اللي ياخذ مبادئ اداره bus101 مع أ / سمر عناني يدخل بليز ...."

[دربـ وفا ـي]

المشاركة الأصلية كتبت بواسطة naadaa1 هلا وياعمري بسم الله على قلبك لاتنصدمي ولاشي انا كنت اشوف البنات بالكلاس معهم كتب غير وحده اظن لونه كحلي وكم وحده اخضر والباقي مثلي رمادي وبني اخر طبعه اللي هي الثالثه :) بس ماعلقت عليهم الاستاذه وماقالت شي وسالت كذا بنت وش الاختلاف قالت ولاشي كله نفسه بعض بس اللهم الاصدار والغلاف احدث .. واللي كتبتيه من اسماء الفصول هي صحيحه مثل ماعندي بس ولايهمك برجع اتأكد لك اذا صديقاتي معهم نفس كتابك واسالهم لاتشيلي هم اوكي ,, وتسلمين حبيبتي على دعواتك ولكِ بمثلها يارب .. واعذريني مره مشغوله الحين والنت كمان مره سيء عندي :( الحمد الله على كل حال بس مايمديني اشوف لك الملزمه بس بإذن الله اذا قدرت بدخل قريب الفجر واشوف لك الملزمه واتاكد لك منها اوكي قلبي .. يلا مع السلامه واستغفر الله واتوب إليه ..

عســـــــــــــــــــاني مانحرم منك ومن طيب اصلك

حبيبة قلبي .. والله يطمن قلبك زي ماطمنتيني بالفصول

كـــــــــــــــــــــلامك ريحني والله .. الله يريحك

موفـــــــــــــــــــــــقه جبيبتي

وبأنتضارك باي وقت يريحك

[دربـ وفا ـي]

وابيك تقولين اذا في شي محذوف من الفصول المقرره اللي معانا

يعني زي مواضيع او عناوين بسيطه ... او قالت في اشياء غير مهمه << يعيني اشياء زي كذا

واذا قالت شي مهم افيديني .. ربي يسعدك ويحفظك


واعتـــــــــذر لأطالتي وطلباتي اللي ماتخلص

وانتي اخت وعزيزه وماتقصرين .. والله يجعلها لك في موازين حسناتك يارب

والله فــــــــــــــــــرحانه انه ربي رسلك لي الله يوفقك

[دربـ وفا ـي]

استغفر الله واتوب اليه

up

[ام حصوصي]

ايه والله الماده دسمه ومومعقوول كل الفقرات معنا..
الله يسعدك علمينا..
اجمل تحيه

[naadaa1]

ام حصوصي ياقلبي انتي ودربي وفا انا دقيت وسألت وحده من صديقاتي كتابها لونه اخضر مثلكم قالت مافي أي اختلاف كله مثل بعض بس الطبعه والغلاف هم اللي متغيرين لااكثر والمحتوى هو نفسه مثل حقنا يعني لاتشيلون هم اطمنوا..

دربي وفا تسلمين حبيبتي على كلامك ودعواتك الحلوه لكِ بمثلها يارب :)
واصلا ياقلبي يادربي وفا والله بدون ماتقولين بإذن الله راح افيدك واقولك الاشياء المهمه والاضافات واذا في شي محذوف برضوا راح اعلمك يعني اطمني ..

وترى اليوم دخلت بعد صلاه الفجر عشان اشوف لك الملزمه مثل ماوعدتك وبس حملتها فصل النت ,, وحاولت فيه عشان ارجع ارد لك خبر بس للاسف مو راضي يرجع معليش لاتحسبين اني طنشتك والا شي :)

· والملزمه اللي انتي حاطتها هي مثل اللي عندي نفسها بس ماشاء الله ملزمتك تفتح النفس مرتبه انا حقتي حايسه على بعض وكل ورقه بجهه وبخط اليد بعد بس الحمد الله على كل حال :)

ام حصوصي ياقلبي يمكن اللي راح اكتبه الحين يفيدك ويمكن لا لانك انتي للاسف استاذتك غير ومااعرف هي وش قالت لكم واختبارك بعد قبلنا بس برضوا ذاكري وركزي باللي اكتبه وان شاء الله يفيدك ..

الحين بإذن الله بكتب لك الاشياء المهمه بس صبروا علي شويات الله يسعدكم ..

استغفر الله والحمد الله ولا اله الا الله ..

