معالي الدكتور عذراً لإضهار المخفي..!

بنت عبده · 20-10-2010, 05:34 PM

المشاركة الأصلية كتبت بواسطة الكاتب سمير الغامدي

حاولي أن تعرفي السبب الرئيسي لعلى هناك أمر خاص يتوجب عليك الذهاب للمشرفه ,ومعرفة الاسباب منها شخصياً..

والله ياخوي مافي سبب..بس كل عذرهم انو دفعه2010 أسالتهم كـتيـــــــــره...
تيب في أشياء مانكوون فاهمينها..وش نسووي...وصعب كل تعاملنا عن طريق النت..ومثل ماقلت لك في لاغلبيه ماعندهم نت..ماذانعمل..؟؟؟

دفعة 2008 · 20-10-2010, 08:06 PM

بسم الله الرحمن الرحيم

السلام عليكم ورحمه الله وبركاته وبعد

إلى الكاتب السعودي / سمير الغامدي

أشكرك على طرح مشاكل كلية الاقتصاد المنزلي بالرحاب ،وأنا احد طالباتها ومتحدثه بلسان مجموعه ليست بالقليلة من دفعتي (طالبات المستوى السابع) ولكني أردت أن أقول : انك ممن زاد الطين بله فعذرا أيها الكاتب .
أولا:طرحت المشكلة ووجهت العتاب لعميده الكلية الدكتورة /ثريا العباسي وكأنها المسؤولة الأولى والوحيدة عما يجري. وبدلا من توجيه الشكوى لها أو نصحها تطلب منها التخلي عن منصبها ولم تقدر للحظه مكانتها العلمية والأكاديمية وكأنك تجد البديل لهذا المنصب وتحاول ترشيحه بدلا منها.
ثانيا : تحدثت عن عمليات الترميم والبناء وعدم استكمالها والتأخر في ذلك ولم تلتفت لوضع الكلية قبل هذا الترميم , وبالعامي كان التكييف عطلان في أكثر من نصف القاعات والنص الثاني مافيها لمبات ،دورات المياه بالاسم فقط المويه مقطوعة وإذا رجعت فهي مصدية، الأفران في المعامل ما تشتغل والغاز بالحظ يوم يشتغل وعشره لا ،الدرج بلاط مكسر ومافي مصلى ولمن عملوا مصلى رجعوا هدموه بعدها بفترة ،المكتبة فيها عشرين كتاب ونصها مستعار والباقي صيانة عشان إعادة التغليف و الكفتيريا داخلها بياره آخر النهار تطفح وتعدم الدنيا وتعطر المكان...... الخ.

أما الآن في عمليات ترميم لكن في المقابل في مبنى مكيف تكيف مركزي بالكامل جميع المحاضرات بتعطى داخل هذا المبنى ومتوفر فيه كفتيريا ودورات مياه .

صحيح مافي مصلى ومافي مكتبه لكن شي أحسن من لاشي يعني الوضع الآن أحسن ألف مره من السابق.

النقطة الثالثة: إضافة المواد ،المعروف إن الطالبة تكتب أسماء المواد وتتوجه للمرشدة عشان تنزلها ،يعني المسؤولية على الطالبة ومرشدتها الأكاديمية واجب المرشدة إنها تنزل المواد ،وواجب الطالبة إنها تشوف جدولها في موقع الخدمات أول بأول عشان تتأكد من نزول المواد أو عدم نزولها.

لكن اللي يحصل إهمال بعض المرشدات، وما تنزل المادة وهنا يتوجب على الطالبة التوجه للأستاذة المسؤولة عن تنظيم الجداول وإذا لم تتجاوب ، فالتوجه إلى مكتب دكتورة / إيمان او وكيله الكلية الدكتورة/ أنهار سندي.

أو إهمال الطالبة وما تشوف جدولها وتكتشف في نص الترم إن المادة نازله وهي ما بتحضرها وهذي مشكلتها هي.

