النتائج والخسائر المادية ..

[شهبندر]

انا اتفق مع اغلب الاراء وبضيف شي ولكن بيزعل شريحه معينه من اخواني واخواتي في المنتدى ولكن بقوله من اول اختبار لي في هالجامعه من سنتين مستحيل ادخل قاعة الاختبار ومايكون مجموعه من اللي حولي متفقين يجون ورا بعض او جنب بعض بيغشون ومعتمدين انها بتظبط معهم او يمر علي واحد وهذولي الاغلبيه يقول اختيارات بحل شختك بختك والقحت معه كم مره ثم يحسب الشي هذا على طول باختصار الاغلبيه ماتذاكر زي الناس ياجماعه لاتنسون احنا انتساب يعني اذا ماظبطت الماده من بدري وذاكرتها ولا احمد ربك على 60 اذا جت واغلب الشريحه اللي تكلمت عنهم هم اللي فالمنتدى شغالين حسبي الله حسبي الله والله اني انقد على الشخص اللي يدخل ويدعي كأن الدنيا بتنتهي حنا كلنا درسنا انتظام قبل كذا مو كنا نبداء السنه ومحاضرات وكويزات وميدتيرم واخر شي فاينال ومع هذا كنا نحمل مواد فكيف الحين وحنا انتساب ولكن اللي حاصل انه الاغلبيه وانا واحد منهم ولكن توي تلاحقت نفسي هالتيرم دفونا بالسنه التحضيريه وانبسطنا وقلنا بس هذي الجامعه ويوم تعمقنا شوي وصار الوضع جد ضاعت العلوم والناس ماتبي تذاكر اقتنعت انه فيه دف وعشوائيه ايش هالكلام الفاضي نسبه كبيره من الشباب وقت الاختبارات يتسدحون في مقاهي جده وانا اولهم :) وكلن شايل معه المذكره يقال انه بيذاكر .. المهم ادري اني طولت بس والله مندبله تسبدي من هاللي يدعون على الدكاتره وعلى الجامعه واقول احمدو ربكم ترى اغلبنا ماكان يحلم بهالفرصه ... تحياتي

[brhom1418]

المشاركة الأصلية كتبت بواسطة فريهيد يعطيك العافيه اختي ع الموضوع المفيد للطلاب والطالبات وأن شاء الله نلقى حلول لهذه المشكله ...................... أنا من وجهه نظري المتواضعه اشوف أن الاسباب مشتركه من الطلاب والدكاتره .. مشكله الطلاب انهم مايذاكرون مذاكره فعليه الا اذا باقي ع الاختبارات اسبوع وبعضهم اذا وصل جده ذاكر زين وظغط نفسه .. مشكله الدكاتره انهم مايراعون الطلاب وخاصه ان بعضهم مرتبط بعمل صعب او عنده أهل أو أو... الخ انا من الناس الي ذاكر اختبار اخلاقيات عمل من الكتاب .. لما اقراء الكتاب يعني افكر وشلون ياتي بالاسئله الماده سهله وممتعه .. وتوقعت لو ماذاكرت بنجح فيها زي المويه .. لكن الدكتور الله يجزاه خير جاء بالاسئله بطرق ثانيه .. وهذه مشكله .. يعني لو احنا انتظام صح يسوي الي يبي لان المنتظم مع الدكتور من بدايه الترم ويعرف طريقه كل دكتور عن طريق الاختبارات الشهريه او اي شئ آخر هذا الي اشووفه من وجهه نظري اتمنى تقبلوها .. وأن نرى حلول لهذه المعظلات .. تحياتي

انا كنت ابقول نفس الموضوع تقريباً وخاصة اخلاقيات العمل تقبلوا تحياتي

[غازي الغربي]

السلام عليكم ورحمة الله وبركاته

بعض الردود تجبرك انك ترد ... مدري هل هي فلسفه ولا ادتهادات وحب برووز

مثل ماقالت او اقرب لما قالت عذاري كل واحد وله ظروووفه

ومن ناحية الي شادين حيلهم بمذاكرة الكتاب وان الملخصات السبب

انا واحد ويمكن الي اختبروو وياي صار لهم نفس المشكله في الترم الحالي في مادة الخدمه المدنيه

الدكتور ع كلامه يقول ذاكروو المقرر الجديد والله لايوريكم شاد حيلي وسهر وتعب واول مرة مااقرب للملخص

قلت شكل الاسئلة طاازة اول مرة بما ان المقرر جديد ووالي صار اولا الاسئلة طبق الاصل بالي قبلها

وثانيا اكثر من سؤال جاء بالاختبار مو موجود بالمقرر الجديد

وبالنسبة للملخصات ولله الحمد انا واحد ماارتاح واغلب موادي الي عديتها من الملخصات سواء من النت او من المكتبات

فالمشكله مو في الملخصات او الكتاب المشكله عامه ومشتركه اما من ناحيه حل وش تحل ووش تخلي

لو تحل مشكلة المذاكرة ماراح تحل مشكلة استهتار الدكاترة والله يشهد ع مااقول

ان اغلب الدرجات اقل من مااستحق بس وش نسوي بااليات الجامعه الغامضة ولا كان هانت علينا المسافه ونراجعهم

