مالي احد غيركم محتاجه لرايكم

[حلاها زايد]

المشاركة الأصلية كتبت بواسطة بنت حلال ســـــلام الي اعرفه عن وظايف شركة الكهرباء دوامها شفتات وانت تختار الشفت الي يريحك رواتبها مرررره حلوه وفي سكن خاص فيهم وكل شئ ع الشركة وتأمين صحي بصراحه حلوه لرجال نصيحتي عصفور بليد أحسن من عشره ع الشجره خليه يتوكل علي الله وموقف إن شاء الله ودام اخوك مو مهتم مره بدراسته احسن له الوظيفه والله ولد عمي يدرس هندسه كان متفوق بدراسته والحين جايب معدل كلش مو حلو وغير قسمه نصيحتي يتوظف وبعدين ينتسب اي شئ والله يوفقه أنشالله بس لا ينسى خليه يصلى صلاة الاستخاره

يسلمووو ياقلبي ربي يسعدك

[حلاها زايد]

المشاركة الأصلية كتبت بواسطة octper_ ياسبحان الله , كربون ! هههههههههههههه قسم ذكرني بواحد اعرفه والله ياختى مدري عن الكهربا بس ابي اعلق واقول انه الهندسه يبغالها واحد منسجم يعنى صح سهله بس يبغالها التزام ولياقه ذهنيه عاليه طوال الموسم ....قدام في الغريق (المستويات المتقدمه) بتتشابك الامور شوي ويبغاله نفس طويل و اخاف انه الراجل يكون ما له ميول وفي النهاية يتعب لاقدر الله وحتى لو كان لغته جيدة .. المعنى اتمنى انكم تنظرو اول لرغبة اخوك وميوله ؟ عشان لايلوم احد بعدين* 100% عن تجربة شخصيه هههههههه وركعتين استخارة تفيد ولاتضر وبصفة عامه انا اقول الدراسة ثم الشغل ونسئل الله انه يوفقه للاختيار السديد

يمكن هو اخوي اللي تعرفه
وكلامك صح والله يعطيك الف عافيه شكرا اخوي

[حلاها زايد]

المشاركة الأصلية كتبت بواسطة احمد918 اللي فهمته منك انه مايحب المذاكرة كثير وعلشان كذا خليه يدخل شركة الكهرباء وهو مغمض نصيحة اخويه واذا استقر في الشركة يقدر يكمل دراسة بعدين موفقة

يسلمووو اخوي احمد ماقصرت يعطيك العافية

[حلاها زايد]

المشاركة الأصلية كتبت بواسطة انسان حالم هلا بك اختي اول حاجه انا ماشفت ردود البعض ولكن يمكن في ناس ردهم كان شافي وكافي اول حاجه انا موظف ارامكو على المرتبه الثامنه يعني بدون شهاده ونفس حكاية شركة الكهرب..!!! وارامكو ارسلوني لكلية الجبيل لمدة سنه تدريب الكليه وضعها كويس وخصوصا الدكاتره الي فيها وانا اشوف انها سهله جدا جدا جدا بس يبغالها شوي مجهود واهم شئ يتأقلم مع الجو هناك ولاحظي الجو خصوصا جو السكن في الكليه مو اي شخص يقدر سكن فيها..!!! ولكن بالنسبه للكهرب شوفيني موظف وراتبي كويس انا اتوقع ناس معهم بكالوريوس ماحصلوا زي راتبي لكن ايش خلاني ادور دراسه بالجامعه .. عشان اترقى احسن من اني اكون فني ولو مارقوني فصلت ورحت مكان ثاني بشهادتي..!!! ونصيحتي لك كلية الجبيل من التخصصات القويه وهي نظام دبلوم اول ش لما يشد حيله يكمل بكالوريوس وع ماعتقد مكافئاتهم 2500 ريال وكلها 4 سنوات يتعبها ويرتاح العمر كله احسن مايتعب العمر كله..!!! وبالنسبه لي انا والله والله والله والله لو يرجع الزمن ورا شوي اني ماخش ارامكو كان كملت دراستي بتخصص الهندسه الدراسه مافي زيها على الاقل لو الشركه عينوه خارج المدينه الي هو فيها وطفش من المدينه كيف ينقل؟؟؟ ولو دخل الكهرب راح يدرس قرابة سنتين بدون شهاده ولو خش كلية الجبيل سنتين يخلص دبلوم بشهاده ولو ماكمل عندهم بكالوريوس يطلع برا يكمل بكالوريوس رؤساي بالعمل كلهم نظامهم كذا دبلوم الكليه والبكالوريوس من امريكا واحلا وظايف ماسكين وببريطانيا ممكن خلص ماجستيرها بسنه يعني فرص كثيره احسن مايكون مربوط مافي امل لو معه شهاده يفاوضهم ويحطوه فوق روسهم وينقلونه ولو تبين استفسر لك عن الكهرب والكليه اكثر ماعندي مانع لكن انا اقول الشهاده اولا