موضوع الإضافة بتحصل فيه لخبطه كثير ومشاكل أكثر نتيجة إهمال المرشدات ( مثال / الطالبة أعطت المرشدة جدولها عشان تضيف لها ماده وبعد فتره رجعت الطالبة عشان تشوف ايش صار في جدولها وبكل برود ترد عليها المرشدة وهي بتشرب قهوة ما ادري فين الجدول أنت جبتيه ؟؟؟ خلاص اطبعي واحد ثاني وجيبيه ،وتكتشف الطالبة إن جدولها مرمي في الزبالة بعد مافطرت فوقه المرشدة )

طبعا تغيير الخطط من أكثر أسباب اللخبطة ،وهنا صح بنطالب إن احد يوقف مع الطالبات ويساعدهم.

النقطة الرابعة : الحذف والإضافة في الجامعة .
ينزل الإعلان في موقع الخدمات ،والطلاب بيعرفوا بدون تبليغ. لكن بالنسبة لطالبات الدفعة (2008) فهذي أول سنه نحذف ونضيف من مواقع الخدمات، لذلك حصلت اللخبطة.
وبرضة المشكلة كانت مشكلة المرشدات فهناك مرشدات بلغوا البنات عن طريقه الحذف والإضافة والبنات رتبوا جداولهم بدون أي مشاكل وفي مرشدات كانوا بيردوا ردود تدل على عدم الفهم ،مثل : لا تلعبوا في الموقع , باقي إجازة لا تجوا , سوي إلي تبغي , والله ما اعرف , ... الخ

النقطة الخامسة: نظام الشعب (يعني توزيع الطالبات في مجموعات جديدة غير إلي كانوا فيها )

فتوزيع الطالبات في الشعب على حسب المواد وعددها وترتيبها يعني بيد الطالبة اختيار الشعبة إلا إذا كانت مكتفيه فسيتم تحويلها على شعبه ثانيه.

دفعه 2008 يشتكوا صح ،بس يا أستاذ سمير مو من نظام الشعب لان تفكيرنا اكبر من كذه وأنت بتستهتر بعقولنا بهذا الوصف.

هم يشتكوا من تغيير الخطط المستمر وعدم معادلة المواد,

يشتكوا من تغيير اسم الكلية ( كليه التربية وبعدها كلية العلوم الطبية التطبيقية وبعدها كليه التصاميم والفنون وبعدها كليه الاقتصاد المنزلي )

يعني إحنا نعرف إننا ندرس في كليه لكن كلية إيش ........الله اعلم .

يشتكوا من إنهم مو عارفين المسمى اللي يطلق عليهم بعد التخرج ( فنيه , معلمه , أخصائيه , ...برضه الله أعلم)

النقطة السادسة : سنه وسنه .. يا أستاذ سمير في موقع الخدمات الأكاديمية للطلاب محطوط 8 مستويات يعني بالعقل أربع سنين وهذا الكلام بتأكده وكيلة الكلية أما الإشاعات والكلام الفاضي إلي ينشره البعض فماله أي أساس من الصحة ( ترى بنات الكلية ودفعه 2008 بنات فاهمين ،واعين وعارفين إن هذي آخر سنه لهم
إن شاء الله وما وصل تفكيرهم لهذي الدرجة من الغباء عشان يشكوا إذ هذي آخر سنه والا لا يعني مو من حقك انك توصفنا بهذا الوصف )
رسالتك الموجهة للدكتورة إيمان إسماعيل

الرجاء يا أستاذ سمير تتعلم أساليب النقد قبل كتابة أي رسالة (أنت بتوجه رسالة لشخص متعلم ،مثقف وواعي )

الدكتورة زى مالها سلبيات فلها ايجابيات وعلى قولتهم يد وحده ما تصفق .

الإهمال مشترك بين مرشدات ودكتورات و موظفات في شؤون الطالبات و ...الخ

وللعلم فالدكتورة إيمان أفضل بكثير من رئيسه القسم السابقة والمشهورة بعبارتها المعروفه لأي طالبه (أنا راسي يعورني ماني فاضيه ،دبري نفسك )

أرجو من الكاتب سمير بان ينقل الصورة بشكل صحيح وبأمانه دون أي تحيز مع بعض الأطراف لان ذلك لا يخدم طالبات الكلية بشي إلا إذا كان هدف الكاتب هو تحقيق بعض المصالح الشخصية والتي تظهر في مقاله وهجومه على أشخاص بعينهم.

ام السوس · 21-10-2010, 02:32 AM

المشاركة الأصلية كتبت بواسطة دفعة 2008