ملخص لمادة الاحصاء 111 من مجهودي المتواضع

[مملكه انثى]

يسلمووووو جزاك الله الف خير على الشرح المبسط الله يوفقك ويفرج همك يارب

[فرحة]

المشاركة الأصلية كتبت بواسطة ابوشوق0554 السلام عليكم ورحمة الله وبركاتهاختي صاحبة الطرح اسأل الله تعالى ان يحرم وجهنا عن النار وان يستر عليك ويرزقك بالذريه الصالحهبصراحه شرحك ممتع وسهل وقررت بعد شرحك ان اللغي المدرس الخصوصي لانه صعب علي الماده وبكذا رح نتابع معك لنهاية المنهج وفي النهايه كرمآ لا امرآ الاختيارات على الابواب والمنهج طويل ياليت لو تشد حيلك شوي عشان نلحق نذاكرتحيات ابــــو شــــــــوق

ابو شوق ان شاء الله راح اشد حيلي وراح احل لكم كل الاسئله الي في نهاية كل باب
وهي اسئلة الاختبار الذاتي والتمارن
كل يوم راح امسك باب ان شاء الله وماراح يجي الاربعاء القادم الا واحنا مختمين يعني بتلحق تراجع كمان

[جميلة2010]

الله يسعدك فعلا انجزتي جزاك الله خيرااااااااااااااااا قلبي اشرحي قياس التركز والتشتت للتوزيعات المكانية

[جميلة2010]

ايش معادلة الانحراف ماني فاهمة ربي ينجحك

[فرحة]

المشاركة الأصلية كتبت بواسطة جميلة2010 ايش معادلة الانحراف ماني فاهمة ربي ينجحك

اهلا جميله
انا شرحت كل شي في الباب الثاث خلاص ما باقي شي ما شرحتو بأستثناء المنوال في البيانات المبوبه
و التبارين والانحراف هما الي لسا ما شرحتهم ابغا اشرحهم بس اعطوني فرصه

اما بخصوص طلبك لمعادله الانحراف والتبارين راح اشرحهم بالتفصيل يوم السبت ان شاء الله
مع الباب الرابع والخامس مع بعض كلهم يوم السبت راح اشرحهم

لا تشيلي هم الاحصاء كلو قوانين ونعوض فيها باقي الابواب سهله جدا اسهل من الي راح

[ابو ليونه]

شرح جميل جداً اختي فرحه وجعله الله شاهدا لك ياعزيزتي

في اسئلة الاختبار الذاتي للباب الثالث فيه السؤال الاخير انا طلعت المطلوب لكن اللي وقفلي هي

معامل الااختلاف ياريت بجد بجد وقفلي بنص الحلق

اذا ماعليك امر اشرحي هالنقطه


ربي يسعدك

[فرحة]

المشاركة الأصلية كتبت بواسطة ابو ليونه شرح جميل جداً اختي فرحه وجعله الله شاهدا لك ياعزيزتي في اسئلة الاختبار الذاتي للباب الثالث فيه السؤال الاخير انا طلعت المطلوب لكن اللي وقفلي هي معامل الااختلاف ياريت بجد بجد وقفلي بنص الحلق اذا ماعليك امر اشرحي هالنقطه ربي يسعدك

مجموع اكس = 80
مجموع اكس تربيع = 921.55
m=7.8
n=10





معامل الاختلاف رمزه cv

معامل الاختلاف قلنا الي هو قانونه الانحراف المعياري قسمه وسط حسابي ضرب 100 %

طيب المسأله المعطيات الي فيها حدد الاكس والكس تربيع والوسيط وانا حليت الانحراف المعياري
من هذه المعطيات لان اول فقره انت تقول انك حليتها وهو طالب منك فيها تحديد الانحراف
الانحراف سهل مجرد تكتب قانون الانحراف وتعوض فيه
طلعت النتيجه


s=5.59


اذن الانحراف المعياري معروف عندي طيب كيف اجيب ال الوسط الحسابي
ماهو الوسط الحسابي ؟
هو مجموع القيم قسمة عددهم
عددهم 10 =n
مجموع القيم الي هو اكس = 80
80 ÷ 10 = 8

اذن الوسط الحسابي دحين صار معروف عندي وهو 8

طيب نرجع لقانون معامل الاختلاف
الانحراف المعياري قسمة الوسط الحسابي ضرب 100%
نعوض في القانون
5.59 ÷8 ×100 =69.875