شكرا اخوي ماقصرت
ويااارب تترقى وتوصل لاعلى المراتب يارب

[حلاها زايد]

المشاركة الأصلية كتبت بواسطة منتسب وللعلم ملتزم أختي إجلسي معاه جلسة صريحة شوفي هواياته مهاراته وأفضل حل أقدمه لك هو نزلي مواضيع ودروس عن الكهرباء وعن الهندسة وخليه يقرأها وهو راح يعرف ميوله فين وفي الأول والأخير رغبته في المكان اللي يرتاح له وخليه يتوكل على الله بالتوفيق وفي ملفين مرفق هدية لأخوك خليه يقرأ زين

مررا شكرررا اخوي منتسب
اخوية قراها وقالي اشكريه كثير يعطيك الف عافيه

[حلاها زايد]

المشاركة الأصلية كتبت بواسطة شــــــوزن ^ ^ لافضّ فوك .. اتوقع ان هذا الحل الانسب لأخيك ياعزيزتي ... هو من سيحدد .. فقط اجعليه يراقب ميوله .. ربما قراءة المعلومات ستساعده كثيراً بالتوفيق ..!!

شكرا ياعيوني ربي يوفقك

[حلاها زايد]

المشاركة الأصلية كتبت بواسطة سومة الصغيرة خليه يكمل الدارسة وترى التخصص حلو والله يعين ويسهل

شكرا ياقلبي

[حلاها زايد]

المشاركة الأصلية كتبت بواسطة wise shark الأخت الكريمة: على ايامنا كانوا يعملوا فرز بمعنى الي شهادته ثانوية قسم علمي او صناعية بيكون فني والي شهادته ادبي او تجاري بيكون اداري وعلى ايامنا قفلوا القسم الاداري بس احب اوضح لك انه توجه الشركة توظييف الفنيين بشكل اكبر واحب اوضح لك بعض النقاط بالنسبة للتدريب المنتهي بالتوظيف 1_المكافأة بتكوون مابين 1800 لي 2000 طول فترة التدريب 2_بيكون له علاج لوحده طول فترة التدريب 3_ممكن تدريبه مايكون بجدة ممكن يكون بقسم التدريب التابع لابها او الشرقية بالخبر او الدمام او الرياض 4_تعيينه يكون بالمنطقة الغربية مو لازم بجدة يعني ممكن مكة جدة رابغ ينبع المدينة 5_في شرط جزائي يمعنى اذا اخوك وافق بالتريب ومثلا عدت سنة وجاء له عرض ثاني وحب يبطل هو ملزم يدفع جميع المبالغ الي دفعتها له الشركة ومايسلموا له اوراقه الرسمية الي وقت مايدفعها وطبعا لازم يكون له كفيل هذا يااختي الي افتكره وربي يعيينك واتمنى قدرت اساعدك على فكرة الاخوان ذكروا حاجة مهمة وهي اذا كان له رغبة بالدراسة او لا فخليه يشوف الأنسب له وربي يوفقه هاذي نبذة على الراتب اذا اتعين إن شاء الله بعد التريب 4200 راتب 500 بدل نقل 1250 بدل سكن مجموعهم 5950 قبل خصم التامينات اما اذا كان عمله يعمل بنظام الورديات فله زيادة 15 % وطبعا حيكون مدة عمله 7 ايام وحيكون راتبه 6580 قبل خصم التامينات وربي يكتب له الخير إن شاء الله

اخوي وعد مني لك دعوه خاصه في سجودي الله يرضى عنك ماقصرت

[إحساس ناجح]

وإذا أخوك يبغى يعرف وين ميوله راح أعطيه إختبار يفيده طوال حياته

[إحساس ناجح]

معادلة مهمة آدم روبنسون

الرغبة + الميول + المهارات + المستقبل = نجاح سهل