[دربـ وفا ـي]

حبيبة قلبي والله

الله لايحرمك اجر كل حرف كتبتيه

والله فرحــــــــــــــــــــــــــانه .. والله بكل وقت ادعيلك من قلبي .. ماقصرتي

والله كنت مهمـــــــــــــــــــــومه ماأحصل حد معاي ... والكتاب يطلع غير << بس الحمد لله اطمنت الحين الله يطمنك

ويكفي اعطيتيني جزء من وقتك .. والله ماانسى فضلك علي .. ماتتصورين قد ايه كنت انتظر الاقي حد معاي بنفس الماده ومع نفس الأستاذه .. ولله الحمد ربي رسلك لي .. اللهم لك الحمد

الله يوفقك وين ماتروحين .. قولي امين

[دربـ وفا ـي]

ام حصوصي

انا حضرت عند امل دمنهوري اخر محاضره ... واللي قالته كالتالي

قالت امسكوا الملزمه حقتي << اللي بموقعها وشوفوا العناوين الموجوده بالملزمه وذاكروها من الكتاب لأن الملزمه مختصره مره

واللي غير موجود بالملزمه وموجود بالكتاب لاتذاكروه .. يعني اهم شي لاتعتمدي على الملزمه ابد انتبهي

وقالت المقرر عليكم نفس اللي مقرر علينا من ابواب وفصول .. مع الملزمه اللي نزلتها بموضوعي

وبس .. ذا اللي قالته بآخر محاضره لها

[naadaa1]

بسم الله الرحمن الرحيم

الفصل الاول : ماهيه الاداره :

صـ 21 اكتبي بخط يدك ملاحظه عشان تعرفين : [ عمليه الاداره مافي شي اسمه نظام مغلق مستحيل ]

صـ 30 اخر الصفحه ماكتوب رقم 5 – العمل الاداري يختلف عن العمل الفني .... الخ [ يجي سؤال ممكن ماهو الفرق بين العمل الاداري والعمل الفني ؟]

صـ 31 رقم 6- ان العمل الاداري يختلف عن العمل التنفيذي ... الخ [ ممكن يجي سؤال ماهو الفرق بين العمل الاداري والعمل التنفيذي ؟ ]

صـ 38 هل الاداره علم ام فن ؟ وفرقي بين العلم والفن تلقينه بصـ 39 الاجابه : العلم : اذن موضوعي أي لا يتأثر بشخصيه من يقوم بالدراسه والتحليل .

الفن : فهو شخصي أي يتأثر بشخصيه من يقوم بالدراسه والتحليل .<< ترى هذا كله مكتوب بالكتاب بصـ 39

استغفر الله واتوب إليه ..

نجي للفصل الثاني : تطور الفكر الاداري

صـ 45 في الثلاث اسطر الاخير من الصفحه مكتوب هذه الدراسات عرفت فيما بعد

بدراسات الحركه والزمن ... الى كلمه ابو الاداره العمليه << يعني تعرفين ان فريدريك تايلور هو ابو الاداره العمليه.. تابع لهالكلام صـ 46


1- مدرسه الاداره العلمية :اكتبي بخط ايدك فريدريك تايلور من رواد هذه المدرسه وعرف بابو الادارة العمليه .

صـ 46 اعرفي ان مدرسه النظريه الاداريه او مدرسه العمليه الاداريه وعرف ايضاً با ابو الاداره هو هنري فايول << انتبهي في فرق بينها وبين اللي فوقها حقت تايلور ..

تلقين هالكلام بشكل اوضح صـ 48 تحت شوفيه كتبته

2- مدرسه النظريه الاداريه ...بماذا تعرف ؟ تعرف احيانا بمدرسه العمليه الاداريه ومن روادها هنري فايول الذي يعتبره البعض " ابو الاداره " لانه اول من تكلم عن التنظيم

ووضعها في 14 مبدأ كالتخصص وتقسيم العمل ,,, وقسم فايول تنظيم الوظائف المختلفه للمنظمه الى ست من الانشطة الفرعيه وهي .... الخ

صـ49 3- مدرسه العلاقات الانسانيه : اكتبي بخط يدك .. من روادها التون مايو الذي قام بتجارب هوثورن .

صـ 56 فريدريك هيرزبرج والنظريه ذات العنصرين : اعرفي منها وشي العوامل الدافعه + العوامل الواقيه او عوامل الصيانه اعرفي كل وحده وش تمثل + امثلها عليها.

الحمد الله كما ينبغي لجلال وجهك وعظيم سلطانك

الفصل الثالث التخطيط :

طبعا كله معنا بس راح اذكر الاشياء اللي ركزت عليها

صـ 98 رقم 7- ضروره مرونه الخطة لتتمكن من مواجهه .... الخ اكتبي بخط ايدك معنى المرونه عشان تفهمين [ معناها اني اقدر اغيرها في أي لحظه ]

سبحان الله وبحمده سبحان الله العظيم

الفصل الرابع التنظيم :

صـ 122 ثانياً التنظيم غير الرسمي : اعرفي اهم شي ان التنظيم الغير رسمي في الادارة أقوى من التنظيم الرسمي .

صـ 126 الدليل التنظيمي : او الدليل الاداري : هو عكس الخرائط التنظيميه يتميز بالشمول والتفصيل واهم محتويات الدليل هي :
الوظائف ,, السلطه والمسؤوليات الخاصه .... الخ

صـ 138 تفويض السلطة : مفهومه : منح الاخرين الحق في العمل داخل نطاق محدود وبتوجيه ومراقبه دائمتين ممن قام بعملية التفويض والسبب في ذلك هو ان المدير حتى وان فوض .... الخ << تلقين هالكلام ثاني سطر اول الصفحه.

