اختبار الكيمياء .. ضيااااااااااااااااع..!!

[marwan-help]

الحمد لله على كل حال

انا بصراحه نص الأسئله متأكد من حله ميه ميه

النص الباقي ربعه شاك في الإجابه والربع الثاني شخبط لخبط

وبالتوفيق

[انتقالي]

الله يعين والله اني درست دراسة ماهي صاحيه من الكتاب العربي لان المدرس مايعرف يشرح اسمه اسلام والله يوفق الجميع تبغوا تدخلوا طب ولا هندسه ههههههههههههههههههههههههههه

[Mezoo]

ياحبيبي طب مين وهندسه مين

شكلو كلية علوم البحار

خخخخخخخ

لا امزح

ربي يوفقنا كلنا

[Morouj Q]

من جد أعصابك يا عبد الله

shosho
هدي أعصابك ولا تتنرفزي عشان ناس ما يستاهلو

وإن شاء الله تكوني حليتي كويس في الكيميستري

الله يعيننا عالستاتيستيكس

والأخص والألعن البيولوجي

آميـــــــــــــــــــــــــــــن

[AND..1]

جلست في القاعة ساعتين والاجوبة اللي متأكد منها 4

[NONO_88]

المشاركة الأصلية كتبت بواسطة and..1 جلست في القاعة ساعتين والاجوبة اللي متأكد منها 4

من جد ولأتمزح

[theking]

المشاركة الأصلية كتبت بواسطة AND..1 جلست في القاعة ساعتين والاجوبة اللي متأكد منها 4

والله إنك رايق




أنا جاني نموذج b

بصراحة الأسئله فيها السهل وفيها الصعب وفيها المتوسط


انا من ناحيتي 20 سؤال ضمنتها

والبقية اللي متردد في اجابتها و اللي حاطها تخمين


الله يستر علينا و يوفقنا وندخل الكلية اللي نبغاها



يااااااااااااااااااااااااااااااااااااااااااااااااا ااااااااااااااااارب

وبعد ترى الوقت كان ضيق


يعني الدكتور عطانا الأوراق الساعة 10.15

والساعة 11 يقول باقي نص ساعة

وكل 5 دقائق يقول باقي كذا


عيشنا في حالة رعب بصراحة


من جد ما خلانا نفكر بعدها وانا الساعة 11 في السؤال 24


وبعدها تعفست الأمور في وجهي


واخربتها في الباقي اللي يجي عليها العشره اختارها

[a7la-dodo]

الحمد لله الاختبار كان مررة سهل
ماتوقعت ابدا يكون زي كدا
وبعدين اللي يقول انه الوقت ضيق
انا االحمد لله كفاني الوقت وراجعت الاجوبة كمان
بالرغم من اني كنت مرة خايفة مايكفين
(ماشاء الله تبارك الله)
طريقة سحرية .....
اذا ذاكرتي وتوكلتي على الله ربنا مح يخيب ظنك ابدا ....مجرب
والله يييسر لنا الباقي مذاكرة واختبار

[tahatalal2006]

غريب هو إختبار البنات يفرق عن الأولاد
كل البنات يقولوا الإختبار سهل والأولاد يقولوا ضيااااع

[مجرد شخص]

لا يقال الا الحمد لله الذي لا يحمد بمكروه سواه لا اعلم كم حليت صح وكم حليت خطأ
لكن لا اعتراض على قضاء الله وقدره والحمد لله على كل حال
بالتوفيق للجميع في الاختبارت القادمه