سهله اذا ما كان شرحي واضح ياريت تقولي وراح اعيد شرح تاني

[غوار الطوشي]

يعطيك العافية والله يوفقك
بس انا معاي ملخص ماعندي كتاب ينفع اشوف الطريقة واطبقها على الشرح

[فرحة]

المشاركة الأصلية كتبت بواسطة غوار الطوشي يعطيك العافية والله يوفقك بس انا معاي ملخص ماعندي كتاب ينفع اشوف الطريقة واطبقها على الشرح

اخوي اسفه بس لاء ماينفع لاني احيانا اكتب امثله ويكون فيها جداول او قوانين احتاج انكم تفتحو صفحة معينه عشان تتابعو معايا شرح يعني تطالع في الكتاب في جدول معين وتقرء شرحي
ف الكتاب مهم
انا الكتب وصلتني عن طريق الدي اتش ال اتصلت على مكتبة دار حافظ وارسلولي الكتب بعد ثلاثه ايام
اتصل عليهم وهما يرسلولك الكتاب
026802884

[فرحة]

نكمل شرح للباب الثالث راح اشرح المنوال للبيانات المبوبه



اذكركم بالمنوال ما هو المنوال
هو القيمة الاكثر شيرعا او الاكبر من بين القيم



مثال للمنوال في البيانات الغير مبوبه
قلنا غير مبوبه يعني غير موضوعه بجدول

3 , 4 , 10 , 3 , 11 , 3

حددلولي المنوال هنا
المنوال هو رقم 3 لانه هو الي اتكرر اكثر من غيره


طبعا ماراح اشرح اكثر لاني شرحت كويس المنوال في البيانات الغير مبوبه


لكن الان ابغا اشرح المنوال للبيانات المبوبه اي الموضوعه بجدول


الكتب افتحولي هيا على صفحة 83

مثال رقم 3- 25

احسب المنوال لعدد الساعات الاسبوعيه التي قضاها 33 متطوعا في العمل التطوعي الموضح في الجدول

طبعا ابغاكم تفتحو الكتب عشان تشوفو الجدول لاني اسفه بس المنتدي الجداول الي فيه فيها مشكله بقدر اعمل ادراج جدول
وراسلت مشرفه المنتدي وراجعت الموضوع وارسلت للادراه بس انا خايفه يضيع الوقت عشان كدا معليش افتحو كتبكم والله سهل حشرح وانتو تتابعو معايا





الساعات الاسبوعيه هي فئات
وعدد المتطوعين هو التكرار
لازم مرا تركزو علي كلمة عدد اي شي فيه عدد هو دائما تكرار يعني عدد موظفين هو تكرار عدد اطفال هو تكرار
عشان تفرقو بين التكرار والفئات لان في الاختبارات اسئله مايحدد ايهم فئات وايهم تكرار انتو لازم تكونو عارفين انو التكرار هو عدد المتطوعين
والساعات الاسبوعيه هي الفئات
اتمني تكون وصلت المعلومه





طيب شايفين معايا كل الجدول لونو ازرق الا خانه وحده بس معلمينها بالون الموف
هذه الخانه رقم ثلاثه

موجود بها عدد المتطوعين = 10
والساعات الاسبوعيه كاتبلكم l= -5
ليش يارترا ملون هذه الخانه بلون موف




طيب لو انا قلتلكم حددولي المنوال في هذا الجدول ما هو المنوال هو القيمه الاكبر من بين القيم او الاكثر شيوعا
هنا ماهي القيمه الاكبر
دائما نحدد المنوال في اي جدول من خانه التكرار انتبهو على هذه النقطه من خانه التكرار في البيانات المبوبه نحدد المنوال

لانو عندنا خانه تانيه وهي خانه الفئات هذه ما نحدد منها المنوال
تاني المنوال في البيانات المبوبه يتم تحديده من خانه التكرار التي هي عدد المتطوعين عندي هنا معلمها ليا باللون الموف
لو طالعتو تلاقو فعلا رقم 10 في خانه عدد المتطوعين هو اكبر قيمه اذن على طول هو المنوال




طيب اذا جاكم جدول في الاختبار ونفرض انهم جابو نفس هذا الجدول بالضبط ابغاكم تتبعو معايا الخطوات التاليه لتحديد المنوال





اول شي اذهب لخانه التكرار وراح انبه تاني التكرار هو

عدد

اي شي يعني عدد موظفين عدد مرضي عدد معلمين هكذا اي كلمة عدد هي تكرار والتكرار عندنا هنا عدد المتطوعين