صـ 141 المركزيه واللامركزيه << فرقي بينهم .

صـ 145 المسؤوليه : فرقي بين السلطه والمسؤوليه ؟ شوفي انا كتبت لكِ الفرق عشان ماتتعبين :)
1- السلطه : تعني الحق المعطي للشخص للقيام بعمل معين .
2- اتجاه السلطه : تنساب وتتدفق من اعلى الى اسفل أي من الرئيس الى المرؤوس .
3- السلطه : يمكن تفويضها .

1- المسؤوليه : هي الالتزام الملقى على عاتق الشخص للقيام بالمهام المحدده له باعتباره عضوا في التنظيم , وذلك ان الالتزام هو اساس المسؤوليه .
2- اتجاه المسؤوليه : من اسفل الى اعلى .
3- المسؤوليه / لايمكن تفويضها .

لاحول ولاقوه الا بالله العلي العظيم

شويات واكمل الباقي بإذن الله

[دربـ وفا ـي]

الله يوفقك ويسعدك ربي

معليش اخذت من وقتك الكثير ... بس ربي لايحرمك الأجر

[naadaa1]

الفصل الخامس : التوجيه والقياده والاتصالات :
صـ 164 نظريه هرزبرج للتحفيز : الفروق مهمه :

1- العوامل الدافعه . [ او المحفزه كلها وحده ] اكتبي بخط يدك هي ترتبط بالعمل نفسه مثل : فرص الترقي – الشعور بالمسئوليه – مواجهه التحديات .
2- العوامل الوقائيه : في حاله وجودها يشعر الفرد بالرضا مما يحفز للعمل .

1- العوامل الصحيه : ترتبط بالبيئه المحيطه مثل / العلاقات الشخصية << وهذي تابعه للعوامل الوقائيه .
2- العوامل المحفزه << تابعه للعوامل الدافعه تعرفي اهم شي فيها ان هذي العوامل ترتبط بالعمل وليس بالبيئه المحيطه بالعمل .

صـ 172 الشبكه الاداريه ماهي معنا محذوفه الى صـ 174 .

صـ 175 اللي معنا من كلمه النظريه الموقفيه .... الى صـ 184

استغفر الله واتوب إليه ..




الفصل السادس : الرقابه
صـ 194 من كلمه ولاشك ان هنالك اكثر من اسلوب تصحيحي ..... الى كلمه اجراء عمليات المتابعه بصـ 195 قراءة

صـ 207 ويمكن وصف تصنيف ادوار الرقابه التشغيليه كالتالي : ...... << ماهو مخطط عندي وماادري اذا هو معنا او قراءه

سبحان الله وبحمده سبحان الله العظيم

00000000000000

الفصل السابع عمليه اتخاذ القرارات :
كله معنا مركزت على شي محدد ..

الفصل الثامن ملغي

الفصل التاسع والعاشر والحادي عشر والثاني عشر كلها من الملزمه

الفصل التاسع [ فرقي بين التسويق والبيع]

الفصل الحادي عشر [ فرقي بين اداره الافراد ووظيفه الافراد ] تلقين الفرق في صـ 335 .

صـ 367 التنميه الاداريه : [ فرقي بين التدريب و التتنميه الاداريه ]
الفروق هي :
1- التدريب : يتعامل مع الاحتياجات الحاليه .
2- التدريب : يتعامل عادهً مع متطلبات وظائف محدده
3- التدريب : في جوهره عباره عن تكيف وظيفي .

1- التنميه الاداريه : تتعامل مع الاحتياجات المتوقعه .
2- التنميه الاداريه : تتعامل مع متطلبات تنظيميه او وظائف غير محدده .
3- التنيمه الاداريه : فهي في جوهرها عباره عن تكيف فردي.


انتهى
للمعلوميه : الاشياء اللي كتبتها فوق اغلبها موجود بالكتاب بس اضفت كم شغله هي شرحتها وانا كتبتها معها ..
وكانت الاستاذه تعرض السلايدات تقريبا رؤوس اقلام وحنا نخطط معها بالكتاب العرض + شرحها ..
وفي شغلات بعد ماشرحتها من الفصول ولا عرضتها وقلنا لها عليها قالت كله معكم << واغلب البنات قالوا دامها ماتطرقت لها راح نقراءها بس :)
وبس هذا اللي عندي وحبيت افيدكم فيه واذا احتجتوا شي علموني وماراح ابخل عليكم بإذن الله بشي ,,
اللهم ان اخطأت فمن نفسي والشيطان وإن اصبت فمنك وحدك لاشريك لك , فلك الحمد والشكر ..

وتكفيني دعوه منكم بظهر الغيب الله يحقق مرادي ويفرج همي , ولكم بمثل دعواتكم لي يارب :)



استغفر الله واتوب إليه