في كل ترم لان احس خلاص تعودنا في كل ترم لابد من التسيييس الي حنا فيه

ع العموم الله مايسنى عبده والله يووفقنا ويوفق المسلمين لما يحب ويرضا

وياليت كل واحد شوف مشكلة نفسه ولا يحكم مشكلة غيره

تقبلووو

[رندا2200]

لاتقولوا المذاكرة من الكتب اخ mam انا مااعرف اذاكر الا من الكتب وامتحاناتي الترم هذا ماهو زي ماتوقعت والسبب ان الدكتورات كلما سألتهم عن فقرة وقلت هذي ماهي في المقرر (وخصوصا طبعا اني اكون حافظة الكتاب وعارفة وش فيه وايش مافيه) يقولولي (اولناه في المحازرة) طيب انا ايش ذنبي اذا انا انتساب ومن برى جده وعند ظني اني راح اكون افضل من غيري لاني اعتمدت الكتب وماقصرت بعد بالاطلاع على المخلصات بس للاسف الواحد مااعاد يعرف وش يسوي

[د/كيف]

منا اي بالله منا

لا نذاكر زي الدوافير

ومشاريهنا كبار

ننسى الاختبارات لين تجي

ولاجت قرينا كم ورقه قبل الاختبار

وجبنا 65 والا 70

وقلنا ليش مانجيب في التسعينات ؟؟

وبعض المرات مانفتح الملخص ولا الكتاب

ونتنقد على الدكاترهـ ؟؟

والدكاتره بعد عليهم بعض الامور كان صحيح ان تصحيحهم مزاجي

فهذي مصيبه !!

فالك التوفيق كاتب الموضوع

موضوعك نايس ^_^

تقبل مرووري

[ابونايف؟]

الكلانكتي بدون تشهير ( كشفتك يامريض خوي لاعادها من خوه )

خلني انسى

[شيماء الرياض]

من اللي سمع سلمان العودة يوم يقص قصة الطفلة اللي كانت تدرس هنا بالمملكه وهي من المتفوقات ولما ذهب ابوها بعثة إلى لندن أخذ العائله معه ودرس بنته في مدارسهم وعند الاختبار استدعوا ابوها وقالوله بنتك تغش لا بعد تغش بالحرف الواحد يعني من الكتاب ولما تأكدوا من الموضوع لقوها حافظه الكتاب بالنص والنقاط .! وهذا مشكلة التدريس عندنا لا تفكر لاتخترع لا تعطيني الاجابه بالمضمون ولو تخترع ولا تبدع ياوليلك نسدعي أبوك ونعلمه انك ما تسمع الكلام هههههههههه ومن هذا القبيل , وهم عندهم عطني الاجابه بطريقتك الإبداعيه وليس بالنص ..
ما أدري هل وصلت المعلومة التي جاهدتاً أريد أن أوصلها إليكم ..
الشاهد يمكن جامعتنا الموقرة تركت النهج القديم اللي بالنص وذهبت الى نهج أكاديمي جديد وهو عند الغرب منذ مبطي ..والله أعلم
ترون أتوقع فقط مو تردون الحين كأنني المتحدثة الرسميه بإسم الجامعة .. لأنني أريد أن أبحث عن الحل عشان ما أتحسف إذا تخرجت من الجامعه أقول ياليتني فكرة شوي كان لقيت الحل ومعدلي كذا وكذا ..

[شيماء الرياض]

شي حلو مافية لاموافق للفكرة ولامعارض...!

[%وجهة نظر%]

الله يوفقك اخت شيماء الرياض ونولك مرادك

الموضوع روعه

من رأيي المتواضع اشوف أن المشكله بالكتب ........... قويه شوي .... لا ماهي قويه

شوفي المحاسبه الماليه وكذلك الحكوميه والأقتصاد الجزئي ولايهون المزجاجي وغيره كثير

كتب فبها الحشو وعرض ثقافة المؤلف أكثر من إيصال الفكره بطريقه سهله وسلسه على شان كذا انا أحيانا اتجه للملخصات

ويمكن هذي سلبيه في دراستنا ولكن أحلاهما مر ( الكتب والملخصات )

أنا كانت لي تجربه دراسيه بأحد أقوى الجامعات الأردنيه والله الكتب فيها تفتح النفس والمذاكره منها جدا ممتعه فعلا في ذيك اللحضه تشعر بأنك طالب جامعي ومستواك وطريقة تفكيرك متطور والله لو ماتنجح ترضى على نفسك لتحقيقك شيء من طموحاتك لتثقيف نفسك وتطوير مستواك .
الكتب عندنا يفتح الله إلا من رحم ربي

أخت شيما يمكن شطحت شوي وأكون شوهت موضوعكلكن اعذريني.. هذا اللي عندي وقارصني شوي بالجامعه يمكن أحس اني اكبر منها ............ قويه

.

[%وجهة نظر%]

على فكره أول مشاااااركه

بعد السلام عليكم وتحيه طيبه للأخوان جميعا

.