طيب اذهب لخانه عدد المتطوعين التكرار
انظر ماهي القيمه الاكبر من بين القيم وهي 10 اذن هذه هي قيمة المنوال




الان اعمل دائره عليها واعمل دائره على الخانه التي امامها وهي حتكون -5 هما طبعا هنا كاتبين l=-5
لكن الجدول لو جا في الاختبار ماراح يكون مكتوب الا رقم -5 فقط
لانكم انتم الي لازم تحددو قيمه ال l



تاني من اين اجد ال d وهو المنوال
من خانه التكرار وهي عدد المتطوعين انظر واشوف ماهي القيمه الاكبر من بين كل القيم هي 10 اذن حددنا المنوال

طيب ابغا احدد شي اسمو l من فين اجيب ال l الخانه التي امام النوال هي خانه ال l هنا الخانه الي فيها رقم -5 هي حتكون خانه ال l لانها امام ال 10 الي هو المنوال



يارب تكون اتفهمت ووصلت المعلومه


الان ارجعو معايا لل 10 التي هي المنوال
ابغاكم بالقلم تشوفو الرقم الي فوق ال 10 وتحطو عليه دائره الرقم الي فوق العشره هو رقم 9 حطو عليه دائره بالقلم واكتبو عليه دلتاون ودلتا ون رمزشكلو مثلث وتحتو رقم واحد صغير




ارجعو للرقم 10 الي هو المنوال حطولي دارئره ع الرقم الي تحت ال 10 يعني الرقم الي تحت المنوال حطو عليه دائره
الرقم الي تحت العشره هو 7 حطو عليه دائره واكتبو جمبو دلتا تو دلتا تو رمز شكله مثلث وتحته رقم 2





طيب دحين خطوه مره مهمه شايفين جمب الجدول كاتبين دلتا ون ناقص المنوال = 1
يعني دلتا ون = 10 - 9 = 1
طبعا نفسي اكتب دلتا ون بس والله ماني عارفه كيف اكتبها من الكيبورد الله يسعدكم اعذروني لكن هما كاتبينها لكم اصلا جمب الجدول




طيب الان ابغاكم تكبو دلتا تو = 10 الي هو المنوال - 7 الي هو الدلتا تو = 3
دلتا تو = 10 - 7 = 3



ايش معني هذا الكلام معناه اننا حددنا الدلتا ون وهي رقم 9
ولازم اطرح ال دلتا ون من المنوال عشان الناتج حيلزمنا في حل باقي المسأله


الان نطرح دلتا تو من المنوال والناتج راح يلزمنا في حل المسأله شان كدا اعملو في الاختبار زي ماهما عاملين لما تجيبو نواتج دلتاون ودلتاتو على طول اكتبوهم على جمب الجدول





يارب تكون خطوه سهله ومفهومه





الان اكتبولي القانون حق المنوال شايفين تحت الجدول هما كاتبين القانون
كاتبين دي يعني المنوال يساوي ال l +دلتا ون قسمة دلتا ون + دلتاتو ضرب h
عوضولي في القانون


بس احب انبه اول مره احل المساله كتبت اماكن الدلتا ون ودلتا تو ارقام الدلتا ون وهو 9
ورقم دلتا تو وهو 7 هذه الارقام الاصليه يعني كدا حيكون كل الناتج غلط
لازم ننتبه انو اول شي الدلتا ون والدلتا تو الي في القانون يقصدو بيها
الخطوه الي عملناها قبل ما نكتب القانون يقصدو المنوال وهو رقم 10 ناقص ال 9 الي هو الدلتا ون الناتج الي يطلع هو هادا الدلتاون والناتج طلع عندكم رقم 1
اذن لما نعوض في القانون شايفين هما كيف معوضين



تعالو نشوف
كاتب مكان ال l الرقم الي طلعناه من الجدول وهو -5
كاتب 5 موجب بعدين كاتب 1 وهي قيمة دلتا ون قسمة 1 هي قيمة دلتا ون + زائد 3 ضرب 2
من فين جات ال 2 هي عباره عن طول الفئه نجيبها من طرح 11-13 شرحناها قبل كدا
طول الفئه من اخر خانه في الفئات تكون اخر خانه دائما رقمين جمب بعض نطرحهم من بعض وهذا هو طول الفئه
هنا طول الفئه = 13-11 = 2


الناتج هو 5.5



الحمدلله المنوال انتهينا منو