>>>> الـحــجـــــامـــة ... بالصور <<<<

[:. مآء السمآء .:]

مشكوره يا روح ع الموضوع المفيد

من زمان أفكر فيها وقريت مره عن مركز طبي يعملها بس ناسيه فين

غير كذا اللي اعرفه انه مو بس في الظهر تتسوى كمان في الراس

قبل فترة شفت خالي حالقين له دويرتين في اسفل راسه زي الدوائر اللي بالظهر

وكمان وحده صحبة اختي اتذكر سوتها وكمان حلقولها دويرتين خخخخخخخخخخ

تخيلي شكلك وانت قرعة ههههههههههههههههههههههه

[ع ـطر]

..

.. جزاك الله خير اختي ..

..

[نسووومة]

يااااااادي الفتاوى اللي عالهواء مباشره

ياحبيبتي مي فور اسلام لاتقولي شي الا وانتي متأكدة منه 100%

الحجامة مرة مافي شي اسمو مو كويسة للنساء بالعكس مرررررة نتايجها فزيعة والله ماما يجوها حالات اللي ماخلفت لها 16 و25 سنة وبعد الحجامة على طول بتخلف ... واللي عندها تساقط بالشعر بيروح واللي عندها آلام ظهر بتخف واللي عندها السكر والضغط بينضبط ... وطبعا بالزااااات الضغط دا على يدي تحسنه بعد الحجامة <<<كانت تشتغل ممرضة في عيادة أمها


وبالنسبة للأولاد يعني بالله تبغوني أعطيكم رقم بابا هنا

إسألوا أي أحد .. وان شاءالله يدلكم على أي مكان ..بس المشكلة ان وزارة الصحة جزاها الله خير مانعه الحجامة ..عشان اتثبتو من فائدتها والناس سابو الأطباء وراحو للحجامة وطبعا خسروا في الأدويه وهم يبغو يبيعو أدويتهم ..

وعلى فكرة أحسن شي انكم سواء بنات أو أولاد

تعملوها عند دكاتره عشان يكونوا على دراية بالجسم وازا داخ الانسان أو شي يقدروا انهم يساعدوه وطبعا يكون فيه كشف قبل الحجامة ....وللعلم ماما وبابا دكاتره يعني اللي يروح عندهم يتطمن ان شاءالله <<<ماتسوي دعاية أبدا

ويا همس الغلا ياقلبي .. عن نفسي عند ماما ماتحلق لهم قرعة وتعمل في الراس وعشان الكاسة حقت الحجامة تثبت تحط لهم عسل ...وعموما مو كل الناس اللي يعملو في الراس بس ناس عندهم أمراض معينة يعملو موضوع الراس دا ....

و أي سؤال تحبوه تحت أمركم ... ^_^

[فااارس]

علشان كذا نسووومة أنا ما طلبت منك شخصياً رقم عيادة الوالد الله يحفظه لأني مقدر موقفك و متفهمه كويس جداً

فقلت خليني أشوف هي من وحدها اذا تقدر و اذا ما في احراج بالنسبة لها راح تقولنا

ع العموم ما قصرتي و افدتينا بمعلومات ممتازة

[فااارس]

في عيادة في التحلية راح لها ناس يقربولي و لما كانوا يستفسروا في الاستقبال عن الحجامة قبل ما يدخلوا ع الدكتور و يسووها قالولهم ممكن اذا دختوا و تعبتوا نجبلكم الشيخ الفلاني و الشيخ الفلاني اسم معروف في علاج السحر و الاشياء ذي و عليه ملاحظات من الدولة و مممنوع من الشغلة ذي و المهم قالولهم انه الشيخ ذا مو متواجد بالعيادة لكن اول ما تتعب نجيبه لك على طول هو في مكان ما جنب العيادة فقريبي قالهم بس الشيخ هذا نعرفه و هو ممنوع من زمان المهم من و من هنا اخرتها مشيوا و ما سووها لانهم خافو منهم و ما ارتاحولهم

