطلقة ووالله اعرف نساء ذايقات المر مع ازواجهم اللي هم اقل منهم مرتبة واصلا مايشتغلون ولا شئ وفوق كذا يضربونهم والمرأة متمسكة بكل هالغلب عشان مايطلق عليها لقب مطلقة
ايضا لاسباب اخرى انه اللي تتطلق من زوجها لاتنتظر احد يقوم فيها حتى اخوانها يكونون مشغلوين بزوجاتهم وبيوتهم وانتو عارفين يعني ايش حرمة بمجتمعنا هذا بدون رجل
ماتقدر تحط خيط بأبرة من دونة فما بالكم بوحدة تجي تطلب الخلع بدون سبب
كذا بس لانها صارت دكتورة ؟؟؟
شئ لايصدق ابدا ولا يدخل العقل واحنا ماعرفنا القصة الا من طرف واحد والمفروض قبل مانقول اي كلمة نتأكد من مصداقيته
اصلا حتى الاهل مايتمنون لبنتهم انها تتطلق مهما وصلت من مناصب
طيب لنقل اهلها طمعانين في فلوس هي وين عقلها ؟؟ كيف ترضى اهلها يخربون بيتها وهي مبسوطة مع زوجها واولادها ؟؟
انا اقول الموضوع فية " إن " ويبيلة نسمع وجهت نظر الطرف الاخر قبل مانحكم على كلام جرائد