( جـدة ) . . . وهـل يـخـفـى الـعـفـن؟؟

[Life as Game]

المشاركة الأصلية كتبت بواسطة رغد محمد خلاص انت سن اخلاق القيادة ... وانت عارف من سن سنة حسنة له اجر عليها ... ويا " Life"كل الي قلته على العين والراس وانا مقدرة وضعك واحنا اهل جدة عايشين في نفس الوضع ... والله اننا نعاني ماعاد صرنا نخرج من البيوت من كثر الزحمة والحفريات "كرم الله القُراء "و الحر و.....إلخ عاد السواقة حدث ولا حرج .... والحمد لله على سلامتك ...ووصولك لاهلك بخير وسلامة ... وسامحنا على الضيافة السيئة الي لقيتها من اهل جدة ... لكن حابة اقولك شي ... صح ان السعودية ماهي بلدي الاصلي ... لكن والله اني عشت وتربيت وتعلمت فيهاوتنفست هواها... ولا يمكن استبدلها بأي بلد ثاني ابدا ... جدة مهما كانت عيوبها كثيرة...تبقى في عيني ... "ديرتي "....

اهلا فيك رغد ,,الله يسلمك
انتي صادقة ..اصلا يا كتر غلطاتهم .,.وعادي عندي لو احد يغلط عليا بالسيارة..ويتأسف او حتى ما يطالع فيا ..لانو عارف انو غلط,,
,,بس مو يسبني كأني انا اللي غلطت ؟؟ شي يفقع الموخ قبل القلب ,,
صحيح في ناس غلطوا عليا وتأسفوا ,,او اشر بيدو كأنو يسلم ,,عادي اتقبل ,,وكلنا نغلط وخصوصا ان السواقة صعبة في جدة واحتمال الغلط كبير ,,
بس فيهم,,عنيد ..وقليل ادب ,,حتى حقون الشاحنات ما سلموا منهم ,,
انا ما اتكلم عن اخلاق اهل جدة ..بلعكس احترمهم والله ,,
خصوصا انهم ينقسموا تلاث انواع كول وخدم وصروب

بس اتكلم عن همجية القيادة وفوق كدا ,,الاخلاق المقفلة للسواقين ,,
اما الشباب اللي في الجامعة معانا وهم اكتر ناس اختلطت معاهم من جدة .,,واللهي مالقيت منهم اذى والا حاجة ,,واخلاقهم تمام وناس راقية بحقيقة الكلمة ,,ولا يعني انهم مافيهم الخربان
واما بالنسبة لـ أنك ماراح تستبدلي جدة ,,اكيد ,,
لانها البلد اللي تربيتي وكبرتي فيه ,,وكل الناس كدا ,,
و في ناس احسنوا ضيافتي الله يديهم العافية ,,وفي ناس ادعي عليهم لما اليوم ,,×(
بس مو عشانكم تربيتوا فيها
تهملوها ,وتصير خرابة ..يعني والله اني مقهور عليها ,,
وانقهر زيادة لما اشوف البحر ريحتو ,,
يعني في الترم الاول كنت اروح هناك ,,وماعلينا صحيح في شوية تلوث ,,
بس الترم التاني مرة مرة انقهرت لما حطوا الصرف الصحي مباشرة في البحر ,,قاعد ادعي عليهم ,,
الشعب المرجانية ,,والاسماك والتوازن البيئي في البحر ,,مرة اتهدم..خلاص ماحيرجع
صرت اشم ريحتو حتى لما اكون جاي من بعيد ,,و يتعكر جوي ,,واروح اشوف لي صرفة ,,
وخليج سلمان مرة بعيد
و اقضي يومي في السيارة اتمشى ,,مقفل القزاز ,,
يعني مو عشان اني اطلع عيوب جدة ,,اني اكرهها ,,لكن خلاص التلوث سيطر عليها بالكامل ,,
ما اقول الا الله يعينكم عليها ,.,
واتمنى والله انها ترجع زي زمان ,,و كمان اتمنى يمنعوا العوائل لا يجوا في قسم الشباب اللي عالكورنيش ,,ترى مرة اعصب
واسفين ادا كنت زعلتكم يا حقون جدة ,

[ستأتي أيامي]

المشاركة الأصلية كتبت بواسطة life as game ينقسموا تلاث انواع كول وخدم وصروب ,

إيش معنى خدم وصروب ؟؟؟؟

[ستأتي أيامي]

المشاركة الأصلية كتبت بواسطة فيصل كفاكم تشائما , واحمدوا ربكم على اللي أنتم فيه , ليس هناك تقسيم لأراضيكم لا قدر الله , ليس هناك نهب لحقوقكم الكامله واغتصاب الممتلكات الشخصيه , لستم في نيجيريا , لستم في الصومال .... الامثله كثيره , لماذا تتمنون الافضل , وتنظرون إلى المراتب العليا الدنيويه دائما , الأولى أن ننظر للمراتب العلويه الاخرويه , وهذا ما حثنا عليه ديننا الحنيف . بل على العكس , قد تجدون دول عظمى لديها نواقص واكثر من ما لديكم , وإذا أردتم دليلا على ذلك , فتجولوا في اليابان وبالأخص طوكيو , لن يكلفكم ذلك شيئا , فـ ( الشيخ قوقل ) أصدر لكم خدمه قوقل مابز , كي يقنعكم أنكم لستم الوحيدون الذين تعانون من المشاكل , الناس كلها تعاني , ونحن الذين نشتكي شغل حش في السعوديه لن يجدي نفعا يا أخي العزيز , إذا أردت تغيير الوضع الحالي , لا تكلم الناس اللي زيي وزيك ولا لهم في هذه الامور شيء , كلم من هم مسؤولون عن هذا الأمر المسؤوليه الكامله , وأقدر على هذا التغيير , فإن لم تستطع إقناعهم فالشكوى لله , أقتنع بالموجود يا أخي . سبحان الله , بالفعل ( القناعه كنز لا يفنى )

10\10 ..

لما نجلس نتسخط إيش حنستفيد .. !!

نعيش حياتنا إلين الله يحلها من عنده


تشكراتي الجزيلة ..

[توووbearooيتي]

كلنآ لآدم وآدم من ترآآآآآآآآآآب ,,,,

[Life as Game]

المشاركة الأصلية كتبت بواسطة ستأتي أيامي إيش معنى خدم وصروب ؟؟؟؟

ايش دراني عنكم ..
حقون جدة هم اللي طلعوها على انفسهم ..تجي تسأليني ؟؟
حتى مرة كنت اسولف مع واحد من الشباب ..
يقول ليا مستحيل اي واحد من جدة يخرج عن التلات دي ..
قلت ياهو ..استغفر ,,
طيب اللي مو صربي ولا خدمي ولا كول ايش تسموه ,,
قال دا يكون جامع الصفات كلها ..<<ياهو لا تجنني
قسم الدنيا عندكم معكوسة ..الله يعينكم بس