عشان كذا انا ابغى مكان مجرب و ثقة

مستحيل أروح لأي مكان من راسي

[أكبر زحمه]

تسلمي قلبي روح ع النقل
الموضوع يبغالوا تفكير
أكبر زحمه

[me 4 islam]

ياحبيبتي مي فور اسلام لاتقولي شي الا وانتي متأكدة منه 100%

والله نسومة انا ما اشكك بكلامك مدري ليه حسيتك معصبه وآسفة اذا فهمتي كلامي
غلط مع انو اخواني الاثنين يتعالجو بيها لليوم
والرسول عليه الصلاة والسلام وصى فيها
وجدا طيبه .. وزي ما نقول مو كل شي بيتسوى..يعني ناس بتفيدهم وناس لأ

مو مسألة متأكدة أو لأ... سمعت من دايه حضرميه
امي تجيبها في البيت انو الحجامه "الرطبه" طيبة لستات
إللي عدو سن اليأس لأن ما بيخرج من جسمهم الدم الفاسد
بعكس الستات والبنات إللي لسه ما تجاوزو سن اليأس ولسى بيخرج من جسمهم الدم الفاسد

.....هذا والله اعلم .....
امي كل بعد فترة تجيب دايه في البيت ما شاء الله عليها ..
تسوي عندها الحجامه" الجافة" وكمان اخواني يجيبو رجال في البيت

:)

[نسووومة]

فااارس

مممممممم والله بابا معروف جداويا وعالميا ويجي في التليفزيون كمان.. اسمو الدكتور ...... الـ ....... <<<<يا شيخه أحلفي

اقولك هوا دحين مسافر

أول مايجي حقول له وأتناقش معاه بالقضية <<<خليتها قضية دحين اذا أذنلي حعطيك رقمه أو اذا يعرف أحد كويس كمان ممكن يدلك عليه حعطيك الرقم او مكان العيادة...

صراحة أنا نفسي أفيدك بس ماني عارفة كيف وشكرا لتفهمك موقفي <<<<وجه محرج جدن جدن ^^


احم

وعلى حكاية اذا داخ يجيبوله شيخ ترى من جد دي نكته قوية ,.. لأن اللي يدوخو بسبب الدم اللي ينزل منهم بالزات ازا كان عندهم فقر دم ودا عادي اول ماياخدو عسل يروح ... واصلا الحجامة تعالج السحر والعين تفتح قرآن أو رقيا للي بتعملها ... وعلطول بتتحسن ماشاءالله <<<مع اني عندي اعتقاد ان كل الحالات دي بتكون حالات نفسية توهمية ...

والحمدلله انك اقاربك خرجو ماكملو وفعلا لازم مكان مضمون ...




مي فور اسلام

لا ياقلبي ماني معصبة بس أنا ماأحب أحد يفتي بدون علم وأدلة

والله يوفقك يارب ويسعدك ...ونصحية لاتخلي أهلك يعملوا الا عند دكاتره ... عشان غير الدكاتره اكترهم سفاحين<<من سفح الدماء ...الا من رحم الله ..

[me 4 islam]

مي فور اسلام لا ياقلبي ماني معصبة بس أنا ماأحب أحد يفتي بدون علم وأدلة والله يوفقك يارب ويسعدك ...ونصحية لاتخلي أهلك يعملوا الا عند دكاتره ... عشان غير الدكاتره اكترهم سفاحين<<من سفح الدماء ...الا من رحم الله ..

حمدلله ياستي منتي معصبه:)


وعلى اخواني هما بيجيبو ادوات الحجامه وكل شي و الرجال الحجام بس يسوها لهم في البيت
وثانكس ع النصيحة
وآمين ع دعائك ...وربي ينولك اللي تتمنيه يارب ويسعدك في حياتك

[فااارس]

مشكورة نسووومة

و شاكر لك حسن الإجابة و حرصك على إفادتي بقدر المستطاع




و بسألك اذا انا ما فهمت غلط .. انتي ما تؤمني بالسحر و الشعوذة؟؟